پرنسپل پی جی ایم آئی کا ہسپتال کی فول پروف سیکورٹی کیلئے آئی جی سے فوری اضافی نفری تعینات کرنے کا مطالبہ 
عملے اور مریضوں کا تحفظ یقینی بنائیں گے،نظم و نسق میں کسی کو خلل ڈالنے کی اجازت نہیں ہوگی: پروفیسر الفرید ظفر

پرنسپل پوسٹ گریجویٹ میڈیکل انسٹی ٹیوٹ پروفیسر ڈاکٹر سردار محمد الفرید ظفر نے سوموار اور منگل کی درمیانی شب جنرل ہسپتال کی حدود میں فائرنگ اور ایمرجنسی میں دو گروپس کے درمیان جھگڑے  پر تشویش کا اظہار کرتے ہوئے پولیس کے اعلیٰ حکام سے کہا ہے کہ جنرل ہسپتال کی سکیورٹی کے فول پروف انتظامات کیے جائیں اور عملے و مریضوں کے تحفظ کو ہر صورت یقینی بنانے کے لئے ترجیحی بنیادوں پر اضافی نفری تعینات کی جائے۔تفصیلات کے مطابق یہ دونوں گروپس کا تھانہ لیاقت آباد کی حدود میں جھگڑے کے بعد طبی امداد اور ایم ایل سی کے لئے ہسپتال آئے تھے جہاں ایک دوسرے کو دیکھ کر دوبارہ انہوں نے اشتعال انگیزی کا مظاہرہ کیا اور مارپیٹ کے بعد نوبت فائرنگ تک پہنچ گئی جس سے ہسپتال میں خوف و ہراس پھیل گیا۔

پرنسپل پی جی ایم آئی پروفیسر ڈاکٹر سردار محمد الفرید ظفر نے میڈیکل سپرنٹنڈنٹ جنرل ہسپتال کو بھی ہدایت کی کہ وہ ہسپتال میں غنڈہ گردی کے مرتکب اور قانون کو اپنے ہاتھ میں لینے والے عناصر کے خلاف فی الفور مقدمہ درج کروائیں تاکہ آئندہ ہسپتال کی حدود میں فائرنگ جیسا واقعہ رونما نہ ہو سکے۔ان کا مزید کہنا تھا کہ ہسپتال میں بڑھتے ہوئے لڑائی جھگڑے کے واقعات نے نہ صرف ڈاکٹرز،پیرا میڈیکس کو تشویش میں مبتلا کر دیا ہے بلکہ مریض اور ان کے لواحقین بھی خوفزدہ ہوتے ہیں جو انتہائی باعث تشویش امر ہے۔پروفیسر الفرید ظفر نے لوگوں سے بھی اپیل کی کہ وہ اپنے معاملات و جھگڑے ہسپتال کے باہر نمٹائیں اور ہسپتال کا نظم و نسق خراب نہ کریں۔انہوں نے آئی جی پنجاب اور سی سی پی او سے مطالبہ کیا کہ اس واقعہ میں عناصر کے خلاف فی الفور گرفتار کر کے قانون کے مطابق کاروائی عمل میں لائی جائے اور آئندہ کے لئے ایسے واقعات کی روک تھام کی جائے۔ 

پولیس تھانہ کوٹ لکھپت نے محمد فیصل شوکت کی درخواست پر مقدمہ نمبر 2800/20درج کر کے تفتیش شروع کر دی۔ ایف آئی آر کے مطابق شیرا بھٹی گروپ کی فائرنگ سے مدعی کا بھائی ندیم نامی شخص زخمی ہو گیا اور ملک واصف کا فائر 1122کی گاڑی کو لگا۔ مقدمے میں محمد فیصل شوکت نے کہا کہ شہباز نے بھی فائرنگ کی اور دھمکیاں دیتے ہوئے دیگر ساتھیوں کے ساتھ فرار ہوگئے۔پولیس نے ملزمان کے خلاف مقدمہ درج کر لیا ہے۔

گرفتار ملزم شوکت جٹ کے خلاف ایک درجن سے زائد ایف آئی درج ہیں ۔سرگرم بھتہ خور شوکت جٹ کو پولیس گزشتہ دو سال سے تلاش کر رہی تھی ۔
لینڈ گریبر شوکت جٹ بن قاسم ٹاءو ن میں خوف کی علامت سمجھا جاتا تھا ۔شوکت جٹ کی گرفتاری سے علاقہ مکینوں میں سکون کی لہر دوڑ گئی ۔
بن قاسم ٹاءون کے ایس ایچ او کی کامیاب کاروائی پر اہل علاقہ کا اظہار تشکر ۔

کراچی (24نومبر2020) کراچی کے علاقے ضلع ملیر بن قاسم ٹاءون تھانے کی بڑی کاروائی، ضلع ملیر کا بدنام زمانہ لینڈ گریبر و بھتہ مافیا کا سرغنہ شوکت جٹ گرفتار، ملزم شوکت جٹ پولیس کو کئی کیسز میں مطلوب تھا، ملزم شاہ ٹاءون اور پپری سمیت مختلف علاقوں میں پلاٹوں پر قبضے اور لوگوں کو ڈرایا ڈھمکایا کرتا تھا، شوکت جٹ اور اس کے ساتھیوں کے خلاف کراچی کے مختلف تھانوں میں ایف آئی درج ہیں ، تفصیلات کے مطابق بن قاسم ٹاءون تھانے کی ایس ایچ ا و نے اپنی ٹیم کے ہمراہ کامیاب کاروائی کرتے ہوئے لینڈ گریبر ، بھتہ خوری ،منشیات فروشی، اور اغواء برائے تاوان کے سلسلے میں ملیر پولیس کے مختلف تھانوں کو دوسال سے مطلوب ملزم شوکت جٹ کو گرفتار کیا، تفصیلات کے مطابق شوکت جٹ اور اس کے ساتھیوں کے خلاف کراچی کے مختلف تھانوں میں ایک درجن سے زائد ایف آئی آر درج ہیں ، ملز م شوکت جٹ پپری ، شاہ ٹاءون ، بن قاسم ٹاءون اور دیگر علاقوں میں منشیات فروشی بھی کرتا تھا اور تاجروں سے بھتہ وصولی بھی کرتا تھا، علاقہ مکینوں نے کافی دفعہ شوکت جٹ اور اس کے بھائیوں کے خلاف پولیس میں شکایات بھی درج کرائیں ، ملزم کے قبضے سے غیرقانونی اسلحہ بھی برآمد ہوا ہے، ملزم شوکت جٹ نے مورخہ 21نومبر 2020کو بوقت رات سوا بارہ بجے ایک ہوٹل میں گھس کر شاہد شاہ نامی ہوٹل پر کام کرنے والے ویٹر کو تشدد کا نشانہ بنایا، ہوٹل کے برتن توڑے اور ویٹر کی کنپٹی پر بندوق رکھ کر بھتہ مانگا اور جان سے مارنے کی دھمکیاں دیں اور علاقہ میں خوف و ہراس پھیلانے کے لیئے ہوائی فائرنگ بھی کی، مدعی کی رپورٹ پر تھانہ بن قاسم ٹاءو ن نے کامیاب کاروائی کرتے ہوئے ملزم شوکت جٹ کو گرفتار کرلیا جبکہ اس کے ساتھی موقع سے فرار ہونے میں کامیاب ہوگئے، واضح رہے کہ ملزم شوکت جٹ کے خلاف ایف آئی آر46;47;2006;8547;s147;47;148;47;149;47;506-;6647;379;47;427;80806744747;2006;8547;s 147;47;148;47;149;47;506-;6647;504;47;448;808067;, سمیت مختلف ایف آئی درج ہیں ۔