Category: جرائم و حادثات

کراچی : کراچی میں امام مسجد پر قاتلانہ حملہ،حکام پریشان ،اطلاعات کےمطابق کراچی میں نماز کے دوران پیش امام قاتلانہ حملے میں زخمی ہوگئے۔دوسری طرف پولیس اس حملے کوہرزاویے سے دیکھ رہی ہےکہ کیا یہ ذاتی لڑائی کا شاخصانہ ہے یا فرقہ واریت کے نام پرغیرملکی سازش ہے

تفصیلات کےمطابق کراچی میں شاہ فیصل کالونی کی مقامی مسجد میں نامعلوم شخص نے پیش امام پر حملہ کرکے انہیں زخمی کردیا،پیش امام پر حملہ کرنےوالے ملزم توقیر قریشی کو علاقہ مکینوں نے پکڑ لیا بعدازاں ملزم کو پولیس کے حوالے کر دیا گیا۔

پولیس کا کہنا ہے کہ ملزم کے خلاف مقدمہ قاری عبدالصمد کی مدعیت میں درج کرلیا گیاہے،امام مسجد پر حملے کی سی سی ٹی وی فوٹیج بھی سامنے آئی ہے جس میں ملزم کو سنت نماز کی ادائیگی کے دوران پیش امام پر حملہ کرتے دیکھا جا سکتا ہے۔فوٹیج میں یہ بھی دیکھا گیا ہے کہ نمازیوں نے کس طرح حملہ آور کو پکڑا۔

دوسری جانب پولیس نے گرفتار ملزم سے تحقیقات کا آغاز کردیا ہے۔پولیس کا کہنا ہے نمازیوں کے تشدد کے باعث حملہ آور شدید زخمی ہے،اس کے ہوش میں آنے کے بعد ہی بیان قلمبند کیا جائے گا۔

پولیس حکام نے بتایا ہے کہ واقعہ گزشتہ روز مغرب کی فرض نماز کے بعد پیش آیا جس میں پیش امام معمولی زخمی ہوئے۔

لاہور: عثمان بزدارصاحب یہ بھی توکسی ماں کا لخت جگرہے:جسے رکشہ مکینک نے مار مار کر برا حال کردیا،کمسن بچے پرتشدد ذمہ دارکون؟ آج لاہور میں ایک اور عدم برداشت کا افسوسناک واقعہ پیش آیا رکشہ مکینک نے شاگر کو معمولی سی غلطی پر تشدد کا نشانہ بنا ڈالا، ویڈیو وائرل ہونے پر پولیس حرکت میں آگئی۔

پولیس کے مطابق ٹاؤن شپ کے علاقہ میں موٹر سائیکل مکینک نے کمسن شاگرد پر تشدد کیا، ایک راہگیر نے اپنے موبائل سے بچے پر تشدد کی ویڈیو بنالی، ویڈیو میں مکینک کو بچے پر تشدد کرتے دیکھا جا سکتا ہے،

بچہ درد سے چیخ و پکار کرتا رہا لیکن کسی نے مدد نہ کی، تشدد کی ویڈیو سوشل میڈیا پر وائرل ہوئی تو پولیس نے تشدد کرنے والے مکینک شاہد کو گرفتار کر لیا۔

دوسری طرف سوشل میڈیا پربڑی تعداد میں صارفین نے وزیراعلیٰ سے مطالبہ کیا ہےکہ اس سارے واقعہ کی تحقیقات کا حکم دیں اورپتہ کریں کہ یہ بچہ کس ماں کا ہے جسے سکول جانا چاہیے تھا لیکن پتہ نہیں کہ وہ کس مجبوری میں ایک ظالم سے مار مار کھا رہا ہے

ماہرین نفسیات کے مطابق عدم برداشت کسی بھی جرم کی سب سے بنیادی وجہ ہے، اگر صرف برداشت کی صلاحیت کو مضبوط کر لیا جائے تو کسی بھی معاشرے سے 90فیصد جرائم کا خاتمہ ہو سکتا ہے۔ یہ بات حقیقت کے بالکل قریب ہے کیونکہ ہر جرم کی داستان کے پیچھے عدم برداشت کا عنصر نمایاں نظر آتا ہے۔

بونیر : غیرت کے نام پرپے درپے قتل : ویڈیو وائرل ہونے پر سسر نے بہو بیٹے کو قتل کردیا ،اطلاعات کے مطابق خیبرپختونخوا میں سسر نے غیرت کے نام پر فائرنگ کرنے بیٹے اور بہو کو موت کے گھاٹ اتار دیا۔

تفصیلات کے مطابق صوبہ خیبرپختونخوا کی وادی بونیر کے تھانہ ڈگرکےحدودنویکلےمیں فائرنگ کا واقعہ پیش آیا، جس کے نتیجے میں نوبیاپتا جوڑے کو موت کی نیند سلادیا گیا۔

پولیس کا کہنا ہے کہ فائرنگ کے واقعے میں قتل ہونے والے شخص کا باپ ملوث ہے جس نے غیرت کے نام پر فائرنگ کرکے اپنے بیٹے اور بہو کو قتل کیا ہے۔

پولیس نے موقف اختیار کیا ہے کہ قتل ہونے والے جوڑے کی ایک ماہ قبل ہی شادی ہوئی تھی، جس کے بعد دونوں کی ایک ویڈیو سوشل میڈیا پر وائرل ہوئی۔

سوشل میڈیا پر وائرل ہونے کے بعد سسر طیش میں آیا اور معاملے کو غیرت کا مسئلہ بناکر بیٹے اور بہو کو فائرنگ کرکے قتل کردیا۔

پولیس کا کہنا ہے کہ دونوں لاشوں کو پوسٹ مارٹم کےلیے اسپتال منتقل کردیا گیا ہے، واقعے کی تحقیقات جاری ہیں تاہم پوسٹ مارٹم رپورٹ آنے کے بعد تحقیقات میں مزید سہولت ہوگی۔

کراچی:نارتھ کراچی زورداردھماکے سے لرزاٹھا،اطلاعات کے مطابق کراچی کے علاقے نارتھ کراچی میں زوردار دھماکہ ہوا ہے۔ نارتھ کراچی میں 2 منٹ چورنگی کے قریب زوردار دھماکے سے کئی افراد زخمی بھی ہوگئے ہیں‌

ریسکیو ذرائع کا کہنا ہے کہ دھماکے کے باعث خواتین اور بچوں سمیت چار افراد زخمی ہوئے ہیں۔ریسکیو ذرائع کا کہنا ہے کہ زخمیوں کو سول اسپتال کے برنس وارڈ میں منتقل کر دیا گیا ہے۔

پولیس حکام کا کہنا ہے کہ دھماکہ نارتھ کراچی سیکٹر فائیو ڈی تھری میں سوئی گیس کی لائن میں ہوا ہے۔پولیس کے مطابق علاقے میں سیوریج لائن کی کھدائی کے دوران سوئی گیس لائن متاثر ہوئی تھی جس کی مرمت کیے بغیر کام جاری رکھا گیا تھا۔

پولیس کا کہنا ہے کہ گیس لائن میں پریشر بن جانے پر زور دار دھماکا ہوا جس سے آگ بھی لگ گئی ہے۔ دھماکے سے ایک مکان زمین بوس ہوگیا اور چار افراد جھلس کر زخمی ہوگئے ہے۔جائے وقوعہ پر پولیس، رینجرز، فائر بریگیڈ اور سوئی سدرن گیس کی ٹیمیں پہنچ گئی ہیں۔