Category: جرائم و حادثات

ایف آئی اے سائبر کرائم سرکل کی کارروائی، جعلی سائبر کرائم سرکل کا ایڈیشنل ڈائریکٹر گرفتار ،

تفصیلات کے مطابق کبھی سندھ پولیس کا جعلی اے ایس پی، تو کبھی ایف آئی اے کا جعلی ایڈیشنل ڈائریکٹر بن کر شہریوں کو بیوقوف بنانے والا ملزم گرفتار کر لیا گیا،گرفتار ملزم نے ایف آئی اے کی جعلی آئی ڈی اور دفتر بھی بنا رکھا تھا ،گرفتار ملزم عرفان خان شہریوں کو دھمکیاں دینے اور پیسوں کی وصولی کے لئے غیر قانونی سرگرمیوں میں ملوث رہا ہے

ملزم شہریوں کو جھانسہ دینے کے لیے خود کو سی ایس ایس پاس افسر ظاہر کرتا تھا،گرفتار ملزم لوگوں کو ڈرانے اپنی اہلیہ کو ایڈیشنل سیشن جج کے طور پر متعارف کرایا کرتا تھا،ملزم کے قبضے سے ملنے والے موبائل فون، الیکٹرانک ڈیوائس اور یو ایس بی سے کئی متاثرین کا ریکارڈ مل گیا ہے ،ملزم کے پاس سے پانچ فائلیں ملی ہیں جن میں کبھی ڈی جی،کبھی ایف آئی اے، کبھی اے ایس پی اور دیگر جعلی اداروں کا افسر بن کر لوگوں کو ڈراتا تھا

ملزم کا زیادہ تر کام ریکوری کا تھا، ملزم کے قبضے سے مختلف بینکوں کے چیک، بینک اسٹیٹمنٹ بھی مل گیا ہے ،ملزم عرفان ترین نے جعلی ایف آئی اے کی ای میل آئی ڈی بھی بنا رکھی ہے ،ملزم کے خلاف مقدمہ درج کرلیا گیا ہے،

سی ٹی ڈی آپریشن ٹو کی نشتر روڈ کپڑا مارکیٹ میں کارروائی ،ایم کیو ایم لندن کا ٹارگٹ کلر کاشف عرف انصاری گرفتار ،گرفتار ملزم دہشت گردی کی وارداتوں میں ملوث ہے ،ملزم نے 2011 میں ساتھیوں کے ہمراہ سول اسپتال کے گیٹ پر دو افراد کو قتل کیا

تفصیلات کے مطابق قتل ہونے والے افراد میں عمران بلوچ اور اشرف بلوچ شامل تھے ،دوران تفتیش ملزم نے قتل اقدام قتل جلاؤ گھیراؤ اور بھتہ خوری کا بھی اعتراف کیا،ملزم مختلف مقدمات میں جیل بھی کاٹ چکا ہے ،گرفتار ملزم سے مزید تفتیش جاری ہے

ریس کورس پولیس کی پتنگ فروشوں کے خلاف اہم کاروائی، پتنگ فروش گرفتار ، پتنگیں برآمد، مقدمہ درج،پتنگ فروش محمد عرف توحیدی سے 1250 پتنگیں برآمد ہوئیں،پولیس

تفصیلات کے مطابق پتنگ فروش کے خلاف کاروائی ایس ایچ او ریس کورس اور ان کی ٹیم نے کی، پتنگ بازی خطرناک کھیل ہے انسانی جانوں سے کھیلنے والوں کے ساتھ آہنی ہاتھوں سے نمٹا جائے گا،

ایس پی پوٹھوہار کی جانب سے ریس کورس پولیس کو شاباش پتنگ فروشوں کے خلاف کریک ڈاؤن جاری رکھنے کی ہدایت کر دی

پاکستان کوسٹ گارڈز کی کارروائی،751کلو گرام اعلی کو الٹی کی کرسٹل اور ہیروئن برآمد
تفصیلات کے مطابق گورنمنٹ آف پاکستان کے منشیات کی روک تھام پر حالیہ کاوشوں کے مطابق پاکستان کوسٹ گارڈزبھی اپنی تمام تر وسائل برؤے کارلا رہی ہے۔اس سلسلے میں پاکستان کوسٹ گارڈز کو خفیہ ذرائع سے اطلاع ملی کہ پسنی(بلوچستان) سے بھاری مقدار میں منشیات بیرون ملک اسمگل ہونے کا خدشہ ہے۔جس کو مدِنظر رکھتے ہوئے ڈائریکٹر جنرل پاکستان کوسٹ گارڈز نے متعلقہ کمانڈر کو تین مختلف اطراف سے سرچ آپریشن کا آغاز کر ایا ا ور ساتھ ساتھ سمندری راستے کو بھی اپنی لانچوں کے ذریعے بلاک کر دیا گیا

مزید برآں ریڈار کی مدد سے لانچوں کی آمد ورفت کے اوپر نظر رکھی اور ضروری چیکنگ عمل میں لائی گئی۔ یہ آپریشن مسلسل تین رات تک جاری رہا جسمیں تازہ دم دستوں سے کمک مہیا کی جاتی رہیں۔سرچ پارٹیوں کی کوششوں کے بعد پسنی کے قریب تنگ بازکے پہاڑی علاقوں کے درمیان چھپائی گئی 143کلو گرام اعلی کوالٹی کی کرسٹل اور 608کلو گرام اعلی کوالٹی کی ہیروئن برآمد کر لی گئی۔ پکڑی جانے والی منشیات کی مالیت انٹرنیشنل مارکیٹ میں 20ارب روپے کے لگ بھگ ہے۔ ابتدائی معلومات /تحقیقات کے مطابق یہ منشیات سمندر کے راستے ساؤتھ افریقہ اسمگل کی جانی تھیں۔

ڈائریکٹر جنرل پاکستان کوسٹ گارڈزنے جوانوں کی اس انتھک محنت اور اعلیٰ کارکردگی کو سراہا۔
واضح رہے کہ پاکستان کوسٹ گارڈز ہر قسم کی اسمگلنگ کی روک تھام کے لیے ہمہ وقت مصروف ِ عمل ہے اور ملکی معیشت کو مستحکم کرنے میں اپنا کردار ادا کر تی رہے گی۔