Category: جرائم و حادثات

ڈی جی خان: مالک کا 7 سالہ گھریلو ملازمہ پر بہیمانہ تشدد،غریب کی بچی کوعید پربھی خوشیاں نصیب ناں ہوسکیں،اطلاعات کے مطابق ڈیرہ غازی خان میں 7 سالہ گھریلو ملازمہ بچی پر مالک نے بہیمانہ تشدد کیا جس کی ویڈیو وائرل ہونے کے بعد پولیس نے مقدمہ درج کرلیا۔

پولیس کے مطابق قصبہ سمینا میں بچی پر تشدد کی ویڈیو وائرل ہونے کے بعد پولیس نے متاثرہ لڑکی کے ورثا سے رابطہ کیا اور لڑکی کو امداد کے لیے اسپتال پہنچایا۔

پولیس کا کہنا ہے کہ اہل خانہ سے ملنے والی معلومات کی بنیاد پر مقدمہ درج کرلیا ہے، متاثرہ بچی کلیم اللہ نامی شخص کے گھر ملازمت کرتی تھی، ملزم نے بچی پر لوہے کے راڈ اور ڈنڈے سے تشدد کیا تاہم تشدد کی وجہ معلوم نہیں ہوسکی ہے۔پولیس کے مطابق ملزم کلیم اللہ فرار ہے جس کی تلاش کیلئے چھاپے مارے جارہے ہیں۔

بریکنگ نیوز
رپورٹ (کاشف تنویر) اطلاعات کے مطابق منڈی بہاؤالدین کے نواحی گاؤں چھموں میں فائرنگ سے
مبشر حسین ولد شبیر احمد قریشی زخمی واقعہ ذاتی دشمنی کا نتیجہ ہو سکتا ہے۔زخمی کو سرکاری ہسپتال منتقل کر دیا گیا

ریسکیو زرائع

بریکنگ نیوز
رپورٹ (کاشف تنویر)
سرگودھا روڈ پر کنگ روڈ چوک سے تھوڑا آگے ٹرک کے الٹنے کی وجہ سے دکانوں کا نقصان اور ایک واپڈا ٹرانسفارمر اور موٹر سائیکل بھی ٹرک الٹنے کی وجہ سے ضائع ہو گئے کوئی جانی نقصان نہیں ہوا.

رپورٹ (کاشف تنویر)
پولیس تھانہ صدر نے ناجاٸز اسلحہ و نماٸش اسلحہ پر 04 ملزمان گرفتار کر لیے۔
منڈی بہاوالدین پولیس (پی آر او برانچ): ڈسٹرکٹ پولیس آفیسر ناصر خان سیال کی ہدایات کی روشنی میں ایس ایچ او تھانہ صدر #قسور_##عثمان نے ملزم مسمی سلطنت خان ولد شہر خان قوم پٹھان سکنہ جیکنڈ ضلع اپر دیر سے ایک عدد کلاشنکوف، 05 عدد میگزین، 45 عدد ضرب روند، ایک عدد راٸفل، دو میگزین اور 20 ضرب روند برآمد کر لیے۔
ملزم مسمی سید علی شاہ ولد مظہر شاہ قوم سید سکنہ لکھنانوالہ سے ایک عدد راٸفل 44 بور، 03 ضرب روند اور ایک عدد راٸفل 223 بور، 03 میگزین اور 150 ضرب روند برآمد کر لیے۔
ملزم سید کاشف علی شاہ ولد سید مظہر شاہ قوم سید سکنہ لکھنانوالہ سے دو بندوقیں 12 بور اور 04 کارتوس برآمد کرلیے۔
اسی طرح ملزم مسمی سید مدثر شاہ ولد سید صابر شاہ قوم سید سکنہ چیلیانوالہ سے ایک عدد راٸفل 223 بور، 03 میگزین اور 40 ضرب روند برآمدکر لیے۔تمام ملزمان کے خلاف مقدمات درج کر لیے گٸے

No 417/20 us 13(2)B Arm Ordinance
No 416/20 us 13(2)a Arm Ordinance
No 415/20 us 13(2)B Arm Ordinance
No 418/20 us 13(2)B Arm Ordinance

لاہور: اعظم گارڈن میں پنجاب یونیورسٹی کے سابق پروفیسر قتل ،اطلاعات کے مطابق سابق ایڈیشنل کنٹرول پنجاب یونیورسٹی احمد علی چٹھہ کونامعلوم افراد نے فائرنگ کر کے قتل کردیا، وزیراعلیٰ پنجاب نے افسوسناک واقعہ کا نوٹس لے لیا۔

تفصیلات کے مطابق گھر سے دودھ لینے کیلئے اعظم گارڈن گئے جہاں نامعلوم موٹرسائیکل سواروں نے اندھا دھند فائرنگ کر کے انہیں قتل کردیا۔ ملزموں نے احمد علی کو سر میں گولیاں ماریں۔پولیس نے لاش پوسٹ مار ٹم کیلئے مردہ خانے منتقل کر دی۔

پولیس کا کہنا ہے کہ موقع سے شواہد اکٹھے کرکے واردات کا مقدمہ درج کر لیا گیا، ابتدائی تحقیقات میں واقعہ دیرینہ دشمنی کا شاخسانہ معلوم ہوتا ہے۔

پنجاب یونیورسٹی کے سابق ایڈیشنل کنٹرولر امتحانات احمد علی چھٹہ کی نماز جنازہ ادا کر دی گئی، پنجاب یونیورسٹی ایمپلائز ہاؤسنگ سوسائٹی ٹاؤن ون میں مرحوم کی نماز جنازہ امیر جماعت اسلامی سراج الحق نے پڑھائی۔

نماز جنازہ میں نائب امیر جماعت اسلامی لیاقت بلوچ، جماعت اسلامی کے مرکزی رہنما فرید احمد پراچہ، ڈاکٹر حافظ محمد اقبال نے شرکت کی۔ نماز جنازہ میں ڈاکٹر احسان ملک، ڈاکٹر شوکت علی، ڈاکٹر ممتاز سالک، ڈاکٹر ذوالفقار بورا، کنٹرولر امتحانات محمد رؤف، جماعت اسلامی کے رہنما احمد سلمان بلوچ، قیصر شریف ڈاکٹر ممتاز انور نے شرکت کی۔ نماز جنازہ کے بعد سراج الحق نے احمد علی چٹھہ کی مغفرت کیلئے دعا کرائی۔

سراج الحق کا کہنا تھا کہ احمد علی چھٹہ کے قتل پر لاہور افسردہ ہے۔ مقتول بہت خدمت گزار اور نیک انسان تھے، شہری علاقے میں قتل ہونے بہت بڑا سوالیہ نشان ہے۔

دوسری جانب وزیر اعلیٰ پنجاب سردار عثمان بزدار نے تھانہ مصطفیٰ ٹاؤن کی حدود میں پنجاب یونیورسٹی کے سابق ایڈیشنل کنٹرولر امتحانات احمد علی چٹھہ کے قتل کے واقعہ کا نوٹس لیتے ہوئے سی سی پی او لاہور سے رپورٹ طلب کر لی۔

وزیر اعلیٰ پنجاب نے قتل میں ملوث ملزمان کی جلد گرفتاری کا حکم دیتے ہوئے کہا کہ ملزمان کو قانو ن کی گرفت میں لاکر مزید کارروائی کی جائےـ

انہوں نے کہا کہ مقتول کے لواحقین کو ہر صورت انصاف فراہم کریں گےـ وزیراعلیٰ عثمان بزدار نے مقتول کے غمزدہ خاندان سے دلی ہمدردی و تعزیت کا اظہار کیا ہے۔

گوجرانوالہ:بیٹے پرمال اوربیوی کی محبت غالب آگئی:بیٹے نے بیوی کے ساتھ مل کر باپ کو قتل کردیا،اطلاعات کےمطابق پنجاب کے شہر گوجرانوالہ میں سفاک بیٹے نے بیوی کے ساتھ مل کر باپ کو قتل کردیا۔

ذررائع کے مطابق گوجرانوالہ میں اندھے قتل کا ڈراپ سین ہوگیا، پولیس کے مطابق بیٹا ہی باپ کا قاتل ہے، جائیداد ہتھیانے کے لیے بیٹے احتشام نے بیوی سے مل کر باپ کو گلہ دبا کر قتل کردیا۔

تھانہ فیروز والا کے علاقہ میں دو روز قبل ہونے والے قتل کا چھتیس گھنٹے بعد ڈراپ سین ہوگیا، بیٹا ہی باپ کا قاتل نکلا، ایس پی سول لائنز امتیاز محمود نے بتایا کہ جائیداد ہتھیانے کے لیے ملزم نے بیوی سے مل کر باپ کو گلا دبا کر قتل کیا۔پولیس کے مطابق مقتول شفیق کی لاش کو ضابطے کی کارروائی کے لیے اسپتال منتقل کردیا گیا ہے۔

ایس پی کا کہنا ہے کہ ملزم نے باپ کو قتل کرنے کے بعد نامعلوم افراد کی طرف سے قتل کرنے کا ڈرامہ رچایا شک گزرنے پر پولیس نے دونوں میاں بیوی سے تحقیقات کیں تو ملزمان نے قتل کا اعتراف کرلیا۔

پولیس کے مطابق ملزمان محمد شفیق کو زہر دے کر مارنا چاہتے تھے لیکن زہر میسر نہ ہونے پر ملزمان نے گلا دبا کر اپنے باپ شفیق کو قتل کیا۔ایس پی سول لائنز کے مطابق دونوں ملزمان کو گرفتار کرلیا گیا ہے واقعے کی مزید تفتیش جاری ہیں۔