Baaghi TV

Category: جرائم و حادثات

  • سی ٹی ڈی کی کارروائی، تھانہ آئی نائن حملے میں ملوث 2 خطرناک دہشتگرد گرفتار

    سی ٹی ڈی کی کارروائی، تھانہ آئی نائن حملے میں ملوث 2 خطرناک دہشتگرد گرفتار

    راولپنڈی مغل مارکیٹ کے قریب کاؤنٹر ٹیررزم ڈیپارٹمنٹ (سی ٹی ڈی) نے بڑی کارروائی کرتے ہوئے تھانہ آئی نائن پر حملے میں ملوث فتنہ الخوارج کے 2 انتہائی خطرناک دہشت گردوں کو گرفتار کرلیا۔

    باغی ٹی وی: ترجمان سی ٹی ڈی کی جانب سے جاری بیان کے مطابق راولپنڈی مغل مارکیٹ کے قریب سی ٹی ڈی نے بڑی کارروائی کرتے ہوئے تھانہ آئی نائن پر حملے میں ملوث فتنہ الخوارج کے 2 انتہائی خطرناک دہشت گرد حمزہ اور رومان کو گرفتار کر لیا۔

    ترجمان سی ٹی ڈی کے مطابق دہشت گردوں کی گرفتاری کے لیے انٹیلی جنس بیسڈ آپریشن کیا گیا، جس کے نتیجے میں دونوں دہشت گردوں کو حراست میں لے لیا گیا، گرفتار دہشت گرد راولپنڈی اور اسلام آباد میں حساس مقامات پر دہشت گردی کے لیے ریکی مکمل کر چکے تھے اور افغانستان میں فتنہ الخوارج کے اہم کمانڈر کے ساتھ رابطے میں تھے۔

    سونے کی قیمت میں مسلسل اضافہ

    گرفتاری کے دوران دہشت گردوں سے دستی بم، بھاری مقدار میں بارودی مواد، ڈیٹونیٹر، سیفٹی فیوز، وائر اور دیگر تخریبی سامان برآمد کیا گیا ہے،سی ٹی ڈی نے دہشت گردوں کے خلاف مقدمہ درج کرکے مزید تفتیش شروع کر دی ہے۔

    ترجمان کے مطابق ابتدائی تفتیش میں دہشت گردوں نے انکشاف کیا ہے کہ چند ماہ قبل تھانہ آئی نائن پر ہینڈ گرنیڈ سے حملہ بھی انہوں نے کیا تھا، دہشت گردی کے خلاف جنگ میں ایسے عناصر کے خلاف کارروائیاں جاری رکھی جائیں گی تاکہ شہریوں کو محفوظ رکھا جا سکے۔

    ٹویٹر کی بندش، چیئرمین پی ٹی اے عدالت کو مطمئن نہ کر سکے

  • سیالکوٹ: غیر قانونی ایل پی جی اور پیٹرول فروخت کرنے والوں کے خلاف کریک ڈاؤن

    سیالکوٹ: غیر قانونی ایل پی جی اور پیٹرول فروخت کرنے والوں کے خلاف کریک ڈاؤن

    سیالکوٹ(بیوروچیف شاہدریاض) غیر قانونی ایل پی جی اور پیٹرول فروخت کرنے والوں کے خلاف کریک ڈاؤن

    سیالکوٹ میں غیر قانونی ایل پی جی گیس کی ڈی کنڈنگ اور منی پیٹرول پمپس کے خلاف ایک بڑی کارروائی کی گئی ہے۔ اس کارروائی کے دوران 10 دکانداروں کو حراست میں لیا گیا، 6 کے خلاف مقدمات درج کیے گئے، اور 10 دکانوں کو سیل کر دیا گیا۔

    ایڈیشنل ڈپٹی کمشنر جنرل ایوب بخاری کی نگرانی میں سول ڈیفنس ڈیپارٹمنٹ نے یہ کارروائی کی ہے۔ انہوں نے بتایا کہ غیر قانونی طور پر ایل پی جی گیس کی فروخت ایک خطرناک جرم ہے اور ایسے عناصر کے خلاف بلا امتیاز قانونی کارروائی کی جائے گی۔ انہوں نے خبردار کیا کہ جو افراد ایسے کاروبار میں ملوث ہیں، وہ فوری طور پر یہ کام چھوڑ دیں، ورنہ ان کے خلاف سخت قانونی کارروائی کی جائے گی۔

    یہ کارروائی شہریوں کی حفاظت اور غیر قانونی سرگرمیوں کے خلاف قانون کے اطلاق کو یقینی بنانے کے لیے کی گئی ہے۔ انتظامیہ نے عوام سے درخواست کی ہے کہ وہ ایسے غیر قانونی کاموں میں ملوث افراد کی اطلاع دیں۔

  • ملزم ارمغان کا والد کامران اصغر قریشی گرفتار، منشیات اور اسلحہ برآمد

    ملزم ارمغان کا والد کامران اصغر قریشی گرفتار، منشیات اور اسلحہ برآمد

    اے وی سی، سی سی آئی اے پولیس نے کراچی کے علاقے ڈیفنس خیابانِ مومن میں مصطفی عامر قتل کیس کے مرکزی ملزم ارمغان کے گھر پر چھاپہ مار کر ملزم ارمغان کے والد کامران اصغر قریشی کو گرفتار کر لیا ۔

    باغی ٹی وی : اے وی سی سی پولیس نے خفیہ اطلاع پر بمقام 7th اسٹریٹ بنگلہ نمبر 35، خیابان مومن فیز 5، گزری کراچی میں کارروا ئی کی، سی آئی اے پولیس نے کامیاب کارروائی کرتے ہوئے منشیات فروشی میں ملوث ملزم کامران قریشی کو گرفتار کر لیا، ملزم سے منشیات اور غیر قانونی اسلحہ برآمد بھی کیا گیا۔

    گرفتار ملزم کے خلاف کنٹرول آف نارکوٹیکس سبسٹینس ایکٹ اور بلا لائسنس اسلحہ رکھنے کے تحت مقدمہ درج کر لیا گیا اورتفتیش جاری ہے،ایس ایس پی اے وی سی سی نے بتایا ہے کہ گرفتار ملزم کامران اصغر قریشی کے قبضے سے 200 گرام آئس، ایک نائن ایم ایم پستول اور گولیاں برآمد ہوئی ہیں۔

    جرمن ڈائریکٹر کی سلمان خان کی پیشہ ورانہ مہارت پر تنقید

    اس سے قبل 18 مارچ کو مصطفیٰ عامر قتل کیس کے ملزم ارمغان نے کراچی کی انسدادِ دہشت گردی کی عدالت میں اعترافِ جرم کرنے کی خواہش کا اظہار کیا تھا،اس موقع پر انسداد دہشت گردی کی خصوصی عدالت نے مصطفیٰ عامر کے اغوا اور قتل کیس میں ملزم ارمغان کے جسمانی ریمانڈ میں 24 مارچ تک توسیع کردی تھی۔

    4 شادیوں سے متعلق بیان، اداکار دانش تیمور کو معافی مانگنا پڑ گئی

  • لاہور میں "ویگو ڈالہ کلچر” کیخلاف مہم تیزی سے جاری

    لاہور میں "ویگو ڈالہ کلچر” کیخلاف مہم تیزی سے جاری

    پنجاب کے صوبائی دارالحکومت لاہور میں ویگو ڈالہ کلچر کے خلاف پولیس کی جانب سے کریک ڈاؤن کی مہم تیزی سے جاری ہے۔ شہر کے داخلی و خارجی راستوں پر کڑی نگرانی کے عمل میں اضافہ کر دیا گیا ہے، جس کے تحت ایس پی موبائلز شاہ میر خالد کی قیادت میں متعدد کارروائیاں کی جا رہی ہیں۔

    ناکہ عبد الستار ایدھی ویگو ڈالہ پر پولیس نے اسلحہ کی نمائش کرنے والے 4 ملزمان کو گرفتار کر لیا ہے۔ پولیس ترجمان کے مطابق ملزمان کے قبضے سے 2 پستول، ایک رائفل، میگزینز اور گولیاں برآمد ہوئی ہیں۔ گرفتار ملزمان میں ناظم، عامر، شرف اور اجمل شامل ہیں، جنہیں مزید قانونی کارروائی کے لئے تھانہ چوہنگ کے حوالے کر دیا گیا ہے۔اسی دوران ایک اور کارروائی کے دوران پولیس نے بلیک پیپر والی ویگو ڈالہ سے غیر قانونی طور پر فلیشر لائٹ برآمد کی۔ ایس پی موبائلز شاہ میر خالد کا کہنا ہے کہ بلیک پیپر اور پولیس لائٹس والی گاڑیوں کے خلاف کریک ڈاؤن جاری رہے گا، اور اس مہم کو مزید تیز کیا جائے گا۔

    ناکہ جات اور ڈولفن سکواڈ کی ٹیمیں بلیک شیشوں والی گاڑیوں اور غیر قانونی نمبر پلیٹ والی گاڑیوں کے خلاف بھی بھرپور کارروائیاں کر رہی ہیں۔ ایس پی موبائلز نے کہا کہ اس نوعیت کی گاڑیوں کو ہر حال میں پکڑا جائے گا تاکہ شہر میں امن و امان کی صورتحال کو بہتر بنایا جا سکے۔ایس پی موبائلز شاہ میر خالد نے واضح کیا کہ پرائیویٹ گارڈز کی جانب سے ویگو ڈالہ پر اسلحہ کی نمائش پبلک ہراسمنٹ کے زمرے میں آتی ہے اور اس پر کسی قسم کی رعایت نہیں برتی جائے گی۔ انہوں نے کہا کہ ویگو ڈالہ کلچر کے خلاف بھرپور کارروائیاں جاری رہیں گی تاکہ شہر میں عوامی تحفظ اور امن قائم رکھا جا سکے۔پولیس نے عوام سے اپیل کی ہے کہ وہ اس مہم میں پولیس کا ساتھ دیں اور کسی بھی مشکوک سرگرمی کی اطلاع فوری طور پر دیں۔

  • تنگوانی: شادی ہال پر ڈاکوؤں کا حملہ، چوکیدار اغوا

    تنگوانی: شادی ہال پر ڈاکوؤں کا حملہ، چوکیدار اغوا

    تنگوانی،باغی ٹی وی (نامہ نگارمنصور بلوچ)شادی ہال پر ڈاکوؤں کا حملہ، چوکیدار اغوا

    تفصیل کے مطابق تنگوانی کے قریب زین شادی ہال پر ڈکیتی کی واردات پیش آئی، جہاں دس سے زائد مسلح ڈاکوؤں نے حملہ کر کے شدید فائرنگ کی۔ ڈاکو شادی ہال کے دروازے توڑ کر اندر داخل ہوئے اور توڑ پھوڑ کی۔ واقعے کے بعد ڈاکو زین شادی ہال کے چوکیدار پنجاب سے تعلق رکھنے والے انصار علی کو اغوا کر کے فرار ہو گئے۔

    تنگوانی تھانے کی پولیس جائے وقوعہ پر پہنچ کر مزید تحقیقات کر رہی ہے۔

  • چنیوٹ: لالیاں لاری اڈا پربس اور وین میں تصادم، 5 افراد جاں بحق، 16 زخمی

    چنیوٹ: لالیاں لاری اڈا پربس اور وین میں تصادم، 5 افراد جاں بحق، 16 زخمی

    چنیوٹ(باغی ٹی وی) لالیاں لاری اڈا پربس اور وین میں تصادم، 5 افراد جاں بحق، 16 زخمی

    چنیوٹ میں لالیاں لاری اڈا پر ایک المناک حادثہ پیش آیا جہاں ایک بس اور مسافر وین کے درمیان تصادم کے نتیجے میں 5 افراد موقع پر ہی جاں بحق ہو گئے۔ اس حادثے میں 4 خواتین اور 3 بچوں سمیت 16 افراد شدید زخمی ہوئے۔

    ریسکیو ذرائع کے مطابق مسافر وین میں سوار 5 افراد موقع پر ہی دم توڑ گئے، جبکہ 16 زخمیوں کو فوری طور پر ڈسٹرکٹ ہیڈ کوارٹر ہسپتال منتقل کیا گیا۔ زخمیوں میں سے 5 افراد کی حالت تشویشناک ہونے کی وجہ سے انہیں فیصل آباد کے الائیڈ ہسپتال ریفر کر دیا گیا۔

    ہسپتال انتظامیہ نے فوری طور پر ایمرجنسی نافذ کر دی تاکہ زخمیوں کو فوری طبی امداد فراہم کی جا سکے۔ حادثے کا شکار ہونے والی بس میں ایک نجی شوگر مل کے ملازمین سوار تھے، جبکہ مسافر وین سرگودھا سے فیصل آباد جا رہی تھی۔ تصادم اتنا شدید تھا کہ مسافر وین مکمل طور پر تباہ ہو گئی۔

    ڈپٹی کمشنر صفی اللہ گوندل نے اس واقعے کا نوٹس لیتے ہوئے غفلت کے مرتکب ڈرائیور کے خلاف مقدمہ درج کرنے کا حکم جاری کیا ہے۔

  • حافظ آباد: جلالپور بھٹیاں پولیس کی کارروائی،مظفرگڑھ سے اشتہاری گرفتار

    حافظ آباد: جلالپور بھٹیاں پولیس کی کارروائی،مظفرگڑھ سے اشتہاری گرفتار

    حافظ آباد (خبر نگارشمائلہ) ڈی پی او حافظ آباد عاطف نذیر کی ہدایات پر عمل کرتے ہوئے ڈی ایس پی پنڈی بھٹیاں کی نگرانی میں تھانہ جلالپور بھٹیاں پولیس نے ایک کامیاب کارروائی کے دوران 4 سال سے مفرور اے کیٹیگری کے اشتہاری ملزم غلام مصطفیٰ ولد علی محمد کو ضلع مظفر گڑھ کے علاقے جتوئی سے گرفتار کر لیا ہے۔

    گرفتار ملزم تھانہ جلالپور بھٹیاں میں درج مقدمہ نمبر 147/22 بجرم 394 (مسلح ڈکیتی) اور مقدمہ نمبر 114/22 بجرم 392 (چوری) میں مطلوب تھا۔ پولیس نے جدید ٹیکنالوجی کی مدد سے ملزم کا سراغ لگایا اور اسے مظفر گڑھ سے گرفتار کرنے میں کامیاب ہوئی۔

    ڈی پی او حافظ آباد عاطف نذیر نے پولیس ٹیم کی اس شاندار کارکردگی کو سراہتے ہوئے کہا کہ حافظ آباد پولیس جرائم پیشہ عناصر کے خلاف زیرو ٹالرنس پالیسی پر عمل پیرا ہے اور عوام کے جان و مال کے تحفظ کے لیے ہر ممکن کوشش کر رہی ہے۔ انہوں نے مزید کہا کہ گرفتار اشتہاری ملزم سے مزید تفتیش جاری ہے تاکہ اس کے دیگر مجرمانہ ساتھیوں کا بھی سراغ لگایا جا سکے۔

  • کرایے کاتنازعہ،خواتین پر وحشیانہ تشدد،بس ڈرائیور اور کنڈیکٹر گرفتار

    کرایے کاتنازعہ،خواتین پر وحشیانہ تشدد،بس ڈرائیور اور کنڈیکٹر گرفتار

    سرگودھا: کرایے کے تنازع پر خواتین پر وحشیانہ تشدد کرنے والے بس ڈرائیور اور کنڈیکٹر کو پولیس نے گرفتار کر لیا-

    باغی ٹی وی : پولیس کے مطابق جھارویاں کے دیہی علاقے میں بس ڈرائیور اور کنڈیکٹرنے کرایہ کے تنازع پر خواتین سے جھگڑا کیا جھگڑے کے دوران بس ڈرائیور شوکت اور کنڈیکٹر شمشیر نے خواتین کو وحشیانہ تشدد کا نشانہ بنایا سوشل میڈیا پر وائرل ہونے والی ویڈیو میں بے بس خواتین روتے ہوئے مدد کی درخواست کرتی نظر آتی ہیں، ویڈیو وائرل ہونے پر بے بس خواتین پر تشدد میں ملوث بس ڈرائیور اور کنڈیکٹر کو پولیس نے گرفتار کرلیا۔

    وزیر اعلیٰ مریم نواز کے ویژن کے تحت ڈی پی او سرگودھا محمد صہیب اشرف کی نگرانی میں جھاوریاں پولیس نے فوری کارروائی کرتے ہوئے مبینہ تشدد میں ملوث بس ڈرائیور اور بس کنڈیکٹر کو گرفتار کرکے قانونی کارروائی شروع کردی۔

    عید کی صرف تین سرکاری چھٹیاں

    وزیر اعلیٰ مریم نواز نے کہا کہ خواتین اور بچے ریڈ لائن ہیں، کسی سطح پر کسی قسم کا تشدد قابل برداشت نہیں، بسوں میں سفر کرنے والی خواتین کی حفاظت اور احترام ہر صورت یقینی بنایا جائے گا دیہی خواتین کے لیے مخصوص بس سروس کے لیے اقدامات کیے جارہے ہیں۔

    190 ملین پاؤنڈکیس، عمران، بشریٰ کی سزا معطلی کی درخواست دائر

  • قصور: ممانی کو بھگا نے والا بھانجا اپنے ماموں کے ہاتھوں قتل

    قصور: ممانی کو بھگا نے والا بھانجا اپنے ماموں کے ہاتھوں قتل

    قصور (ڈسٹرکٹ رپورٹرطارق نویدسندھو)منڈی عثمان والہ کے علاقے تتاراکامل میں ایک افسوسناک واقعہ پیش آیا جہاں ماموں نے اپنی بیوی کو بھگا کر لے جانے والے بھانجے کو قتل کردیا۔

    تفصیلات کے مطابق 30 سالہ مقصود احمد حجرہ شاہ سے اپنی ممانی شکیلہ بی بی کو اپنے ساتھ بھگا کر لے گیا تھا۔ بیوی کو بھگانے کی رنجش پر ماموں امانت علی نے بھانجے کو قتل کرکے وہیں دفنا دیا۔

    مقتول کے بھائی پرویز نے پولیس کو بتایا کہ مقصود احمد اور شکیلہ بی بی کے درمیان تعلقات تھے جس کی وجہ سے مقصود احمد اپنی ممانی کو بھگا کر لے گیا۔ امانت علی کو جب اس بات کا علم ہوا تو وہ غصے میں آپے سے باہر ہوگیا اور اپنے بھانجے کو قتل کرنے کا منصوبہ بنایا۔

    پولیس کے مطابق امانت علی نے مقصود احمد کو تتاراکامل میں بھانجے کو قتل کردیا اور قتل کے بعد ملزم نے لاش کو وہیں دفنا دیا۔

    تھانہ منڈی عثمان والہ پولیس نے مقتول کے بھائی پرویز کی درخواست پر مقدمہ درج کرکے واقعے کی تفتیش شروع کردی ہے۔

  • حافظ آباد،سکھیکی منڈی،ایک شخص کو گندم کے کھیت میں گلا دبا کر قتل کردیا گیا

    حافظ آباد،سکھیکی منڈی،ایک شخص کو گندم کے کھیت میں گلا دبا کر قتل کردیا گیا

    حافظ آباد (خبرنگارشمائلہ) سکھیکی منڈی میں ایک افسوسناک واقعہ پیش آیا، جہاں محلہ نور پورہ کے رہائشی منیر ممبرا کو گندم کے کھیتوں میں گلا دبا کر قتل کر دیا گیا۔ پولیس تحقیقات میں مصروف ہے۔

    تفصیلات کے مطابق منیر ممبرا صبح تقریباً 8 بجے اپنے مال مویشیوں کے لیے چارہ کاٹنے گیا تھا۔ وہ قریبی گاؤں پنڈی بلگن بخشا سے آیا اور کھیت میں چارہ کاٹ رہاتھاکہ دو نامعلوم افراد وہاں پہنچے۔ ملزمان نے انہیں زبردستی گندم کے کھیتوں میں لے جا کر گلا دبا کر موت کے گھاٹ اتار دیا۔

    مقامی افراد کو جب واقعے کی اطلاع ملی تو خوف و ہراس پھیل گیا۔ مقتول کے اہل خانہ نے انصاف کا مطالبہ کیا ہے۔

    پولیس حکام کے مطابق جائے وقوعہ سے شواہد اکٹھے کر لیے گئے ہیں اور مقتول کی لاش کو ضروری قانونی کارروائی کے لیے ہسپتال منتقل کر دیا گیا ہے۔ واقعے کی تحقیقات جاری ہیں۔ مقدمہ درج کر لیا گیا ہے اور پولیس ملزمان کی تلاش میں مصروف ہے۔