Baaghi TV

Category: جرائم و حادثات

  • سیالکوٹ: پانچ روز قبل اغوا ہونے والا دو سالہ بچہ بحفاظت بازیاب، خاتون اغوا کار گرفتار

    سیالکوٹ: پانچ روز قبل اغوا ہونے والا دو سالہ بچہ بحفاظت بازیاب، خاتون اغوا کار گرفتار

    سیالکوٹ،باغی ٹی وی (بیوروچیف ، شاہد ریاض)سیالکوٹ میں پانچ روز قبل اغوا ہونے والا دو سالہ معصوم بچہ بالآخر پولیس کی انتھک کوششوں کے بعد بحفاظت بازیاب کروا لیا گیا۔ واقعے میں ملوث خاتون اغوا کار کو بھی گرفتار کر لیا گیا ہے، جو پتوکی کی رہائشی ہے۔ پولیس ترجمان کے مطابق ملزمہ نے ابتدائی تفتیش میں اعتراف کیا ہے کہ وہ اولاد نہ ہونے کے باعث بچے کو اغوا کر کے اپنے ساتھ لے گئی تھی۔

    بچے کے اغوا کی اطلاع ملنے کے بعد سیالکوٹ پولیس نے فوری کارروائی کرتے ہوئے شہر کے مختلف علاقوں میں نصب 100 سے زائد سی سی ٹی وی کیمروں کی فوٹیج کا باریک بینی سے جائزہ لیا۔ تفتیشی ٹیموں نے شب و روز محنت کر کے ملزمہ کا سراغ لگایا، جو مختلف علاقوں میں بچے کو لے کر گھومتی رہی تاکہ شک سے بچ سکے۔

    پولیس نے ٹیکنیکل اور روایتی طریقہ تفتیش کو بروئے کار لاتے ہوئے ملزمہ کا پتہ لگایا اور کارروائی کرتے ہوئے اسے گرفتار کر لیا۔ پولیس کے مطابق خاتون نے دورانِ تفتیش بتایا کہ وہ کئی سالوں سے اولاد کے لیے تڑپ رہی تھی، اور ماں بننے کی خواہش نے اسے یہ انتہائی قدم اٹھانے پر مجبور کیا۔

    بچے کو بحفاظت والدین کے حوالے کر دیا گیا ہے، جہاں خاندان نے پولیس کی بروقت کارروائی اور محنت پر اطمینان کا اظہار کیا ہے۔ ترجمان پولیس کا کہنا ہے کہ شہریوں کے تحفظ کے لیے سیالکوٹ پولیس ہر ممکن اقدامات کر رہی ہے اور اس قسم کے واقعات کو سنجیدگی سے لیا جاتا ہے۔

    سیالکوٹ پولیس نے اس کامیاب کارروائی کو اپنی پیشہ ورانہ مہارت اور جدید تفتیشی نظام کا مظہر قرار دیتے ہوئے کہا ہے کہ جرائم میں ملوث افراد کو قانون کے کٹہرے میں لایا جائے گا۔

  • ڈسکہ: ولیمے کی رات خون، پسند کی شادی نہ ہونے پر دلہن کے عاشق نے دولہا کو قتل کر دیا

    ڈسکہ: ولیمے کی رات خون، پسند کی شادی نہ ہونے پر دلہن کے عاشق نے دولہا کو قتل کر دیا

    ڈسکہ (باغی ٹی وی نامہ نگار ملک عمران) ڈسکہ کے علاقے میں پسند کی شادی نہ ہونے پر ایک افسوسناک واقعہ پیش آیا، جہاں ولیمے کی رات دلہن کے مبینہ عاشق نے فائرنگ کر کے دولہا کو قتل کر دیا۔ پولیس نے فوری طور پر مقدمہ درج کر کے کارروائی کا آغاز کر دیا ہے۔

    تفصیلات کے مطابق دھیدووالی کے رہائشی محمد جاوید عرف عدنان کی شادی تھانہ ستراہ کے موضع منڈ میں انجام پائی تھی۔ گزشتہ رات جب وہ اپنی دعوت ولیمہ کے بعد سسرال پہنچا تو وہاں پر دلہن کے مبینہ عاشق محمد بوٹا نے اس پر اندھا دھند فائرنگ کر دی، جس کے نتیجے میں وہ شدید زخمی ہو گیا۔ تشویشناک حالت کے پیش نظر جاوید کو فوری طور پر سول ہسپتال ڈسکہ سے گوجرانوالہ ریفر کیا جا رہا تھا کہ اس نے راستے میں ہی دم توڑ دیا۔

    مقتول دولہا کے والد محمد ناصر کی مدعیت میں درج کی گئی ایف آئی آر کے مطابق دلہن الفا سویرا اپنے مبینہ عاشق محمد بوٹا سے شادی کرنا چاہتی تھی لیکن گھر والوں نے اس کی زبردستی شادی محمد جاوید سے کر دی تھی۔ ایف آئی آر میں دلہن الفا سویرا اور اس کے عاشق محمد بوٹا دونوں کو نامزد کیا گیا ہے۔

    مقتول کے والد نے الزام لگایا ہے کہ دلہن نے مقتول دولہا کی جیب سے سلامیوں والی رقم، طلائی انگوٹھی، پرس اور موبائل فون بھی نکال لیا تھا۔ ستراہ پولیس نے مقتول کی میت کو سول ہسپتال کے مردہ خانے منتقل کر کے واقعے کی مزید تفتیش شروع کر دی ہے۔

  • تنگوانی: سندھ بلوچستان بارڈر پر بگٹی قبیلے کے دو گروپوں میں خونی تصادم، 3 قتل، 2 زخمی

    تنگوانی: سندھ بلوچستان بارڈر پر بگٹی قبیلے کے دو گروپوں میں خونی تصادم، 3 قتل، 2 زخمی

    تنگوانی (باغی ٹی وی نامہ نگار منصور بلوچ) تنگوانی کے قریب سندھ بلوچستان کی سرحد پر واقع جانی بیڑی کے علاقے میں بگٹی قبیلے کے دو گروہوں کے درمیان زمین کے تنازع پر شدید تصادم ہوا ہے۔

    تفصیلات کے مطابق، دونوں گروپوں کے درمیان آمنے سامنے ہونے والی شدید فائرنگ کے نتیجے میں تین افراد مر بگٹی، عزیز بگٹی اور ایک نامعلوم شخص موقع پر ہی جاں بحق ہو گئے، جبکہ تین دیگر افراد شدید زخمی ہوئے ہیں۔

    اطلاعات کے مطابق، تصادم کے بعد بھی دونوں گروپوں کے درمیان فائرنگ کا تبادلہ جاری ہے، جس کے باعث علاقے میں مزید خونریزی کا خدشہ ظاہر کیا جا رہا ہے۔

  • اوچ شریف: اسسٹنٹ کمشنر کا سرپرائز وزٹ، غیر قانونی تجاوزات کے خلاف بڑا آپریشن

    اوچ شریف: اسسٹنٹ کمشنر کا سرپرائز وزٹ، غیر قانونی تجاوزات کے خلاف بڑا آپریشن

    اوچ شریف (باغی ٹی وی نامہ نگار حبیب خان) اسسٹنٹ کمشنر احمد پور شرقیہ نوحید حیدر نے گزشتہ روز اوچ شریف کے مرکزی بازار کا اچانک معائنہ کیا اور وہاں موجود غیر قانونی تجاوزات، صفائی کی ناقص صورتحال اور عوامی گزرگاہوں پر قبضے کا سخت نوٹس لیا۔ اس اچانک دورے کی اطلاع ملتے ہی میونسپل کمیٹی کے عملے میں فوری طور پر کھلبلی مچ گئی اور تجاوزات کے خلاف ایک بڑا آپریشن شروع کر دیا گیا۔

    اسسٹنٹ کمشنر نوحید حیدر نے اپنے دورے کے دوران دکانوں کے آگے بے ترتیبی سے رکھے گئے سامان، سڑکوں پر غیر قانونی طور پر قائم کی گئی ریڑھیوں اور فٹ پاتھوں پر قابض غیر قانونی تعمیرات کو فوری طور پر ہٹانے کے سخت احکامات جاری کیے۔ انہوں نے واضح پیغام دیا کہ "اوچ شریف کے شہریوں کو ایک صاف ستھرا، کھلا اور پرامن بازار مہیا کرنا ضلعی انتظامیہ کی اولین ترجیح ہے۔ عوام کی سہولت میں کسی بھی قسم کی رکاوٹ ڈالنے والے عناصر کے خلاف سخت قانونی کارروائی عمل میں لائی جائے گی۔”

    انہوں نے میونسپل کمیٹی کے حکام کو سختی سے ہدایت کی کہ وہ روزانہ کی بنیاد پر بازار کی صورتحال کی نگرانی کو یقینی بنائیں اور بازار کی صفائی اور اس کے مناسب انتظام کو برقرار رکھنے کے لیے مستقل اور مؤثر اقدامات کریں۔ اس دوران اسسٹنٹ کمشنر نے شہریوں اور دکانداروں سے براہ راست گفتگو کرتے ہوئے تجاوزات کو معاشرتی بد انتظامی قرار دیا اور ان کے مکمل خاتمے کے لیے عوامی تعاون کو بھی ناگزیر قرار دیا۔

    اسسٹنٹ کمشنر کی جانب سے سخت کارروائی کے واضح اشارے کے بعد متعدد دکانداروں نے فوری طور پر خود ہی اپنا تجاوز شدہ سامان فٹ پاتھوں سے ہٹا لیا، جبکہ کئی دیگر مقامات پر میونسپل کمیٹی کے عملے نے بھاری مشینری کی مدد سے زبردستی قبضے ختم کروائے۔

    شہریوں نے ضلعی انتظامیہ کے اس فوری اور مؤثر اقدام کو بھرپور انداز میں سراہا اور امید ظاہر کی کہ اگر اس طرح کے اقدامات تسلسل کے ساتھ جاری رہیں تو بازار کا مجموعی ماحول بہت بہتر ہو جائے گا اور عام لوگوں کو آمد و رفت میں نمایاں آسانی میسر آئے گی۔ اس موقع پر دکانداروں سے بھی باضابطہ اپیل کی گئی کہ وہ ضابطہ اخلاق کی پاسداری کو یقینی بنائیں تاکہ انتظامیہ کو کسی بھی ناخوشگوار سخت کارروائی پر مجبور نہ ہونا پڑے۔

    اسسٹنٹ کمشنر احمد پور شرقیہ نوحید حیدر نے واضح عندیہ دیا کہ ضلعی انتظامیہ اگلے مرحلے میں شہر کے دیگر تمام علاقوں میں بھی اسی طرز کا جامع آپریشن شروع کرے گی تاکہ غیر قانونی تجاوزات کا مکمل طور پر خاتمہ ممکن بنایا جا سکے

  • تونسہ: اے ایس آئی اور کانسٹیبل کوشہید کرنیوالے، 3 ڈاکو پولیس مقابلے میں ہلاک، 2 فرار

    تونسہ: اے ایس آئی اور کانسٹیبل کوشہید کرنیوالے، 3 ڈاکو پولیس مقابلے میں ہلاک، 2 فرار

    ڈیرہ غازی خان (باغی ٹی وی) تھانہ صدر تونسہ کی حدود میں سپر بند 2 کے مقام پر دوران گشت پولیس نے جرائم پیشہ عناصر کی اطلاع پر ناکہ بندی کی۔ اسی دوران پانچ مسلح ملزمان دریا کی جانب سے آتے ہوئے سپر بند 2 کی طرف بڑھے اور پولیس پارٹی کو دیکھتے ہی اندھا دھند فائرنگ کر دی۔ پولیس نے حفاظت خود اختیاری کے تحت پوزیشن سنبھالتے ہوئے جوابی فائرنگ کی۔ تقریباً 15 سے 16 منٹ تک جاری رہنے والے فائرنگ کے تبادلے میں تین خطرناک ڈاکو ہلاک ہو گئے۔

    ہلاک ملزمان کی شناخت رحمت اللہ عرف رانجھا سنجرانی، فہد عرف فہدی اور آصف عرف حاجی سنجرانی کے ناموں سے ہوئی ہے۔ یہ تینوں تھانہ صدر تونسہ کی حدود میں اے ایس آئی غلام شبیر اور کانسٹیبل غلام فرید کو شہید کرنے میں ملوث تھے۔

    دو ملزمان اندھیرے کا فائدہ اٹھاتے ہوئے موٹرسائیکل پر فرار ہو گئے۔ پولیس موبائل پر بھی فائرنگ کے نشانات ملے تاہم خوش قسمتی سے کوئی پولیس اہلکار زخمی نہیں ہوا۔ علاقے میں مزید سرچ آپریشن اور قانونی کارروائی جاری ہے۔

    ڈی پی او ڈیرہ غازی خان سید علی نے کہا کہ اے ایس آئی غلام شبیر اور کانسٹیبل غلام فرید نے امن و امان کے قیام کے لیے مثالی خدمات انجام دیں اور ان کی قربانیوں کو ہمیشہ یاد رکھا جائے گا۔ پولیس جرائم پیشہ عناصر کے خلاف بھرپور کارروائیاں جاری رکھے گی۔

  • فلسطینیوں سے یکجہتی کیلئے ہڑتال، دکان بند نہ کرنے پر جھگڑا، بازار کا صدر قتل

    فلسطینیوں سے یکجہتی کیلئے ہڑتال، دکان بند نہ کرنے پر جھگڑا، بازار کا صدر قتل

    شانگلہ:فلسطینیوں سے یکجہتی کیلئے ہونے والی ہڑتال کے دوران دکان بند نہ کرنے پر جھگڑا ہوگیا، بازار کے صدر کو قتل کردیا گیا۔

    پولیس کے مطابق کوزہ الپوری میں بازار کے صدر اور میڈیکل اسٹور کے مالک رشید علی کے درمیان ہڑتال کے دوران دکان بند نہ کرنے پر بحث و مباحثہ جان لیوا جھگڑے تک جا پہنچا، جھگڑے میں مذکورہ علاقے کے بازار کا صدر قتل ہوگیا ملزمان فرار ہوگئے ہیں، مقدمہ درج کرکے تفتیش شروع کردی گئی ہے۔

    دریں اثنا مقبوضہ جموں و کشمیر میں بھارتی جارحیت اور غزہ میں اسرائیلی مظالم کے خلاف جماعت اسلامی کی کال پر آج ملک بھر میں شٹر ڈاون ہڑتال ہوئی جس کے باعث مختلف شہروں میں چھوٹے اور بڑے کاروباری مراکز بند رہے۔

    کراچی میں بھی تاجر برادری کی جانب سے کشمیریوں اور فلسطینیوں سے اظہار یکجہتی کیلئے مارکیٹیں اور تجارتی مراکز نہیں کھولے گئےلاہور میں بھی نہتے فلسطینیوں کی حمایت میں چھوٹے بڑے بازار اور تجارتی مراکز میں کاروباری سرگرمیاں معطل ہیں، کوئٹہ میں لیاقت بازار، میزان چوک، مشن روڈ، عبدالستار روڈ، مسجد روڈ اور دیگر علاقوں میں دکانیں بند رہیں۔

  • کراچی‘ مزاحمت پر رائیڈر قتل،4 ماہ میں ڈاکوؤں کے ہاتھوں 34 شہری جاںبحق

    کراچی‘ مزاحمت پر رائیڈر قتل،4 ماہ میں ڈاکوؤں کے ہاتھوں 34 شہری جاںبحق

    کراچی کے علاقے شاہ فیصل کالونی میں باغ کورنگی پل کے قریب ڈکیتی کے دوران مزاحمت پر ڈاکوؤں کی فائرنگ سے 50 سالہ موٹرسائیکل سوار جاں بحق ہوگیا۔

    باغی ٹی وی کے مطابق واقعہ باغ کورنگی پل کے قریب شرافی گوٹھ تھانے کی حدود میں پیش آیا، جہاں موٹر سائیکل سوار ڈاکوؤں کی فائرنگ سے آن لائن رائیڈر جاں بحق ہوگیا، جس کی شناخت جناح اسپتال میں ندیم احمد کے نام سے ہوئی ہے۔مقتول آن لائن موٹرسائیکل رائیڈر، مسجد میں خادم اور 3 بچوں کا باپ تھا۔ واقعے کے وقت نارتھ کراچی سے کورنگی کی جانب جا رہا تھا۔فائرنگ کے بعد زخمی حالت میں ندیم کو جناح اسپتال منتقل کیا گیا، جہاں وہ دوران علاج زخموں کی تاب نہ لاتے ہوئے دم توڑ گیا۔

    پولیس نے مقتول کی لاش قانونی کارروائی کے بعد ورثا کے حوالے کردی۔مقتول کے بھانجوں نے واقعے پر شدید غم و غصے کا اظہار کرتے ہوئے کہا کہ شہر میں بڑھتی ہوئی وارداتیں عوام کو عدم تحفظ کا شکار کر رہی ہیں۔ مقتول کے بھانجے ارسلان کا مزید کہنا تھا کہ رات 4 بجے گھر جاتے ہوئے ماموں کو کال کی تو پولیس نے فون اٹھایا۔ فون پر موجود شخص نے پوچھا یہ آپ کے کون لگتے ہیں، جس پر میں بتایا کہ ماموں ہیں۔
    پولیس نے بتایا کہ انہیں گولی لگی ہے اور یہ جاں بحق ہو گئے ہیں۔ میں یہ سن کر فوری جناح اسپتال پہنچا۔مقتول ندیم احمد کے سالے ماجد علی نے کہا کہ شہر میں جنگل کا قانون ہے۔ 3 بچوں کا باپ رات کو روڈ پر آرہا تھا جب واردات ہوئی۔ شاہ فیصل پل پر آئے دن لوٹ مار کی وارداتیں ہو رہی ہیں کوئی پوچھنے والا نہیں۔ مقتول ندیم احمد کافی دن بعد ہمارے گھر نارتھ کراچی آئے تھے اور دیر سے واپس گھر جا رہے تھے جس پر انہیں روکا بھی تھا، لیکن گھریلو ذمے داریوں کی وجہ سے وہ رات گئے اپنے گھر کے لیے نکل گئے تھے۔

    ان کا مزید کہنا تھا کہ ندیم احمد انتہائی پر خلوص اور نمازی انسان تھے۔ کورنگی کے مکین تھے اور علاقے میں ہی قائم مسجد کے مؤذن بھی تھے۔ اس کے ساتھ ساتھ گھر والوں کا پیٹ پالنے کے لیے آن لائن موٹر سائیکل چلاتے تھے۔یاد رہے کہ رواں سال کے اعداد و شمار کے مطابق 2025 کے آغاز سے اب تک ڈاکوؤں کے ہاتھوں قتل ہونے والے افراد کی تعداد 34 ہوچکی ہے، جن میں صرف جنوری میں 5، فروری میں 10، مارچ میں 9 اور اپریل میں اب تک 10 شہری لقمہ اجل بن چکے ہیں۔شہریوں نے حکومت اور قانون نافذ کرنے والے اداروں سے مطالبہ کیا ہے کہ کراچی میں بڑھتے ہوئے اسٹریٹ کرائمز کو روکنے کے لیے فوری اور مؤثر اقدامات کیے جائیں۔

    اگر شرارت کی تو بھارت میں ہو گی ہر طرف تباہی ،پاکستان نے ٹارگٹ سیٹ کر لئے

    میرے ہاتھ کبھی نہیں اٹھے، جس دن وسیم اکرم سے سامنا ہو گیا دنیا دیکھے گی،عطاء الرحمان

  • کشمور میں انسانی المیہ، ڈاکو گینگز کا راج اور پولیس کی بے حسی، عوام پریشان

    کشمور میں انسانی المیہ، ڈاکو گینگز کا راج اور پولیس کی بے حسی، عوام پریشان

    کشمور میں انسانی المیہ، ڈاکو گینگز کا راج اور پولیس کی بے حسی، عوام پریشان
    تحریر: منصور بلوچ، پریس کلب تنگوانی
    ضلع کشمور میں اس وقت امن و امان کی انتہائی خراب صورتحال دیکھنے میں آ رہی ہے، جہاں عام زندگی مفلوج اور عذاب بن گئی ہے اور علاقے کا امن و امان تباہ ہو گیا ہے۔
    ضلع کشمور میں کئی طاقتور ڈاکو گینگز موجود ہیں لیکن یہاں ہم تحصیل تنگوانی کے ڈاکو گینگز کی بات کریں گے۔

    طاقتور ڈاکو گینگز کے ہاتھوں علاقے کی عوام یرغمال بنی ہوئی ہے، جن میں خاص طور پر بھلکانی گینگ، بھیہ گینگ، کوکاری گینگ، جعفری گینگ، بنگلانی گینگ اور بہت سارے چھوٹے بڑے گروہ شامل ہیں۔ ان گروہوں نے خاص طور پر تحصیل تنگوانی کے امن و امان کو تباہ کر دیا ہے۔
    یہ ڈاکو گینگز بغیر کسی خوف کے دن دہاڑے اور رات کو سڑکوں، دیہاتوں اور بستیوں پر چوری، رہزنی اور ڈاکہ زنی کرتے ہیں۔ یہ خاص طور پر اغوا برائے تاوان میں ملوث ہیں اور کئی وارداتوں میں مفرور ہیں۔

    یہ ڈاکو ہائی ویز اور لنک روڈز پر روزانہ سرعام پولیس کے سامنے ڈاکہ ڈال کر فرار ہو جاتے ہیں۔ انہیں کوئی روکنے والا نہیں ہے۔ ان گینگز کی دہشت گردی اور ظلم کی وجہ سے مقامی لوگ مسلسل خوف و ہراس میں مبتلا ہیں۔بچے سکول جانے سے خوفزدہ ہیں، اساتذہ عدم تحفظ کا شکار ہیں جبکہ کاروباری طبقہ کاروبار کرنے سے ڈر رہا ہے۔ مزدور اور محنت کش طبقہ شدید مشکلات کا شکار ہو گیا ہے۔ ان سب کی زندگی مفلوج ہو گئی ہے۔

    سب سے افسوسناک صورتحال یہ ہے کہ قانون نافذ کرنے والے ادارے خصوصاً پولیس اور رینجرز، کہیں نظر نہیں آتے۔پولیس کا کردار انتہائی مشکوک دکھائی دیتا ہے۔ عوام کا کہنا ہے کہ پولیس ان طاقتور گینگز کے خلاف کارروائی کرنے میں ناکام ہے یا اس کی صلاحیت ہی موجود نہیں ہے۔نتیجتاً گینگز کے ملزم ڈاکو بہت خوفناک ہو چکے ہیں اور پولیس نے عوام کو اکیلا چھوڑ دیا ہے۔ عوام خود کو غیر محفوظ محسوس کر رہی ہے۔

    کیا کشمور کے عوام پاکستان کے شہری نہیں ہیں؟ کیا ان لوگوں کو پرامن زندگی گزارنے کا حق حاصل نہیں ہے؟

    اس وقت تنگوانی کے کتنے ہی گھر اُجڑ چکے ہیں، کتنے ہی افراد اپنے پیاروں سے بچھڑ چکے ہیں یا قتل ہو چکے ہیں۔ کتنے ہی افراد اغوا ہو چکے ہیں جن کی بازیابی کے لیے ریاست کی کوئی رٹ موجود نہیں ہے۔

    ہم سندھ حکومت، وفاقی حکومت اور اعلیٰ حکام سے پرزور اپیل کرتے ہیں کہ خدارا کشمور ضلع کی عوام پر رحم کریں اور فوری طور پر بڑے پیمانے پر فوجی آپریشن کیا جائے۔ ڈاکو گینگز کا خاتمہ کیا جائے۔پولیس فورس کو مزید مضبوط اور بااختیار بنایا جائے، پولیس کو جوابدہ بنایا جائے تاکہ پولیس اپنی ذمہ داریاں صحیح طریقے سے ادا کرے۔

    کشمور کی عوام اس عذاب سے نجات چاہتی ہے، امن و امان چاہتی ہے پر سکون زندگی گزارنا چاہتی ہے اور ڈاکو گینگز اور دہشت گردی کے عذاب سے آزادی حاصل کرنا چاہتی ہے۔کوئی ہے جو عوام کو ڈاکوؤں سے آزادی اور تحفظ دلائے؟؟؟

  • اوکاڑہ: ڈی ایچ کیو ہسپتال میدان جنگ بن گیا، ڈنڈے، سوٹے اور فائرنگ، 5 زخمی، 2 کی حالت نازک

    اوکاڑہ: ڈی ایچ کیو ہسپتال میدان جنگ بن گیا، ڈنڈے، سوٹے اور فائرنگ، 5 زخمی، 2 کی حالت نازک

    اوکاڑہ ،باغی ٹی وی(نامہ نگار ملک ظفر) اوکاڑہ کے ڈسٹرکٹ ہیڈ کوارٹر ہسپتال میں میڈیکل حاصل کرنے کے لیے آنے والے دو گروپوں کے درمیان دوبارہ تصادم ہو گیا، جس میں اینٹوں، ڈنڈوں، سوٹوں اور فائرنگ کا آزادانہ استعمال کیا گیا۔ جھگڑے کے نتیجے میں پانچ افراد زخمی ہو گئے جن میں سے دو کی حالت تشویشناک بتائی جا رہی ہے۔

    تفصیلات کے مطابق نواحی گاؤں 39 تھری آر کے رہائشی دو گروپوں کے درمیان پہلے جھگڑا ہوا، جو میڈیکل رپورٹ کے حصول کے لیے ڈی ایچ کیو ہسپتال اوکاڑہ پہنچے۔ وہاں ایک بار پھر تلخ کلامی شدت اختیار کر گئی اور دیکھتے ہی دیکھتے ہسپتال کا ماحول میدان جنگ میں تبدیل ہو گیا۔ فریقین نے ایک دوسرے پر اینٹوں، ڈنڈوں اور سوٹوں سے حملہ کر دیا، جبکہ فائرنگ بھی کی گئی، جس کے نتیجے میں پانچ افراد زخمی ہو گئے۔

    فائرنگ کے نتیجے میں شدید زخمی ہونے والے غلام دستگیر اور علی رضا کو ابتدائی طبی امداد کے بعد تشویشناک حالت میں ساہیوال ریفر کر دیا گیا۔ واقعے کی اطلاع ملتے ہی پولیس کی بھاری نفری موقع پر پہنچ گئی اور فوری کارروائی کرتے ہوئے تین ملزمان اللہ دتہ، غلام حیدر اور حنیف کو گرفتار کر لیا۔

    ڈسٹرکٹ پولیس آفیسر راشد ہدایت نے واقعے کا نوٹس لیتے ہوئے متعلقہ حکام کو ہدایت دی ہے کہ جھگڑے میں ملوث افراد کے خلاف سخت قانونی کارروائی عمل میں لائی جائے۔

  • ڈسکہ: آٹے کے کنستر میں دم گھٹنے سے دو معصوم بہن بھائی جاں بحق

    ڈسکہ: آٹے کے کنستر میں دم گھٹنے سے دو معصوم بہن بھائی جاں بحق

    ڈسکہ،باغی ٹی وی (نامہ نگارملک عمران) ڈسکہ کے قصبہ منڈیکی گورائیہ میں ایک انتہائی افسوسناک واقعہ پیش آیا ہے، جہاں معمولی غفلت اور لاپرواہی کے باعث دو کمسن بھائی اپنی جانوں سے ہاتھ دھو بیٹھے۔ پانچ سالہ عبیداللہ اور چھ سالہ ارحم گھر کی چھت پر رکھی ہوئی آٹے والی ایک ناکارہ پیٹی (کنستر) میں دم گھٹنے سے جاں بحق ہو گئے۔ اس المناک خبر نے پورے علاقے کو سوگوار کر دیا اور گھر میں کہرام مچ گیا۔

    تفصیلات کے مطابق گھر والوں نے آٹے والی ایک خالی پیٹی کو ناکارہ سمجھ کر چھت پر رکھا ہوا تھا۔ کھیلتے ہوئے دونوں معصوم بھائی اس پیٹی میں داخل ہو گئے اور اتفاقاً پیٹی کا ڈھکن بند ہو گیا۔ اندر بند ہونے کے باعث دونوں کمسن بھائی دم گھٹنے کے سبب موقع پر ہی جاں بحق ہو گئے۔

    بچوں کے لاپتہ ہونے پر گھر والے پریشان ہو گئے اور انہیں ہر جگہ تلاش کرتے رہے۔ یہاں تک کہ مساجد میں بھی ان کی گمشدگی کے اعلانات کروائے گئے لیکن ان کی تلاش بے سود ثابت ہوئی۔ بالآخر جب بچوں کی نعشیں اس آٹے والی پیٹی سے ملیں تو گھر میں کہرام برپا ہو گیا۔

    اطلاع ملنے پر تھانہ صدر ڈسکہ کی پولیس فوری طور پر موقع پر پہنچی اور دونوں بچوں کی لاشوں کو تحویل میں لے کر سول ہسپتال ڈسکہ منتقل کیا۔ بعد ازاں غم و اندوہ کی فضا میں دونوں کمسن بھائیوں کی نماز جنازہ ادا کی گئی اور انہیں سپرد خاک کر دیا گیا۔ اس دلخراش واقعہ نے پورے علاقے کو گہرے صدمے سے دوچار کر دیا ہے۔