Category: جرائم و حادثات

آئی جی پنجاب شعیب دستگیر کی زیر صدارت سنٹرل پولیس آفس میں ویڈیو لنک آر پی اوز، ڈی پی اوزکانفرنس

لصوبے میں امن و امان کی مجموعی صورتحال، کورونا لاک ڈاؤن سمیت دیگر پیشہ ورانہ امور کا تفصیلی جائزہ لیا گیا۔ آئی جی پنجاب شعیب دستگیر کا کہنا تھا کہ یوم حضرت علی ؓ کے ماتمی جلوسوں اور مجالس ہونے یا نہ ہونے کے حکومتی فیصلے پر عمل درآمد کیلئے بھرپور تیاری رکھی جائے۔ کورونا لاک ڈاؤن کے پیش نظردوکانوں اور مارکیٹوں پر عائد پابندی اور ٹائم ٹیبل کی پاسداری کو یقینی بنایا جائے۔ کورونا سے متاثرہ پولیس ملازمین کو فی الفورویلفیئر فنڈ سے فی کس 25ہزار روپے دئیے جائیں۔ ذخیرہ اندوزی میں ملوث معاشرتی ناسوروں کے خلاف بلا امتیاز ترجیحی بنیادوں پر قانونی کاروائی کو یقینی بنایا جائے۔ سینئر افسران حساس مساجد، امام بارگاہوں سمیت دیگرمقامات کی سیکیورٹی انتظامات کی خود انسپکشن جاری رکھیں۔ دینی عبادت گاہوں کی سیکیورٹی پر بوڑھے، لاغر یا بیمار سیکیورٹی گارڈ نہ ہوں جبکہ سرچ کا عمل والنٹئیرز سے کروایا جائے۔ تھانوں کیلئے زمین کی نشاندہی کے عمل کو جلد از جلد مکمل کیاجائے اس ضمن میں ڈپٹی کمشنر سے قریبی رابطہ رکھیں۔رمضان المبارک کے آخری عشرے میں بینکوں، شاپنگ سنٹرز اورمارکیٹوں کی سیکیورٹی کو مزید سخت کیا جائے۔ ایڈیشنل آئی جی آئی اے بی اظہر حمید کھوکھر، ایڈیشنل آئی جی ویلفیئر اینڈ فنانس طارق مسعود یٰسین، ایڈیشنل آئی جی آپریشنز پنجاب انعام غنی، ایڈیشنل آئی جی اسٹیبلشمنٹ بی اے ناصر، ایڈیشنل آئی جی انویسٹی گیشن فیاض احمد دیو، ایڈیشنل آئی جی سی ٹی ڈی محمد طاہر رائے، ایڈیشنل آئی جی سپیشل برانچ زعیم اقبال شیخ اور ڈی آئی جی آپریشنز سہیل اختر سکھیرا بھی میٹنگ میں موجود تھے۔

باغی ٹی وی کو ملنے والی تفصیلات کے مطابق لاہور پولیس آپریشنز ونگ نے رواں سال اب تک 18ہزار سے زائد ملزمان گرفتار کئے۔ 337گینگز کے818ملزمان گرفتار،05کروڑ روپے سے زائد مالیت کا مال مسروقہ برآمد کیے گئے۔ ناجائز اسلحہ کے خلاف گرینڈ آپریشن کے دوران1857ملزمان کو گرفتارکیا گیا۔ 92رائفلز،13کلاشنکوف،70بندوقیں،1601ریوالورز برآمد کیے گئے۔ 2582منشیات فروش گرفتار،873کلوگرام سے زائد چرس،32کلو 996گرام ہیروئن برآمد ہوئے۔
01کلو306گرام آئس،117کلوگرام سے زائد ا فیون اور22ہزار931لِٹر شراب برآمد کیے گئے۔ 01ہزار527قمار باز گرفتار،داؤ پر لگی39لاکھ81ہزار روپے سے زائد ٹکڑی برآمد ہوئے۔ قحبہ خانوں کے خلاف کارروائی کے دوران390ملزمان گرفتار، 149 مقدمات درج کیے گئے۔ کیٹیگری اے اور بی کے 1177اشتہاری مجرمان،1392عدالتی مفروران گرفتار کیے گئے۔ پتنگ بازی، ہوائی فائرنگ، ون ویلنگ ودیگرقانون شکنی پر 08ہزار285ملزمان بھی گرفتارکئے گئے۔

جزوی لاک ڈاﺅن کی وجہ سے جرائم میں واضح کمی

لاہور میں جزوی لاک ڈاون کے دوران کرائم کی وارداتوں میں واضح کمی دیکھنے میں آئی۔ لاہور پولیس نے جزوی لاک ڈاﺅن اور اس کے قبل ایک ماہ کی تقابلی جائزہ رپورٹ جاری کر دی۔ جزوی لاک ڈاون کے دوران ڈکیتی اور راہزنی کی وارداتوں میں 39 فیصد کمی ہوئی۔ روڈ اینڈ شاپ روبری کیسز میں 42 فیصد کمی دیکھنے میں آئی۔ لاک ڈاون کے دوران روڈ سنیچنگ کی وارداتوں میں 37 فیصد کمی ہوئی۔ لاک ڈاون کے دوران قتل کے کیسز میں 80 فیصد کمی ہوئی۔ گاڑی چھیننے کی وارداتوں میں 30 فیصد جبکہ گاڑی چوری کی وارداتوں میں 29 فیصد کمی ہوئی۔ جزوی لاک ڈاون کے دوران چوری کی وارداتوں میں 33 فیصد کمی ہوئی۔جزوی لاک ڈاون کے دوران گھریلو تشدد کے واقعات میں 25 فیصد اضافہ ہوا۔ گلی محلوں میں معمولی لڑائی جھگڑوں کے واقعات میں 12 فیصد اضافہ ہوا۔ ترجمان لاہور پولیس کا کہنا ہے کہ لاہور پولیس اپنے باسیوں کی سیفٹی اور سکیورٹی کو یقینی بنائے ہوئے ہے۔ امن و امان اور قانون شکن عناصر کے خلاف سخت کریک ڈاﺅن جاری ہے۔

لاہور میں رنگے ہاتھوں ڈاکو پکڑنے پر ڈولفن سکواڈ کے اہلکاروں میں تعریفی اسناد و نقد انعامات تقسیم کیے۔ ایس ایس پی آپریشنز فیصل شہزاد کی طرف سے ڈولفن ٹیم 231 میں تعریفی اسناد اور نقد انعام تقسیم کیے گئے۔ ڈاکوؤں نے گذشتہ دنوں شہری محمد ریاض کو دورانِ ڈکیتی جان سے مارنے کی کوشش کی تھی۔ ڈولفن ٹیم نے فوری جائے وقوعہ پر پہنچ کر شہری کی جان بچائی۔ ڈولفن اہلکاروں نےڈکیتی کی واردات ناکام بنا کر بلال نامی ڈاکو کواسلحہ سمیت گرفتار بھی کیا۔ انعام حاصل کرنے والوں میں ڈولفن اہلکار رانا محمد فرحان،جہانگیر، عاطف اور قدوس خان شامل ہیں۔ ایس ایس پی آہریشنز لاہور فیصل شہزاد کا کہنا ہے کہ سٹریٹ کرائم کے تدارک میں ڈولفن سکواڈ نے قابل فخر کارنامے انجام دیئے ہیں۔ بہادری اور فرض شناسی کا مظاہرہ کرنے والے ڈولفن جوان پولیس فورس کے لئے باعث فخر ہیں۔ فرائض منصبی عبادت سمجھ کر انجام دینے والے جوان محکمہ پولیس کی شان ہیں

ایس پی سی آئی لاہور عاصم افتخار کی سربراہی میں سی آئی اے صدر ڈویژن کی بڑی کارروائی۔ شہریوں کودوران مالش قتل کرنے والابہروپیااعجاز عرف ججی گرفتار،اندھے قتل کی 5وارداتیں ٹریس کر لی گئیں۔

باغی ٹی وی کے ذرائع کے مطابق ملزم اعجازاپنے ساتھیوں کے ہمراہ مالشیے کے روپ میں مختلف پارکوں میں واردات کی نیت سے گھومتا تھا۔ ملزم اعجاز اپنے ساتھیوں کیساتھ آسان ٹارگٹ کو تلاش کرتا اورمالش کے لیے سنسان جگہ پرجانے کے لیے آمادہ کرتاتھا۔ ملز مان دوران مالش شہریوں کو گردن کا منکا توڑ کر یا چھریوں کے وار کر کے قتل کردیتے تھے۔ ملزمان قتل کرنے کے بعد نعش کو وہیں چھوڑ دیتے اورموبائل، نقدی اور دیگر قیمتی اشیاء لے کر خاموشی سے فرار ہو جاتے تھے۔ ملزم اعجاز کا راوی روڈ، بھاٹی گیٹ، شادباغ، اسلامپورہ اور ضلع راولپنڈی میں 5شہریوں کو قتل کرنے کا سنسنی خیزانکشاف۔ ڈی ایس پی سی آئی اے صدر دانش آصف رانجھا نے خطرناک قاتل کو گرفتار کیا جبکہ دیگر 2ملزمان کی گرفتاری کے لیے چھاپے مارے جا رہے ہیں۔

لاہور کی احتساب عدالت نے رمضان شوگر مل ریفرنس میں اپوزیشن لیڈر پنجاب اسمبلی حمزہ شہباز کو 12 مئی کو ہر صورت عدالت میں پیش کرنے کا حکم دے دیا۔
احتساب عدالت کے جج امجد نذیر چوہدری نے رمضان شوگر مل ریفرنس کا تحریری حکم نامہ جاری کر دیا ۔عدالت نے حمزہ شہباز کو12مئی کو ہر صورت پیش کرنے کا حکم دے دیا اور عدالت نے قرار دیا ہے کہ
حمزہ شہباز پر فرد جرم عائد کرنا ہےجیل حکام بغیر کسی عزر کے ائندہ سماعت پر حمزہ شہباز کو پیش کریں ۔تحریری فیصلے میں کہا گیا ہے کہ حمزہ شہباز کی پیشی کے لیے خصوصی انتظامات کیے جائیں اور انہیں جیل سے عدالت لایا جائے تاکہ فرد جرم کے حوالے سے کاروائی کو آگے بڑھایا جائے ۔عدالت نے رمضان شوگر ملز کی سماعت کا ایک صفحے پر مشتمل تحریری حکم جاری کیا ۔

لاہور ،پولیس سٹیشن میں دھماکا

باغی ٹی وی کی رپورٹ کے مطابق لاہور کے ایک تھانے میں پراسرار دھماکے سے ایک شخص جاں بحق جبکہ تین زخمی ہو گئے

لاہور کے نواحی علاقے تھانہ فیروز والہ کی حوالات کے باہر پراسرار دھماکہ ہوا ،جس کی آواز دور دور تک سنی گئی، دھماکے کے نتیجے میں ایک شخص جاں بحق ہو گیا جبکہ 3 افراد زخمی ہو گئے جن کو طبی امداد کے لئے ہسپتال منتقل کر دیا گیا

دھماکہ کیسے ہوا ؟ اس پر تحقیقاتی اداروں نے تحقیقات کا آغاز کر دیا ہے، دوسری جانب کہا جا رہا ہے کہ دھماکہ سلنڈر کا تھا، اور یہ سلنڈر گزشتہ ماہ تھانے میں لایا گیا تھا،

دھماکے میں تھانے میں صفائی کرنے والا اہلکار جان کی بازی ہار گیا، سلنڈر تھانے میں موجود تھا اور کہا جا رہا ہے کہ سلنڈر ایک فیکٹری میں آتشزدگی کے بعد تھانے میں منتقل کئے گئے تھے اور ایک ماہ سے وہیں پڑے تھے،

حادثے کے بعد پولیس نے حوالات سے ملزمان کو نکال کر دوسرے تھانے منتقل کر دیا ہے،،دھماکے میں جاں بحق ہونے والے شخص کی لاش اور زخمیوں کو طبی امداد کے لئے اسپتال منتقل کردیا گیا

سابق وزیراعظم نواز شریف کے کزنز کی زیر ملکیت کمپنیوں کے بینک ڈیفالٹر سے متعلق درخواستوں پر بیس مئی کو زاتی حیثیت میں پیش ہونے کا حکم دے دیا۔۔۔۔اگر پیش ناں ہوئے تو وارنٹ گرفتاری جاری کریں گے۔۔ لاہور کی بنکنگ کورٹ کے جج منیر احمد جوئیہ نے کیس کی سماعت کی۔۔۔۔عدالت کو بتایا گیا کہ گزشتہ سماعت پر بھی نواز شریف کے کزنز میاں جاوید شفیع، طارق شفیع، زاہد شفیع اور میاں شاہد شفیع پیش نہیں ہوئے تھے۔۔۔۔جس پر وکیل شاہد شفیع وغیرہ نے عدالت کو بتایا کہ کرونا وائرس کے باعث انکے موکلان پیش نہیں ہوسکتے بنکنگ عدالت نے نواز شریف کے پانچ کزنز کو 20 مئی کو طلب کر لیا۔۔عدالت،نے ریمارکس دیتے ہوئے کہا کہ آئندہ سماعت پر پیش ناں ہوئے تو عدالت وارنٹ گرفتاری جاری کرئے گی،سابق وزیراعظم کے کزنوں کیخلاف مختلف بنکوں نے کشمیر شوگر ملز اور اتفاق شوگر ملز سے قرضوں کی واپسی کے لیے عدالت سے رجوع کر رکھا ہے

آئی جی پنجاب شعیب دستگیر کی زیر صدارت آئی ٹی پراجیکٹس کے متعلق سنٹرل پولیس آفس میں اجلاس ہوا۔ دوران اجلاس ڈی آئی جی آئی ٹی نے نئے ماڈیولز اورسافٹ وئیرز کی تیاری کے متعلق آئی جی پنجاب کو بریفنگ دی۔ پنجاب پولیس کے مختلف آئی ٹی پراجیکٹس کی کارکردگی کا جائزہ لینے کے بعدآئی جی پنجاب نے احکامات جاری کئے۔ پولیس کے آپریشنل اور ورکنگ سسٹم کو آئی ٹی کے نئے ماڈیولز پر اپ گریڈ کرنے کا سلسلہ جاری رکھا جائے۔ عوامی سہولت کیلئے شروع کئے گئے مختلف پراجیکٹس میں مزید بہتری کیلئے انسپکشن کو مزید موثر بنایاجائے۔ پنجاب پولیس کی ویب سائٹ کو شہریوں کی سہولت اور رابطہ کاری کیلئے مزید آسان اور موثر بنایا جائے۔ فرنٹ ڈیسک، خدمت مراکز اور 8787کمپلینٹ سسٹم پر موصول ہر درخواست کوٹائم فریم کے اندر حل کیا جائے۔ پولیس اسٹیشن ریکارڈ مینجمنٹ سسٹم،کریمنل ریکارڈ آفس اورہوٹل آئی سمیت دیگرپراجیکٹس کومزید اپ گریڈ کیا جائے۔ سنگین جرائم کی بیخ کنی اور تفتیش کے لیے جیو فینسنگ اور فارنزک سائنس سے بطور خاص استفادہ کیا جائے۔ اجلاس میں ایڈیشنل آئی جی انویسٹی گیشن فیاض احمد دیو، ڈی آئی جی کرائم انویسٹی گیشن ڈاکٹر مسعود سلیم، ڈی آئی جی آئی ٹی وقاص نذیر سمیت دیگر افسران موجود تھے۔۔