Category: جرائم و حادثات

سری نگر:پانچ سالہ بیٹے کے سامنے خاتون کا گینگ ریپ، ظالم سگریٹ سے جسم داغتے رہے,اطلاعات کے مطابق سری نگرکے نواح میں ایک خاتون کا اس کے بیٹے کے سامنے گینگ ریپ کیا گیا ،اس اطلاع کے بعدپوری وادی میں شدید مظاہرے شروع ہوگئے ہیں

#Woman #gang-raped, singed with #cigarette in front of 5-year-old son in #Keralahttps://t.co/75V1uTuCll

— Rising Kashmir (@RisingKashmir) June 5, 2020

باغی ٹی وی کے  مطابق سری نگر کے نواح میں 5 سالہ کے سامنے اس کی والدہ کے ساتھ ریپ کرنے والوں نے بچے کی ماں پرتشدد بھی کیا ہے ذرائع کا یہ کہنا ہے کہ اس کشمیری خاتون کے رشتہ داروں کی طرف سے سخت احتجاج جاری ہے لیکن ابھی تک پولیس نے کسی مجرم کو گرفتار نہیں کیا

یاد رہے کہ اس سے پہلے بھی کئی کشمیری خواتین کے ساتھ اجتماعی زیادتی کی گئی لیکن آج تک کسی مجرم کو گرفتار نہیں کیا گیا اورنہ ہی انکوائری کی گئی

ٹیکساس:والدین اولاد کے دشمن بن گئے : بچے کو آئس کا نشہ کرانے والے والدین کے ساتھ پولیس نے کیا سلوک کیا اہم خبرآگئی ،طلاعات کے مطابق امریکی ریاست ٹیکساس میں والدین نے اپنے ہی دس سالہ بچے کو آئس نشے کا عادی بنا دیا، پولیس نے دونوں کو گرفتار کر لیا۔

غیر ملکی میڈیا کے مطابق پولیس نے ٹیکساس میں ایسے والدین کو گرفتار کیا ہے جو اپنے دس سالہ بچے کو آئس نشہ کرا رہے تھے، پولیس کا کہنا تھا کہ بچے کا نشے کا ٹیسٹ کیا گیا تو مثبت آ گیا، جس پر اس کے والدین کو گرفتار کر لیا گیا۔

رپورٹس کے مطابق گزشتہ برس ستمبر میں ایک کیس کے سلسلے میں شروع ہونے والی تحقیقات کے نتیجے میں ابھی یہ بات سامنے آئی ہے کہ 39 سالہ جوڑے کوڈی اسٹون اور کیتھرین کراؤچ نے اپنے ہی بیٹے کو آئس نشہ کرایا۔ پیر کے دن پولیس نے دونوں کے خلاف اپنے بچے کی زندگی خطرے میں ڈالنے کے الزام کے تحت مقدمہ درج کر کے انھیں گرفتار کر لیا۔

عدالتی کاغذات میں کہا گیا تھا کہ چائلڈ پرٹیکٹو سروسز کے عملے نے پولیس سے رابطہ کر کے اطلاع دی تھی کہ مذکورہ والدین کے ساتھ ان کے دس سالہ بچے کا منشیات ٹیسٹ بھی مثبت آ گیا ہے۔بعد ازاں، دونوں میاں بیوی کو 15 ہزار ڈالر کی ضمانت کے بعد جیل سے رہا کر دیا گیا۔

نئی دہلی : سب انسپکٹر بن کر شادی کرنیوالے درزی کو بیوی نے گرفتارکرا دیا،شرمناک وجہ سامنے آگئی اطلاعات کے مطابق ضلع کیمور میں پولیس نے ایک ایسے جعل ساز کو گرفتار کیا ہے جس نے خود کو سب انسپکٹر ظاہر کرکے ایک پولیس افسر کو دھوکہ دے کر اس کی بیٹی سے شادی کی۔

بھارت کے ضلع کیمور میں ایک درزی نے فرضی سب انسپکٹر بن کر ریٹائرڈ پولیس انسپکٹر کی بیٹی سے شادی کر کے لاکھوں روپے کی دھوکہ دہی کی۔ یہ معاملہ ایک سال بعد سامنے آیا جب لڑکی نے تحریری شکایت تھانہ میں درج کرائی۔

بھارتی میڈیا کے مطابق فرضی انسپکٹر بھگوان پور تھانہ حلقہ کا رہنے والا ہے اور لڑکی کدرا تھانہ علاقہ کے رام ڈیہرا گاٶں کی رہنے والی ہے۔ ملزم پیشے کے لحاظ سے درزی ہے۔

ریٹائرڈ انسپکٹر کی بیٹی نے اپنے شوہر اور اس کے بڑے بھائی سمیت پانچ افراد کے خلاف تھانے میں ایف آئی آر درج کروائی ہے۔ درخواست میں کہا گیا ہے کہ شادی کی جب بات چل رہی تھی تو لڑکے کے والد نے سی آئی ایس ایف لباس میں لڑکے کی تصویر دکھائی۔

جعلی سی آئی ایس ایف شناختی کارڈ دکھا کر یہ بھی بتایا کہ لڑکا سی آئی ایس ایف میں سب انسپکٹر ہے۔ بعد ازاں شادی طے ہوگئی جس کے بعد11 جون 2019 کو اس کے والد نے 12 لاکھ روپے کا جہیز دے کر اس کی شادی کرادی، لیکن بعد میں یہ پتہ چلا کہ وہ ایک درزی ہے۔

متاثرہ لڑکی نے یہ بھی بتایا کہ وہ شادی کے بعد صرف 15 دن تک سسرال میں رہی۔ خاتون نے بتایا کہ اس نے دیکھا کہ اس کا شوہر ڈیوٹی پر نہیں جا رہا ہے۔ جب میں نے شوہر سے پوچھا کہ آپ ڈیوٹی کیوں نہیں جا رہے ہیں تو اس نے بتایا کہ ایک سینئر افسر مل گیا ہے اور سیٹنگ ہو چکی ہے۔ لہذا اب ڈیوٹی پر نہیں جانا۔

پولیس نے فوری کارروائی کرتے ہوئے لڑکے کے گھر پر چھاپہ مار کر اسے گرفتار کرلیا، گھر میں پولیس کو دیکھ کر اس کی والدہ بےہوش ہو کر گر گئیں۔

ایریزونا:2 کروڑ سے زائد سبسکرائبرزوالا دنیا کا معروف یوٹیوبر چوری کرتے پکڑاگیا،اطلاعات کے مطابق امریکی ریاست ایریزونا کے ایک علاقے میں معروف یوٹیوبر اور سوشل میڈیا پرسن پر پولیس نے لوٹ مار کرنے کا مقدمہ کر دیا۔

غیر ملکی میڈیا کے مطابق ایریزونا کے صحرائی شہر اسکاٹسڈیل میں ایک یوٹیوبر جیک پال کے خلاف پولیس نے مبینہ لوٹ مار اور فسادات میں ملوث ہونے پر مقدمہ درج کر دیا ہے۔

پولیس کا کہنا تھا کہ انھیں ایسی سیکڑوں ویڈیوز موصول ہوئی ہیں جن میں 23 سالہ جیک جوزف پال موجود ہے، وہ فیشن اسکوائر مال میں داخل ہوا اور مال بند ہونے کے باوجود وہاں غیر قانونی طور پر موجود رہا، پولیس نے وہاں مجمع لگانا بھی غیر قانونی قرار دیا تھا۔پولیس کے مطابق جوزف پال کو سمن بھیجا گیا ہے کہ وہ ایک ماہ کے اندر عدالت میں پیش ہوں، تاہم انھیں گرفتار نہیں کیا گیا۔

جوزف پال نے جزوی طور پر الزامات قبول کرتے ہوئے کہا کہ ٹھیک ہے، مجھے میری سزا دو لیکن اس کے بعد جارج فلائیڈ کے معاملے پر توجہ مرکوز کریں، کیوں کہ سیاہ فاموں کی زندگی بھی اہم ہے۔

پال نے ایک ٹویٹ کے ذریعے لوٹ مار کے حوالے سے کہا کہ یہ بات بالکل واضح ہے کہ میں یا میرا کوئی ساتھی کسی بھی لوٹ مار یا توڑ پھوڑ میں ملوث نہیں ہے۔ انھوں نے مزید کہا کہ وہ مذکورہ مقام پر اپنے تجربات دوسروں سے شیئر کرنے اور جارج فلائیڈ کی موت پر اس غم و غصے کے اظہار کی فلم بندی کر رہا تھا جو ہر جگہ دیکھنے میں آ رہا ہے۔

پولیس کا کہنا تھا کہ 30 مئی کو مال ایریا کے ارد گرد لوگوں کا مجمع اکھٹا ہو گیا تھا اور انھوں نے دکانوں میں توڑ پھوڑ اور لوٹ مار کی تھی۔ پولیس نے متعدد لوگوں کو گرفتار بھی کیا جن سے ہزاروں ڈالرز لوٹی رقم برآمد کی گئی۔

واضح رہے کہ جوزف پال کے یو ٹیوب چینل پر 2 کروڑ سے زائد سبسکرائبرز ہیں۔