Category: جرائم و حادثات

پولیس کی کاروائی، بوس وکنار کرنیوالوں سمیت خطرناک ملزم گرفتار

باغی ٹی وی کی رپورٹ کے مطابق راولپنڈی پولیس کے ترجمان کا کہنا ہے کہ تھانہ روات پولیس کی نازیبا حرکات کرنے والوں کے خلاف کاروائی کی ہے،نجی ہاؤسنگ سوسائٹی میں نازیبا حرکات اور بوس وکنار میں دوشیزہ سمیت 04 ملزمان گرفتار کر لئے گئے،

پولیس کے مطابق ملزمان سے نشہ آور اشیاء شراب کی بوتلیں ،شیشہ حقہ و فلیورز کو قبضہ میں لے لیا،پولیس نے ملزمان کے خلاف مقدمہ درج کر لیا، پولیس کا کہنا ہے کہ گرفتار ملزمان میں زین العابدین، ولی محمد، یسین خان اور دوشیزہ سارہ کنول شامل ہیں،

ترجمان پولیس کے مطابق تھانہ روات پولیس کی ملزمان سے مزید انٹروگیشن جاری ہے.

علاوہ ازیں راولپنڈی پولیس نے ٹیررگینگزکےخلاف اہم کاروائی کی ہے، صادق آباد پولیس نے786سرکارگینگ کے سرغنہ ولی جان کے ساتھیوں کوبھی گرفتارکر لیا۔ گینگ سرغنہ ولی جان کوقبل ازیں گرفتارکیا جا چکا ہے جس سے انٹیروگیشن کے بعد اسکے ساتھیوں کوگرفتارکیا گیا۔

راولپنڈی پولیس کی ٹیررگینگزکےخلاف اہم کاروائی

صادق آبادپولیس نے786سرکارگینگ کےسرغنہ ولی جان کےساتھیوں کوبھی گرفتارکر لیا۔

گینگ سرغنہ ولی جان کوقبل ازیں گرفتارکیاجاچکا ہےجس سےانٹیروگیشن کےبعداسکےساتھیوں کوگرفتارکیاگیا۔

ملزمان سے3 کلاشنکوفیں,222 رائفل، ایمونیشن اورگاڑی برآمد۔ pic.twitter.com/W4DUTCnfu4

— Rawalpindi Police (@RwpPolice) January 8, 2020

پولیس کے مطابق ملزمان سے 3 کلاشنکوفیں,222 رائفل، ایمونیشن اورگاڑی برآمد کی گئی ہے،

ریسٹورنٹ پر چھاپہ، 30 سے زائد نوجوان لڑکے لڑکیاں گرفتار

پولیس کا ریسٹورنٹ پر چھاپہ، 30 سے زائد نوجوان لڑکے لڑکیاں گرفتار

باغی ٹی وی کی رپورٹ کے مطابق کراچی کے علاقے میں سائٹ سپر ہائی وے پولیس نے چائے بیٹھک ریسٹورنٹ کے نام سے قائم منشیات اور فحاشی کے اڈے پر چھاپہ مار کارروائی کرتے ہوئے 30 سے زائد نوجوان لڑکے اور لڑکیوں کو گرفتار کرلیا۔

میڈیا رپورٹس کے مطابق تھانہ سائیٹ سپر ہائی وے کے ایس ایچ او محمد مٹھل نے پولیس کی بھاری نفری کے ہمراہ جمالی پل کے پاس چائے بیٹھک ریسٹورنٹ کے نام سے قائم منشیات اور فحاشی کے اڈے پر چھاپہ مار کارروائی کرتے ہوئے منشیات پینے اور فحش حرکتیں کرنے والے 30 سے زائد نوجوان لڑکے اور لڑکیوں کو گرفتا ر کر لیا.

پولیس کا کہنا ہے کہ کارروائی کے دوران منشیات کے اڈے سے بھاری مقدار میں مختلف اقسام کی منشیات اور 50 سے زائد حقہ شیشے بھی برآمد کئے گئے ہیں، اڈے کے مالکان موقع سے فرار ہونے میں کامیاب ہو گئے ہیں جبکہ چند ملازمین کو بھی پولیس نے گرفتار کرلیا ہے، چائے بیٹھک ریسٹورنٹ کے فرار ہونے والے مالکان کی تلاش جاری ہے،

پولیس کے مطابق چائے بیٹھک کے نام سے قائم منشیات اڈے کے مالکان میں شاہد، زاہد اور اسامہ نامی افراد شامل ہیں جن کو جلد گرفتار کر لیا جائے گا.

واضح رہے کہ کراچی کے متعدد مقامات پر منشیات اور فحاشی کے اڈے قائم ہیں ،جن کی پولیس سرپرستی کرتی ہے اور نشاندہی کے باوجود کاروائی نہیں کرتی، شہریوں نے مطالبہ کیا ہے کہ بلا تفریق منشیات کے اڈوں کے خلاف آپریشن کیا جائے اور اس ضمن میں کوئی سفارش قبول نہ کی جائے.

پیرو: ٹریفک حادثہ، 16 افراد ہلاک،42 زخمی ،اطلاعات کےمطابق پولیس ترجمان کرنل کارلوس لوپیز نے اپنے بیان میں بتا یا کہ اس حادثے میں جرمنی سے تعلق رکھنے والے2 افراد ہلاک ، 2 برازیلین اور 2 امریکی شہریوں سمیت 42 دیگر افراد زخمی ہوگئے۔بس کے آپریٹر ، کروز ڈیل سور کے ترجمان نے ایک بیان میں کہا کہ یہ حادثہ پیر کی صبح اس وقت پیش آیا جب بس تیز رفتاری سے موڑ کاٹ رہی تھی اور سڑک کنارے کھڑی ایک منی وین سے ٹکرا گئی ۔

پیروسے ذرائع کےمطابق پولیس حکام نے موقع پر پہنچ کر اسپتال منتقل کردیا، پولیس حکام نے واضح کیا کہ بس لیما سے ملک کے دوسرے اہم ترین خطے میں واقع اریقیپا شہر کی طرف جارہی تھی۔پیرو کی ٹرانسپورٹ ایجنسی (سوترن) کی جانب سے کہا گیا کہ بس اس علاقے میں 106 کلومیٹر (66 میل) فی گھنٹہ کی رفتار سے سفر کررہی تھی، جہاں اجازت زیادہ سے زیادہ رفتار 90 کلومیٹر فی گھنٹہ ہونی چاہئے تھی۔

واضح رہے کہ پیرو میں سڑک کے حادثات کثرت سے ہوتے ہیں ، جہاں بہت سی گاڑیاں خراب حالت میں خطرناک سڑکوں پر سفر کرتی ہیں اور بغیر تربیت کے ڈرائیور چلاتے ہیں۔اس سے قبل بھی پیرو ہی میں مسافر بس کے کھائی میں گر جانے سے 19 افراد ہلاک ہو گئے تھے۔خیال رہے کہ کروز ڈیل سور کے ترجمان نے تسلیم کیا کہ بس اسی رفتار سے سفر کررہی تھی اور کمپنی حادثے کی وجوہات کی تحقیقات کرے گی۔

بینک مینجرکو کیوں موت کی نیند سلا دیا گیا
باغی ٹی وی رپورٹ کے مطابق ، ساہیوال کے تھانہ فرید ٹاون کی حدود میں ڈکیتی کی مزاحمت پر بنک منیجر کو قتل کر دیا گیا مزاحمت پر قتل کیے جانے والے ممتاز ڈوگر جے ایس بنک ساہیوال میں منیجر تھے۔ممتاز ڈوگر کو گھر کے باہر ڈاکووں نے فائر مار کر قتل کیا .ممتاز ڈوگر مسلم لیگ ق کے ضلعی صدر حافظ خالد کے چھوٹے بھائی بھی تھے.
واضح‌رہے کہ جب سے موجودہ حکومت نے عنان اقتدار سمبھالا ہے تب سے پنجاب میں چوری ڈکیٹی کی وارداتیں شدت اختیار کرگئی ہیں.اب دن دہاڑے ڈاکو لوگوں کو معمولی رقم پر گولیاں مار کر موت کے گھاٹ اتار دیتےہیں.یہ وارداتیں ، دیہات ، شہر اور قصبوں سمیت ہر جگہ پائی جاتی ہیں.

بنوں:14 کلو چرس پکڑی گئی ، خواتین نے اس سلسلے میں کیا کردار ادا کیا ، دلچسپ خبرآگئی،اطلاعات کےمطابق بنوں پولیس نے کارروائی کرتے ہوئے ایکے ایسے گروہ کو گرفتار کرلیا ہے جوخواتین کی آڑمیں‌منشیات کا بڑے پیمانے پرکاروبارکرتا تھا ،

ذرائع کےمطابق بنوں پولیس کی کاروائی تھانہ صدر پولیس نے ناکہ بندی کے دوران موٹر کار نمبر LRW 1064 سے 14 کلو گرام چرس برآمد کی ،پولیس کےمطابق مبینہ منشیات سمگلر کیساتھ موٹر کار میں دو خواتین بھی سوار تھیں
تھانہ بکاخیل پولیس نے کاروائی کے دوران تین اشتہاری ملزمان گرفتار کر کے ان سے اسلحہ بھی برآمد کیا،

ذرائع کےمطابق پولیس کا کہنا ہےکہ وہ اس سارے معاملے کی تحقیقات کررہےہیں اوراس گروہ میں شامل تمام کرداروں کوسامنے لاکررہیں‌گے ، یہ بھی معلوم ہوا ہےکہ اس گروہ سے مزید منشیا ت بھی برامد ہوئی ہے

پشاور: پبلک نیوز کے رپورٹر ہرمیت سنگھ کے بھائی پشاور میں قتل کردیا گیا ، پشاورپولیس کے مطابق 25 سالہ رویندرسنگھ کی چند روز بعد شادی تھی

پشاورپولیس کےمطابق مقتول رویندرسنگھ اپنی شادی کی شاپنگ کے لئے شانگلہ سے پشاور آئے تھے،یہ بھی معلوم ہوا ہےکہ رویندرسنگھ کی کسی سے کوئی دشمنی نہیں تھی اوریہ ایک غیر ملکی سازش کا شکارلگتے ہیں‌

یہ بھی معلوم ہوا ہےکہ رویندر سنگھ کی گولیوں سے چھلنی لاش تھانہ چمکنی کی حدود سے برآمد ہوئی،پولیس کےمطابق رویندر سنگھ کو نامعلوم افراد نے فائرنگ کر کے قتل کیا رات گئے نامعلوم افراد نے مقتول کے موبائل سے ہرمیت سنگھ کو کال کر کے بتایا کہ آپ کے بھائی کو قتل کردیا ،پشاور پولیس نے لاش پوسٹ مارٹم کے لیے بجھوا دی

ساہیوال :خواجہ سرا کی جلی ہوئی نعش برآمد،لوگ خوفزدہ ، اطلاعات کےمطابق چیچہ وطنی تھانہ سٹی کی۔حدود بلاک نمبر 7 گلی نمبر 2 سےخواجہ سراء کی گھر سےجلی ہوئی نعش برآمد ہوئی ہے اورپولیس نے نعش قبضے میں لیکرتحقیقات شروع کردی ہیں‌

چیچہ وطنی سے ذرائع کےمطابق ابتدائی رپورٹ اہل محلہ کے مطابق موت کی وجہ گیس چولہے سے آگ بتائی جاتی ہے۔یہ بھی بتایا گیا ہےکہ خواجہ سرا حنیف عرف حنیفہ عرصہ کئی سال سے یہاں پر کرایہ پر رہائش پذیر تھا۔

چیچہ وطنی سے پولیس حکام کا کہنا ہےکہ یہ نعش تین سے چار دن پرانی لگتی ہے۔ایس ایچ او تھانہ سٹی اے ڈی شاہین پولیس کی نفری سمیت جائے وقوعہ پر پہنچ گئے۔پولیس مصروف تفتیش ہے