Category: جرائم و حادثات

غزہ :اسرائیلی ریاستی دہشت گردی، 2019ء میں 149 فلسطینی ہوگئے اورہزاروں کی تعداد میں زخمی بھی ہوئے ،لیکن اس کے باوجود اسرائیلی مظالم میں کمی دیکھنے میں نہیں آرہی

شہیدفلسطین میں شہداء و اسیران سوسائٹی کی طرف سے جاری کردہ ایک رپورٹ میں بتایا گیا ہے کہ سال 2019ء کے دوران اسرائیلی فوج کی فلسطینیوں کے خلاف ریاستی دہشت گردی کے نتیجے میں 149 فلسطینی شہید ہوئے۔ شہداء میں 74 فی صد غزہ کی پٹی سے تعلق رکھتے ہیں۔

فلسطینی سماجی کارکن محمد صبیحات نے بتایا کہ گذشتہ برس اسرائیلی ریاستی دہشت گردی کے نتیجے میں شہید ہونے والوں میں 33 بچے ہیں جو کل شہداء کا 23 فی صد ہیں جب کہ 2018ء کی نسبت شہید ہونے والے بچوں کی تعداد میں 5 فی صد اضافہ ہوا ہے۔گذشتہ پانچ سال کےدوران ہر سال اوسطا 161 فلسطینی شہید کیے گئے۔

گذشتہ برس اسرائیلی فوج کی ریاستی دہشت گردی کے نتیجے میں 149 فلسیطنی شہید ہوئے۔ شہداء میں 112 کا تعلق غزہ کی پٹی سے ہے۔ 69 فی صد فلسطینی اسرائیلی ریاست کی وحشیانہ بمباری میں شہید ہوئے۔ غرب اردن میں شہید ہونے والے فلسطینیوں کی تعداد 37 تھی جو کہ کل شہداء کا 26 فی صد ہیں۔ شہدا میں 33 بچے، 12 خواتین اور 137 مرد تھے۔

طوبوس :مغربی کنارے کے شمال میں طوباس میں اسرائیلی فوج کی فائرنگ سے فلسطینی نوجوان زخمی ہو گیا۔اس سے پہلے بھی آج ہی دیگر دومقامات پراسرائیلی فوجوں کیطرف سے فلسطینیوں پرشدید فائرنگ کی گئی

فلسطینی طبی ذرائع نے کہا کہ فلسطینی نوجوان کو اسکی ران میں گولی لگی اور اسے طبی امداد کے لیے مقامی ہسپتال منتقل کر دیا گیا۔

مقامی رہائشیوں نےکہا کہ جب صہیونی فوج نے طوباس پر ہلہ بولا تو مقامی نوجوانوں اور قابض صہیونی فوج کے درمیان جھڑپیں شروع ہو گئیں۔اسرائیلی فوج نے نوجوانوں پربراہ راست گولیاں برسائیں اوراشک آور گیس کے گولے پھینکے جس سے ایک نوجوان زخمی ہوگیا۔

نئی دہلی:20 سال میں بیٹے کو بڑا کیا، پولیس نے20 منٹ میں مار دیا،بھارتی مسلم ماں کی دہائی،اطلاعات کےمطابق بھارتی ضلع بجنور میں شہریت قانون کے خلاف مظاہرہ کرنے والے 2 مسلم نوجوانوں کو پولیس نے گولیاں مار کر قتل کر دیا۔یہ نوجوان ضلع بجنور کے علاقے نہٹور میں مودی سرکار کے شہریت قانون کے خلاف مظاہرے کے دوران گولیاں لگنے سے 2 مسلم نوجوان محمد سلیمان اور محمد انس جاں بحق ہوگئے۔

بھارت سے آمدہ اطلاعات کےمطابق محمد سلیمان یو پی ایس سی کی تیاری کر رہے تھے جبکہ انس اپنے گھر کے اکیلے کمانے والے تھے۔ محمد سلیمان کے اہل خانہ کے مطابق پولیس نے انہیں دھمکایا اور سلیمان کو کسی اور جگہ دفن کرنے کا کہا۔مقتول سلیمان کے والد زاہد کا کہنا تھا کہ جب ہم اس مٹی میں پیدا ہوئے اور اسی مٹی میں دفن نہیں ہوں گے تو کہاں جائیں گے۔

دوسری جانب مقتول محمد انس کے والد ارشد حسین نے بتایا کہ 20 دسمبر کے دن تقریباََ 3 بجے ہم نماز کی تیاری کر رہے تھے، میرے بیٹے انس نے مجھ سے پوچھا کہ دودھ لے آؤں تو میں کہا کہ ڈیری بند ہے اب نہیں ملے گا جس پر انس نے کہا کہ میں برابر والی گلی سے لے آتا ہوں۔

ارشد حسین نے بتایا کہ جیسے ہی محمد انس نے گلی پار کی ایک گولی سیدھی اس کی آنکھ پر لگی اور اسپتال جاتے جاتے میرے سامنے ہی میرے بیٹے نے دم توڑ دیا۔ محمد سلیمان کی طرح محمد انس کو بھی پولیس نے نہٹور میں دفن کرنے کی اجازت نہیں دی۔واضح رہے کہ بھارت میں انسانی حقوق کی خلاف ورزیوں سے متعلق ایمنسٹی انٹرنیشل کی سابقہ رپورٹ کے مطابق پرتشدد واقعات میں متاثرین کو یا تو وندے ماترم یا جے شری رام یا جے ہنومان یا پاکستان مردہ باد کہنے یا سر سے ٹوپی اتارنے پر مجبور کیا گیا جبکہ پانچ افراد کو ہجوم کے تشدد میں مارا گیا۔

پٹنہ :بھارتی پولیس مسلمان نوجوانوں کواغواکرکے قتل کرنے لگی ، 18 سالہ عامرحنظلہ کےقتل سے پردے فاش،اطلاعات کےمطابق 21 دسمبر کو پھلواری شریف میں بہار بند کے دوران احتجاج پر تشدد ہوجانے کے بعد غائب 18 سالہ نوجوان عامر حنظلہ کی لاش 30 دسمبر کی رات تقریبا 10 بجے پھلواری شریف بلاک کے پیچھے ایک تالاب نما جھاڑی میں ملی ہے۔

ذرائع کےمطابق پی ایم سی ایچ میں پولیس کے بھاری انتظامات کے دوران پوسٹ مارٹم کیا گیا۔ اور پھر نماز جنازہ کے بعد چٹکہرہ قبرستان میں بھاری پولیس درمیان تدفین عمل میں آئی۔ بہار اسٹیٹ مدرسہ بورڈ ملازم سہیل احمد کا بیٹا 18 سالہ نوجوان عامر حنظلہ فرقہ وارانہ تشدد کے دوران لاپتہ ہو گیا تھا۔ حنظلہ کے بارے میں بتایا جاتا ہے کہ: احتجاج پر تشدد ہونے کے بعد وہ سنگت محلہ کی طرف چلا گیا۔

ذرائع کےمطابق بھارتی پولیس نے متحرک مسلمان نوجوانوں کو چن چن کرمارنا شروع کردیا ہے ، مقامی لوگوں کاکہنا ہےکہ بعض پولیس اہلکارعامر حنظلہ کا پیچھا کررہے تھے ،اورقوی امکان یہی ہےکہ پولیس نے عامر حنظلہ کوتشدد کرکے ماردیا ہے ،یہ بھی معلوم ہوا ہےکہ یہ پہلا واقعہ نہیں بلکہ جب سے مسلم مخالف شہریتی قانون کے خلاف احتجاج کا سلسلہ شروع ہوا ہےتب سے پولیس نے متحرک مسلمان نوجوانوں کو چن چن کرمارنا شروع کردیا ہے