Baaghi TV

Category: جرائم و حادثات

  • مظفرگڑھ میں منشیات سے بھرا ٹرک پکڑا گیا،خاتون سمیت 4افراد گرفتار

    مظفرگڑھ میں پولیس نے منشیات کے بین الصوبائی سمگلروں کے خلاف بڑی کارروائی کرتے ہوئے کروڑوں روپے مالیت کی چرس اور لاکھوں روپے نقدی برآمد کرلی۔کاروائی کے دوران خاتون سمیت 4 سمگلروں کو بھی گرفتار کیاگیا.مظفرگڑھ کی تحصیل کوٹ ادو کے علاقے سنانواں میں پولیس نے خفیہ اطلاع پر کاروائی کرتے ہوئے ایک ٹرک کو قبضے میں لے کر اس میں موجود کروڑوں روپے مالیت کی منشات برآمد کرتے ہوئے خاتون سمت 4ملزمان کو گرفتار کرلیا۔آر پی او ڈیرہ غازیخان عمران احمد کے مطابق ٹرک کے مختلف خانوں میں چھپی ہوئی کروڑوں روپے مالیت کی ایک من 12 کلوگرام چرس اور 3 لاکھ روپے سے زائد نقدی برآمد کرلی گئی.ٹرک میں چھپائی گئی چرس بلوچستان سے مظفرگڑھ کی تحصیل کوٹ ادو منتقل کی جارہی تھی.آر پی او ڈیرہ غازیخان کیمطابق کاروائی کے دوران خاتون سمگلر زبیدہ سمیت 3 دیگر سمگلروں سیفل،قمر اور پیرمحمد کو بھی گرفتار کرلیاگیا ہے.گرفتار افراد میں سے قمر اور پیرمحمد کا تعلق بلوچستان اور زبیدہ اور سیفل کا تعلق کوٹ ادو سے ہے.آر پی او ڈیرہ غازیخان عمران احمدنے پولیس کو مطلوب منشیات کے سمگلروں کی گرفتاری پر ڈی ایس پی کوٹ ادو اور تھانہ سنانواں پولیس کو شاباش دی اور انکے لیے تعریفی سرٹیفکیٹ اور انعام کا بھی اعلان کیا۔آر پی او کا کہنا تھا کہ بین الصوبائی منشیات فروش گینگ کے دیگر ارکان کی گرفتاری کیلئے چھاپے مارے جارہے ہیں.

  • ڈکیتی و چوری کی مختلف وارداتوں میں شہری قیمتی سامان سے محروم

    ڈکیتی و چوری کی مختلف وارداتوں میں شہری قیمتی سامان سے محروم

    سرگودھا۔ 19 اگست (اے پی پی) ڈکیتی و چوری کی مختلف وارداتوں میں شہری قیمتی سامان سے محروم ہوگئے۔تفصیلات کے مطابق ڈکیتی و چوری کی مختلف وارداتوں کے دوران چک نمبری70شمالی کے قریب محمد ذیشان جبکہ 78شمالی کے قریب محمد عرفان سے نامعلوم مسلح ڈاکوؤں نے موٹرسائیکلیں،نقدی و موبائلز چھین لئے،چک نمبری47شمالی کے حبیب احمد کے گھر میں داخل ہو کر دو نامعلوم افراد نے اسلحہ کے زور پر اہل ِخانہ کو یرغمال بنا کر اڑھائی لاکھ روپے کی نقدی و دیگر سامان لوٹ لیا،چک نمبر 23 الف جنوبی کے ساجد علی کی دوکان سے بھاری مالیت کا سامان،شاہ پور صدر سے ربنوازکا موٹرسائیکل،چک نمبری96شمالی میں نصب واپڈا کے ٹرانسفارمرسے بھاری مالیتی کوائل،موضع لک کے رہائشی محمد فیاض کے ڈیرہ سے قیمتی مویشی چوری کر لئے گئے پولیس نے مقدمات درج کرلئےگئے

  • خوف ناک حادثہ ، نوجوان جاں بحق ، یہ حادثہ کہاں رونما ہوا ؟ جانیئے اس رپورٹ میں‌

    خوف ناک حادثہ ، نوجوان جاں بحق ، یہ حادثہ کہاں رونما ہوا ؟ جانیئے اس رپورٹ میں‌

    لاہور: تیز رفتاری خطرہ جان ، آج کی رات مبشر کے کے گھروالوں کے لیے قیامت کا منظر پیش کرنے لگی ، اطلاعات کے مطابق سگیاں راوی پل پر تیز رفتار ٹرک نے موٹر سائیکل سوار کو کچل دیا، موٹر سائیکل سوار مبشر نامی نوجوان موقع پر جاں بحق جبکہ ٹرک ڈرائیور فرار ہوگیا۔پولیس اس ملزم کی تلاش میں مصروف ہے.

    ریسکیوذرائع کے مطابق سگیاں راوی پل پر حادثہ تیز رفتاری کے باعث پیش آیا، ٹرک سگیاں پھول منڈی کی جانب سے بند روڈ کی طرف آرہا تھا کہ اچانک ٹرک نے موٹر سائیکل سوار کو کچل دیا جس کی وجہ سے موٹر سائیکل پر سوار بیس سالہ مبشر موقع پر ہی جاں بحق ہو گیا۔پولیس کے مطابق اس حادثے کے بعد ٹرک ڈرائیور موقع پر سے فرار ہو گیا جبکہ ٹریفک وارڈنز نے پولیس اور ریسکیو کو اطلاع کی۔ پولیس نے لاش کو پوسٹمارٹم کیلئے مردہ خانے منتقل کر دی۔

  • مظفرگڑھ سے آئی ایسی خبر جسکو سن کرترکی کے صدر رجب طیب اردگان ہوجائیں گےپریشان!!

    مظفرگڑھ میں شارٹ سرکٹ کے باعث رجب طیب اردگان ہسپتال میں آگ بھڑک اٹھی۔آگ لگنے کے باعث جنوبی پنجاب میں معذور افراد کے لیے بنایا گیا واحد ری ہیبلیٹیشن سنٹر مکمل طور پر جل گیا.
    مظفرگڑھ میں رجب طیب اردگان ہسپتال کے معذور افراد کے ری ہیبلیٹیشن سنٹر میں آگ لگ گئی.ریسکیو ذرائع کے مطابق شارٹ سرکٹ کی وجہ سے آگ لگنے کے باعث ہسپتال میں معذور افراد کے لیے موجود جنوبی پنجاب کا واحد ری ہیبلیٹیشن سنٹر مکمل طور پر جل گیا۔ریسکیو 1122کے مطابق آگ لگنے کے باعث سنٹر میں موجود کروڑوں روپے مالیت کے مصنوعی اعضاء،مشینری اور آلات مکمل طور پر جل گئے.ریسکیو کے 3 فائر ٹینڈرز نے ایک گھنٹے کی محنت کے بعد آگ پر قابو پایا اور نزدیکی وارڈ کو آگ کی زد میں آنے سے بچالیاگیا۔ریسکیو کیمطابق آگ بجھانے کے بعد کولنگ کا عمل جاری ہے.ریسکیو کیمطابق آگ لگنے سے خوش قسمتی سے کوئی جانی نقصان نہیں ہوا.واضح رہے کہ 2010کے بدترین سیلاب کے بعد رجب طیب اردگان نے ترک حکومت کی جانب یہ ہسپتال بنوایا تھا۔

  • دیپالپور روڈ پر تیز رفتار مزدا ڈالہ حادثے کا شکار

    دیپالپور روڈ پر تیز رفتار مزدا ڈالہ حادثے کا شکار

    کھڈیاں خاص ، قصور:-
    (نمائندہ باغی ٹی وی) کھڈیاں خاص سے آتے ہوئے تیز رفتار مزدا ڈالہ فٹ پاتھ پر چڑھ گیا۔
    تفصیلات کے مطابق کھڈیاں خاص سے 4 کلومیٹر دور
    جمال پور سٹی کے قریب آلو سے بھرا ہوا مزدا ڈالہ تیز رفتاری کے باعث کار کو بچاتے ہوئے فٹ پاتھ پر چڑھ گیا۔
    باغی ٹی وی کی رپورٹ کے مطابق حادثہ تیز رفتاری کے باعث پیش آیا تھا تاہم ڈرائیور اور ساتھی زخمی ہوئے جبکہ کسی قسم کا کوئی بھی جانی نقصان نہیں ہوا ہے۔
    مزدا ڈالہ جس کا نمبر
    LES 8554
    ہے آلو کی فصل لوڈ کرکے دیپالپور روڈ کے ذریعے لاہور جا رہا تھا کہ تیز رفتاری کے باعث سامنے کار آنے کی وجہ سے مزدا ڈالہ فٹ پاتھ پر چڑھ گیا اور مزدا ڈالہ کے اگلے دونوں ویل ڈالے سے الگ ہو کر دور جا گرے تھے۔ حادثہ شام 6 بجے کے قریب پیش آیا تھا۔
    پٹرولنگ پولیس چوکی نورپور نے موقع پر پہنچ کر جاۓ وقوعہ کا جائزہ لیا ہے اور کاروائی شروع کردی ہے ۔

  • محکمہ ایجوکیشن کے ایک اور افسر کا اسکینڈل سامنے آگیا

    محکمہ ایجوکیشن کے ایک اور افسر کا اسکینڈل سامنے آگیا

    سرگودہا(نمائندہ باغی ٹی وی )محکمہ ایجوکیشن کے ایک اور افسر کا اسکینڈل سامنے آگیا
    محکمہ ایجوکیشن سرگودہا صدر مرکز کے اسسٹنٹ ایجوکیشن آفیسر رانا عمیر نے غنی پارک کی غریب عورت رخسانہ بی بی ولد سردارا کونوکری کا جھانسہ دے کر 2 لاکھ روپے ہتھیا لیے رخسانہ بی بی نے درجہ چہارم کی نوکری کیلیے درخواست دے رکھی تھی جب رانا عمیر کو پتہ چلا تو اس نے رخسانہ بی بی کو ورغلانہ شروع کردیا حالات اور غربت کی ستائی ہوئی رخسانہ بی بی باتوں میں آگئی اور 2 لاکھ روپے رانا عمیر کو بطور رشوت دے دیے بعدازاں رخسانہ بی بی اپنی ملازمت کے حصول کی غرض سے رانا عمیر کے دفتر گئی جہاں رانا عمیر نے اسے جنسی طور پر حراساں کیا جس پر وہ دفتر سے نکل گئی بعد میں رانا عمیر نے رخسانہ بی بی کو فون پر قتل کی دھمکیاں دیں رخسانہ بی بی کا کہنا ہے کہ وہ غریب گھرانے سے تعلق رکھتی ہے اور اس کے والد نے رقم کا بندوبست قرض لے کے اور اس کی شادی کیلیے بنائے گئے زیور بیچ کر کیا تھا وہ اپنے کنبے کے بہتر مستقبل کیلیے نوکری کرنا چاہتی تھی مگر درندہ صفت رانا عمیر نے اس کو ورغلا کر پیسے ہتھیا لیے رخساانہ بی بی کا کہنا ہے کہ اعلی حکام اس بات کا نوٹس لیں اور اسے انصاف دلوائیں

  • لوئردیر معمولی سی بات اور کتنے ہی لاشے اٹھ گئے،

    لوئردیر معمولی سی بات اور کتنے ہی لاشے اٹھ گئے،

    معمولی سی بات اور تنازعے پر کئی جانیں ضائع ہو گئیں
    لین دین کی وجہ سے تنازعہ ہوا جس پر جرگہ ہو رہا تھا کہ آپس میں تلخ کلامی ہوئی جس پر ایک گروپ نے فائرنت کی جس کے دونوں دھڑوں میں فائرنگ کا تبادلہ ہوا.اور یوں قیمتی جانیں جہالت کی نذر ہو گئیںفائرنگ کے نتیجے میں 5 افراد موقع پر جاں بحق اور ایک شخص زخمی ہو گیا۔

    اس واقعے کے بعد پولیس حرکت میں آئی جو کہ تاحال ملزموں کو پکڑنے میں ناکام رہی ہے ڈی ایس پی اجمل خان کے مطابق واقعے کا مقدمہ درج کر کے ملزمان کی گرفتاری کے لیے چھاپے مارے جا رہے ہیں۔

  • بی این پی رہنماء امان اللہ خان زہری مسلح افراد کے حملے میں جاں بحق

    بی این پی رہنماء امان اللہ خان زہری مسلح افراد کے حملے میں جاں بحق

    بلوچستان کے ضلع خضدار کی تحصیل زہری میں بی این پی رہنماء امان اللہ خان زہری مسلح افراد کے حملے میں جاں بحق ہو گئے۔

    ذرائع کے مطابق بی این پی رہنماء کا قافلہ زہری کے علاقے بلبل سے نورگامہ کی طرف جا رہا تھا کہ اس دوران انہیں نشانہ بنایا گیا، حملے کے نتیجے میں ان کا 14 سالہ نواسا بھی جاں بحق ہو گیا۔

    ذرائع نے بتایا ہے کہ واقعہ کی اطلاع ملتے ہیں ڈپٹی کمشنر خضدار میجر ریٹائرڈ محمد الیاس کبزئی و دیگر انتظامی افسران لیویز فورس کے ہمراہ تحصیل زہری پہنچ گئے-

    امان اللہ زہری بابو نوروز زہری کے بیٹے تھے اس سے قبل ان کے بیٹے ریاض زہری کو بھی نامعلوم افراد نے قتل کردیا گیا تھا۔

  • پل 111 جنوبی ڈونگی روڈ پر کباڑیے کی دکان میں آگ بھڑک اٹھی

    پل 111 جنوبی ڈونگی روڈ پر کباڑیے کی دکان میں آگ بھڑک اٹھی

    سرگودہا(نمائندہ باغی ٹی وی)سرگودہا پل 111 جنوبی میں ڈونگی روڈ پر واقع کباڑیے کی دکان میں آگ بھڑک اٹھی آگ لگنے کی وجہ معلوم نہ ہو سکی ریسکیو 1122 کی فائر بریگیڈ ٹیم موقع پر پہنچ گئی اور امدادی کاروائی شروع کر دی کباڑیہ چک نمبر 105 جنوبی کا رہائشی ہے آگ لگنے سے سامان جل کر راکھ ہو گیا گرمی کی شدت اور ہوا کی وجہ سے درجہ حرارت میں اضافہ ہوا ہے تاہم کسی بھی جانی نقصان یا کسی کے زخمی ہونے کی کوئی اطلاع موصول نہیں ہوئی

  • خوفناک ٹریفک حادثہ میں بچہ جاں بحق ، غم سے والدین نڈھال

    خوفناک ٹریفک حادثہ میں بچہ جاں بحق ، غم سے والدین نڈھال

    لاہور: خوشیوں کے دنوں میں والدین کے لیے غموں نے ڈیرے ڈال لیئے، اطلاعات کے مطابق آج نشتر کالونی مین فیروز پور روڈ پر ٹریکٹر ٹرالی کی ٹکر سے 11 سالہ بچہ جاں بحق ہوگیا، بچے کی شناخت 11 سالہ احمد کے نام سے ہوئی جو نشتر کالونی کا رہائشی تھا۔

    پولیس ذرائع کے مطابق مین فیروز پور روڈ پر ٹریکٹر ٹرالی نے نشتر کالونی کے رہائشی گیارہ سالہ بچے کو کچل دیا جس سے وہ موقع پر ہلاک ہوگیا۔ حادثہ کے بعد ٹریکٹر ڈرائیور موقع سے فرار ہونے میں کامیاب ہو گیا۔ پولیس کے مطابق جاں بحق ہونے والے بچے کے والد کی مدعیت میں مقدمہ درج کر لیا، دوسری طرف پولیس کا کہنا ہےکہ نامعلوم ٹریکٹر ٹرالی کی تلاش کیلئے سیف سٹی کیمروں کی مدد حاصل کی جا رہی ہے، جس سے ملزم کو جلد تلاش کر لیا جائے گا۔