Baaghi TV

Category: جرائم و حادثات

  • تیز رفتاری خطرہ جان ، مزدا 2 شہریوں کی جان لے گیا ، ہر آنکھ اشک بار

    تیز رفتاری خطرہ جان ، مزدا 2 شہریوں کی جان لے گیا ، ہر آنکھ اشک بار

    فیروز پور روڈ پر مزدا کی بریک فیل ہونے کے باعث دو موٹر سائیکل سواروں پر چڑھ دوڑی، ڈرائیور کی غفلت کے باعث دو افراد جاں بحق جبکہ 5 زخمی ہوگئے۔

    فیروز پور روڈ پر مزدا کی بریک فیل ہو گئی جس کے باعث تیز رفتار مزدا نے دو موٹر سائیکل سوار افراد 50 سالہ الیاس، 26 سالہ نامعلوم شخص موقع پر ہی جاں بحق ہوگئے۔ بریک فیل ہونے کے باعث تیز رفتار مزدا نے تین گاڑیوں اور دو رکشوں کو بھی شدید نقصان پہنچایا جبکہ حادثہ میں پانچ افراد بھی زخمی ہوئے جن کو قریبی ہسپتال منتقل کردیا گیا۔

    موقع پر موجود وارڈن کا کہنا تھا کہ مزدا ڈرائیور نے بھاگنے کی کوشش کی جس کو گرفتار کرکے ڈولفن پولیس کے حوالے کردیا۔ حادثے میں زخمی ہونے والے لوگوں کا کہنا تھا کہ مزدا کی رفتار تیز تھی جس کے باعث حادثہ پیش آیا۔

    فیروز روزپور روڈ پر حادثہ کی وجہ سے کلمہ چوک سے چونگی تک ٹریفک کا شدید دباؤ رہا، ٹریفک وارڈنز نے گاڑیوں کو لفٹر کے ذریعے ہٹا کر راستہ کلیئر کیا۔

  • 5 مغوی فنکاروں کو چھڑانے کے لیے آپریشن شروع ، ڈی ایس پی جاں بحق ، رینجرز بھی طلب کی جاسکتی ہے

    5 مغوی فنکاروں کو چھڑانے کے لیے آپریشن شروع ، ڈی ایس پی جاں بحق ، رینجرز بھی طلب کی جاسکتی ہے

    شکارپور : یہ سندھ ہے جہاں ڈاکو دن دیہاڑے 5 فنکاروں کو اغوا کرکے لے گئے ، ان فنکاروں کو چھڑانے کے لیے پولیس نےآپریشن شروع کردیا ہے. اطلاعات کے مطابق ڈاکؤوں سے مقابلے کے دوران ڈی ایس پی راؤ شفیع اللہ جاں بحق ہوگئے، شکار پور میں فوک گلوکار جگر جلال سمیت5فنکاروں کی بازیابی کیلئے بڑے پیمانے پر آپریشن شروع کردیا گیا۔

    ذرائع کے مطابق گڑھی تیغوں میں آپریشن کےدوران ڈاکوؤں سے فائرنگ کا تبادلہ ہوا، مقابلے میں دو ڈاکوؤں کے زخمی ہونے کی بھی اطلاعات ہیں۔واقعے کے بعد اے ایس پی سمیت پولیس کی بھاری نفری موقع پر پہنچ گئی، پولیس نے ڈاکوؤں کےخلاف بڑے پیمانے پر آپریشن کا آغاز کردیا۔یہ اطلاعات بھی گردش کررہی ہیں کہ پولیس کے ساتھ ساتھ رینجرز کو بھی ڈاکووں کے خلاف آپریشن کے لیے طلب کیا جاسکتا ہے.

  • فرعون گروپ سے تعلق،دہشت گرد ی میں ملوث 3 دہشت گرد گرفتار

    کراچی سے فرقہ وارانہ دہشت گرد ی میں ملوث 3 دہشت گرد گرفتارکر لئے گئے

    آرمی چیف کا بڑا فیصلہ،حاضر سروس میجر کی سزا کی توثیق

    باغی ٹی وی کی رپورٹ کے مطابق سی ٹی ڈی انچارج راجہ عمرخطاب نے پریس کانفرنس کرتے ہوئے کہا کہ فرقہ وارانہ دہشتگردی میں ملوث 3 دہشت گرد گرفتارکر لئے گئے، دہشت گردوں کاتعلق شیخ ممتازعرف فرعون گروپ سے ہے،شیخ ممتازعرف فرعون جیل سےفرارکے بعد بلوچستان میں روپوش تھا، دہشتگرد حب کے راستے کراچی داخل ہونے کی کوشش کررہے تھے،گرفتاردہشتگرد کےساتھی پنجگورمیں ہلاک ہوچکے ہیں،

    جج ارشد ملک ویڈیو سیکنڈل، سپریم کورٹ کا بڑا حکم

    راجہ عمر خطاب کا مزید کہنا تھا کہ دہشتگردٹارگٹ کلنگ کی وارداتوں میں ملوث تھے، مفتی تقی عثمانی پرحملےمیں ملوث گروپ تاحال نہیں پکڑاگیا، کالعدم تنظیمیں بینک ڈکیتی کے ذریعے فنڈنگ کرنا چاہتی ہیں،بینک ڈکیتی میں ملوث ملزمان سوات فرارہوئے،فرقہ وارانہ ٹارگٹ کلنگ کےسلیپرزسیل بھی حرکت میں آجاتے ہیں .

  • مرید عباس قتل کیس انسداد دہشت گردی کی عدالت منتقل کردیا گیا

    مرید عباس قتل کیس انسداد دہشت گردی کی عدالت منتقل کردیا گیا

    کراچی کی جوڈیشل مجسٹریٹ جنوبی کی عدالت میں مرید عباس سمیت 2 افراد کے قتل کیس کی سماعت ہوئی جس دوران ملزم عاطف زمان کے وکیل نے مقدمے میں انسداد دہشت گردی کی دفعات شامل کرنے کی مخالفت کی۔
    ملزم کے وکیل نے اپنے دلائل میں کہا کہ مرید عباس، خضرحیات اور ملزم عاطف کے درمیان لین دین کا تنازع تھا، ذاتی تنازعات کے کیسز میں انسداد دہشت گردی کی دفعات شامل نہیں کی جاسکتیں، عدالتی فیصلوں کی روشنی میں بھی ایسے کیسز میں انسداد دہشتگردی کی دفعات نہیں لگائی جاسکتیں
    جب کہ مدعی کے وکیل نے اپنے دلائل دیتےہوئے کہا کہ ملزم نے قتل کیس میں ایک میڈیا اور کاروباری شخصیت کو بھی نشانہ بنایا ہے جس پر دہشت گردی ایکٹ لاگو ہوتے ہیں

    یاد رہے کہ 27 جولائی کو مرید عباس قتل کیس کے عینی شاہد اور ملزم عاطف کا ڈرائیور جناح اسپتال میں جان کی بازی ہار گیا۔ڈرائیور کو 20 جولائی کو تشویشناک حالت میں جناح اسپتال لایا گیا تھا

  • کراچی میں ریحان قتل کیس کے سلسلے میں ایک اور ملزم گرفتار

    کراچی میں ریحان قتل کیس کے سلسلے میں ایک اور ملزم گرفتار

    کراچی میں ریحان قتل کیس کے سلسلے میں ایک اور ملزم کو گرفتار کرلیا جس کے بعد پولیس کی حراست میں موجود افراد کی تعداد چھ ہوگئی ہے۔

    پولیس ذرائع کے مطاق ملزم ایاز کو تشدد میں ملوث ہونے کے الزام میں گرفتار کیا گیا ہے۔

    تحقیقاتی ذرائع کے مطابق 15 سالہ لڑکے پر تشدد کرنے والوں میں 10 سے 12 افراد شامل تھے جو کہ علاقہ مکین تھے۔
    گرفتاری کے ڈر سے دیگر افراد علاقے سے روپوش ہیں جبکہ ویڈیو بنانے والا شخص بھی غائب ہے۔

    ریحان کے قتل میں درج ہونے والے مقدمے کی دفعات ممکنہ طور پر 302 میں تبدیل ہوسکتی ہے کیوں کہ واقعہ چار دیواری کے اندر پیش آیا
    واضح رہے کہ سوشل میڈیا پر کراچی کے علاقے بہادر آباد میں ایک لڑکے کو تشدد کرنے اور برہنہ کرنے کی ویڈیو منظر عام پر آئی تھی۔ جس میں اس لڑکے کو باندھ کر تشدد کا نشانہ بنایا جا رہا تھا۔

  • پسند کی شادی پرمیاں بیوی قتل، سمن آباد میں مقدمہ درج

    پسند کی شادی پرمیاں بیوی قتل، سمن آباد میں مقدمہ درج

    سمن آباد میں پسند کی شادی پرمیاں بیوی کے قتل کا معاملہ ،سمن آباد پولیس نے واقعے کا مقدمہ درج کر لیا ،مقدمہ مقتول اسد کے چچا شہباز احمد کی مدعیت میں درج کیا گیا ،

    زہرہ شاہد قتل میں ملزمان کی سزاکے خلاف اپیل مسترد

    باغی ٹی وی کی رپورٹ کے مطابق سمن آباد پولیس سٹیشن میں درج ایف آئی آر میں لکھا گیا ہے کہ 8ماہ قبل شہباز اور کائنات نے کورٹ میرج کی تھی، کائنات کا ماموں اعظم اکثراسد کوصلح کرنےکا کہتا تھا،اعظم نےکائنات کی والدہ اوربھائی گل شیرکوصلح کے لئےاپنےگھربلایا گھرمیں داخل ہوتے ہی گل شیراوراعظم نےدونامعلوم افراد کےہمراہ فائرنگ کردی،

    پولیس کا کہنا ہے کہ معاملےکی تحقیقات جاری ہیں جلدملزمان کوگرفتارکرلیا جائے گا .

    سی پیک منصوبے، وزیراعظم نے ایسا اعلان کر دیا کہ جان کر چین بھی حیران رہ جائے

    میڈیا رپورٹس کے مطابق گوجرانوالہ کے رہائشی 25 سالہ اسد سے چھ ماہ قبل 24سالہ کائنات نے پسند کی شادی کی تھی ۔ کائنات کا بھائی دونوں کو جان سے مارنے کی دھمکیاں دے رہا تھا ۔ کائنا ت کو اسکے ماموں اعظم نے لاہور دعوت کے لیے بلایا جب وہ اپنے خاوند اسد کیساتھ ماموں کے گھر سمن آباد پیر غازی روڈ آئے تو لڑکی کا بھائی گل شیر بھی وہاں پہنچ گیا اور دونو ں کو دیکھتے ہی اندھا دھند فائرنگ کردی جس سے وہ شدید زخمی ہوگئے ۔ فائرنگ کے بعد ملزم فرار ہو گیا ۔

    بریکنگ نیوز،حکومت اور فوج ایک پیج پر، وزیراعظم نے ایسا فیصلہ کیا کہ قوم کے دل جیت لئے

    دونوں زخمیوں کو تشویشناک حالت میں سروسز ہسپتال منتقل کر دیا جہاں وہ زخموں کی تاب نہ لاتے ہوئے دم توڑ گئے ۔ اسد کے اہلخانہ کا کہنا ہے کہ لڑکی کا ماموں اعظم بھی دونوں کے قتل میں ملوث ہے ۔ دونوں کو اس نے دعوت کے بہانے اپنے گھر میں بلا کر گل شیر کو اطلاع کر دی۔ پولیس کا کہنا ہے تفتیش جاری ہے جس کے بعد اصل حقائق سامنے آئیں گے ۔

  • ٹریفک حادثہ دو افراد جاں بحق ، جاں بحق افراد کون ہیں‌؟ اہم خبر آگئی

    ٹریفک حادثہ دو افراد جاں بحق ، جاں بحق افراد کون ہیں‌؟ اہم خبر آگئی

    کراچی: سپرہائی وے پر دو اور جانیں‌ ٹریفک حادثے کا شکار ہوگئیں. اطلاعات کے مطابق کراچی میں ٹریفک حادثے میں دو افراد جاں بحق ہو گئے۔حادثے کے بعد ریسکیواہلکاروں نے لاشوں کوعباسی شہید اسپتال منتقل کردیا ہے۔ تاہم جاں بحق افراد کی شناخت نہیں ہو سکی ہے۔

    پولیس کے مطابق کراچی میں سپُر ہائی وے احسن آباد چڑھائی کےقریب ٹریفک حادثے میں یہ دو افراد جاں بحق ہوئے ہیں۔ ریسکیو اہلکاروں نے اس موقع پر بتایا ہے کہ یہ حادثہ تیز رفتاری کے باعث پیش آیا ہے. پولیس نے حادثے کی تحقیقات شروع کردیں ہیں. یاد رہے کہ تیزرفتاری کی وجہ سے ٹریفک حادثات میں بڑا اضافہ ہورہاہے اوراس کی بڑی وجہ تیزرفتاری ہے.

  • زہرہ شاہد قتل میں ملزمان کی سزاکے خلاف اپیل مسترد

    زہرہ شاہد قتل میں ملزمان کی سزاکے خلاف اپیل مسترد

    پی ٹی آئی رہنما زہرہ شاہد قتل میں ملزمان کی سزاکے خلاف اپیل مسترد کر دی گئی

    باغی ٹی وی کی رپورٹ کے مطابق سندھ ہائیکورٹ نےمجرموں کی سزائےموت کوعمرقید میں تبدیل کردیا ،مجرموں کی سزامیں کمی دستاویزات شواہد میں معمولی تضاد پرکی گئی،اے ٹی سی نے جرم ثابت ہونےپرایم کیوایم کے 2کارکنان کوسزائےموت سنائی تھی ،

    سی پیک منصوبے، وزیراعظم نے ایسا اعلان کر دیا کہ جان کر چین بھی حیران رہ جائے

    مجرموں میں ایم کیوایم کارکن زاہدعباس زیدی اورراشدعرف ٹیلرماسٹر شامل ہیں ،مجرموں نے2013میں ضمنی انتخابات کےدوران پی ٹی آئی رہنما زہرہ شاہدکوقتل کردیاتھا مجرموں کوزہرہ شاہد کےڈرائیورنےجج کے سامنےشناخت کرلیا تھا

    مجرموں نے اعتراف کیا تھا کہ خوف پھیلانےاوربانی ایم کیوایم کی ہدایت پرزہرہ شاہدکوقتل کیا،

    بریکنگ نیوز،حکومت اور فوج ایک پیج پر، وزیراعظم نے ایسا فیصلہ کیا کہ قوم کے دل جیت لئے

    واضح رہے کہ زہرہ شاہد حسین سیاست دان اور تحریک انصاف کی کراچی میں مرکزی نائب صدر تھیں۔ 2013 انتخابات میں حلقہ این اے۔250 کے انتخاب میں دھاندلی پر احتجاج میں پیش پیش تھی۔ انتخاب کے کچھ دنوں بعد انہیں 19 مئی 2013ء کو مسلح موٹر سائیکل سواروں نے فائرنگ کر کے قتل کر دیا تھا

  • بہن اور بہنوئی کو بے دردی سے قتل کردیا گیا ، ہر آنکھ اشکبار، دیکھنے والوں پر لرزہ طاری ، کیوں قتل کیا ؟ بڑی شرمناک وجہ سامنے آگئی

    بہن اور بہنوئی کو بے دردی سے قتل کردیا گیا ، ہر آنکھ اشکبار، دیکھنے والوں پر لرزہ طاری ، کیوں قتل کیا ؟ بڑی شرمناک وجہ سامنے آگئی

    لاہور: کہیں غیرت کے نام پر قتل تو کہیں،عدم برداشت کی وجہ سے انسانیت کی تذلیل، ا سمن آباد میں پسند کی شادی کرنے پر لڑکی کے بھائی نے فائرنگ کر کے بہن اور بہنوئی کو قتل کر دیا، ملزم موقع سے فرار جبکہ پولیس نے لاشیں پوسٹ مارٹم کے لئے ہسپتال منتقل کر کے کارروائی شروع کر دی۔

    غیرت کے نام پر قتل کی دوہری واردات کا واقعہ سمن آباد کے علاقے رسول پارک میں پیش آیا۔ جہاں کائنات اور اس کا شوہر اسد اپنے ماموں کے گھر کھانے کی دعوت پر مدعو تھے کہ اسی دوران لڑکی کا بھائی گل شیر بھی موقع پر آن پہنچا۔ ملزم گل شیر عرف گلو نے اندھا دھند فائر نگ کر کے اسد اور کائنات کو موت کے گھاٹ اتار دیا اور موقع سے فرار ہو گیا۔

    قتل کی لرزہ خیز واردات کی اطلاع پر پولیس بھی موقع پر پہنچ گئی اور فرانزک ٹیموں کی مدد سے موقع سے شواہد اکٹھے کرکے مقتولین کی لاشیں پوسٹمارٹم کے لئے مردہ خانے منتقل کر دیں۔پولیس کا کہنا ہے کہ مقتولین نے 6 ماہ قبل پسند کی شادی کی اور گوجرانوالہ میں رہائش پزیر تھے جبکہ ملزم کی تلاش کے لئے چھاپے مارے جا رہے ہیں۔

  • ساہیوال:معروف کاروباری مرکز میں خوفناک آتشزدگی،کروڑوں کا سامان جل کر خاکستر

    ساہیوال:معروف کاروباری مرکز میں خوفناک آتشزدگی،کروڑوں کا سامان جل کر خاکستر

    ساہیوال:خوفناک آتشزدگی کے نتیجے میں کروڑوں روپے مالیت کا سامان جل کر خاکستر ہوگیا،آتشزدگی کا یہ خوفناک واقعہ ضلع ساہیوال کی نواحی تحصیل چیچہ وطنی کے کمبوہ چوک میں واقع مشہور کاروباری مرکز سرمہ والا کارپوریشن میں پیش آیا،تفصیلات کے مطابق آج منگل کے روز علی الصبح ہی چیچہ وطنی کے مشہور کاروباری مرکز سرمہ والا کارپوریشن کی بالائی منزل پر مبینہ طور پر بجلی کے شارٹ سرکٹ کی وجہ سے آگ بھڑک اٹھی جس نے دیکھتے ہی دیکھتے ہی پوری عمارت کو اپنی لپیٹ میں لے لیا،حادثے کی اطلاع ملتے ہی ریسکیو ٹیمیں اور آگ بجھانے والی گاڑیاں موقع پر پہنچ گئیں اور آگ بجھانے کا عمل شروع کردیا گیا،تاہم شدید محنت اور کوشش کے باوجود  آگ پر قابو پانے میں کم و بیش ڈیڑھ گھنٹا لگ گیا جس دوران عمارت میں موجود کروڑوں روپے مالیت کا سامان جل کر راکھ ہوگیا،

    واضح رہے کہ سرمہ والا کارپوریشن کے نام سے پاکستان کے کئی شہروں میں اقساط پر ضروریات زندگی کا سامان فروخت کیا جاتا ہے جو کہ زیادہ تر بیش قیمت ہوتا ہے،اس سامان میں الیکٹرانک و الیکٹرک کی مشہور کمپنیوں کی مختلف اشیاء، ریفریجیٹر،ایئرکنڈیشنر،ایل ای ڈیز،مائیکروویو اوونز اور موٹرسائیکلز وغیرہ شامل ہیں،
    یاد رہے کہ سرمہ والا کارپوریشن میں یہ کم عرصے کے دوران پیش آنے والا آتشزدگی کا دوسرا واقعہ ہے،
    یہاں یہ بات بھی قابل ذکر ہے عموماً ایسی عمارتوں میں فائر سیفٹی کا کوئی باقاعدہ انتظام نہیں ہوتا اور نہ ہی بجلی کی وائرنگ حفاظتی معیار کے مطابق ہوتی ہے،اکثر اوقات یہی عوامل آتشزدگی کا سبب ہونے کے ساتھ ساتھ آگ کو بھڑکانے کا باعث بھی بنتے ہیں،
    لیکن سول ڈیفنس سمیت متعلقہ ادارے اس معاملے سے چشم پوشی برتتے چلے آئے ہیں اور چند ایک نمائشی پروگرامات یا فوٹو سیشن کروانے کو ہی اعلی کارکردگی سمجھ لیا جاتا ہے