Category: جرائم و حادثات

شکارپور:بالآخر ڈی ایس پی کی شہادت کے بعد شکارپور پولیس نے مغوی سندھی گلوکار جگرجلال کو بازیاب کرا لیا۔ایڈیشنل آئی جی سکھر ڈاکٹر جمیل کے مطابق جگر جلال کو بازیاب کر پولیس پارٹی شکار پور پہنچ رہی ہے۔

ایڈیشنل آئی جی سکھر ڈاکٹر جمیل نے بتایا کہ جگر جلال کے دیگر 3 ساتھیوں کو بھی بازیاب کرالیا گیا، آپریشن کے دوران کوئی گرفتاری عمل میں نہیں آسکی۔انہوں نے کہا کہ اس آپریشن میں شہید ہونے والے ڈی ایس پی کے قاتلوں کی گرفتاری تک آپریشن جاری رہے گا۔

یاد رہے کہ جگر جلال نے چند ماہ قبل احمد رشدی کا مشہور گانا ’’کوکو کورینا‘‘ گا کر ملک گیر شہرت حاصل کی تھی۔پولیس کے مطابق جگر جلال کو شادی کی تقریب میں شرکت کیلئے لاڑکانہ سے شکارپور جاتے ہوئے اغوا کیا گیا جبکہ ان کی گاڑی تیغو کے علاقے سے ملی تھی۔

بہاولپور: ظالم بھانجے نے شک پر بیوی اور بیوی کی حمایت پر خالہ کو قتل کردیا ، تفصیلات کے مطابق تصیل حاصل پور تھانہ سٹی کی حدود دربار محمد شاہ رنگیلا کے اعوان چوک میں رات گئے خاوند نے بیوی اور خالہ ساس کو ڈنڈوں سوٹوں کے وار سے قتل کر دیا ۔

ذرائع کے مطابق اس قتل کے واقع کی اطلاع ملتے ہی پولیس اور ریسکیو موقع پر پہنچ گئے اور ملزم کو جائے وقوعہ سے گرفتار کر لیا ۔بتایا جا رہا ہے کہ ملزم کاروبار کے لئے بیرون ملک مقیم تھا اور حال ہی میں واپس آیا ملزم شقی مزاج تھا جس پر کچھ دن پہلے بھی جھگڑا ہوا تھا مگر رات گئے ملزم عبدالخالق نے خالہ ساس اور بیوی دونوں خواتین کو قتل کر دیا۔

قتل ہونے والی خواتین کی نعشوں کو پوسٹ مارٹم کے لئے ٹی ایچ کیو اسپتال میں منتقل کر دیا اورملزم سے مزید تحقیقات جاری ہے۔پولیس حکام کا کہنا ہے کہ وہ اس معاملے کے تمام پہلووں کا جائزہ لے رہی ہے اور مجرم کو قرار واقعی سزا دینے کے لیے قانونی کارروائی کی جائے گی

قصور: ہر انسان کی موت کا وقت مقرر ہے لیکن پھر بھی موت بڑے بڑے زخم چھوڑ جاتی ہے، ایسے ہی ایک واقعہ قصور کے نواحی علاقے میں کنویں میں ٹیوب ویل کی موٹر ٹھیک کرتے ہوئے زہریلی گیس سے تین افراد موقع پر جاں بحق ایک بے ہوش ،متاثرہ شخص کو اسپتال منتقل کر دیا گیا۔

ریسکیوذرائع کے مطابق گنڈاسنگھ کے علاقہ چھانٹ میں ٹیوب ویل کی موٹر ٹھیک کرنے کیلئے امین کنویں میں اترا تو زہریلی گیس کے باعث گر گیا جس کو بچانے کیلئے عرفان اور آصف نے بھی چھلانگیں لگا دیں تینوں موقع پر جاں بحق ہوگئے۔خالد نامی شخص کوبے ہوشی کی حالت میں موقع پر موجود افراد نے رسے کی مدد سے نکل لیا ۔ اطلاع ملتے ہی ریسکیو ٹیمیوں نے موقع پر پہنچ کو خالد کو اسپتال منتقل کر دیا ہے، مرنے والے تینوں افراد کے گھروں میں قیامت صغریٰ کا منظر ہے اور ہر آنکھ اشک بار ہے

لاہور : منشیات فروشوں کے خلاف پولیس کی کارروائی جاری ہے اور تازہ ترین کوشش میں پولیس نے کارروائی کرتے ہوئے تعلیمی اداروں کے قریب منشیات فروخت کرنے والا گروہ گرفتار ، ملزمان سےلاکھوں روپے مالیت کی38 کلو کے قریب منشیات بھی برآمد کر لی گئی۔

تعلیمی اداروں میں منشیات فروشی کے بارے میں ایس پی سول لائنز دوست محمد کھوسہ کا نیوز کانفرنس کرتے ہوئے کہنا تھا کہ تعلیمی اداروں کے اطراف سے5 منشیات فروش پکڑے ہیں، گجرپورہ پولیس نے منشیات کی بھاری کھیپ پکڑی، ملزمان سے 38 کلوکےقریب منشیات برآمد کی گئی۔

ذرائع کے حوالے سے یہ بھی معلوم ہوا ہے کہ اس موقع پر ایس پی نے بتایا کہ انہیں اطلاع ملی تھی کہ کوہاٹ سے ملزمان منشیات کی بھاری کھیپ لاہورلا رہے ہیں جن کو ناکہ بندی کے بعد گرفتار کر لیا گیا۔ملزمان سابقہ ریکارڈ یافتہ اور پہلے بھی تعلیمی اداروں میں منشیات فراہم کرتے رہے ہیں۔

لاہور : تیزرفتاری خطرہ جان ، ایکسیڈنٹ سے موٹرسائیکل سوار میاں بیوی کے سامنے بیٹی کی موت سے والدین سکتے میں آگئے ، تفصیلات کے مطابق واپڈا ٹاؤن گول چکر کے قریب تیزرفتار پک اپ کی موٹرسائیکل سوار کو ٹکر لگنے سے تین ماہ کی بچی جاں بحق ہوگئی۔

ریسکیو ذرائع کے مطابق واپڈا ٹاؤن گول چکر کے قریب تیز رفتار پک اپ نے موٹر سائیکل کو ٹکر ماردی، ٹکر لگنے سے موٹرسائیکل سوار خاتون کی گود میں بیٹھی 3 ماہ کی بچی موقع پر ہی دم توڑ گئی، حادثے کی اطلاع ملنے پر ریسکیو اور پولیس اہلکار جائے حادثہ پر پہنچ گئے۔پولیس نے رپورٹ درج کرکے ڈرائیور کے خلاف کارروائی شروع کردی

لاہور : جعلی وفاقی وزیر کے نام پر دھمکیاں ، فون کرانے والا خود ہی گرفتار ہوگیا ، پولیس نے مقدمہ درج کرکے حوالات میں بند کردیا ، اطلاعات کے مطابق جعلی وفاقی وزیر سے سی ٹی او لاہور کو فون کرانے والا ملزم گرفتار، ملزمان کے خلاف تعزیرات پاکستان اور ٹیلی گراف ایکٹ کے تحت مقدمہ درج کر لیا گیا۔

پولیس ذرائع کے مطابق سی ٹی او لاہور کو نامعلوم شخص نے کال کرکے اپنا تعارف بطور فیڈرل منسٹر انرجی اینڈ پٹرولیم عمر ایوب کرایا، کال کرنے والے نامعلوم شخص نے سی ٹی او کو ڈرائیونگ لائسنس بنانے کا حکم دیا۔

پولیس نے بتایا کہ کال موصول ہونے والے نمبر کی جانچ پڑتال پر معلوم ہوا کہ نمبر فیڈرل منسٹر کے زیر استعمال ہے اور نہ ہی فیڈرل منسٹر نے کال کی ہے جس پر ریڈر ٹو سی ٹی او لاہور کی طرف سے ملزمان کے خلاف تعزیرات پاکستان اور ٹیلی گراف ایکٹ کے تحت مقدمہ درج کرتے ہوئے ادریس نامی ملزم کو مزید تفتیش کیلئے تھانہ لوئر مال پولیس کے حوالے کر دیا گیا۔

کراچی:سہراب گوٹھ میں تین غیر ملکی ڈاکو گرفتار ، پولیس چکرا گئی ، اطلاعات کے مطابق کراچی کے علاقے سہراب گوٹھ سے پولیس نے فائرنگ کے تبادلے کے بعد 3 ڈکیتوں کو گرفتار کر لیا۔ سہراب گوٹھ میں پولیس اور ڈاکوؤں کے درمیان بانٹوہ میمن سوسائٹی، الآصف اسکوائر کے قریب مقابلہ ہوا۔ فائرنگ کے تبادلے کے دوران ڈاکوؤں کی گولیاں پولیس موبائل کو بھی لگیں تاہم تمام اہلکار خوش قسمتی سے محفوط رہے۔

ذرائع کے مطابق کراچی پولیس نے جن تین ڈاکووں کو گرفتار کیا ان کے قبضہ سے غیر قانونی اسلحہ بمعہ ایمونیشن برآمد کیا گیا۔ ملزمان کا گروہ ڈکیتی سمیت دیگر سنگین نوعیت کی وارداتوں میں ملوث تھا۔گرفتار ملزمان میں فیض محمد عرف فیضی، اجمل اور زیدی شامل ہیں، تینوں ملزمان افغان شہری ہیں۔