چمن : چمن ہی اجڑ گیا . اطلاعات کے مطابق صوبہ بلوچستان کے شہر چمن میں کوچ اور پک اپ میں ٹکر ہوگئی جس کے نتیجے میں 7 افراد ہلاک اور ایک شخص زخمی ہوگیا۔
لیویز ذرائع کے مطابق کوئٹہ چمن شاہراہ پر جنگل پیر علیزئی کے قریب کوچ اور پک اپ میں ٹکر ہوئی جس کے نتیجے میں پک اپ میں سوار 7 افراد موقع پر جاں بحق اور ایک شخص زخمی ہوگیا۔
ریسکیو آپریشن مکمل کرکے کوئٹہ چمن شاہراہ کو ٹریفک کے لیے کھول دیا گیا ہے۔یادرہے کہ حادثے میں جاں بحق ہونے والوں کی شناخت تاحال نہ ہوسکی، کوچ چمن سے کراچی جارہی تھی۔
مظفرگڑھ میں مضرصحت مشروب پینے سے ایک بچے سمیت 4 افراد کی حالت غیر ہوگئی۔متاثرہ افراد کو تحصیل ہیڈ کوارٹرہسپتال جتوئی منتقل کردیا گیا.مظفرگڑھ کی تحصیل جتوئی کے علاقے بستی صادق مستوئی میں مضرصحت مشروب پینے کے بعد 4 افراد کی حالت غیر ہوگئی۔متاثرہ افراد میں ایک بچہ اور 3 خواتین شامل ہیں.ریسکیو کیمطابق اہلخانہ کے مطابق متاثرہ افراد نے بازار سے بجی مشروب ساز کمپنی ڈیو کی بوتل خرید کر پی تھی۔بوتل پینے کے بعد چاروں افراد کی حالت غیر ہوگئی.متاثرہ افراد کو طبی امداد کے لیے ٹی ایچ کیو ہسپتال جتوئی منتقل کردیا گیا.دوسری جانب فوڈ اتھارٹی کی جانب سے بھی واقعے کی تحقیقات شروع کردی گئی ہیں.
عمان (مسقط_ نمائندہ باغی ٹی وی) سلطنت آف عمان میں ایک خاندان کے پانچ افراد اپنے ہی گھر میں مردہ پائے گئے۔ تفصیلات کے مطابق رائل عمان پولیس نے بتایا کہ ولایة البدیة کے ایک گھر میں پانچ افراد مردہ حالت میں پاۓ گئے جن کی شناخت کر لی گئی ہے۔ جاں بحق ہونے والے افراد کا تعلق عمانی خاندان سے ہے جن میں تین بچے اور ان کے والدین شامل ہیں۔ پولیس کے مطابق کیس کے ابتدائی شواہد قتل کی نشاندہی کرتے ہیں جس کی مزید تفتیش جاری ہے۔
ایبٹ آباد :شادی پر شادی کرنے والا اپنی بیوں کو حقوق دینے کی بجائے ان کا قتال بن گیا . یہ واقعہ ابیٹ آباد میں پیش آیا جہاں خاوندنے اپنی دونوں بیویوں کوقتل کردیا،دوہرے قتل کی لرزہ خیزواردات کےبعدملزم موقع سے فرار ہوگیا۔
پولیس کے مطابق مانسہرہ کے رہائشی ماجد نے نامعلوم وجوہات کی بنیاد پر اپنی دو بیویوں عائشہ اور ثمن کو تھانہ مانگل کی حدود کھوڑا میں رات گئے قتل کر دیا اور موقع سے فرار ہو گیا، ملزم نے آتشیں اسلحہ سے فائرنگ کر کے دونوں کو قتل کیا۔
پولیس ذرائع کے مطابق دونوں بیویوں کی لاشوں کو ایوب میڈیکل کمپلیکس منتقل کیا گیا جہاں پوسٹ مارٹم جاری ہے،خواتین کے لواحقین ہسپتال پہنچ آئے ہیں لواحقین کی رپورٹ پر پولیس نے خاوند پر دوہرے قتل کا مقدمہ درج کر لیا۔
کراچی :اپنے ہی گراتے ہیںنشیمن پہ بجلیاں ، شہریوں کی حفاظت کرنے والی پولیس شہریوں کو قتل کرنے لگی ، تازہ واقعہ میں گلشن حدید میں پولیس اہلکار کی فائرنگ سے زخمی ہونے والا نوجوان ہسپتال میں دم توڑ گیا۔
رپورٹ کے مطابق کراچی میں پولیس گردی کا ایک اور واقع سامنے آیا،گلشن حدید میں پولیس اہلکار کی فائرنگ سے نوجوان ہسپتال میں دم توڑ گیا،تین روز قبل پولیس اہلکار علی رضا نے فائرنگ کرکے شہری شبیر آفریدی کو زخمی کردیا تھا، جاں بحق ہونے والے نوجوان کی لاش کے پی کے روانہ کردی گئی۔
دوسری طرف شبیر آفریدی کے لواحقین کا کہناتھا کہ پولیس پیٹی بند بھائی کوفوری جیل بھیجوائے،اہلکار کیخلاف تاحال 302 کی دفعات شامل نہیں کی گئی،لواحقین کا کہناتھا کہ ہمارے بیٹے کا قصور کیا تھا، ہم اعلیٰ حکام سے انصاف کا مطالبہ کرتے ہیں۔
خانیوال:جو والدین اپنی اولاد سے محبت نہیں کرتے تو کل کو پھر ان کو محبت نصیب نہیںہوتی ، اپنی غلطی کی سزا اولاد کو دینے والے پکڑے جاتے ہیں ، خواہ ان کو خانیوال کی پولیس کی کیوں نہ پکڑ لے ، تفصیلات کے مطابق ظالم باپ کا دو معصوم بچیوں پر تشدد ، یو ایس بی فلیش گم ہونے پر بچیوں کو درخت سے لٹکا کر مار مار کر لہولہان کردیا.
ذرائع کے مطابق اس واقعہ کی اطلاع ملنے پر پولیس نے ظالم باپ عرفان کو گرفتار کر کے مقدمہ درج کر لیا ۔ پولیس کے مطابق یہ واقعہ کچھ اس طرح ہے کہ خانیوال کے علاقے کبیروالا میں عرفان نامی شخص نے یو ایس بی فلیش گم ہونے کی صورت میں بچیوں سے دریافت کیا تو انہوں نے لاعلمی کا اظہار کیا جس پر وہ طیش میں آگیا اور 4 سالہ فریحہ نور اور 6 سالہ ابیہہ نور کو درخت سے لٹکا کرمارپیٹ کرتارہا ۔
خانیوال سے ذرائع کے مطابق پتہ چلنے پر اہل علاقہ نے مداخلت کر کے ان بچیوں کو درخت سے اتارا ۔ تھانہ سٹی کبیروالا میں عرفان کے خلاف مقدمہ درج کر لیا گیا ہے ۔ بچیوں کی والدہ کا کہنا ہے کہ ان کا شوہر نفسیاتی مریض ہے اور اکثر لڑائی جھگڑا کرتا ہے جبکہ بچیوں کی حالت اب بہتر ہے ۔بعض لوگوں کا کہنا تھا کہ عرفان نے اس یوایس بی میں کوئی ایسی غیر اخلاقی چیزیں رکھی ہوئی تھیں جن کا اسے ظاہر ہونے کا ڈر تھا
لاہور : لاہور جیسے بڑے شہر میں جہاں ہر طرف کیمرے لگے ہیں اور ہر چوک پر پولیس والے ہر شہری کی شناخت پریڈ کرتے ہیں اس کے باوجود بکروں کا اغواہونا ایک سوالیہ نشان ہے. اطلاعات کے مطاب عید قرباں آتے ہی نوسرباز سرگرم ہوگئے، اقبال ٹاؤن کی حدود میں نوسر باز شہریوں کو نشہ آور چیزکھلا کر14 بکرے لے اڑے۔
تفصیلات کے مطابق تھانہ اقبال ٹاؤن کی حدود میں نوسر باز نشہ آور چیزکھلا کرشہریوں کے 14بکرے کسی نامعلوم مقام کی طرف لے کر چلے گئے ہیں. ، نشہ آور چیز کے باعث بے ہوش ہونے والے شہریوں کو ابتدائی طبی امداد کے لیے جناح ہسپتال منتقل کردیا گیا۔
پولیس حکام کے مطابق نشے سے ان متاثرہ شہریوں کی شناخت تیرہ سالہ داؤد اور 39سالہ رانا شاہد کے نام سے ہوئی، متاثرہ افراد کا کہنا تھا کہ نوسربازوں کے خلاف تھانے میں درخواست دےدی ہے لیکن اب یہ نئے پاکستان کی ہونہار پولیس کی قابلیت کے لیے چیلنج ہے کہ وہ ان نوسربازوں کو گرفتار کرتےہیں. یا پھر
گوجرانوالہ سے ایک بھارتی شہری گرفتار تفصیلات کے مطابق ایف آئی اے نے گوجرانوالہ سے ایک بھارتی شہری کو گرفتار کر لیا ، گرفتار ملزم پنجم تیواری دس سال پہلے غیر قانونی طور پر پاکستان آیا اور پاکستانی دوست کی مدد سے ادھر بلال نام سے پاکستانی شناختی کارڈ بنوایا اور پاکستانی لڑکی سے شادی بھی کرلی ،ڈپٹی ڈائریکٹر ایف آئی اے عامر نواز کے مطابق گرفتار ملزم پنجم تیواری نے 2009 میں دبئی گیا وہاں پنجاب کے شہر گوجرانوالہ سے تعلق رکھنے والے شہری کامران سے ملاقات ہوئی اور دونوں کی آپس میں کاروباری دوستی بن گئی۔ کامران اسے جعلی پاسپورٹ پر پاکستان لے آیا اور پاکستان آ کر گرفتار بھارتی ملزم نے کامران کی مدد سے بلال کے نام سے پاکستانی شناختی کارڈ بنوا لیا۔ بعد میں دوست کامران کی بہن رخسانہ سے شادی بھی کر لی، شادی کر کے جعلی نکاح نامہ بھی بنوا لیا ۔
ملزم کے خلاف مقدمہ درج کر کے تحقیقات کی جارہی ہیں ،مقدمہ میں کامران سمیت اسکی معاونت کرنیوالے پانچ افراد کو بھی نامزد کیا گیا ہے ۔ نادرا ملازمین کو بھی شامل تفتیش کرنے کا فیصلہ کیا گیا ہے ۔
صوبائی دارالحکومت لاہورمیں خواتین پرتشدد کےواقعات کم نہ ہوسکے،ایک اورحوا کی بیٹی پرمبینہ تشدد کا واقعہ سامنے آگیا.
باغی ٹی وی کی رپورٹ کے مطابق معروف اداکار ببوبرال کی20سالہ بیٹی مریم برال پرشوہرنے مبینہ طور پر تشدد کیا، مریم اپنے شوہر کے خلاف مقدمہ کے اندراج کے لئے تھانے پہنچ گئیں، انہوں نے تھانہ اقبال ٹاؤن میں شوہرکے خلاف اندراج مقدمہ کیلئےدرخواست جمع کروادی ،درخواست میں کہا گیا ہے کہ شوہرساقی خان متعدد بارتشدد کانشانہ بناچکاہے،مریم اورساقی خان کی شادی پچھلےسال مارچ میں ہوئی تھی.
پولیس کا کہنا ہے کہ مریم کےچہرے اوربازوپرتشدد کےنشانات بھی ہیں، درخواست موصول ہوگئی ہے،قانون کےمطابق کارروائی عمل میں لائی جائےگی.
کمیشن برائے حقوق نسواں پنجاب کی ایک رپورٹ کے مطابق چھ ماہ میں انیس اعشاریہ پانچ فیصد عورتیں تشدد کا نشانہ بنیں۔ صرف لاہور میں دو ہفتوں کے دوران دس خواتین، کسی نہ کسی صورت جبر کا شکار ہوئیں، بیشتر واقعات میں قریبی رشتہ دار ہی ظلم ڈھانے میں ملوث نکلے۔محکمہ داخلہ پنجاب نے 21 فروری کو پنجاب اسمبلی میں خواتین پر تشدد کے حوالہ سے ایک رپورٹ جمع کروائی تھی جس کے مطابق ضلع لاہور میں گزشتہ ششماہی کے دوران غیرت کے نام پر کل 6 مقدمات درج کروائے گئے لیکن کسی ایک پر بھی کارروائی مکمل نہ ہوئی۔
لاہور: سوشل میڈیا کی وجہ سے بننے والے مجرم کو پولیس نے بالآخر گرفتار کرلیاہے . اطلاعات کے مطابق چوہنگ پولیس نے ٹھوکر نیاز بیگ کے قریب خاتون کو سرعام ہراساں کرنے والے اوباش کو مقدمہ درج کرکے گرفتار کرلیا۔
پولیس حکام کے مطابق ایک متاثرہ خاتون نے سوشل میڈیا پر اوباش کی غیر اخلاقی حرکت کی ویڈیو اپ لوڈ کی تھی جس پر سی سی پی او لاہور نے نوٹس لیتے ہوئے ایس پی صدر کو فوری کارروائی کی ہدایت کی۔ ملزم کے خلاف تھانہ چوہنگ میں مقدمہ درج کرکے موٹر سائیکل کی مدد سے ملزم کا سراغ لگایا گیا۔
پولیس نے بتایا ہےکہ اس واقعہ میںملوث ملزم طیب احمد ویسٹ ووڈ کالونی رائیونڈ کا رہائشی ہے جسے گرفتار کر لیا گیا۔ ایس پی صدر احسن سیف اللہ کا کہنا تھا کہ گرفتار ملزم شادی شدہ اور دو بچوں کا باپ ہے جس سے تفتیش کی جا رہی ہے۔