سرگودہا(نمائندہ باغی ٹی وی)تفصیلات کے مطابق میونسپل کارپوریشن ، انکروچمنٹ برانچ کے عملہ نے تجاوزات کے خلاف آپریشن کے دوران معمولی جھگڑے پر دوکاندار کو موت کے گھاٹ اتار دیا
لواحقین کا لاش خیام چوک میں رکھ کر شدید احتجاج اور زمہ داروں کے خلاف فوری کاروائی کا مطالبہ ۔۔۔۔۔۔ ٹریفک کی روانی شدید متاثر ہوئی عملے کا کہنا ہے کہ دوکاندار دل کا دورہ پڑنے سے ہلاک ہوا
Category: جرائم و حادثات
میونسپل کارپوریشن کے عملے سےمعمولی جھگڑے پر دکاندار جان کی بازی ہار گیا
واپڈا کی لاپرواہی کی وجہ سے آج ایک گھر اجڑ گیا
سرگودہا(نمائندہ باغی ٹی وی )سرگودھا مقامِ حیات میں ایک گھر کے دو بچے مین ٹرانسفر کی تاروں کے ساتھ لگ کے اللہ کو پیارے ہو گئے
اِیک بھائی پتنگ کی ڈور پکڑتے گھر کے ساتھ گزرتی بجلی کی مین تار کے ساتھ لٹک گیا دوسرا بھائی پہلے کو بچاتے ہوئے ساتھ لٹک گیا۔ دونوں بھائی موقع پہ جانبحق۔
ریسکیو 1122 کی گاڑیاں موقع پہ پہنچ گئیں
واپڈا کے تار گھر کی دیوار سے 6 انچ کی فاصلے سے گزر رہی ہیں۔ 5 بہنوں کے 2 بھائی خالق حقیقی کو جاملے۔۔۔۔
سرگودھا، باپ بیٹے کو قتل کرنے پر مجرم کو 2 بار سزائے موت کا حکم
سرگودھا۔ 31 جولائی (اے پی پی) ڈسٹرکٹ اینڈ سیشن جج کی عدالت نے زیادتی مقدمہ میں صلح نہ کرنے باپ بیٹے کو قتل کر دینے کے مجرم کو 2 بار سزائے موت جبکہ 4 افراد کو عدم ثبوت کی فراہمی کی وجہ سے بری کر دیا گیا۔ عدالت نے مجرم کو تین لاکھ روپے جرمانہ بھی ادا کرنے کا حکم دیا۔ پولیس ذرائع کے مطابق مورخہ27 جون 2016 ء کو تھانہ اربن ایریا کی حدود میں زیادتی کے کیس میں صلح نہ کرنے پر مجرم اسد علی نے اڑھائی سالہ سبحان اور اس کے والد کو فائرنگ کر کے قتل کر دیا،جبکہ سات سالہ مدثر شدید زخمی ہو گیا تھا،ایڈیشنل ڈسٹرکٹ اینڈ سیشن جج سرگودھا فرحان مدثر نے مقدمہ کی سماعت کے بعد فیصلہ سناتے ہوئے ملزم اسد علی پر الزامات ثابت ہونے پر 2 بار سزائے موت اور تین لاکھ روپے جرمانہ کی سزا سنا دی،جرمانے کی سزا مقتولین کے ورثاء کو ادا کی جائیگی۔
غیر قانونی گیس ری فلنگ ناقص سلنڈر ز،13 افراد گرفتار
غیر قانونی گیس ری فلنگ ناقص سلنڈر ز،13 افراد گرفتار
سرگودھا۔ 31 جولائی (اے پی پی) غیر قانونی طورپر گیس ری فلنگ کرنے اور ناقص سلنڈرز کے استعمال پر 13 دکاندار اور ڈرائیورز کو گرفتار کرلیاگیا۔ غیر قانونی طورپر گیس ری فلنگ اور ناقص سلنڈرز استعمال کرنے والے محمدعارف، افتخاراحمد، سکندرحیات، فاروق اعظم، عبدالرؤف، ناظم حسین اور دیگر 13 افراد جن میں 8 دکاندار اور 5 ڈرائیورز بھی شامل ہیں کے خلاف مقدمات درج کر لئے گئے ہیں۔فیصل آباد، پولیس نے3 منشیات فروش گرفتار کرکے بھاری مقدار میں شراب برآمد کرلی
فیصل آباد (اے پی پی) فیصل آباد پولیس نے گذشتہ 24گھٹنوں کے دورا
ن منشیات فروشوں کے خلاف نمایاں کارروائیوں میں 3 منشیات فروش گرفتار کرکے بھاری مقدار میں شراب برآمد کرلی۔ پولیس ذرائع نے بتایاکہ تھانہ منصور آباد پولیس نے چھاپہ مار کر ملزم جمیل مسیح کوگرفتارکیاجس کے قبضہ سے58لیٹر شراب برآمد کرکے اس کے خلاف مقدمہ نمبر611/19بجرم3/4PHOتھانہ جھنگبازار پولیس نے شراب فروش ملزم ناتن مسیح کوگرفتار کر کے اس کے قبضہ سے10لیٹر شراب برآمد کرکے اس کے خلاف مقدمہ نمبر639/19بجرم3/4PHO اور تھانہ صدر سمندری پولیس نے چھاپہ مار کر ملزم محمد علیم کوگرفتارکیاجس کے قبضہ سے10لیٹر شراب برآمد کرکے اس کے خلاف مقدمہ نمبر291/19بجرم3/4PHO درج کر کے مزید تفتیش شروع کر دی ہے۔فیصل آباد میں پولیس نے 11 مجرم و اشتہاری گرفتار کرلئے
فیصل آباد( اے پی پی) فیصل آبادپولیس نے جرائم پیشہ افراد کے خلاف کارروائیوں میں گزشتہ چوبیس گھنٹوں کے دوران11مجرم و اشتہاری گرفتارکرلئے ہیں۔ سٹی پولیس فیصل آباد کے ترجمان نے بتایاکہ غیر قانونی اسلحہ رکھنے اور نمائش کرنے والوں کیخلاف کارروائیوں میں 14عدد پسٹلقبضہ میں لے کر متعلقہ افراد کے خلاف مقدمات درج کئے گئے ہیں۔ انہوں نے مزید بتایا کہ منشیات فروشوں کے خلاف کریک ڈاؤن میں 540 گرام چرس اور87لیٹر شراب برآمدکرتے ہوئے ملزمان گرفتار کرکے ان کیخلاف مقدمات درج اور ضابطہ کی کارروائی شروع کردی گئی ہے۔
فیصل آباد، موٹر وے ایم ٹو پر تیزرفتار کار کو حادثہ، ایک شخص جاں بحق، 3 افراد زخمی
فیصل آباد (اے پی پی) موٹر وے ایم ٹو پر ایک کار تیز رفتاری کے باعث حادثے کا شکار ہوگئی جس کے نتیجہ میں ایک شخصجاں بحق اور 3 افراد زخمی ہو گئے۔ریسکیو 1122کے ذرائع نے بتایاکہ کار سوار موٹر وے ایم ٹو پر جا رہے تھے کہ ایم ٹو لاہور ملتان موٹر وے پر سمندری انٹر چینج کے قریب تیز رفتاری کے باعث کار کا ٹائر پنکچر ہونے کی وجہ سے ڈیوائیڈر سے ٹکرا گئی جس کے نتیجہ میں ایک 55 سالہ کار سوار عبدالقیوم ولد اشرف جاں بحق جبکہ اس کے ساتھ سوار35سالہ اکرم ولد اسلم،40سالہ احتشام ولد اختر اور 45سالہ عبدالوحید ولد قادر بخش زخمی ہوگئے۔ واقعہ کی اطلاع ملتے ہی موٹر وے حکام اور ریسکیو 1122کی امدادی ٹیمیں جائے حادثہ پر پہنچیں اور جاں بحق و زخمی ہونے والوں کو فوری طور پر ٹی ایچ کیو ہسپتال سمندری منتقل کردیا۔ ریسکیو ذرائع کے مطابق دیگر تینوں زخمیوں کی حالت خطرے سے باہر ہے۔
فیصل آباد، تیر رفتار ٹرک کی موٹر سائیکل کو ٹکر، نوجوان جاں بحق
فیصل آبار (اے پی پی) فیصل آباد کے علاقہ جھنگ روڈ پر بورڈ آف انٹر میڈیٹ اینڈ سیکنڈری ایجوکیشن کے قریب تیز رفتار ٹرک کی ٹکر سے موٹر سائیکل سوار نوجوان جاں بحق اور ایک راہیگر شدید زخمی ہو گیا۔ پولیس تھانہ جھنگ بازار اور ریسکیو 1122کے ترجمان نے بتایا کہ موٹر سائیکل سوار 26سالہ علی شاہ تعلیمی بورڈ فیصل آباد کی عمارت کے قریب جھنگ روڈ پر جا رہا تھا کہ ایک تیز رفتار ٹرک نے چنگ چی رکشہ کو اوور ٹیک کرتے ہوئے اسے ٹکر مار دی جس کے نتیجہ میں وہ شدید زخمی ہو گیا اور زخموں کی تاب نہ لاتے ہوئے دم توڑ گیا جبکہ حادثے میں 35سالہ راہگیر شدید زخمی ہو گیا، واقعہ کی اطلاع ملتے ہی پولیس اور ریسکیو 1122کی ٹیمیں جائے حادثہ پر پہنچیں اور جاں بحق و زخمیوں کو الائیڈ ہسپتال فیصل آباد منتقل کیا۔ فرار ہونے والے ٹرک ڈرائیور کے خلاف مقدمہ درج کر کے اس کی گرفتاری کیلئے کوششیں شروع کر دی گئی ہیں۔
فیصل آباد: بچوں سے بدفعلی کرنے والا بدبخت درندہ صفت گینگ پکڑا گیا
فیصل آباد :فیصل آباد پولیس بالآخر ان بدبخت درندہ صفت افراد کو گرفتار کرنے میں کامیاب ہوگئی جو چھوٹے چھوٹے بچوں کو زیادتی کا نشانہ بناتے تھے .پولیس کے مطابق فیصل آباد کےتھانہ بٹالہ کالونی میں بچوں کے ساتھ بد فعلی کر کے ویڈیو بنانے والا گینگ منظر عام پر آگیا.
پولیس حکام کے مطابق چار افراد پر مشتمل گینگ نوعمربچوں کی نازیبا ویڈیو بنا کر بلیک میل کرتا تھا، ملزمان کے خلاف تھانہ بٹالہ کالونی میں مقدمات درج کرلیے گئےجبکہ 2ملزموں کوگرفتار کر لیا گیا،گرفتار ملزموں میں عدنان اور قاسم شامل،علی اورشہزاد کو تاحال گرفتار نہیں کیا جاسکا.
پولیس حکام کے مطابق مطابق بد بخت ملزمان نے12سالہ حسنین اور بارث کو زیادتی کا نشانہ بنایا، پولیس نے بچوں کے والد کی مدعیت میں علیحدہ علیحدہ مقدمات درج کئے. اس سے پہلے بھی فیصل آباد میں 182 بچوں کو زیادتی کا نشانہ بنایا جا چکا ہے.
بورے والا : اندھے قتل کا فیصلہ سنا دیا گیا
بورے والا (نمائندہ باغی ٹی وی) ایڈیشنل سیشن جج بورے والا نے مشہور مقدمہ قتل کا فیصلہ سنا دیا،سکول ٹیچر کی بیوی اور سوتیلی ماں کو سزائے موت اور ایک ایک لاکھ جرمانہ کی سزا سنادی.
بیوی اور سوتیلی ماں نے 15 ماہ قبل 173/ ای بی میں سکول ٹیچر کو قتل کردیا تھا۔دونوں نے سکول ٹیچر کو زہر دیکر قتل کے بعد نعش کو آگ لگا دی تھی.
قتل کی واردات کو شارٹ سرکٹ سے آتشزدگی کا رنگ دے دیا تھا۔
