سرگودھا۔24جولائی(اے پی پی)سرگودہا خوشاب روڈ پرشاہپور سٹی میں چونگی نمبر ی2 کے قریب تیز رفتار آئل ٹینکر نے 50 سالہ شخص کو کچل دیا اورموقع سے فرار ہو گیا۔تفصیلات کے مطابق حافظ محمد دین علی الصبح سیر کرنے کے لئے سرگودہا خوشاب روڈ پر سڑک عبور کر رہا تھا کہ تیز رفتار آئل ٹینکر کی زد میں آ گیا،حافظ محمد دین کے جسم کے اعضاء بکھر گئے،جبکہ ٹینکرڈرائیور موقع سے فرار ہو گیا۔پولیس تھانہ شاہ پُور سٹی نے موقع پر پہنچ کرنعش قبضہ میں لے کر قانونی کاروائی کے بعد ورثاء کے حوالے کر دی فرارہونے والے ٹرک ڈرائیور کے خلاف مقدمہ درج کرکے مزید تفتیش جاری و ساری ہے
Category: جرائم و حادثات
ٹرین نے 24 سالہ ذہنی معذور نوجوان کچل دیا
سرگودھا۔24جولائی(اے پی پی)ٹرین نے 24 سالہ ذہنی معذور نوجوان کچل دیا،کراچی سے سرگودھا آنے والی ہزارہ ایکسپریس ٹرین علی الصبح شاہ نکڈر سے گزر رہی تھی کہ اچانک اس کی زد میں 24 سالہ گونگا،بہرہ ذہنی معذور نوجوان ریل کی پٹڑی عبور کرنے کی کو شش میں ٹرین کی زد میں آ گیا،اور جان کی بازی ہار گیا۔پولیس ذرائع کے مطابق اظہر احمد قوم گرواہ سکنہ شاہ نکڈر جوکہ ذہنی طورپرمعذور اور گونگا بہرہ تھا،ٹرین کا ہارن سننے سے قاصر ہونے کی وجہ سے ٹرین کی زد میں آکر کچلا گیا۔ورثاء نے کسی قسم کی کاروائی سے انکار کرتے ہوئے اسے حادثاتی موت قرار دے دیا۔
کوئٹہ میں گھر میں گھس کر خواتین پر تیزاب پھینکنے کا واقعہ
بلوچستان کے علاقے کوئٹہ میں خواتین اور بچے پر تیزاب پھینکے جانے کا واقعہ پیش آیا ہے
باغی ٹی وی کی رپورٹ کے مطابق بلوچستان کے صوبائی دارالحکومت کوئٹہ میں افسوسناک واقعہ پیش آیا ہے، سریاب روڈ کے نواحی علاقے مینگل آباد میں ملزم نے گھر میں گھس کر خواتین اور بچوں پر تیزاب پھینک دیا ، جس سے دو خواتین او ایک بچہ جھلس گئے.
پولیس کا کہنا ہے کہ سریاب روڈ کے علاقے میں ملزمان نے گھر میں گھس کر تیزاب پھینکا، متاثرہ خواتین اور بچے کو طبی امداد کے لئے ہسپتال منتقل کر دیا گیا ہے، پولیس نے واقعے کا مقدمہ درج کر کے ملزمان کی تلاش شروع کر دی ہے.
واضح رہے کہ پاکستان میں تیزاب گردی کے خلاف کئی دہائیوں تک موثر قوانین موجود نہیں تھے، جس کی وجہ سے ان واقعات کی روک تھام مشکل ہوگئی تھی۔ دو ہزار دس سے دو ہزار چودہ کے درمیان اس جرم میں بہت تیزی نظر آئی۔ تاہم دو ہزار چودہ میں منظور کیے جانے والے ایک نئے قانون کے بعد ایسے واقعات میں کوئی پچاس فیصد کمی ہوئی ہے۔ پاکستان کی اعلیٰ عدلیہ سپریم کورٹ بھی ایک کیس میں کہ چکی ہے کہ تیزاب پھینکنے والے کو معاف کرنے کی اجازت نہیں،
تیزاب گردی روکنے کیلئے سخت قانون لانے کا فیصلہ کیا گیا ہے مسلم لیگ (ن) کی رکن پنجاب اسمبلی حنا پرویز بٹ نے ایسڈ برن اینڈ کرائم ایکٹ 2019ء بل پنجاب اسمبلی میں جمع کرادیا۔جس میں کہا گیا ہے کہ جو جان بوجھ کرتیزاب پھینکے اس کو سزائے موت یا سخت سزادی جائے۔اگر تیزاب کی متاثرہ خاتون یا مرد جان بحق ہوجائے تو بھی ملزم کو سزائے موت یا عمر قید ہونی چاہیے۔ملزم کے ساتھ جو بھی معاونت کرے تو اس کو کم از کم تین سال قید ہونی چاہیے۔ملزم کا ریمانڈ14دن کا ہو اور زیادہ سے زیادہ 60دن میں تفتیش مکمل ہونی چاہیے۔
منشیات فروشوں اورناجائزاسلحہ رکھنے والوں کے خلاف کاروائی، گیارہ ملزمان گرفتار
سرگودھا۔24جولائی(اے پی پی)ڈسٹرکٹ پولیس آفیسرسرگودہا حسن مشتاق سکھیرا کی ہدایت پر منشیات فروشوں وناجائزاسلحہ رکھنے والوں کے خلاف کاروائیوں کا سلسلہ جاری۔ گیارہ گرفتارملزمان سے چرس1120گرام وناجائزاسلحہ برآمد۔تفصیلات کے مطابق ڈسٹرکٹ پولیس آفیسر حسن مشتاق سکھیرا کی ہدایت پرمنشیات فروشوں وناجائزاسلحہ رکھنے والوں کے خلاف کاروائی کرتے ہوئے تھانہ ساجد شہید پولیس نے شکیل سکنہ چک70شمالی سے چرس1120گرام، تھانہ لکسیاں پولیس نے مناسب علی سکنہ گھلاپور سے رائفل8ایم ایم، قمر شہزاد سکنہ گھلاپور سے رائفل444بور، عامر شہزاد سکنہ لکسیاں سے بندوق12بور معہ پسٹل30بور، تھانہ کوٹ مومن پولیس نے اکرام سکنہ اوپی سے رائفل444بور، تھانہ کڑانہ پولیس نے توقیر سکنہ78شمالی سے پسٹل30بور، دلاور مسیح سکنہ محافظ ٹاؤن سے پسٹل30بور،تھانہ جھاوریاں پولیس نے لیاقت سکنہ خواجہ آبادسے پسٹل30بور،تھانہ ترکھانوالہ پولیس نے نوید عباس سکنہ نہنگ سے پسٹل30بور،تھانہ صدر پولیس نے ریاست علی سکنہ 75جنوبی سے پسٹل30بوراور تھانہ میانی پولیس نے تصور حیات سکنہ رادھن سے پسٹل30بوربرآمدکرکے گرفتارملزمان کے خلاف منشیات فروشی وناجائزاسلحہ رکھنے کی دفعات کے تحت الگ الگ مقدمات درج کرلیے گئے ہیں۔
فیلڈ اسسٹنٹ محکمہ ماحولیات رشوت لیتے رنگے ہاتھوں گرفتار
سرگودھا(نمائندہ باغی ٹی وی )ڈائریکٹر اینٹی کرپشن سرگودھا کے حکم پراسسٹنٹ ڈائریکٹر (تفتیش) اینٹی کرپشن سرگودھاتصور عباس بوسال نے ریڈکر کے ملزم محمد سہیل فیلڈ اسسٹنٹ محکمہ ماحولیات کو رشوت لیتے ہوئے رنگے ہاتھوں ڈھر لیا۔ملزم نے کنٹرول شیڈ کا این او سی جاری کرنے کے لیے رشوت مانگی تھی۔تفصیلات کے مطابق محسن رضا سکنہ سیٹلائٹ ٹاؤن سرگودھا نے ریجنل ڈائریکٹر اینٹی کرپشن محمدشہباز حسین شاہ کواطلاع دی کہ محمدسہیل نامی شخص محکمہ ماحولیات میں فیلڈ اسسٹنٹ کی ڈیوٹی کرتا ہے جس نے ضلع سرگودھا میں رشوت کا بازا گرم کیا ہوا ہے کو ئی بھی کام بغیر رشوت کے نہیں کرتا، میں نے کنٹرول شیڈ کا این او سی لینے کے لیے محکمہ ماحولیات میں فائل جمع کروائی جس پر سہیل فیلڈاسسٹنٹ نے مجھ سے 80ہزار روپے رشوت کی ڈیمانڈ کی اور کہا 10ہزار NOCجاری ہونے سے پہلے اور باقی رقم NOCجاری ہونے کے بعد ادا کرنا ہو گی۔ جس پر ریجنل ڈائریکٹوریٹ اینٹی کرپشن سرگودھا کی خصوصی ٹیم نے کہا کہ آپ فیلڈ اسسٹنٹ کو رشوت نہ دیں بلکہ اُسے رشوت دیتے ہوئے رنگے ہاتھوں گرفتار کروائیں، اینٹی کرپشن کی خصوصی ٹیم کی کاوشوں سے مدعی مقدمہ محسن رضا ملزم محمد سہیل فیلڈ اسسٹنٹ محکمہ ماحولیات پر ریڈ کروانے کے لیے راضی ہو گیا۔جس پر ریجنل ڈائریکٹر اینٹی کرپشن سرگودھا محمدشہباز حسین شاہ نے تصور عباس بوسال، اسسٹنٹ ڈائریکٹر(تفتیش)، اینٹی کرپشن سرگودھا کو ریڈ کرنے کا حکم دیا، ریڈنگ آفیسر نے ریڈنگ ٹیم کے ساتھ مل کر جوڈیشل مجسٹریٹ حافظ محمد خالدکی نگرانی میں ریڈ کیااور دوران ریڈ ملزم سہیل، فیلڈ اسسٹنٹ محکمہ ماحولیات کورشوت لیتے ہوئے رنگے ہاتھوں گرفتار کر لیا اور رشوت کی رقم مبلغ10ہزار روپے موقع سے برآمد کر کے ملزم کے خلاف مقدمہ درج کرلیا گیا۔ ملزم سے مزیدتفتیش جاری ہے۔
آشیانہ کیس وقت کا ضیاع ہے ، شہباز شیریف
نیب کیس میں پیشیاں بھگتنے والے نون لیگ کے صدر میاں شہباز شریف نے کہاہے کہ آشیانہ کیس وقت کا ضیاع ہے.
تفصیلات کے مطابق شہباز شریف نے میڈیا سے گفتگو کرتے ہوئے کہا کہ آشیانہ کیس وقت کا ضیاع ہے، نیب نے جھوٹ کا پلندہ تیار کیا ہوا ہے، فراڈ بھی ہم نے پکڑا ملزم بھی ہم ہی کو بنا دیا، انہوں نے کہا کہ میاں نواز شریف کا پرہیزی کھانا بند کردیا گیا، سیاسی انتقام کا نشانہ بنایا جارہا ہے۔
دوسری جانب آمدن سے زائد اثاثہ جات کیس میں حمزہ شہباز شریف کو احتساب عدالت پیش کیا گیا، عدالت نے حمزہ شہباز شریف کا10 روزہ ریمانڈ دے دیا،بعدازاں میڈیا سے گفتگو کرتے ہوئے حمزہ شہباز نے کہا کہ عمران خان کا دورہ امریکہ کتنا کامیاب ہوا یہ تو وقت بتائےگا۔
مسلم لیگ (ن) کے رہنماؤں کا کہنا تھاکہ موجودہ حکومت گھبراہٹ کا شکار ہے اور سیاسی انتقامی کارروائیوں کے علاوہ کچھ نہیں کر رہی۔
میاں شہباز شریف اور حمزہ شہباز شریف کی پیشی کے موقع پر کارکنوں کی بڑی تعداد موجود تھی، پیشی کے موقع پرسکیورٹی کے سخت انتظامات کیے گئے تھے، ایم اے او کالج سے سول سیکرٹریٹ تک راستوں کو کنٹینرز لگا کر بلاک کیا گیا تھا۔
لاہور کی ضلع کچہری میں فائرنگ، ایک شخص جاں بحق، ملزم گرفتار
لاہور کے علاقے ضلع کچہری میں ملزم کو قتل کرنے والے کو پولیس نے گرفتار کر لیا.
لاہور ائیر پورٹ پر فائرنگ، اسلحہ کیسے پہنچا، ملزم نے کیا انکشاف
باغی ٹی وی کی رپورٹ کے مطابق لاہور کی ضلع کچہری میں پیشی کے لئے لائے جانے والے ملزم پر اچانک فائر کھول دیا گیا جس سے کچہری میں بھگدڑ مچ گئی تا ہم پولیس نے فائرنگ کرنے والے ملزم کو گرفتار کر لیا، فائرنگ سے قیدی جاں بحق ہو گیا
لاہور ائیرپورٹ پر فائرنگ، دو افراد بحق، خوف و ہراس
پولیس کے مطابق لاہور ضلع کچہری میں جاں بحق شخص کی شناخت ندیم راشد کے نام سے ہوئی ہے، جاں بحق شخص ندیم راشد لاہور کی مدینہ کالونی کا رہائشی تھا ،ندیم راشدکودفعہ 324کےتحت اقدام قتل کےالزام میں پیش کیا گیا تھا ،ملزم ندیم راشد کی ہلاکت سرپرگولی لگنے کی وجہ سےہوئی،ہلاک ملزم ندیم راشد کچہری سے واپس کوکوٹ لکھ پت جیل لے جایاجا رہا تھا ،ملزم ندیم راشد کے خلاف تھانہ چوہنگ لاہورمیں اقدام قتل کا مقدمہ درج تھا .
لاہور، انسداد دہشت گردی کی عدالت کے باہر سے 10 مسلح افراد گرفتار
پولیس کا کہنا ہے کہ فائرنگ کرنے والے ملزم علی حیدر کو گرفتار کر کے تھانہ منتقل کر دیا گیا.
ڈی آئی جی آپریشنزلاہوراشفاق خان نے جائے وقوعہ کا دورہ کیا ان کا کہنا تھا کہ ملزم سےفائرنگ میں استعمال کیاجانے والااسلحہ بھی برآمدکرلیا گیا ہے،ملزم علی حیدرکےبھائی اعجازکوندیم نے2016ءمیں فائرنگ کرکے زخمی کیاتھا،مزیدتفتیش جاری ہے،واقعہ کےتمام پہلوؤں کا جائزہ لیاجارہا ہے،
لاہورائیر پورٹ پربرآمد سنائپرگن کی گولیاں کس ملک سے لائی گئیں؟ جان کر ہوں حیران
واضح رہے کہ چند روز قبل لاہورائیر پورٹ پر بھی فائرنگ کا واقعہ ہوا تھا جہاں دیرینہ دشمنی پر دو افراد کو قتل کر دیا گیا تھا،
اسلام آباد پولیس کی کاروائی، کروڑوں روپے مالیت کی آئس برآمد، چار گرفتار
اسلام آباد پولیس نے سعودی عرب بھجوائی جانے والی کروڑوں روپے مالیت کی آئس پکڑ لی
آج تک یہ معلوم نہیں ہو سکا کہ آئس ہیروئن کہاں بن رہی ہے، منشیات کیس میں عدالت کے ریمارکس
باغی ٹی وی کی رپورٹ کے مطابق اسلام آباد کے علاقے تھانہ گولڑہ پولیس نے کاروائی کرتے ہوئے کروڑوں روپے مالیت کی آئس بر آمد کی ہے، پولیس نے 4 ملزمان کو بھجی گرفتار کیا ہے.
گولڑہ پولیس کا کہنا ہے کہ گرفتار ملزمان کا تعلق میانوالی، خوشاب، مردان اور حافظ آباد سے ہے، ملزمان یہ آئس سعودی عرب بھجوانا چاہتے تھے .
واضح رہے کہ چند روز قبل بھارت بھجوائی جانے والی آئس بھی برآمد کر لی گئی تھی جسے ٹرین میں چھپایا گیا تھا ،ا س سے قبل 24 مئی کو اسلام آباد ایئرپورٹ پراینٹی نارکوٹکس فورس نے مسافر کے قبضے سے1 کلو سے زائد آئس ہیروئن برآمد کی تھی .
آئس کے نام سے مشہور ذرہ نما نشہ آور پاؤڈر کچھ عرصے سے پاکستان کے تعلیمی اداروں میں زیر تعلیم طلبہ میں خوفناک حد تک پھیلتا جارہا ہے۔ کراچی، لاہور اور اسلام آباد سمیت ملک کے بڑے شہروں میں آئس نے خطرے کی گھنٹی تو بجادی ہے مگر متعقلہ اداروں کو اس آفت پر قابو پانے میں کافی مشکلات پیش آرہی ہیں۔
چین نے رواں برس ماہ فروری میں آئس کے سمگلر کو پھانیسی دی ہے، کیمونسٹ پارٹی سے تعلق رکھنے والے ایک بڑے منشیات فروش کو پھانسی دی گئی جو آئس کا کاروبار کرتا تھا کائے ڈانگجیا کو 2016 میں منشیات کی تیاری ، سمگلنگ اور مجرموں کو تحفظ دینے کے الزام پر موت کی سزا سنائی گئی تھی۔
پاکستان کے صوبہ خیبر پختونخواہ حکومت نے اس نشے کی روک تھام کے لیے منشیات کے کنٹرول سے متعلق 1997 کے ایکٹ میں ترمیم کی تجویز دی ہے۔ اس ترمیم میں آئس کے کاروبار پر7 سال قید اور 5 لاکھ جرمانے کی سزا تجویز کی گئی ہے۔
چچا نے بھتیجی کو کی قتل کرنے کی کوشش
پنجاب کے ضلع ملتان میں چچا نے بھتیجی کو قتل کرنے کی کوشش کی، حالت بگڑنے پر پندرہ سالہ بچی کو ہسپتال منتقل کر دیا گیا
باغی ٹی وی کی رپورٹ کے مطابق پنجاب کے ضلع ملتان میں مبینہ طور پر چچا نے اپنی بھتیجی کو قتل کرنے کی کوشش کی، چچا نے بھتیجی کو زہریلا مشروب پلا دیا، ملتان کے علاقہ بلال نگر کی رہائشی 15 سالہ بچی ثناء کو چچا نے زہریلا مشروب پلا دیا جس سے اس کی حالت غیر ہو گئی.
ملتان : زیادتی کے ملزمان کی تلاش جاری
پندرہ سالہ بچی کی حالت غیر ہونے پر چچا فرار ہو گیا، متاثرہ بچی کو ہسسپتال طبی امداد کے لئے منتقل کر دیا گیا ،پولیس کا کہنا ہے کہ پندرہ سالہ ثناء کے چچا موقع سے بھاگ گیا، اس کو جلد گرفتار کر لیا جائے گا.
پولیس کا ملتان کے مختلف علاقوں میں سرچ آپریشن، 48 افراد کی بائیو میٹرک تصدیق
واضح رہے کہ ملتان کے علاقہ لودھی کالونی میں ایک ہفتہ قبل بھی ایک واقعہ پیش آیا تھا جس میں 20 سالہ لڑکی کو تشدد کا نشانہ بنایا گیا تھا اور جنسی زیادتی بھی کی گئی تھی ، لڑکی سڑک کے کنارے پر پھینکی گئی تھی ریسکیو ٹیم نے لڑکی کو تشویشناک حالت میں ملتان نشتر ہسپتال داخل کروا دیا تھا
اوباشوں کی 13سالہ کم سن کے اغواء کے بعداس کے ساتھ زیادتی
مظفرگڑھ میں 13 سالہ کم سن لڑکے کو اغواء کرکے مبینہ طور پر اجتماعی زیادتی کا نشانہ بناڈالا گیا،لڑکے کی حالت غیر ہونے پر ملزمان گھر کے باہر پھینک کر فرار ہوگئے.مظفرگڑھ کے علاقے قصبہ بصیرہ سے آٹھویں کلاس کے طالبعلم 13 سالہ کم سن لڑکے دانش کو اغواء کرکے مظفرگڑھ شہر منتقل کیاگیا.اغواء کے بعد 4 افراد خرم بک،عقیل، مہدی اور علی مبینہ طور پر 13 سالہ دانش کو مسلسل 2 روز تک اجتماعی زیادتی کا نشانہ بناتے رہے.حالت غیر ہونے پر دانش کو گھر کے باہر پھینک کر ملزمان فرار ہوگئے.لڑکے کی حالت تشویشناک ہونے پر اسے ڈی ایچ کیو ہسپتال مظفرگڑھ منتقل کردیا گیا ہے.پولیس کے مطابق واقعے کا مقدمہ لڑکے کی والدہ کی مدعیت میں درج کرلیاگیا ہے،دوسری جانب متاثرہ لڑکے کی والدہ نے الزام عائد کیا ہے کہ اسکے بیٹے کو اجتماعی زیادتی کا نشانہ بنانے والے بااثر ملزمان کو پولیس گرفتار نہیں کررہی.
