Category: جرائم و حادثات

لاہور : شیخ رشید کے لیے پھر بری خبر آگئی ،اطلاعات کے مطابق لاہور سے کراچی جانے والی ٹرین شاہ حسین ایکسپریس پر گوجرا کے قریب نامعلوم افراد کی فائرنگ نے سکیورٹی کا پول کھول دیا۔

ذرائع کے مطابق گوجرہ کے قریب نامعلوم افراد کی جانب سے ٹرین کے انجن، پاور وین اور اکانومی کلاس بوگی پر فائرنگ کی، جس سے ایک مسافر شدید زخمی ہو گیا، فائرنگ کے بعد ٹرین کو روک کر ریسکیو ٹیمیں طلب کر لی گئیں۔ ریسکیو عملے نے زخمی مسافر کو ابتدائی طبی امداد دے کر ہسپتال منتقل کر دیا۔

ذرائع کے مطابق ٹرین میں ڈیوٹی پر مامور ریلوے پولیس اہلکار نظر ہی نہ آئے اور نامعلوم افراد پولیس کی ناک نیچے فائرنگ کرکے فرار ہو گئے۔افسوس ناک حادثے نے ریلوے پولیس کی کارکردگی پر سوالیہ نشان بھی لگا دیا

کراچی: کراچی میں پھر دہشت گردی سر اٹھنے لگی ، اطلاعات کے مطابق شہر قائد کے علاقے گلشن اقبال کے ڈی اے مارکیٹ کے قریب نامعلوم مسلح ملزمان نے کار پر فائرنگ کرکے ڈاکٹر کو قتل کردیا۔

پولیس کے مطابق دو ملزمان موٹر سائیکل پر آئے اور ڈاکٹر عسکری کو رکنے کا اشارہ کیا لیکن انہوں نے گاڑی دوڑا دی جس کے بعد ملزمان کی فائرنگ کی، ایک گولی ان کے کندھے پر لگی جو جان لیوا ثابت ہوئی، مقتول سندھ گورنمنٹ اسپتال کورنگی میں تعینات تھے۔

پولیس کے مطابق ڈاکٹر سید عسکری کو آج دوپہر ان کی رہائشگاہ کے قریب قتل کیا گیا ہے، جائے وقوعہ سے نائن ایم ایم پستول کا ایک خول برآمد کرلیا گیا ہے۔پولیس کے مطابق ڈاکٹر سید عسکری کو مارنے والے کسی انتہا پسند مذہبی گروہ سے ہوسکتے ہیں

سرائے عالمگیر : سرائے عالمگیر: سرائے عالمگیر نجی ٹی وی چینل 92 کے نمائندہ پر فائرنگ سے صحافی مرزا وسیم جانبحق ہوگئے ، مرزا وسیم پر ان کے گھر کے سامنے فائرنگ دی

سرائے عالمگیر سے باغی ٹی وی کے مطابق نجی ٹی وی کے نمائندے مرزا وسیم کو پیٹ پر چھ گولیاں لگیں جس سے وہ شدیدزخمی ہوگئے ، اطلاعات کے مطابق مرزا وسیم کو ہسپتال منتقل کیا گیا جہاں وہ زخموں کی تاب نہ لاتے ہوئے جاں بحق ہوگئے

ذرائع کے مطابق مرزا وسیم کے قتل کی وجوہات کا ابھی تک پتہ نہیں‌چل سکا ، پولیس واقعہ کی تحقیقات کررہی ہے . یہ بھی معلوم ہوا ہے کہ مرزا وسیم کو کئ دنوں سے دھمکیاں مل رہی تھیں وہ دھمکیاں دینے والے کون تھے ، اس کا بھی ابھی تک پتہ نہیں چلا ، تاہم پولیس کی تحقیقات کے بعد ہی پتہ چلے گا

ملتان:مردوں کے بارے میں تو سنا تھا کہ وہ بیرون ملک زیادتی کی ویڈیوز بنا کر بھیجتے ہیں اور پیسے کمانے کے چکروں میں اپنی اور قوم کی عزت کو تار تار کرتےہیں‌لیکن یہ اس سے پہلے کسی نے نہیں‌سنا ہو گا کہ خواتین بھی اس جرم میں مردوں سے کم نہیں‌، ایسے اہی ایک واقعے نے حکام ، عوام اور معاشرے کی آنکھیں‌کھول کر رکھ دی ہیں ، اطلاعات کے مطابق ملتان سے ایک ایسی سفاک عورت کوگرفتارکیا گیا ہے جوبچیوں کےزیادتی کی ویڈیوزبناتی اوران ویڈیوز کوبیرون ملک اپنےشوہرکو بھیجتی تھی۔

ذرائع کے مطابق اس رابعہ نامی خاتون نےگھرمیں بیوٹی پارلربنارکھا ہے۔ دس سالہ بچی کومل نےاپنے ساتھ زیادتی اورویڈیوزبنانے کی روداد پولیس کو سنا دی۔ دس سالہ بچی کومل ملزمہ کےگھرکام کرتی تھی۔بچی نے انکشاف کیا ہے کہ رابعہ کےبھائی اوربھانجے نے اسے زیادتی کانشانہ بنایا اوررابعہ نےوڈیو بنائی۔

کراچی:وہ لمبے ہاتھ کس کے ہیں‌ کہ جو اینکرمریدعباس کےقتل میں ملوث ملزم عادل زمان گرفتار نہیں‌ہونے دے رہے ، اطلاعات کے مطابق ابھی تک وہ قاتل پولیس کی گرفت سےتاحال باہرہے۔عاطف زمان کے بھائی نے والد سے مل کر جائیدادیں بیچنا شروع کردیں۔

کراچی سے پولیس ذرائع کے مطابق اینکرمریدعباس کےقاتل عاطف زمان کا بھائی عادل زمان پولیس کی پکڑ میں نہیں آرہا۔ ملزم عادل زمان مسلسل سوشل میڈیا کااستعمال کررہا ہے۔ چند روز قبل عادل زمان نے فیس بک پر تصویراپ لوڈ کی۔

ذرائع کے مطابق عدالت کی جانب سے وارنٹ گرفتاری جاری ہونےکےباوجودپولیس ملزم عادل زمان آزاد گھوم رہا ہےجبکہ چالان میں اسےمفرورقراردیاگیا ہے۔ذرائع کےمطابق ملزم نےاپنےوالدکےہمراہ مہران ٹاؤن اور بحریہ ٹاؤن میں پلاٹس فروخت کئے اورکشمیرکالونی میں گھرفروخت کرنےکےلیےسرگرم ہے۔

کراچی : قبضہ مافیا درد سربن گیا ، اطلاعات کے مطابق کراچی سپر ہائی وے پر قبضہ مافیا اور پولیس آمنے سامنے ہیں‌اور اس وقت دونوں طرف سے فائرنگ ہورہی ہے. دوران فائرنگ سے دو افراد زخمی ہوگئے

تفصیلات کے مطابق سپر ہائی وے کے علاقے سے قصبہ چھڑانے کی کوشش میں پولیس کو شدید مزاحمت کا سامنا کرنا پڑا. نوری آباد کے زمینوں پر قابض مافیا نے پویس پر فائرنگ کر دی. پولیس اور قبضہ مافیا میں شدید مقابلہ ہوا. اس ، پولیس کا تین ملزمان کو گرفتار کرنے کا دعویٰ کیا ہے، پولیس کے مطابق ملک مزمل عرف بھیدی نامی شخص زمینوں پر قبضےمیں ملوث ہے.

دوسری طرف آج شہر قائد کے علاقے بیچ ویو پارک کلفٹن سے 3 لاشیں برآمد ہوئی ہیں۔ لاشوں کی شناخت کرلی گئی ہے۔ ایس ایس پی ساؤتھ کا کہنا ہے کہ ایک شخص کی شناخت علی حسن کے نام سے ہوئی ہے، تینوں افراد بے گھر تھے