حافظ آباد(نمائندہ باغی ٹی وی )حافظ آباد بارش کے بعد جہاں موسم خوشگوار ہو گیا ہے وہاں شہر کی مین شاہراہ گوجرانوالہ روڈ پانی میں ڈوب گئی پانی کی وجہ سے گاڑیاں موٹر سائیکل بند ہوتے رہے۔
تفصیلات کے مطابق شہر میں بارش کے بعد ہر طرف پانی ہی پانی نظر آتا ہے کوئی گلی محلہ ایسا نہیں جہاں پانی کھڑا نہ ہو۔ شہر میں پانی کی نکاسی نہ ہونے کی وجہ سے لوگوں کو مشکلات کا سامنا ہے جبکہ بلدیہ کے ملازمین غائب ہیں۔
Category: جرائم و حادثات
حافظ آباد بارش کے بعد شہر کی مین شاہراہ پانی میں ڈوب گئی۔
چیتے کو ہوئی عمر قید کی سزا
بھارتی ریاست گجرات میں ایک تیندوے یعنی چھوٹے چیتے کو عمر قید کی سزا سنادی گئی،
باغی ٹی وی رپورٹ کے مطابق بھارتی ریاست گجرات کے قصبے چھوٹا اودی پور میں ایک تیندوے نے پانچ لوگوں پر حملہ کیا جن میں دو جنگل کے اہلکار بھی شامل ہیں . اس جرم کی بنا پر اسے عمر قید کی سزا عدالت کی جانب سے سنائی گئ ہے .
یہ تیندوا زخمی ہے اور اس کی ایک آنکھ میں موتیا بھی ہے جس کی وجہ سے وہ دیکھنے میںمشکل کا شکار ہے .اور اسی طرح سامنے والے شخص کو بھی دیکھنے اور جج کرنے سے قاصر ہے. تیندوے کو ریسکیو ٹیموں نے حراست میں لے کر پاوا گڑھ وٹرنری سینٹر پہنچایا جہاں جانوروں کے ماہرین ڈاکٹر اس کے موتیےکا علاج کریں گے .
لالہ موسیٰ پولیس کا بڑا کریک ڈاؤن، 4 اشتہاری، 1 منشیات فروش گرفتار
گجرات (نمائندہ باغی ٹی وی ) ڈی پی او سید علی محسن کی زیر قیادت گجرات پولیس کی مجرمان اشتہاریوں اور منشیات فروشوں کے خلاف بڑی کارروائی ایس ایچ او سٹی لالہ موسیٰ عامر سعید نے پولیس ٹیم کے ہمراہ کریک ڈاؤن کرکے سنگین مقدمات میں ملوث 4 خطرناک مجرم اشتہاری اور ایک منشیات فروش رنگے ہاتھوں گرفتار کرلیا۔
تفصیلات کے مطابق آئی جی پنجاب کیپٹن (ر) عارف نواز خان کی مجرمان اشتہاریوں کے خلاف مہم کے سلسلہ میں گجرات پولیس کا گرینڈ آپریشن،ڈی پی او سید علی محسن کی ہدائیت پر ڈی ایس پی لالہ موسیٰ ریاض الحق کی زیر نگرانی ایس ایچ او تھانہ سٹی لالہ موسیٰ رانا عامر سعید نے اپنی ٹیم کے ہمراہ شیخو پورہ اور سیالکوٹ سمیت مختلف جگہوں پر کریک ڈاؤن کر کے راہزنی اور ڈکیتی جیسے سنگین مقدمات میں ملوث 4خطرناک مجرم اشتہاری گرفتار کرلئے۔مجرم اشتہاریوں میں مختار احمد ولد محمد انور سکنہ شیخوپورہ 2۔افتخار احمد ولد سلطان احمد سکنہ شیخوپورہ 3۔ریاض علی ولد دائم علی سکنہ ننکانہ صاحب 4۔صابر حسین ولد محمد صادق ضلع سیالکوٹ شامل ہیں۔جن کی مزید انٹیروگیشن جاری ہے۔
اس کے علاوہ ایس ایچ او تھانہ سٹی لالہ موسیٰ عامر سعید نے پولیس ٹیم کے ہمراہ منشیات فروشو ں کے خلاف آپریشن کرکے نوگزہ قبرستان کے قریب چرس فروخت کرتے ہوئے ملزم نیک محمد ولد جلال خاں سکنہ نوشہرہ کو رنگے ہاتھوں گرفتار کرلیا،ملزم کے قبضہ سے 1250گرام چرس برآمد کرکے 9-Cکا مقدمہ درج کرلیا۔
سیلفی کی نذر ہوئیں دو اور جانیں
سیلفی کی دو اور جانیں نذر ہو گئیں . سیاحتی مقام بحرین کی سیر کرنے آئے کراچی کے باپ بیٹی کی سیلفی نے جان لے لی۔
سیلفی کا جنون باپ بیٹی کی جان لے گیا۔ سوات کے سیاحتی مقام بحرین میں سیر کرنے آئی کراچی کی 17 سالہ اریش کا سیلفی لیتے ہوئے پاؤں لڑکھڑایا اور وہ دریا میں جا گری۔ بیٹی کو ڈوبتے دیکھ کر لڑکی کے والد نجیب شجاع اپنی بیٹی کو بچانے دریا میں کود گئے جس کی وجہ سے دونوں باپ بیٹی دریا کی بے رحم موجوں کی نظر ہو گئیں۔
پولیس اور مقامی افراد نے امدادی کارروائی کرتے ہوئے نجیب شجاع کی لاش آئین کے مقام پر جبکہ اس کی بیٹی اریش نجیب کی لاش مدین کے مقام پر دریا سے نکال کر لاشوں کو مدین ہسپتال منتقل کردیا۔ جنہیں قانونی کارروائی کے بعد کراچی روانہ کردیا گیا۔
دستیاب اعداد و شمار کے مطابق پوری دنیا میں سیلفی لینے کے شوق میں سب سے زیادہ بھارت کے باشندے اپنی جانیں گنوا چکے ہیں۔ اس فہرست میں دوسرا نمبر روس کا ہے، تیسرے نمبر پر امریکہ اور چوتھے پر پاکستان ہے۔
ہوائی فائرنگ کرکے سوشل میڈیا پر اپ لوڈ کرنے والا پولیس کے ہتھے چڑھ گیا
لاہور:ہوائی فائرنگ کرکے سوشل میڈیا پر تصویریں اور ویڈیو اپ لوڈ کرنے والوں کے خلاف ایکشن لینا پولیس کے بس کی بات نہیں رہی .اکثر منچلوں تک پہنچنا مشکل ہوتا ہے .لیکن ایک تازہ واقعہ میں ایک نوجوان پولیس کے ہتھے چڑھ ہی گیا جس کے خلاف ڈی آئی جی کو ایکشن لینا پڑا .تفصیلات کے مطابق ستوکتلہ میں نوجوان ولید بلوچ کی فوٹیج بھی منظر عام پر آ گئی۔ ڈی آئی جی آپریشنز نے نوٹس لیتے ہوئے ملزم کی گرفتاری کا حکم دے دیا۔
تفصیلات کے مطابق ستوکتلہ کے علاقے میں پیش آیا جہاں نوجوان ولید بلوچ کی جانب سے ہوائی فائرنگ کی گئی جس سے علاقے میں خوف و ہراس پھیل گیا جبکہ نوجوان نے ہوائی فائرنگ کی ویڈیوز بھی سوشل میڈیا پر اپلوڈ کیں۔ خبر نشر ہونے پر ڈی آئی جی آپریشنز نے نوٹس لیتے ہوئے ملزم کی گرفتاری کا حکم دے دیا، ہوائی فائرنگ میں ملوث افراد کے اسلحہ لائسنز کی منسوخی کے لئے متعلقہ اداروں کوخط بھی لکھ رہے ہیں۔
گجرات میں لاغر، بیمار اور مردہ جانوروں کے گوشت کی فروخت
گجرات (نمائندہ باغی ٹی وی)محکمہ لائیو سٹاک کی مجرمانہ غفلت اور لاپرواہی کے باعث ڈنگہ شہر بھر میں مضر صحت ،مردار ،لاغر اور بیمار جانوروں کے پانی ملے گوشت کی فروخت کا سلسلہ عروج پر لوگ مختلف بیماریوں میں مبتلا ہونا شروع ہو گئے ہیں شہریوں کا ڈپٹی کمشنر گجرات سے نوٹس لینے کا مطالبہ تفصیلات کے مطابق محکمہ لائیو سٹاک کی مجرمانہ غفلت اور مبینہ طور پر ملی بھگت سے شہر بھر کے قصاب لاغر اور بیمار جانوروں کا مضر صحت پانی ملا گوشت ڈنکے کی چوٹ پر فروخت کر رہے ہیں ضلعی حکومت کی طرف سے بیف گوشت کی قیمت 350روپے فی کلو مقرر کی گئی ہے جبکہ شہر بھر میں قصاب بیف کا گوشت 400روپے فی کلو میں فروخت کر رہے ہیں شہریوں نے ڈپٹی کمشنر گجرات سے مطالبہ کیا ہے وہ شہر بھر میں فروخت ہونے والی بیف اور مٹن کے گوشت کی چیکنگ کےلئے خصوصی ٹیم تشکیل دیں اور مردار اور بیمار جانوروں کے گوشت کی فروخت میں ملوث قصاب محکمہ لائیو سٹاک کے افسران اور عملہ کے خلاف محکمانہ کاروائی عمل میں لائی جائے۔
لاہور: باغبانپورہ میں شوہر جلاد بن گیا، بیوی کو چھریاں مار کر ابدی نیند سُلادیا،بیٹا بھی زخمی
لاہور:گھریلو ناچاقی نے ایک ہستے بستے گھر کو اجاڑ کر رکھ دیا لاہور میں شوہر نے بیوی کو قتل کر دیا جبکہ بچہ زخمی ہو گیا ہے۔تفصیلات کے مطابق لاہور کے علاقے باغبانپورہ میں شوہر نے گھریلو ناچاقی پر چھریوں کے وار کرکے بیوی کو قتل جبکہ نو ماہ کے بیٹے کو زخمی کردیا۔زخمی بچے کو طبی امداد کیلئے اسپتال منتقل کردیا گیاہے۔
پولیس ذرائع کے مطابق اس واقعہ میں چھڑیوں کے وار سے ملزم خود بھی زخمی ہو گیا۔ پولیس نےموقع پر پہنچ کر ملزم شہباز کو آلہ قتل سمیت گرفتار کر لیا ہے۔پولیس نے مقتولہ رابعہ کے بھائی کی مدعیت میں واقعے کا مقدمہ درج کر لیا ہے۔ مقدمے میں قتل اور اقدام قتل کی دفعات شامل کی گئیں۔
پولیس حکام کا کہنا ہے کہ ایف آئی آر کے مطابق ملزم نے چھریوں کے وار کرکے بیوی رابعہ کو قتل کیا اور اپنے نو ماہ کے بیٹے سعد کو زخمی کردیا ہے جو سروسز اسپتال میں زیر علاج ہے ۔ پولیس نے مقدمہ درج کرکے مزید کارروائی شروع کردی ۔۔زخمی بچے کو طبی امداد کیلئے اسپتال منتقل کردیا گیاہے۔
جہالت یا لالچ۔ شادی شدہ عورت قتل
راجن پور کے نواحی قصبہ فتح پور کی بستی سندھلانی بلوچ میں کاروکاری کے الزام میں فائرنگ سے ایک شادی شدہ یتیم لاوارث خاتون جاں بحق جبکہ ایک شخص شدید زخمی۔
راجن پور کے نواحی قصبہ فتح پور کی بستی سندھلانی بلوچ میں غیرت کے نام پر فائرنگ سے سسی نامی شادی شدہ یتیم لاوارث خاتون جاں بحق اور اللہ داد سندھلانی نامی شخص شدید زخمی جس کو منہ پر گولی لگی۔ مبینہ طور پر ناجائز تعلقات کے الزام میں دیور اور اس کے دیگر رشتہ داروں نے سسی نامی خاتون کو قتل کردیا مبینہ قاتلوں میں خلیل ۔مرزا اور صدیق نے ملکر خاتون اور زخمی شخص پر فائرنگ کی جس سے خاتون موقع پر گھر میں ہی جاں بحق ہوگئی جبکہ زخمی شخص اللہ داد سندھلانی کو کسی اور مقام پر دکان سے خریداری کرتے ہوئے فائرنگ کرکے مارنے کی کوشش کی گئی جو منہ پر گولی لگنے سے شدید زخمی ہو گیا جس کو ریسکیو 1122 کی ٹیم نے ڈی ایچ کیو ہسپتال منتقل کر دیا ہے جبکہ موقع واردات پر پولیس اسٹیشن صدر کی بھاری نفری ملزمان کی گرفتاری کے لیے پہنچ گئی ہے۔
جبکہ مقتولہ عورت کا کوئی قریبی رشتہ دار بہن بھائی ماں باپ بھی حیات نا ہے صرف نانا نانی زندہ ہیں جو غریب اور کمزور ہیں جبکہ قاتل دیور اور دیگر اس دیور کے رشتہ دار ہیں جو خود ہی مدعی اور خود ہی قاتل ہیں جو کسی بھی وقت کیس واپس بھی لے سکتے ہیں پنچایتی فیصلے میں بھاری رقوم ملنے کی صورت میں ۔
شنید میں یہ بھی آیا ہے کہ مبینہ طور پر ایسے کاروکاری کے الزامات صرف مخالف پارٹی سے اپنی دشمنیاں نبھانے یا بھاری رقوم وصول کرنے کے لیے کی جاتی ہیں جبکہ عدالتی فیصلوں سے پہلے ہی پنچایتی فیصلوں کے ذریعے بھاری جرمانے وصول کیے جاتے ہیں کیونکہ ہمارے ملک پاکستان کا پولیس اور عدالتی نظام اتنا مشکل اور لمبا ہے جس میں سب سے پہلے پولیس قاتل اور مقتولین سے رشوت کھاتی ہے پھر تفتیشی افسر اس کے حق میں اپنی رپورٹ لکھتا ہے جو زیادہ پیسے دیتا ہے اور جس کا سیاسی اثر رسوخ بھی ہوتا ہے کیونکہ سیاست نے بھی اس ملک کے قانون کو کبھی اپنے سے زیادہ طاقتور نا ہونے دیا ہے اور نا ہونے دیں گے کیونکہ اسی سے وہ اپنی سیاست کی دکانداری چمکاتے اور اپنے سیاسی مخالفین کو کچلتے اور اپنے حوارین کو بچاتے نظر آتے ہیں ۔ پھر اس کے بعد عدالتوں میں حصول انصاف کے لیے قدم قدم پر وکیلوں اور عدالتی عملے کو پیسے دینا پڑتے ہیں اور پھر تاریخ پر تاریخ جس سے کئی کئی سال عدالتوں میں خوار ہونا پڑتا ہے غریب اور کمزور کو انصاف ملنا ناممکن ہی بنا دیا گیا ہے۔
پاکستان میں انصاف خریدنا پڑتا ہے کبھی پولیس کو کھلا پلا کر تو کبھی وکیلوں کو تو کبھی عدالتی عملہ کو پھر ایک عدالت پھر بڑی عدالت پھر اس سے بڑی عدالت اور پھر اپیل اور آخر میں صدر پاکستان کو اپیل انصاف کے حصول اور اس کی تلاش میں نسلیں گزر جاتی ہیں ایک سے دوسری اور پھر تیسری مگر انصاف نہیں مل پاتا ہے۔ کیونکہ اس ملک اور قوم کے ساتھ ہمارے سیاستدان ہی مخلص نہیں ہیں جو پاکستان بننے سے اب تک ستر سال سے زائد کا عرصہ گزر جانے کے باوجود ایسی قانون سازی اور ایسا نظام نا بنا پائے جس سے انصاف کا حصول جلد اور سستا ہو جائے پولیس میں سیاسی مداخلت ہے بیوروکریسی من پسند لگوائی جاتی ہے اپنے اپنے حلقے میں تاکہ من مرضی کے کام اور فائدے حاصل کیے جائیں ۔۔۔۔
گجرات میں عجب کرپشن کی غضب کہانی، کروڑوں کا ٹھیکہ لاکھوں کا غبن
گجرات (نمائندہ باغی ٹی وی ) کروڑوں کا ٹھیکه لاکھوں کا غبن گجرات کے علاقہ سائیں راجہ پھاٹک جى ٹى روڑ پر نالے کى تعمیر میں مبینہ طور پر ناقص میٹریل کے استعمال کا بڑا انکشاف
تفصیلات کے مطابق دربار سائیں راجہ پھاٹک جى ٹى روڑ پر نالے کى تعمیر میں پرانى و غیر معیاری اینٹ اور ریت کا استمال جبکہ نالے کى اندرونى دیوار بنائى جارهى هے اور بیرونى دیوار پرانى نالے کے بیڈ میں گیڑا(بجر) نہ هونے کے برابر3انچ کنکریٹ کى بجائے1.5 انچ کنکریٹ بغیر سیمنٹ کے استعمال کا انکشاف ہوا ہے غیر معیاری اینٹ اور مٹى ملى ریت (دریا کى بجائے بھمبر نالى کى ریت ) کا استعمال کروڑوں کے ٹھیکے میں لاکھوں کا غبن ہے عوام غریب جبکہ ٹھیکیدار کروڑ پتى بن گئے
نالے کى غیر معیاری و ناقص مٹیریل سے تعمیر پر اهل علاقہ کا احتجاج ضلعى انتظامیہ اور متعلقہ اداروں کے افسران سے نوٹس لینے کى اپیل متعلقہ ٹھیکیدار اور ایکسیین کے خلاف کاروائی کا مطالبہ بھی سامنے آیا ہے۔عارف والا : دن دیہاڈے ڈاکو راج
عارفوالا (نمائندہ باغی ٹی وی) شہر کے مصروف ترین جناح چوک میں ڈکیتی غلہ منڈی کے آڑھتی اور بانو فیڈ کے مالک آصف عباس کے دو ملازمین بینک سے کیش لیکر موٹرسائیکل پر جا رہے تھے کہ مبینہ طور پر موٹرسائیکل سوار ڈاکوؤں نے گن پوائنٹ پر ان سے نقدی چھین لی،
پولیس ذرائع واردات میں چھینی جانے والی رقم کی مالیت 10 لاکھ روپے بتائی جارہی ہے، پولیس نے ہونے والی واردات کی فوٹیج قریبی لگے ہوئے شاپ کے کیمروں سے حاصل کر لی ہے اور معلومات کی بنیاد پر کاروائی شروع کر دی ہے،
