کراچی:سہراب گوٹھ میں تین غیر ملکی ڈاکو گرفتار ، پولیس چکرا گئی ، اطلاعات کے مطابق کراچی کے علاقے سہراب گوٹھ سے پولیس نے فائرنگ کے تبادلے کے بعد 3 ڈکیتوں کو گرفتار کر لیا۔ سہراب گوٹھ میں پولیس اور ڈاکوؤں کے درمیان بانٹوہ میمن سوسائٹی، الآصف اسکوائر کے قریب مقابلہ ہوا۔ فائرنگ کے تبادلے کے دوران ڈاکوؤں کی گولیاں پولیس موبائل کو بھی لگیں تاہم تمام اہلکار خوش قسمتی سے محفوط رہے۔

ذرائع کے مطابق کراچی پولیس نے جن تین ڈاکووں کو گرفتار کیا ان کے قبضہ سے غیر قانونی اسلحہ بمعہ ایمونیشن برآمد کیا گیا۔ ملزمان کا گروہ ڈکیتی سمیت دیگر سنگین نوعیت کی وارداتوں میں ملوث تھا۔گرفتار ملزمان میں فیض محمد عرف فیضی، اجمل اور زیدی شامل ہیں، تینوں ملزمان افغان شہری ہیں۔

اوکاڑہ:بیٹیاں ہی پیدا کرتی ہو ، جاہل ،ظالم شوہر نے چوتھی بیٹی پیدا ہونے پر بیوی کو قتل کردیا ، اطلاعات کے مطابق اوکاڑہ میں چوتھی بار بیٹی کا پیدا ہوناجرم بن گیا ۔ظالم شوہر نے گلہ دبا کر بیوی کو قتل کر ڈالا۔ پولیس نے ملزم کو گرفتار کر لیا۔

مقامی ذرائع کے مطابق اوکاڑہ کے نواحی علاقہ چوک شاہ مقیم میں درندہ صفت ظالم شوہر نے زمانہ جاہلیت کی یاد تازہ کر دی۔ مسلسل چوتھی دفعہ بیٹی کا پیدا ہونا مجبور بیوی نسرین بی بی کا جرم بن گیا۔ بیٹی پیدا ہونے پر درندہ صفت شوہر محمد عمر سیخ پاء ہو گیا اور گلہ دبا کر اپنی بیوی کو قتل کر ڈالا۔ علاقہ بھر میں خوف ہراس کی فضا پھیل گئی، ہر آنکھ اشک بار ہے۔

دوسری جانب پولیس تھانہ حجرہ شاہ مقیم نے فوری کارروائی کرتے ہوئے درندہ صفت ظالم شوہر محمد عمر کو گرفتار کر لیا ہے۔ایس پی انویسٹی گیشن اوکاڑہ موقع پر پہنچ گیے اور ورثاء کو انصاف کی فراہمی کی یقین دہانی کرائی۔پولیس کے مطابق اس ظالم شخص کو ذرا بھر بھی شرم نہیں آئی کہ آخر وہ اس کی بیٹیوں کی ماں ہے ، وہ یتیم بچیاں کیا کریں گی، پولیس کے مطابق اس شخص کے بارے میں معلوم ہوا ہے کہ یہ پہلے بھی اپنی بیوی کو بیٹیوں کے طعنے بھی دیتا تھا اور زدوکوب بھی کرتا تھا

کراچی: دو سگی بہنوں کی موت سے کہرام مچ گیا ، اطلاعات کے مطابق شاہ لطیف ٹاؤن میں2 بہنیں نالے میں گر کر زندگی کی بازی ہار گئیں، جاں بحق بچیوں میں 14 سال کی سلمیٰ اور 9 سالہ عاصمہ شامل ہیں۔

پولیس کے مطابق دونوں بہنیں والدہ کے ساتھ ندی میں کپڑے دھونے گئی تھیں، کپڑے دھونے کے دوران 9 سالہ عاصمہ کا پاؤں پھسل گیا، بہن کو بچانے کے لیے 14 سالہ سلمی نے بھی ندی میں چھلانگ لگادی۔پولیس کا کہنا ہے کہ دونوں بہنوں کی لاشوں کو نالے سے نکال کر لواحقین کے حوالے کردیا گیا ہے۔

کراچی ہی میں دوسری جانب ریسکیو ذرائع کا کہنا ہے کہ ماری پور مچھر کالونی میں 3 سالہ بچی نالے میں گر کر جاں بحق ہوگئی۔یاد رہے کہ کھلے سیوریج نالوں میں بچوں کے گرنے کا یہ پہلا واقعہ نہیں ہے، اس سے قبل بھی نارتھ ناظم آباد، فیڈرل بی ایریا، لیاقت آباد، محمود آباد اور شہر کے دیگر علاقوں میں کئی بچے نالوں میں گر کر جاں بحق ہوچکے

فیروز پور روڈ پر مزدا کی بریک فیل ہونے کے باعث دو موٹر سائیکل سواروں پر چڑھ دوڑی، ڈرائیور کی غفلت کے باعث دو افراد جاں بحق جبکہ 5 زخمی ہوگئے۔

فیروز پور روڈ پر مزدا کی بریک فیل ہو گئی جس کے باعث تیز رفتار مزدا نے دو موٹر سائیکل سوار افراد 50 سالہ الیاس، 26 سالہ نامعلوم شخص موقع پر ہی جاں بحق ہوگئے۔ بریک فیل ہونے کے باعث تیز رفتار مزدا نے تین گاڑیوں اور دو رکشوں کو بھی شدید نقصان پہنچایا جبکہ حادثہ میں پانچ افراد بھی زخمی ہوئے جن کو قریبی ہسپتال منتقل کردیا گیا۔

موقع پر موجود وارڈن کا کہنا تھا کہ مزدا ڈرائیور نے بھاگنے کی کوشش کی جس کو گرفتار کرکے ڈولفن پولیس کے حوالے کردیا۔ حادثے میں زخمی ہونے والے لوگوں کا کہنا تھا کہ مزدا کی رفتار تیز تھی جس کے باعث حادثہ پیش آیا۔

فیروز روزپور روڈ پر حادثہ کی وجہ سے کلمہ چوک سے چونگی تک ٹریفک کا شدید دباؤ رہا، ٹریفک وارڈنز نے گاڑیوں کو لفٹر کے ذریعے ہٹا کر راستہ کلیئر کیا۔

شکارپور : یہ سندھ ہے جہاں ڈاکو دن دیہاڑے 5 فنکاروں کو اغوا کرکے لے گئے ، ان فنکاروں کو چھڑانے کے لیے پولیس نےآپریشن شروع کردیا ہے. اطلاعات کے مطابق ڈاکؤوں سے مقابلے کے دوران ڈی ایس پی راؤ شفیع اللہ جاں بحق ہوگئے، شکار پور میں فوک گلوکار جگر جلال سمیت5فنکاروں کی بازیابی کیلئے بڑے پیمانے پر آپریشن شروع کردیا گیا۔

ذرائع کے مطابق گڑھی تیغوں میں آپریشن کےدوران ڈاکوؤں سے فائرنگ کا تبادلہ ہوا، مقابلے میں دو ڈاکوؤں کے زخمی ہونے کی بھی اطلاعات ہیں۔واقعے کے بعد اے ایس پی سمیت پولیس کی بھاری نفری موقع پر پہنچ گئی، پولیس نے ڈاکوؤں کےخلاف بڑے پیمانے پر آپریشن کا آغاز کردیا۔یہ اطلاعات بھی گردش کررہی ہیں کہ پولیس کے ساتھ ساتھ رینجرز کو بھی ڈاکووں کے خلاف آپریشن کے لیے طلب کیا جاسکتا ہے.