چنیوٹ،بھوانہ(نمائندہ باغی ٹی وی)ایک ٹکڑے زمین کی خاطر بھائی نے بھائی کو قتل کردیا، تفصیلات کے مطابق تھانہ لنگرانہ کے علاقے چکنمر 198 ڈھول والا کے رہائشی عمر حیات سپراء کا اپنے سگے بھائیوں الیاس اور غلام فرید سپراءکے ساتھ گھر اور زمین کے بٹوارے کا تنازعہ چل رہا تھا،
رات کومحمد الیاس اور غلام فرید گھر کے صحن میں بیٹھے تھے کہ ملزم عمر حیات کلہاڑی سے مسلح ہوکر گھر کے احاطے میں داخل ہوااورللکارنے لگا کہ آج زمین کا حصہ نہ دینے کا مزہ چکھاتا ہوں،
اور اس کے ساتھ ہی اپنے بھائی الیاس پرکلہاڑی کاوار کردیا جو اس کی گردن پر لگاجس کی تاب نہ لاتے ہوئے وہ موقع پر ہی جاں بحق ہوگیا
جب دوسرے بھائہ غلام فرید نے اسے پکڑنا چاہا تو ملزم نے اس پر بھی کلہاڑی کے وار کر دیئے جس سے غلام فرید شدید زخمی ہوگیا
جسے بعد میں ریسکیو 1122نے الائیڈ ہسپتال فیصل آباد منتقل کردیا
اطلاع ملنے پر پولیس تھانہ لنگرانہ نے فوری کاروائی کرتے ہوئے ملزم عمر حیات کو آلہ قتل سمیت گرفتار کرکے مقدمہ درج کرلیا ہے
Category: جرائم و حادثات
ایک ٹکڑے زمین کی خاطربھائی نے بھائی کو قتل کردیا
راجن پور میں ریلوے ٹریک پر دہشت گردی کی کوشش ناکام، بم ناکارہ بنا دیا گیا
جنوبی پنجاب کے علاقے راجن پور میں دہشت گردوں کی کاروائی ناکام، ریلوے ٹریک سے پانچ کلو وزنی بم بر آمد، خوشحال خان خٹک ایکسپریس بڑے حادثے سے بچ گئی
باغی ٹی وی کے نمائندہ راجن پور امداد حسین مغل کے مطابق راجن پور کے نواحی علاقہ عمرکوٹ کے قریب کوٹلہ حسن شاہ کے ساتھ ریلوے ٹریک سے بم برآمد ہونے پر پولیس اور مختلف سیکورٹی ادارے موقع پر پہنچ گئے .
اطلاع پر بم ڈسپوزل اسکواڈ بھی موقع پر پہنچا جنہوں نے بم کو ناکارہ بنا دیا ،.بم ڈسپوزل اسکواڈ کےآفیسرغلام عباس کے مطابق ریلورے ٹریک سے ملنے والا بم پنچ کلو وزنی تھا،.
اسی مقام سے خوشحال خان خٹک ایکسپریس نے گزرنا تھا، بم کی اطلاع پر خوشحال خان خٹک ایکسپیر یس کو ڈی جی خان میں روک دیا گیا خوشحال خان خٹک ایکسپریش پشاور سے کراچی جا رہی تھی. بم کو ناکارہ بنانے کے بعد بھی پولیس ٹریک پر سرچ آپریشن کر رہی ہے، ٹریک کلیئر ہونے کے بعد ٹرین کو روانہ کیا جائے گا.
رپورٹ.امداد حسین مغل
نمائندہ راجن پور
ایک اور کم سن بچی درندگی کا شکار
بھیرہ سرگودھا میں ایک اور کم سن حوا کی بیٹی درندگی کا شکارہو گئی
باغی ٹی وی رپورٹ کےمطابق بھیرہ سرگودھا میں ایک اور حواء کی بیٹی بنی درندگی کا شکار ہو گئی .12 سالہ ن کو درندہ اوباش نے زیادتی کا نشانہ بنا ڈالا .بچی کھیتوں میں رفع حاجت کے لئے گئی تھی . 18 سالہ عثمان نے دبوچ کر زیادتی کا نشانہ بنایا .پولیس تھانہ میانی نے ملزم کے خلاف بچی کے والد کی مدعیت میں مقدمہ درج کر لیا . ملزم عثمان گرفتارہو گیا اور اس نے زیادتی کا اعتراف کر لیا .
چھ ماہ کے دوران ضلع سرگودھا میں بچے بچیوں سے زیادتی کے تین سو سے زائد مقدمات درج ہو چک ہیں بچے بچیاں غیر محفوظ ہو چکی ہیں . اس گھناؤنے جرم پولیس خاموش تماشائی بن گی.ڈی پی او سرگودھا نے نورین ظفر زیادتی کیس کا نوٹس لے لیا ۔ ڈی پی او سرگودھا کی تھانہ میانی میں بچی کے والد کو انصاف کی یقین دہانی۔ پولیس تھانہ میانی نے ملزم عثمان کو گرفتارکر لیا ۔ملزم نے زیادتی کا اعتراف کرلیا
4 رکنی خطرناک بین الاضلاعی گڈ گور گینگ گرفتار، مال مسروقہ برآمد
گجرات (نمائندہ باغی ٹی وی ) پولیس کی بڑی کاروائی 4رکنی خطرناک بین الاضلاعی ”گڈگور” گینگ گرفتار ،مال مسروقہ1عدد کار کرولا، 12تولے طلائی زیورات،4لاکھ روپے نقدی، 10عدد موبائل فونزاور وارداتوں میں استعمال ہونے والاجدید اسلحہ3عدد پسٹل 30بوربھی برآمد کرلیے۔
تفصیلات کے مطابق ضلع گجرات کے تھانہ کنجاہ کے علاقہ میں 4رکنی ڈکیت گینگ متحرک تھا، ملزمان اسلحہ کے زورسے شارع عام پر ناکہ جات لگا کر راہ گیروں کو لوٹتے اورموقع سے فرار ہو جاتے۔ڈی پی او گجرات سید علی محسن نے اس متحرک گینگ کی گرفتاری کے لئے ڈی ایس پی صدر سرکل سعید احمد خاں کی زیر نگرانی ایس ایچ او تھانہ کنجاہ سرفرازانجم سیکھو کو خصوصی ٹاسک دیا،جس پر ایس ایچ او تھانہ کنجاہ سرفراز انجم سیکھو نے اپنی ٹیم کے ہمراہ پیشہ وارانہ مہارت اور جدید سائنسی ٹیکنالوجی کی مدد سے شب و روز محنت کرتے ہوئے 4 رکنی خطر ناک گینگ کوٹریس کر کے گرفتار کر لیا۔گرفتار ہونے والے ملزمان میں 1۔اختر علی ولد تیغ علی قوم گڈ گور سکنہ کلیانوالہ (سرغنہ)2۔محمد عمران ولد محمد حامد قوم کھرل سکنہ چک نمبر 620گ ب تاندلیانوالہ ضلع فیصل آباد3۔محمد یاسین ولد بہرام علی قوم سیال سکنہ کلیانوالہ4۔قمر عباس ولد افتخار احمد قوم ماچھی سکنہ دھدرا شامل ہیں۔ ملزمان ضلع فیصل آباد،ساہیوال،منڈی بہاولدین اورگوجرانوالہ پولیس کو بھی متعددوارداتوں میں مطلوب ہیں،ملزمان کے قبضہ سے لوٹی ہوئی رقم 4لاکھ روپے نقدی،1 عدد کارکرولا مالیتی 20لاکھ روپے،12تولے طلائی زیورات،10عدد قیمتی موبائل فونز اور دارداتوں میں استعمال ہونے والا جدید اسلحہ 3عدد پسٹل 30بور بھی بر آمد کرلئے گئے۔ ملزمان سے مزید تفتیش جاری ہے اور مزید وارداتوں کے انکشاف متوقع ہیں ۔ ڈی پی او گجرات سید علی محسن نے متحرک گینگ کو گرفتار کر نے والی ٹیم کو خصوصی شاباش دی،اور تعریفی سرٹیفیکٹ سے بھی نوازا۔
دوست جانبحق دو شدید زخمی
گاؤں کھارا قصور میں قیامت کا منظر
تفصیلات کے مطابق 2 بجے لائن مین سب ڈویژن بہادر پورہ کی غفلت سے جانبحق ہونے والے نوجوان محمد رفیق کی میت کو 4 بجے کے لگ بھگ پوسٹ مارٹم کیلئے ڈسٹرکٹ ہیڈ کوارٹرز ہسپتال قصور لیجایا جا رہا تھا کہ قصور بائی پاس گول چکر پر میت کے ہمراہ رفیق کے دوستوں اور دیگر لواحقین جن میں خواتین بھی شامل تھیں، نے راستہ بند کرنا چاہا اتنے میں کرولا کار پر سوار شحض نے راستے سے نکلنے کی کوشش کی جس پر رفیق کے غمزدہ دوستوں شاہد ولد مختیار جٹ اور یوسف ولد صادق مہر اور دیگر افراد جن میں عورتیں بھی تھیں، نے کار سوار کو روک لیا جس پر کار سوار نے پسٹل سے فائرنگ کرکے شاہد اور یوسف کو زخمی کرکے بائی پاس پر دوڑ لگا دی اور نکلنے میں کامیاب ہو گیا اور اپنی کار بائی پاس پر ہی چھوڑ گیا زخمیوں کو تشویشناک حالت میں ڈسٹرکٹ ہیڈ کوارٹرز ہسپتال قصور میں داخل کروایا گیا جہاں ڈاکٹروں نے شاہد کی حالت زیادہ تشویشناک ہونے پر لاہور جنرل ہسپتال ریفر کر دیا
پولیس نے جائے وقوعہ پر پہنچ کر کار قبضہ میں لے کر مقدمہ درج کر لیا3 رکنی بین الاضلاعی ڈکیت گینگ گرفتار
شیخوپورہ (نمائندہ باغی ٹی وی) ڈی پی او شیخوپورہ غازی محمدصلاح الدین کی خصوصی ہدایت پر اور اے ایس پی سٹی توحید الرحمن کی زیر نگرانی تھانہ اے ڈویژن پولیس نے خطرناک بین الاضلائی 03رکنی آسو ڈکیت گینگ کو گرفتار کر لیا۔ملزمان اسلحہ کے زور پر گھر میں گھس کر اہل خانہ کو یرغمال بنا کر لوٹ مار کرتے تھے.شیخوپورہ گرفتار ملزمان نے 3 روز قبل بھی تھانہ اے ڈویژن کے علاقے میں گھروالوں کو یرغمال بنا کر لوٹ مار کی تھی۔شیخوپورہ پولیس نے جدید ٹیکنالوجی سے 72 گھنٹوں میں ٹریس آوٹ کر کے ملزمان سے لوٹی جانے والی رقم اور سونا برآمد کیا۔ ملزمان سے 21لاکھ 50ہزار روپے مالیت کے طلائی زیورات. نقدی.موبائل فونز.لیپ ٹاپ.3 عدد پسٹل.اور موٹر سائیکلیں برآمد۔ پکڑے جانے والے ملزمان گوجرانوالہ. لاہور.اور شیخوپورہ کے مختلف 18 مقدمات میں مطلوب تھے۔
مظفرگڑھ میں نوجوان کی درخت سے لٹکی لاش برآمد
مظفرگڑھ کی تحصیل کوٹ ادو کے نواحی علاقہ تھانہ چوک سرور شہید کی حدود اڈہ کھوکھے والامیں نوجوان کی درخت سے لٹکتی لاش برآمد، پراسرار ہلاکت کی وجہ تاحال معلوم نہ ہو سکی۔
مظفرگڑھ کی تحصیل کوٹ ادو کے قریبی علاقے اڈہ کھوکھے والا میں ایک شخص کی درخت پر لٹکی لاش برآمد ہوئی ہےمرنے والے کی شناخت بلال ولد غلام قادرکے نام سے ہوئی ہے۔بلال 5 بچوں کا باپ تھا۔بلال کے لواحقین کے مطابق اس کا سسرالیوں کے مطاتھ جھگڑا چل رہاتھا۔ پولیس نے موقع پر پہنچ کر تحقیقات کا آغاز کردیا اور لاش کو پوسٹم مارٹم کے لئے مقامی ہسپتال میں منتقل کردیاگیا۔
لاہور ائیر پورٹ پر فائرنگ، اسلحہ کیسے پہنچا، ملزم نے کیا انکشاف
لاہور ائیر پورٹ پر فائرنگ کے واقعہ کے بعد اے ایس ایف حکام نے تحقیقات شروع کر دیں کہ اسلحہ کیسے ائیر پورٹ پہنچا، دوسری جانب دونوں مقتولین کی شناخت ہو گئی ہے. وزیراعلیٰ پنجاب نے واقعہ کی رپورٹ طلب کر لی ہے
لاہور ائیرپورٹ پر فائرنگ، دو افراد بحق، خوف و ہراس
باغی ٹی وی کی رپورٹ کے مطابق بدھ کی صبح لاہور ائیر پورٹ پر فائرنگ کا واقعہ پیش آیا ہے جس میں دو افراد جاں بحق ہو گئے، ایک شخص کی شناخت اکرم اور دوسرے کی زین وڑائچ کے نام سے ہوئی، ائیر پورٹ پر فائرنگ کے بعد رینجرز و پولیس کی بھاری نفری موقع پر پہنچ گئی، اے ایس ایف حکام نے فائرنگ کرنے والوں کو حراست میں لے لیا. مقتولین عمرہ کی ادائیگی کے بعد واپس پہنچے تھے،
فائرنگ کرنے والے ملزمان کی شناخت ارشاد اورشان کےنام سےہوئی ،پولیس کا کہنا ہے کہ واقعے کا مقدمہ مقتولین کے ورثا کی درخواست پردرج کیا جائے گا.
فائرنگ کرنے والے ملزم ارشد نے اے ایس ایف کو ابتدائی بیان میں بتایا کہ اسلحہ ٹیکسی ڈرائیور کی وساطت سے ایئرپورٹ پہنچایا گیا ،اسلحہ ٹیکسی کی سیٹوں کے نیچے چھپا کر لایا گیا تھا ،ہم جس گاڑی پر آئے تھے اس کی تلاشی لی گئی تھی ،ملزم نے بتا یا کہ ایئرپورٹ لائے جانے والے اسلحے میں 30 بورکے دو پستول شامل تھے ، ملزم کا کہنا تھا کہ اپنے بہنوئی اور بھانجے کے قتل کا بدلہ لیا ،مقتول زین نے میرے بہنوئی اور بھانجے کو قتل کیا تھا.پولیس کا کہنا ہے کہ مقتولین پر بابر بٹ نامی شخص کو قتل کرنے کا الزام تھا . جس کا تعلق پاکستان پیپلز پارٹی سے تھا .
اے ایس ایف حکام نے ائیر کی حدود میں فائرنگ کی تحقیقات شروع کردی ہیں. حکام کا کہنا ہے کہ تحقیقات ہورہی ہیں کہ حملہ آور اسلحہ سمیت ائیر پورٹ کی حدود میں کیسے آئے۔
وزیراعلیٰ پنجاب عثمان بزدار نے لاہور ایئر پورٹ پر فائرنگ کے واقعہ کا نوٹس لیتے ہوئے سی سی پی او لاہور سے رپورٹ طلب کرلی۔ وزیراعلیٰ کا کہنا تھا کہ فائرنگ کے ذمہ داروں کے خلاف قانون کے تحت کارروائی کی جائے،
واضح رہے کہ اس سے قبل عارف حمید عرف ٹیپو ٹرکاں والا 22 جنوری 2010 کو ائیرپورٹ حدود میں قتل کر دیا گیا تھا، عارف حمید عرف ٹیپو ٹرکاں والا کو دبئی سے واپسی پر لاہور ائرپورٹ پر قتل کیا گیا تھا۔
لاہور ائیرپورٹ پر فائرنگ، دو افراد بحق، خوف و ہراس
لاہور ایئر پورٹ پر فائرنگ سے دو افراد جاں بحق ہو گئے، ائیر پورٹ پر فائرنگ کے بعد بھگدڑ مچ گئی ایئرپورٹ پرگاڑیوں کی انٹری روک دی گئی
باغٰ ٹی وی کی رپورٹ کے بعد لاہور ائیر پورٹ پر لائونج میں فائرنگ سے دو افراد جاں بحق ہو گئے، ائیر پورٹ پر فائرنگ کی آواز سے خوف و ہراس پھیل گیا اور ہر طرف افرا تفری مچ گئی. فائرنگ کے بعد ائیر پورٹ میں گاڑیوں کا داخلہ بند کر دیا گیا ہے
فائرنگ سے دو افراد جاں بحق ہو گئے ہیں ، پولیس نے دعویٰ کیا ہے کہ فائرنگ ذاتی دشمنی کاشاخسانہ ہے،سیکیورٹی اہلکاروں نے دوملزمان کوحراست میں لے لیا. فائرنگ کرنے والا ملزم ٹیکسی پر سوار ہو کر ائیرپورٹ پر پہنچا،ایک کی شناخت زین وڑائچ کے طور پر ہوئی .
ائیر پورٹ پر فائرنگ کے بعد رینجرز و پولیس کی بھاری نفری موقع پر پہنچ گئی.
جلالپور جٹاں: خاتون سمیت 2 منشیات فروش گرفتار، 1 کلو سے زائد چرس برآمد
گجرات (نمائندہ باغی ٹی وی) جلالپورجٹاں پولیس کا منشیات فروشوں کیخلاف کریک ڈاﺅن۔ خاتون سمیت 2ملزمان گرفتار۔ تفصیل کے مطابق بتایا جاتا ہے کہ ڈی پی او گجرات سید علی محسن کاظمی کی ہدایت پر تھانہ سٹی پولیس جلالپورجٹاں کے انچارج عدنان تارڑ کی نگرانی میں چوکی سٹی پولیس انچارج رانا اشتیاق احمد نے دوران ناکہ محلہ اقبال کالونی کی رہائشی منشیات فروش خاتون حلیمہ عرف نازی کو قابو کر کے اسکے قبضے سے 1230گرام چرس برآمد کر لی۔ جبکہ اظہر حسین عرف سولیا کو گرفتار کر کے اس کے قبضے سے 150گرام چرس برآمد کر لی۔ گرفتار ملزمان کے خلاف مقدمہ کے انداراج کے بعد قانونی کاروائی کے لئے گجرات جوڈیشل کر دیا گیا۔ منشیات فروشوں کے خلاف کریک ڈاﺅن پر شہریوں نے ایس ایچ او عدنان تارڑ اور چوکی انچارج رانا اشتیاق کو جلالپورجٹاں کو منشیات فری بنانے پر خراج تحسین پیش کیا ہے۔
