Category: جرائم و حادثات

لاہور: ایک ننھی جان واسا کی غفلت کی وجہ سے ہوگئی قربان ، شیرا کوٹ کے علاقے الخیام روڈ پر 5 سالہ ریحان مین ہول میں جا گرا، ریحان محلے میں کھیل رہا تھا کہ گڑہے میں گر گیا، مین ہول کے اوپر ڈھکن موجود نہ تھا،

واسیا کی غفلت کا اندازہ اس بات سے لگایا جاسکتا ہے کہ اس علاقے میں گٹروں کے ہول نہیں ہیں‌اور واسا کے اہلکاروں نے کبھی اس طرف آنا گوارا ہی نہیں کیا اطلاعات کے مطابق پولیس اورریسکیو کی ٹیمیں جائے وقوعہ پر پہنچی اور6 گھنٹے کی طویل کوششوں کے بعد بچے کی ڈیڈ باڈی کو تلاش کر لیا گیا، ریسکیو اور واسا انتظامیہ نے بچے کی ڈیڈ باڈی تلاش کرکے قبضے میں لے لی۔

دوسری جانب ایم ڈی واسا نے واقعہ کا نوٹس لیتے ہوئے ایس ڈی او ثاقب رزاق، سیب انجنیئر سید نجف، سپروائزر منیر مسیح کو معطل کرکے معطل واقعہ کی انکوائری کا حکم دے دیا۔

کراچی: ملک میں جہاں ایک طرف ایک صوبے میں یوم شہداء پولیس منایا جارہا ہے اور پولیس کی خدمات کو سراہا جارہا ہے. تو دوسری طرف کراچی کے ہونہار پولیس اہکار نے اپنی قابلیت کا مظاہر کرتے ہوئے ایک نوجوان کو فقط بحث کرنے پر گولی مار کر قتل کردیا ہے.

ذرائع کے مطابق اسٹیل ٹاؤن کے اسٹیشن ہاؤس آفیسر (ایس ایچ او) شاکر علی کا کہنا ہے کہ 22 سالہ نوجوان بشیر احمد اور ملزم پولیس اہلکار علی رضا کے درمیان گلشن حدید کی چورنگی پر تلخ کلامی ہوئی تھی۔

انہوں نے بتایا کہ ‘دونوں کے درمیان سخت جملوں کے تبادلے کے بعد کانسٹیبل نے نوجوان پر گولی چلادی جس سے وہ شدید زخمی ہوگیا’۔دوسری طرف پولیس نے اپنے پیٹی بھائی کوسندھ حکومت کے اینٹی انکروچمنٹ سیل میں تعینات ملزم کانسٹیبل کو گرفتار کرلیا ہے۔

اس واقعہ کی خبر کے بعد انسپیکٹر جنرل سندھ ڈاکٹر سید کلیم امام نے پولیس اہلکار کی جانب سے نوجوان کے قتل کا نوٹس لیتے ہوئے سینیئر سپرنٹنڈنٹ پولیس(ایس ایس پی) ملیر کو شفاف اور غیر جانبدار تحقیقات کرتے ہوئے مقتول نوجوان کے اہلخانہ کو انصاف فراہم کرنے کی ہدایت کردی ہے۔

مظفرگڑھ : سیلفی کے شوق سے ہر روز ہونے والے حادثات میں کئی قیمتی جانیں ضائع ہورہی ہیں مگر اس کے باوجود اس جاہلانہ شوق سے کوئی توبہ ہی نہیں کررہا، اطلاعات کے مطابق علی پور میں سیلفی لیتاہوا نوجوان دریائے سندھ میں جاگرا، بچانے کی کوشش میں ماموں بھی ڈوب گیا۔

مظفر گڑھ سے ذرائع کی طرف سے دی جانی والی تفصیلات کے مطابق سیلفی کے شوق نے جانیں لے لیں، علی پور میں تفریح پر آئے ہوۓ ماموں اور بھانجا سیلفی بناتے دریائے سندھ میں ڈوب گئے، مجاہد نامی شخص بھکر سے اپنے بھانجے حمزہ کو لے کر سیروتفریح کیلئے آیا تھا، سیلفی بناتے ہوئے حمزہ پاؤں پھسلنے پر دریا میں گرگیا۔

بھانجے کی جان بچاتے ہوئے مجاہد بھی دریا میں ڈوب گیا، ریسکیو اہلکاروں کا دونوں کی تلاش کیلئے آپریشن جاری ہے۔اس واقعہ کے بعد دریا کے کنارے ڈوبنے والوں کے رشتہ دار ڈیرے ڈال کے بیٹھے ہوئے ہیں اور اپنے پیاروں کی لاشوں کا انتظارکررہے ہیں

گوجرانوالہ:صبح سویرے ایک روڈ حادثے نے ہر آنکھ کا اشکبار کردیا، اطلاعات کے مطابق کنگنی والا کے قریب کنٹینر یو ٹرن لیتے کار پر الٹ گیا،حادثہ کے نتیجہ میں 3 افراد جاں بحق ہو گئے۔

گوجرانوالہ سے ذرائع کے مطابق خوفناک حادثےکنگنی والا کے قریب پیش آیا. جاں بحق افراد کی لاشوں کو گاڑی سے نکالنے کے لیے ریسکیو آپریشن جاری ہے، واقعہ کے فوراً بعد ریسکیو ٹیم جائے وقوعہ پر پہنچی۔

ریسکیو اہلکاروں کا کہناتھا کہ جاں بحق ہونے والوں کی شناخت کی جا رہی ہے،حادثہ کے باعث جی ٹی روڈ پر ٹریفک جام، لمبی لمبی قطاریں لگی گئی، کنٹینر کے نیچے سے جلد لاشوں کو نکالنے کے لیے ریسکیو آپریشن مکمل کرلیا گیا،زخمی اور لاشوں کو گاڑی سے نکال کر ہسپتال منتقل کر دیا گیا۔

چمن : چمن ہی اجڑ گیا . اطلاعات کے مطابق صوبہ بلوچستان کے شہر چمن میں کوچ اور پک اپ میں ٹکر ہوگئی جس کے نتیجے میں 7 افراد ہلاک اور ایک شخص زخمی ہوگیا۔

لیویز ذرائع کے مطابق کوئٹہ چمن شاہراہ پر جنگل پیر علیزئی کے قریب کوچ اور پک اپ میں ٹکر ہوئی جس کے نتیجے میں پک اپ میں سوار 7 افراد موقع پر جاں بحق اور ایک شخص زخمی ہوگیا۔

ریسکیو آپریشن مکمل کرکے کوئٹہ چمن شاہراہ کو ٹریفک کے لیے کھول دیا گیا ہے۔یادرہے کہ حادثے میں جاں بحق ہونے والوں کی شناخت تاحال نہ ہوسکی، کوچ چمن سے کراچی جارہی تھی۔

ایبٹ آباد :شادی پر شادی کرنے والا اپنی بیوں کو حقوق دینے کی بجائے ان کا قتال بن گیا . یہ واقعہ ابیٹ آباد میں پیش آیا جہاں‌ خاوندنے اپنی دونوں بیویوں کوقتل کردیا،دوہرے قتل کی لرزہ خیزواردات کےبعدملزم موقع سے فرار ہوگیا۔

پولیس کے مطابق مانسہرہ کے رہائشی ماجد نے نامعلوم وجوہات کی بنیاد پر اپنی دو بیویوں عائشہ اور ثمن کو تھانہ مانگل کی حدود کھوڑا میں رات گئے قتل کر دیا اور موقع سے فرار ہو گیا، ملزم نے آتشیں اسلحہ سے فائرنگ کر کے دونوں کو قتل کیا۔

پولیس ذرائع کے مطابق دونوں بیویوں کی لاشوں کو ایوب میڈیکل کمپلیکس منتقل کیا گیا جہاں پوسٹ مارٹم جاری ہے،خواتین کے لواحقین ہسپتال پہنچ آئے ہیں لواحقین کی رپورٹ پر پولیس نے خاوند پر دوہرے قتل کا مقدمہ درج کر لیا۔