Category: جرائم و حادثات

لاہور : جہالت ، نشہ ، شک اور غربت کی وجہ سے آئے روز حوا کی بیٹیوں کا قتل ہمارے معاشرے کا ایک تاریک پہلوبن گیا ، ایسا ہی ایک واقعہ لاہور کے علاقے اعوان ٹاون میں پیش آیا جہاں پانچ ماہ کے بچے کی ماں 19 سالہ مہوش اپنے ہی شوہر کی سفاکی کا نشانہ بن گئی۔

پولیس کے مطابق اعوان ٹاؤن کی رہائشی مہوش کے والدین کا کہنا ہے کہ اسکا شوہر فیصل اکثر اسے تشدد کا نشانہ بنا چکا ہے جو منع کرنے پر بھی باز نہ آتا اور نشے میں دھت ہو کر اپنی بیگم کو گرم چمٹوں سے مارتا۔ بوڑھے ماں باپ اپنی بیٹی کی میت پر رونے کے ساتھ ساتھ انصاف کی اپیل کرتے رہے۔

دوسری طرف پولیس نے جائے وقوع سے شواہد اکٹھے کرنے کے بعد لاش کو پوسٹمارٹم کے لیے مردہ خانے منتقل کر دیا۔ پولیس کا کہنا تھا کہ ملزم فیصل کو جلد گرفتار کر لیا جائے گا۔بچے کو ننھیال کے سپرد کردیا گیا ہے.

بیجنگ : جہاں دین نہیں وہاں رحم نہیں ، چین کے صوبے شادنگ کے علاقے زوپنگ میں ایک ماں کی طرف سے اپنی 7 سالہ بیٹی کو جس طرح قتل کیا گیا اس سے پہلے یہ واقعہ پہلے شاید کسی نے ناں سنا ہو، چینی میڈیا نے اس واقعہ کو رپورٹ کرتے ہوئے بتایا ہے کہ ماں نے کھانے کے اداب کا خیال رکھنے پر اپنی بیٹی کو مار مار کر مار ہی دیا

چینی میڈیا کے مطابق اس چینی خاتون نے جب اپنی بیٹی کو دیکھا کہ وہ کھانا بے وقت کھارہی ہے تو اس کی ماں کو اس پر بہت غصہ آگیا اور اس نے لوہے کے راڈ مار مار کر اپنی بیٹی کو قتل کردیا . پولیس کے مطابق جب اس خاتون کے خاوند سے پوچھا گیا کہ اس نے اپنی بیٹی کو بچانے کی کوشش کیوں نہ کی تو خاوند نے جواب دیا کہ میری بیوی بہت سخت طبیعت کی مالک ہے مجھے ڈر تھا کہ اگر میں آگے بڑھا تو وہ مجھے بھی مار دے گی

پولیس آفیسر کے مطابق ماں کو گرفتار کرلیا گیا ہے اور بچی کی لاش کو تحویل میں لے لیا گیا ہے.. پولیس حکام کے مطابق تحقیقات جاری ہیں اور خاتون کے جیل بھیج دیا گیا ہے.

لاہور: ڈاکووں نے بھی تو حد کردی ، پیسے اور موبائل لوٹنے کے ساتھ ساتھ دوائی کی ڈبیاں بھی اٹھا کر لے گئے ، اطلاعات کے مطابق ٹاؤن شپ کے علاقے میں واقع العرب فارمیسی میں ڈاکوؤں کی لوٹ مار، سی سی ٹی وی فوٹیج منظر عام پر آ گئی، موٹرسائیکل سوار 3 ڈاکو 25 ہزار کیش اور موبائل لوٹ کر فرار ہوگئے۔

پولیس ذرائع کے مطابق ٹاؤن شپ کے علاقے چودھری چوک میں واقع العرب فارمیسی میں ڈکیتی واردات کی سی سی ٹی وی فوٹیج میں دیکھا جا سکتا ہے کہ موٹرسائیکل سوار 3 ڈاکو فارمیسی پہنچے جہاں ایک موٹرسائیکل پر باہر ہی موجود رہا جبکہ 2 ڈاکوؤں نے فارمیسی میں لوٹ مار کی۔ڈاکو جاتے ہوئے دوائیوں کی چند ڈبیاں بھی اٹھا کر ساتھ لے گئے .

ٹاون شپ میں ہونے والی اس واردات کے متعلق ایس پی صدر احسن سیف اللہ کا کہنا ہے کہ واردات کا مقدمہ درج کر کے سی سی ٹی وی کی مدد سے ملزمان کی تلاش جاری ہے جنہیں جلد گرفتار کر لیا جائے گا۔انہوں نے کہا کہ واقعہ کی رپورٹ درج کرلی گئی ہے.

لاہور : کبھی کبھی ایسے بھی ہوتا ہے کہ تصور میں نہ آنے والے کام پر جب ہوجاتے ہیں تو انسان کی عقل دنگ رہ جاتی ہے جیسے کہ ایک اونٹ نے کرکے دکھا دیا. اطلاعات کے مطابق سمن آباد ایل او ایس نالے میں قربانی کا اونٹ جا گرا، ریسکیو ٹیموں نے تین گھنٹے کی مسلسل کوششوں کے بعد اونٹ کو نالے سے باہر نکالا۔

ریسکیواہلکاروں کے مطابق سمن آباد کے علاقے ایل او ایس کے قریب قربانی کا اونٹ مالک سے رسی چھڑوا کر نالے میں جا گرا، اطلاع ملنے پر ریسکیو، کوئیک ریسپانس یونٹ اور پولیس موقع پر پہنچ گئی۔ شہریوں کے ہجوم کے باعث ایل او ایس پر ٹریفک بھی جام رہی،

ذرائع کے مطابق اس دوران نالہ ڈھانپنے کے باعث ریسکیو ٹیموں کو امدادی کارروائیوں میں مشکلات کا سامنا رہا تاہم ریسکیو ٹیموں نے تین گھنٹے کی مسلسل کوششوں کے بعد ایل اوایس نالے میں گرنے والے اونٹ کو بحفاظت باہر نکال لیا۔اونٹ کے مالک نے ریسکیو اہلکاروں کا شکریہ ادا کرتے ہوئے کہ قربانی کے لیے لاہور میں بیچنے کے لیے لایا تھا

لاہور:جیسے جیسے عید قریب آرہی ہے شہر میں جرائم میں‌اضافہ دیکھنے کو مل رہا ہے. اطلاعات کے مطابق لاہور میں اغواکی وارداتیں شروع ہوگئی ہیں. فیکٹری ایریا کے علاقے پاک ٹاؤن سے 2 سگے بہن بھائی اغوا ہوگئے، پولیس نے مقدمہ درج کر کے 4 سالہ احمد اور 9 سالہ طیبہ کی تلاش شروع کر دی۔

فیکٹری ایریا سے اغوا ہونے والے بچوں کے والد نذیر کے مطابق 4 سالہ احمد اپنی بہن طیبہ کے ساتھ دکان تک گیا جن کا 2 روز بعد بھی کوئی سراغ نہیں مل سکا۔ متاثرہ شہری نذیر کا کہنا تھا کہ 2 روز تک پولیس کی جانب سے بچوں کی تلاش کیلئے کوئی کارروائی نہیں کی گئی اور نہ ہی مقدمہ درج کیا گیا جبکہ انہوں نے پورے علاقہ میں اپنی مدد آپ کے تحت تلاش کیا گیا مگر بچے نہ مل سکے۔

پنجاب پولیس کی کارکردگی دیکھیں تو حرانی ہوتی ہےکہ کے پولیس خاموش تماشائی کے طور پر کام کررہی ہے اور بچوں کے والدین پر قیامت برپا ہے. دو روز بعد نامعلوم افراد کے خلاف مقدمہ درج کر لیا گیا ہے، ایس پی کینٹ صفدر رضا کاظمی کا کہنا ہے کہ بچوں کی تلاش جاری ہے۔