صوبائی دارالحکومت لاہور میں گھر کی چھت گرنے سے 3 بچے جاں بحق ہو گئے

باغی ٹی وی کی رپورٹ کے مطابق لاہور کے علاقے مغلپورہ میں گھر کی چھت گرنے سے 3 بچے جاں بحق ہو گئے جبکہ سات شدید زخمی ہو گئے، واقعہ کی اطلاع ملنے پر ریسکیو کی ٹیمیں موقع پر پہنچیں اور زخمیوں کو طبی امداد کے لئے ہسپتال منتقل کیا.

ریسکیو حکام کے مطابق گھر بوسیدہ تھا، شہر میں طوفانی بارشوں کے باعث گھر کی چھت اچانک گرنے سے گھر کے دس افراد ملبے کے نیچے دب گئے، ریسکیو ٹیم نے پہنچ کر لاشوں و زخمیوں کو نکالا، اور ہسپتال منتقل کیا.

جاں بحق بچوں میں10سالہ سونیا،8سالہ ہارون اور12سالہ خرم شامل ہیں زخمی رضیہ اور دیگر3کی حالت خطرے سے باہر ہے ،متاثرہ خاندان 8سال سے کرائے کے گھر میں رہائش پذیر تھا

واضح رہے کہ ملک بھر کی طرح لاہور میں بھی مون سون کی بارشیں جاری ہیں، تیز بارش کی وجہ سے لاہور کی سڑکوں پر بھی پانی جمع ہوجاتا ہے جس کی وجہ سے ٹریفک کا بھی رش ہو جاتا ہے.

صوبائی دارالحکومت لاہور میں 9 سالہ بچے سے زیادتی اور قتل کے ملزم کو پولیس نے گرفتار کر لیا

باغی ٹی وی کی رپورٹ کے مطابق افسوسناک واقعہ باٹا پور میں پیش آیا تھا، پولیس نے کاروائی کرتے ہوئے ملزم کو گرفتار کر لیا، پولیس کا کہنا ہے کہ مبینہ زیادتی کرنے والے ملزم کوگرفتار کر لیا گیا ہے،ملزم اعظم بٹ نشے کا عادی ہے،پولی گرافی ٹیسٹ کے لیے پہلےاعظم بٹ کوحراست میں لیا گیا تھا

پولیس کے مطابق ملزم نےنشے کی حالت میں بچے کوزیادتی کےبعد قتل کیا اورملزم نے قتل کےبعد بچےکی لاش کھیتوں میں پھینک دی تھی

واضح رہے کہ رواں ماہ چودہ جولائی کو سبحان امجد نامی بچے کو زیادتی کے بعد قتل کیا گیا تھا،قتل کئے جانے والے بچے کا تعلق باٹا پور لکھن شریف علاقہ سے تھا.بچے کے والدین کا کہنا تھا کہ سبحان امجد نامی یہ بچہ گھر سے کھیلنے کیلئے باہر گیا تاہم وہ واپس گھر نہیں‌ آ سکا. گھر سے باہر کسی درندے نے اسے بہلا پھسلا کر زیادتی کا نشانہ بنایا اور پھر اسے وحشیانہ انداز میں قتل کر دیا گیا،