Category: جرائم و حادثات

وہاڑی (نمائندہ باغی ٹی وی) بورے والا کے نواحی گاؤں 431/ ای بی میں شراب کے نشے دھت ماں اور بیوی پر تشدد کرنے والا شخص رمضان موہل چچا کے ہاتھوں قتل ہو گیا چچی نے چھڑانے کی کوشش کی تو مقتول اس پر بھی ٹوٹ پڑا اور چچا نے غصے میں آ کر کسی کے وار کئے تو رمضان شدید زخمی ہو کر ڈھیر ہوگیا مقامی تھانہ کی پولیس موقع پر پہنچ گئی اور اپنی قانونی کارروائی کا آغاز کر دیا

وہاڑی (نمائندہ باغی ٹی وی) بورے والا میں قصابوں نے اپنی دوکانوں پر ہی مذبحہ خانے کھول لئے
تفصیلات کے مطابق بورے والا میں ویٹرنری ڈاکٹر کی نگرانی کے بغیر لاغر و بیمار جانور ذبح کئے جانے لگے ہیں ویٹرنری ڈاکٹر کی جعلی مہریں لگا کر گوشت کی غیر قانونی فروخت جاری ہے محکمہ لائیو سٹاک کی چشم پوشی شہریوں کے لئے وبال جان بن گئی ہے
بورے والا شہر اور اسکے مضافات میں محکمہ لائیو سٹاک کی مبینہ چشم پوشی سے قصابوں نے اپنی دوکانوں پر ہی بیمار و لاغر جانوروں کو غیر قانونی طور پر ذبحہ کر کے اسکو فروخت کرنا شروع کر دیا شہریوں نے نوٹس لینے کا مطالبہ کردیا ہے
محکمہ لائیو سٹاک کے ویٹرنری ڈاکٹر کی مبینہ چشم پوشی سے شہر اور مضافات کے قصابوں نے ٹیکس بچانے کے لئے اپنی دوکانوں اور گھروں میں ہی بغیر تصدیق شدہ لاغر و بیمار جانوروں کو ذبحہ کر کے شہریوں میں فروخت کرنا معمول بنالیا ہے قصابوں نے ویٹرنری ڈاکٹر کی جعلی مہریں لگا کر شہریوں کو نجانے کونسے جانوروں کا گوشت کھلانا شروع کردیا ہے شہری کہتے ہیں کہ انہیں کیا پتہ کہ جانور مردہ ہے ۔بینار ہے یا حرام ہے اس غیر قانونی دھندے کا انتظامیہ کو فوری نوٹس لینا چاہیئے.

وہاڑی (نمائندہ باغی ٹی وی) کےنواحی گاؤں 60ڈبلیوبی میں پولیس تھانہ صدر دنیاپور کے اہلکاروں نےصبح 8 بجے ہلہ بول دیا محمد یار ولد محمد نواز قوم گھبیسر کے گھر کی چادر اورچاردیواری کاتقدس پامال کرتے ہوئے گھر میں موجود خواتین کے ساتھ بدتمیزی کرتے رہے گھر سے نقدی، زیور و دیگر سامان اور لاکھوں کی مالیت کے مویشی بھی لےگئے گھر میں توڑپھوڑ بھی کی سارا گاؤں سراپااحتجاج بن گیا۔تفصیل کے مطابق نواحی گاؤں 60 ڈبلیوبی کے رہائشیوں نے شدیداحتجاج کرتے ہوئے بتایاکہ پولیس تھانہ صدر دنیاپور نے ایک ملزم کی گرفتاری کیلئے گاؤں کے ایک شخص محمد یار کے گھر میں ریڈ کیا لیکن ملزم فرار ہو گیا جس کی وجہ سے پورے گاؤں میں تشویش پھیل گئی پولیس کے 20/25 اہلکار نے گھر میں توڑ پھوڑ کی گھر کا سامان بکھیر دیا دروازے بھی توڑ دیے اور ٹرنک اور گھر میں پڑی پیٹوں کے تالے توڑ کر طلائی زیورات نقدی رقم اور لاکھوں مالیت کے مویشی بھی لے گئے خواتین نے بتایا کہ پولیس اہلکار ہمیں گندی اور غلیظ گالیاں بھی دیتے رہے اور گھر میں رکھے فریج سے دودھ اور فروٹ کا اجاڑہ بھی کرتے رہے چادراورچاردیواری کاتقدس پامال کرتے ہوۓ پچیس سے زائد اہلکار گھر میں داخل ہو کر گھر میں موجود خواتین کے ساتھ بدتمیزی کر کے گھر میں توڑ پھوڑ کرتے رہے احتجاجی مظاہرین نے بتایا کہ پولیس والوں نے گھر کے کمروں کے دروازے توڑکرپیٹیوں اورصندوقوں کی چوروں کی طرح تلاشیاں لیتے ہوئے ہزاروں روپے نقدی اورزیورات،نئے بستراورکپڑے تک اٹھا کر لے گئے ۔گاؤں کے درجنوں افرادنے احتجاج کرتے ہوئے وزیراعظم عمران خان،وزیراعلی سردارعثمان بزدار،آر پی او اور ڈی پی او وہاڑی سے مطالبہ کیا ہے کہ پولیس تھانہ صدر دنا پور کی دہشت گردانہ کاروائیوں کانوٹس لیاجائے زیادتی کے مرتکب پولیس اہلکاروں کے خلاف کاروائی کی جائے ورنہ ہم اپنی خواتین سمیت روڈ بلاک کرکے شدیداحتجاجی مظاہرہ کریں گے جس کی تمام تر ذمہ داری پولیس ہوگی