کوٹ ادو میں خریدار بن کر آنے والا چور موبائل مارکیٹ سے قیمتی موبائل چوری کرکے فرار ہوگیا،موبائل فون لیکر بھاگنے والے چور کی سی سی ٹی وی فوٹیج باغی ٹی وی نے حاصل کرلی.مظفرگڑھ کی تحصیل کوٹ ادو کی موبائل مارکیٹ میں ایک شخص موبائل خریدار بن آیا،مدکان کے کاؤنٹر سے قیمتی موبائل چیک کرنے کے لیے نکلوایا،،بعدازاں دکاندار کا قیمتی موبائل لیکر مارکیٹ سے فرار ہوگیا،چوری کی واردات کی سی سی ٹی وی فوٹیج باغی ٹی وی نے حاصل کرلی،فوٹیج میں دیکھا جاسکتا ہے کہ چور نے دکان سے قیمتی موبائل نکلوایا اور بعدازاں موبائل لیکر فرار ہوگیا،متاثرہ دکاندار کیمطابق اس نے کاروائی کے لیے تھانہ کوٹ ادو پولیس کو درخواست دیدی ہے.
Category: جرائم و حادثات
مریدکے میں دورکشوں کے مابین تصادم سے 2 افراد زخمی
مریدکے(نمائندہ باغی ٹی وی) شامکے سٹاپ لاہور روڑ پر دو رکشوں کے درمیان تصادم ہونے سے 6 افراد زخمی ہو گئے-
ریسکیو 1122 مریدکے نے بروقت موقع پر پہنچ کر2 زخمیوں کوموقع پر طبی امداد دی گئی جبکہ 4 شدید زخمیوں کو طبی امداد دینے کے بعد تحصیل ہیڈ کواٹر ہسپتال مریدکے منتقل کر دیا- جن کی حالت اب خطرے سے باہر ہےلاہور میں بھتہ مافیا سرگرم ،ہوٹل مالک کو کیسے بھتہ کا پیٍغام بھجوایا گیا،جان کر ہوں حیران
کراچی کے بعد لاہور میں بھتہ مافیا سرگرم ہو گیا، ہوٹل مالک کو بھتے کی سات پرچیاں اور ای میل وصول ہوئیں ،بھتہ ادا نہ کرنے پر سنگین نتائج کی دھمکیاں دی گئیں
باغی ٹی وی کی رپورٹ کے مطابق صوبائی دارالحکومت لاہور میں بھتہ مافیا سرگرم ہو چکا ہے، لاہور کے علاقے گلبرگ میں نجی ہوٹل کے مالک کو نا معلوم افراد کی جانب سے بھتہ دینے کی پرچیاں دی گئیں جس پر ہوٹل مالک نے غالب مارکیٹ تھانہ میں مقدمہ کے لئے دخواست دے دی،. درخواست میں کہا گیا ہے کہ نامعلوم افراد نے ہوٹل انتظامیہ کوبھتہ کی7پرچیاں بھیجیں ، تمام پرچیاں ہاتھ سے لکھی گئی تھیں پرچیون کے علاوہ ای میلز بھی کی گئیں، درخواست میں مزید کہا گیا کہ بھتہ خوروں نے 50 لاکھ کا بھتہ مانگا اور عدم ادائیگی پر سنگین نتائج کی دھمکیاں دیں.
لودھراں اطلاع دیں انعام پائیں
لودھراں (نمائندہ باغی ٹی وی) میں پولیس اسٹیشن سٹی لودھراں کی طرف سے دو لڑکوں کی تصویر جاری کی گئی ہے جو سٹی پولیس لودھراں کو چوری کی وارداتوں میں مطلوب ہیں اطلاع اور معلومات فراہم کرنے والے کو بیس ہزار روپے کا نقد انعام دیا جائے گا اور اس کا نام بھی صیغہ راز میں رکھا جائے گا
اس کی اطلاع ایس ایچ او لودھراں پولیس اسٹیشن سٹی محمد اسماعیل کو اس موبائل نمبر 03007725460 پر دے سکتے ہیں
پنجاب کے بڑے شہر میں دھماکا ہو گیا
پنجاب کے شہر صادق آباد میں دھماکے سے 9 افراد زخمی ہو گئے
باغی ٹی وی کی رپورٹ کے مطابق صادق آباد میں ایل پی روڈ پرایک نجی بینک میں دھماکہ ہوا ہے دھماکا اتنا شدید تھا کہ بینک کی بلڈنگ گرنے سے ملبے تلے متعدد افراد دب گئے، ریسکیو ٹیموں نے بینک میں موجود 9 افراد زخمی ہوئے ہیں، دھماکے کی اطلاع ملنے پر پولیس اور ریسکیو ادارے موقع پر پہنچے اور زخمیوں کو ہسپتال منتقل کرنا شروع کر دیا، دھماکے کیسے ہوا پولیس اس بات کا تعین کر رہی ہے.دھماکے سےبینک کےباہرکھڑی گاڑیوں کونقصان ہوا ہے اور بینک کی عمارت کو نقصان ہوا ہے .
شجاع آباد سے خاتون کی بازو کٹی، برہنہ نعش برآمد
پنجاب کے علاقے شجاع آباد میں خاتون کی بازو کٹی برہنہ لاش ڈرم سے ملی ہے
باغی ٹی وی کی رپورٹ کے مطابق پنجاب کے علاقے شجاع آباد سے خاتون کی لاش ملی ہے جس کے بازو کٹے ہوئے تھے ، لاش کو برہنہ کر کے ڈرم میں ڈال کر مائنر نہر میں پھینکا گیا تھا. پولیس کا کہنا ہے کہ خاتون کی شناخت نہیں ہو سکی، تشدد زدہ لاش کو تحویل میں لے کر پولیس نے قانونی کاروائی شروع کر دی ہے اور نعش کو پوسٹ مارٹم کے لئے مقامی ہسپتال منتقل کر دیا ہے.
بڑے ہوٹلوں کو سپلائی کیاجانے والا20من مضر صحت گوشت پکڑا گیا
مظفر گڑھ میں پولیس اور محکمہ لائیو سٹاک نے مشترکہ کارروائی کرتے ہوئے 20 من سے زائد مضر صحت گوشت برآمد کرلیا،گوشت ملتان میں بڑے بڑے ہوٹلوں کو فراہم کیا جانا تھا.مظفرگڑھ میں ہیڈ محمد والا کے قریب پولیس اور محکمہ لائیو سٹاک نے مشترکہ کاروائی کے دوران 20 من سے زائد مضر صحت گوشت برآمد کرلیا.چوکی انچارج ہیڈ محمدوالا رمضان شاہد کیمطابق گوشت چوک سرور شہید سے ملتان لے جایا جارہا تھا،مضرصحت گوشت کو ملتان کے بڑے بڑے ہوٹلوں میں سپلائی کیا جانا تھا.پولیس کیمطابق گاڑی کے ڈرائیور کو گرفتار کرلیاگیا ہے جبکہ گوشت کے مالک سمیت 2 افراد فرار ہونے میں کامیاب ہوگئے ہیں.پولیس کیمطابق پکڑے جانے والے مضرصحت گوشت کو تلف کیا جائیگا اور واقعے کا مقدمہ محکمہ لائیو سٹاک کی مدعیت میں تھانہ صدر میں درج کیاجارہا ہے.
حافظ آباد میں تھانہ صدر کی حدود میں ایک ہی دن میں 2پیٹرول پمپوں پر ڈکیتی کی وارداتیں،
حافظ آبا(نمائندہ باغی ٹی وی)حافظ آباد میں تھانہ صدر کی حدود میں ایک ہی دن میں 2پیٹرول پمپوں پر ڈکیتی کی وارداتیں۔3مسلح ڈاکوؤں سیلز مینوں سے اسلحہ کے زور پر 70ہزار روپے سے زائدنقدی لوٹ کر فرار ہوگئے۔ تفصیلات کے مطابق تین مسلح ڈاکوتھانہ صدر کی حدود میں واقع جگانوالہ روڈ پر الحفیظ پیٹرولیم پر موٹر سائیکل میں پیٹرول ڈلوانے کے بہانے آئے جہاں ڈاکوؤں نے پیٹرول پمپ کے سیلز مین اخلاق ولد رانا لیاقت سے10ہزار سے زائدنقدی لوٹ کر فرارہوگئے۔اس دوران انہوں نے سیلز مین کو تشدد کا نشانہ بھی بنایا۔ بعدازاں مذکورہ ڈاکوؤں نے تھانہ صدر کی حدود ہی میں قلعہ صاحب سنگھ میں المکہ فلنگ اسٹیشن پر جاکر وہاں کے سیلز مین مدثر اقبال ولد خادم حسین کو یرغمال بناکر اس سے بھی 60ہزار سے زائد نقدی لوٹ لی اور فرار ہوگئے۔ دوسری طرف پولیس ترجمان نے دعویٰ کیا ہے کہ ملزمان کا سراغ لگالیا گیا ہے اور جلد انہیں گرفتارکرلیا جائیگا۔
حافظ آباد میں ہیڈ ساگر تا مانگٹ نیچاروڈ ٹوٹ پھوٹ کا شکار،
حافظ آبا(نمائندہ باغی ٹی وی)حافظ آباد میں ہیڈ ساگر تا مانگٹ نیچاروڈ جگہ جگہ ٹوٹ پھوٹ کا شکار ہونے کے بعد کھڈوں میں تبدیل ہونا شروع ہوگئی جس کی وجہ سے مذکورہ سڑک پر سفر کرنے والے لوگ پریشان ہوکر رہ گئے ہیں۔ تفصیلات کے مطابق ہیڈ ساگر تا مانگٹ نیچا روڈ گذشتہ کئی برس سے ٹوٹ پھوٹ کا شکار چلی آرہی تھی اور اب یہ شاہراہ ضلعی حکومت کی عدم توجہ کے باعث کھڈوں میں تبدیل ہوچکی ہے جس کی وجہ سے یہاں پر نہ صرف ناخوشگوار واقعات رونما ہورہے ہیں بلکہ عوام کو سفر کرتے وقت نہایت ہی تکلیف دہ صورت حال کا سامنا کرنا پڑتا ہے۔ علاقہ مکینوں نے مذکورہ سڑک کی ناگفتہ بہ حالت پر شدید احتجاج کرتے ہوئے ارباب اختیار سے مطالبہ کیا ہے کہ مذکورہ سڑک کو فوری طور پر از سرنو تعمیر کرواکے عوام کی دیرینہ پریشانی کا ازالہ کیا جائے۔
سڑک کو سیوریج اور بارشی پانی سے بچانے کے لیے تعمیر کیے گئے نالے با اثر افراد نے مٹی ڈال کر بند کر دیئے،
حافظ آبا(نمائندہ باغی ٹی وی)ڈسٹرکٹ ہیڈ کوارٹر ہسپتال سے لے کر سبزی منڈی تک کولو روڈ کی نوتعمیر شدہ سڑک کو سیوریج اور بارشی پانی سے بچانے کے لیے سڑک کے دونوں اطراف تعمیر کیے گئے نالے با اثر افراد نے مٹی ڈال کر بند کر دیئے جس کے باعث سیوریج کا پانی سڑک پر جمع ہونے سے گزرنے والے مسافروں کو شدید مشکلات کا سامنا کرنا پڑ رہا ہے۔ مالکان کی جانب سے بارہا مرتبہ ارباب اختیار کو آگاہ کرنے کے باوجود نالوں سے مٹی نہیں نکالی جا سکی۔ شہریوں کا ضلعی انتظامیہ کے ارباب اختیار سے اصلاح احوال کا مطالبہ۔ تفصیلات کے مطابق سابقہ حکومت کے آخری دور میں کروڑوں روپے لاگت سے حافظ آباد راجہ چوک سے خانپور تک سڑک کی تعمیر کی گئی جس میں راجہ چوک سے لے کر سبزی منڈی تک روڈ کو آر سی سی تعمیر کیا گیا اور سڑک کے دونوں اطراف نالے بھی بنائے گئے لیکن بااثر افراد کی جانب سے تعمیر شدہ نالوں میں مٹی ڈال کر اُنہیں بند کر دیا گیا ہے جس کے باعث سیوریج کا پانی نزد مسجد صابریہ سراجیہ سڑک پر جمع ہونے سے شہریوں کو شدید مشکلات کا سامنا کرنا پڑ رہا ہے۔شہریوں نے ڈپٹی کمشنر نوید شہزاد مرزا سے مطالبہ کیا ہے کہ کروڑوں روپے لاگت سے تعمیر ہونے والی سڑک کی حفاظت کے لیے بنائے گئے نالوں کو فنگشنل بنانے کے لیے اقدامات کیے جائیں اور نالوں کو بند کرنے والے افراد کے خلاف کاروائی عمل میں لائی جائے۔
