Baaghi TV

Category: جرائم و حادثات

  • پاک افغان شاہراہ پر حادثہ، 25 افراد زخمی، سیکورٹی فورسز کی بروقت امداد

    پاک افغان شاہراہ پر حادثہ، 25 افراد زخمی، سیکورٹی فورسز کی بروقت امداد

    خیبر (باغی ٹی وی) ضلع خیبر کے تحصیل جمرود کے علاقے شاگئی میں فلائنگ کوچ اور ویڈز گاڑی کے تصادم کے نتیجے میں 25 افراد زخمی ہو گئے۔

    حادثے کے فوراً بعد سیکورٹی فورسز کے 101 ونگ کے اہلکاروں نے بروقت امدادی کارروائیاں کرتے ہوئے زخمیوں کو لنڈی کوتل ہیڈ کوارٹر اسپتال اور جمرود سول اسپتال منتقل کیا۔

    زخمیوں میں سے 8 افراد کو لنڈی کوتل اسپتال، جبکہ 18 کو جمرود سول اسپتال پہنچایا گیا، جہاں انہیں فوری طبی امداد فراہم کی گئی۔

    مقامی افراد اور مشران نے بروقت مدد اور زخمیوں کو ہسپتال پہنچانے پر سیکورٹی فورسز کا شکریہ ادا کیا اور ان کے اس انسان دوست اقدام کو سراہا۔

  • گوجرہ: ٹریکٹر ٹرالی کی ٹکر سے 15 سالہ موٹر سائیکل سوار جاں بحق

    گوجرہ: ٹریکٹر ٹرالی کی ٹکر سے 15 سالہ موٹر سائیکل سوار جاں بحق

    گوجرہ ،باغی ٹی وی( نامہ نگار عبد الرحمن جٹ) چک 215 گ ب کے رہائشی 15 سالہ احسن علی ٹریفک حادثے میں جاں بحق ہوگئے۔ اطلاعات کے مطابق احسن علی موٹر سائیکل پر چک نمبر 242 گ ب نور پور بستی جا رہے تھے کہ تیز رفتاری کے باعث پیچھے سے ٹریکٹر ٹرالی سے ٹکرا گئے۔

    حادثے کے نتیجے میں احسن علی شدید زخمی ہوگئے اور زخموں کی تاب نہ لاتے ہوئے موقع پر ہی دم توڑ گئے۔ اطلاع ملنے پر صدر پولیس گوجرہ نے موقع پر پہنچ کر نعش کو تحویل میں لے کر ضروری کارروائی کے لیے تحصیل ہیڈ کوارٹر ہسپتال منتقل کیا۔ قانونی کارروائی مکمل ہونے کے بعد نعش ورثا کے حوالے کر دی گئی۔

    نوجوان کی موت کی خبر گھر پہنچنے پر کہرام مچ گیا۔ صدر پولیس نے ٹریکٹر ٹرالی کو قبضے میں لے کر کارروائی کا آغاز کر دیا ہے۔

  • سانگھڑ: چوٹیاریوں میں خونریزی، ملزمان کو فوری گرفتارکیا جائے.سردار عبدالرحیم

    سانگھڑ: چوٹیاریوں میں خونریزی، ملزمان کو فوری گرفتارکیا جائے.سردار عبدالرحیم

    میرپورماتھیلو،باغی ٹی وی (نامہ نگارمشتاق لغاری)سانگھڑ، چوٹیاریوں میں خونریزی، سردار عبدالرحیم کا ملزمان کی فوری گرفتاری کا مطالبہ

    تفصیل کے مطابق پاکستان مسلم لیگ فنکشنل سندھ کے سیکریٹری جنرل سردار عبدالرحیم نے سانگھڑ ڈسٹرکٹ کے علاقے چوٹیاریوں میں فائرنگ کے افسوسناک واقعے کی شدید مذمت کرتے ہوئے ملزمان کی فوری گرفتاری کا مطالبہ کیا ہے۔ اس واقعے میں سروری جماعت سے تعلق رکھنے والے افراد جانبحق جبکہ خواتین سمیت 20 سے زائد افراد زخمی ہوئے۔

    سردار عبدالرحیم نے کہا کہ سانگھڑ کے قریب پیش آنے والا یہ واقعہ سندھ میں بگڑتی ہوئی امن و امان کی صورتحال کی نشاندہی کرتا ہے۔ انہوں نے کہا کہ حکومت امن و امان قائم رکھنے میں مکمل طور پر ناکام ہوچکی ہے اور اس واقعے میں ملوث عناصر کو گرفتار کر کے عبرتناک سزائیں دی جائیں۔

    انہوں نے حکومت پر زور دیا کہ سانگھڑ چوٹیاریوں میں منافقانہ سیاست کو ترک کرتے ہوئے اصل ملزمان کو انصاف کے کٹہرے میں لایا جائے۔ سردار عبدالرحیم نے معصوم شہریوں اور خواتین پر فائرنگ کو غیر انسانی عمل قرار دیتے ہوئے کہا کہ ایسے درندے کسی رعایت کے مستحق نہیں ہیں۔

    انہوں نے زخمیوں کو مکمل طبی سہولیات فراہم کرنے کا بھی مطالبہ کیا اور کہا کہ علاقے میں بدامنی پھیلانے والے عناصر کے خلاف سخت کارروائی عمل میں لائی جائے۔

  • بچوں کو ورغلا کر جنسی زیادتی کا نشانہ بنانیوالا ملزم گرفتار

    بچوں کو ورغلا کر جنسی زیادتی کا نشانہ بنانیوالا ملزم گرفتار

    لاہور: ڈولفن اسکواڈ نے کارروائی کرتے ہوئے معصوم بچوں کو ورغلا کر جنسی زیادتی کا نشانہ بنانے والے درندہ صفت ملزم کو گرفتار کرلیا۔

    باغی ٹی وی: ترجمان ڈولفن اسکواڈ کے مطابق 15 پر کال موصول ہوئی تھی کہ ایک شخص بچے کو ورغلا کر زیادتی کی غرض سے ویرانے میں لے گیا ہے جس پر ڈولفن اسکواڈ پر کارروائی کرتے ہوئے ملزم احمد کو گرفتار کرکے 10 سالہ بچے کو حفاظتی تحویل میں لے لیا ملزم احمد معصوم بچو ں کو ورغلا کر جنسی زیادتی کا نشانہ بناتا ہے، ملزم 10 سالہ دانش کو بھی ورغلا کر ویرانے میں لے گیا اور اسے جنسی زیادتی کا نشانہ بنایا۔

    15 پر کال موصول ہونے کے بعد ڈولفن نے فوری ریسپانس کرتے ہوئے ملزم احمد کو گر فتار کر کے تھانہ مغلپورہ کے حوالے کردیا، جبکہ معصوم دانش کو بھی حفاظتی تحویل میں لے کر تھانے منتقل کر دیا گیا، ایس پی ڈولفن شاہ میر خالد کا کہنا تھا کہ بچوں کا جنسی استحصال کرنے والے کسی رعایت کے مستحق نہیں، ان کے خلاف سخت کارروائی ہوگی ۔

  • ڈیرہ غازیخان: ہاؤسنگ سوسائٹیز میں اربوں کا فراڈ، ذمہ داران کو فوری گرفتارکیا جائے.شیخ عثمان فاروق

    ڈیرہ غازیخان: ہاؤسنگ سوسائٹیز میں اربوں کا فراڈ، ذمہ داران کو فوری گرفتارکیا جائے.شیخ عثمان فاروق

    ڈیرہ غازی خان،باغی ٹی وی (سٹی رپورٹرجواداکبر)ہاؤسنگ سوسائٹیز میں اربوں کا فراڈ، ذمہ داران کو فوری گرفتارکیا جائے.شیخ عثمان فاروق

    جماعت اسلامی پاکستان کے ڈپٹی سیکرٹری جنرل شیخ عثمان فاروق ایڈووکیٹ نے گلبرگ ہاؤسنگ سوسائٹی اور سمارٹ ولاز کے منصوبوں میں اربوں روپے کے فراڈ پر سخت ردعمل دیتے ہوئے ذمہ داران کی فوری گرفتاری اور متاثرین کو حق دلانے کا مطالبہ کیا ہے۔

    دفتر جماعت اسلامی میں بزنس فورم کے صدر میاں نعیم ثاقب اور شیخ سلیم ارشد کے ہمراہ پریس کانفرنس کرتے ہوئے انہوں نے کہا کہ غلام اصغر گورمانی اور ملک ظفر تھتھل سمیت ان کے حاشیہ بردار بروکرز نے عوام کو سبز باغ دکھا کر اربوں روپے ہڑپ کر لیے۔ کئی سال گزرنے کے باوجود نہ ولاز فراہم کیے گئے اور نہ ہی پلاٹس کی رجسٹریاں مکمل کی گئیں۔

    انہوں نے انکشاف کیا کہ سمارٹ ولاز کے رجسٹری شدہ خریداروں کو قبضہ نہیں دیا گیا جبکہ گلبرگ ہاؤسنگ کے پلاٹ مالکان کو غیر قانونی طور پر عثمانیہ گارڈن نامی منصوبے میں مزید رقم ادا کرنے پر مجبور کیا جا رہا ہے۔

    شیخ عثمان نے مزید کہا کہ وزیر اعظم اور وزیر اعلیٰ پنجاب کی سرپرستی کے دعویدار یہ فراڈیے کھلے عام دندناتے پھر رہے ہیں، جبکہ ضلعی اور ڈویژنل انتظامیہ بھی خاموش تماشائی بنی ہوئی ہے۔

    انہوں نے حکومت سے مطالبہ کیا کہ ملزمان کے نام ایگزٹ کنٹرول لسٹ میں شامل کیے جائیں، ایف آئی اے اور نیب کے ذریعے تحقیقات کرائی جائیں اور متاثرین کو ان کا حق دلایا جائے۔ بصورت دیگر جماعت اسلامی متاثرین کے ساتھ احتجاجی دھرنوں کی قیادت کرے گی، اور اگر امن و امان کا مسئلہ پیدا ہوا تو اس کی ذمہ داری حکومت اور فراڈ میں ملوث افراد پر ہوگی۔

  • پاکستان کوسٹ گارڈز کی بلوچستان میں کارروائی،1832کلوگوام اعلی کوالٹی کی چرس برآمد

    پاکستان کوسٹ گارڈز کی بلوچستان میں کارروائی،1832کلوگوام اعلی کوالٹی کی چرس برآمد

    پاکستان کوسٹ گارڈزنے بلوچستان میں کارروائی کرتے ہوئے اعلیٰ کوالٹی چرس برآمد کر لی-

    باغی ٹی وی: ترجمان پاکستان کوسٹ گارڈز کے مطابق بلوچستان کے علاقے جیوانی میں انٹلیجنس ذرائع کی بنیاد پر منشیات اسمگلنگ کے خلاف کارروائی کی گئی کوسٹ گارڈز کی جانب سے کارروائی جیوانی کے شمال کی جانب انتہائی دشوار گزار علاقے میں کی گئی۔

    انتھک کوششوں سے پہاڑوں میں چھپائی گئی 40 عدد پلاسٹک کے کینوں میں چھپائی گئی1832کلوگوام اعلی کوالٹی کی چرس برآمدکر لی گئی، خدشہ ہے کہ یہ منشیات اندرون اور بیرون ملک اسمگل ہو نا تھی پکڑی جانے والی منشیات کی عالمی مارکیٹ میں مالیت 30.57 ملین ڈالر کے لگ بھگ ہے۔

    وزیراعظم کی انسانی سمگلنگ کےمجرمان کے ریڈ وارنٹ جاری کرنے کی ہدایت

    ڈائریکٹر جنرل پاکستان کوسٹ گارڈز نے ٹیم میں شامل افیسرز اور جوانوں کی کارکردگی کو بے حد سراہاپاکستان کوسٹ گارڈز منشیات اور ہرطرح کی اسمگلنگ کی روک تھام اور ملک کی معیشت کو مستحکم کرنے میں اپنا کردار ادا کرتی رہے گی۔

    دوسری جانب ترجمان اے این ایف کے مطابق مختلف کارروائیوں میں 3 کروڑ روپے مالیت کی 150 کلو سے زائد منشیات برآمد کرکے 13 ملزمان کو گرفتار کرلیا گیا اسلام آباد انٹرنیشنل ائیرپورٹ پردمام جانے والے مسافر کے ٹرالی بیگ سے 2 کلو آئس جبکہ ملتان انٹرنیشنل ائیرپورٹ پر شارجہ جانے والے مسافر کے بیگ سے 16 نشہ آور گولیاں برآمد کی گئیں، اسلام آباد میں یونیورسٹی کے قریب گاڑی میں چھپائی گئی 600 گرام ہیروئن برآمد کرکے 2 ملزمان کو گرفتارکیا گیا۔

    پہلے تحقیق کریں پھر سوال کریں،شان مسعود صحافی کے سوال پر برہم ہو گئے

    سندھ میں پٹارو ٹول پلازہ جامشورو کے قریب دو ملزمان سے 4.5 کلو گرام چرس برآمد کی گئی جبکہ پشاور میں جی ٹی روڈ ٹول پلازہ نوشہرہ کے قریب گاڑی کے خفیہ خانوں سے 40.8 کلو چرس، 26.4 کلو افیون برآمد ہوئی۔ گاڑی میں موجود شخص کو گرفتار کرلیا گیا۔

    ڈیرہ غازی خان میں سخی سرور روڈ کے قریب ملزم سے 980 گرام آئس برآمد ہوئی،گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات شروع کردی گئی ہیں۔

    میوزیم سے چور 2500 برس پرانا سونے کا ہیلمٹ لے اڑے

  • شادی کی پہلی رات،دلہن جاں بحق،دولہا بیہوش

    شادی کی پہلی رات،دلہن جاں بحق،دولہا بیہوش

    گجرات ،جلالپور جٹاں کے گاؤں محمود آباد میں ایک خوشیوں بھری شادی کی تقریب کے دوران دلہن کی ہلاکت اور دلہا کی بے ہوشی نے پورے علاقے میں غم کی لہر دوڑادی۔

    شادی کی رات ایک المیہ پیش آیا جس کے نتیجے میں نوبیاہتا دلہن جاں بحق ہوگئی جبکہ دلہا بے ہوش ہوگیا۔جلالپور جٹاں کے رہائشی 30 سالہ ارسلان رفیق اور 23 سالہ ظل ہما کی گزشتہ روز شادی ہوئی تھی۔ خوشی کے موقع پر ولیمے کی رات کے بعد جب اہل خانہ نے اگلے دن صبح کمرے کا دروازہ کھولنے کی کوشش کی تو دروازہ نہ کھل سکا، جس پر اہل خانہ کو تشویش ہوئی۔ بار بار دروازہ بجانے کے باوجود کوئی جواب نہ ملنے پر اہل خانہ نے دروازہ توڑنے کی کوشش کی۔دروازہ توڑنے کے بعد منظر ایسا تھا کہ کمرے میں ارسلان رفیق بے ہوش پڑا تھا اور دلہن ظل ہما غسل خانہ میں بے ہوش پڑی ہوئی تھی۔ فوری طور پر دونوں کو اسپتال منتقل کیا گیا جہاں دلہن ظل ہما کی حالت سنبھالی نہ جا سکی اور وہ اسپتال پہنچتے ہی جاں بحق ہوگئی۔ دلہا ارسلان رفیق ابھی بھی اسپتال میں بے ہوشی کی حالت میں ہے۔

    پولیس حکام نے بتایا کہ واقعہ کا سبب گیزر کی لیکیج سے کمرے میں گیس بھر جانا تھا جس کے نتیجے میں گیس کی موجودگی کی وجہ سے دونوں افراد کا دم گھٹ گیا اور وہ بے ہوش ہوگئے۔ گیس کی اس لیکیج کے باعث 23 سالہ ظل ہما اسپتال میں بے ہوش ہونے کے باوجود جان کی بازی ہار گئی۔یہ دل دہلا دینے والا واقعہ علاقے میں غم کی لہر چھوڑ گیا ہے، اور اہل خانہ اور محلے کے لوگ اس حادثے پر شدید صدمے میں ہیں۔ پولیس نے معاملے کی تحقیقات شروع کر دی ہیں۔

    سانگھر،3 افراد قتل،19 زخمی،مقدمہ درج نہ ہو سکا

    نامناسب ویڈیو،متھیرا چاہت فتح علی خان پر پھٹ پڑی

  • لاہور سے لاپتہ خاتون وکیل کی لاش حافظ آباد میں نہر سے برآمد

    لاہور سے لاپتہ خاتون وکیل کی لاش حافظ آباد میں نہر سے برآمد

    لاہور کے علاقے نواب ٹاؤن سے لاپتہ ہونے والی خاتون وکیل سائرہ کی لاش حافظ آباد میں نہر سے برآمد ہوئی ہے۔ پولیس کے مطابق مقتولہ کی لاش بوری میں بند تھی، جس کی شناخت پرانی حالت ہونے کے سبب مشکل سے ہو سکی۔ مقتولہ کی لاش کی شناخت کے بعد مقدمہ درج کرنے کا عمل شروع کر دیا گیا۔

    پولیس کے مطابق سائرہ کا لاپتہ ہونے کا مقدمہ تھانہ نواب ٹاؤن میں درج تھا، اور اس کی تلاش کی کوششیں جاری تھیں۔ مقتولہ کی لاش ملنے کی اطلاع ملتے ہی نواب ٹاؤن پولیس موقع پر روانہ ہوگئی ہے تاکہ تحقیقات کی جا سکیں۔اہل خانہ کے مطابق سائرہ کی چند ماہ قبل بلال نامی شخص سے شادی ہوئی تھی، اور وہ کچھ دن قبل کچہری گئی تھیں، لیکن اس کے بعد ان کا کوئی پتہ نہیں چل سکا تھا۔ اہل خانہ نے ابتدائی طور پر ان کے لاپتہ ہونے کی شکایت کی تھی اور اب ان کی لاش کے ملنے سے غم و غصے کی لہر دوڑ گئی ہے۔حافظ آباد پولیس نے ایف آئی آر درج کرکے لاش کی تدفین کی کارروائی مکمل کر دی ہے۔ اس کے بعد نواب ٹاؤن پولیس بھی واقعہ کی مزید تحقیقات کے لیے حافظ آباد روانہ ہو چکی ہے تاکہ اس افسوسناک واقعہ کے محرکات اور سائرہ کے قتل کی حقیقت سامنے لائی جا سکے۔

    اب تک کی اطلاعات کے مطابق، اس معاملے میں کسی قسم کی مزید معلومات یا تفصیلات سامنے نہیں آئی ہیں، لیکن پولیس کی جانب سے تفتیش جاری ہے۔

    13جنوری کو عمران کی بیٹوں سے بات کروائی،جیل حکام کا عدالت میں جواب

  • میرپور ماتھیلو: پولیس کا منشیات فروشوں کے خلاف کریک ڈاؤن، تین ملزمان گرفتار

    میرپور ماتھیلو: پولیس کا منشیات فروشوں کے خلاف کریک ڈاؤن، تین ملزمان گرفتار

    میرپور ماتھیلو،باغی ٹی وی (نامہ نگار مشتاق علی لغاری) گھوٹکی پولیس کا منشیات فروشوں کے خلاف کریک ڈاؤن، تین ملزمان گرفتار

    ڈاکٹر سمیع اللہ سومرو کی ہدایت پر گھوٹکی پولیس نے منشیات فروشوں اور دیگر جرائم پیشہ افراد کے خلاف کارروائی کرتے ہوئے میرپور ماتھیلو میں تین ملزمان کو گرفتار کر لیا۔

    ایس ایچ او تھانہ میرپور ماتھیلو عبدالرزاق انصاری نے دوران گشت خفیہ اطلاع پر لنک روڈ باگو ڈرھ نزد شیخ پمپ پر کارروائی کی۔ اس دوران تین ملزمان فیاض عرف باڈو بوزدار، شکیل عرف کاکو بوزدار، اور فیصل بوزدار کو مجموعی طور پر 500 گرام چرس سمیت گرفتار کیا گیا۔

    پولیس نے گرفتار ملزمان کو برآمد شدہ چرس سمیت تھانہ منتقل کر دیا اور ان کے خلاف کرائم نمبر 30/2025 درج کر لیا گیا ہے۔

    پولیس حکام کا کہنا ہے کہ منشیات فروشی کے خاتمے کے لیے علاقے میں گشت اور خفیہ کارروائیاں مزید تیز کی جائیں گی تاکہ نوجوان نسل کو منشیات جیسی لعنت سے محفوظ رکھا جا سکے۔

  • ملتان: انڈسٹریل اسٹیٹ میں گیس باؤزر دھماکہ، 5 افراد جاں بحق، 31 زخمی

    ملتان: انڈسٹریل اسٹیٹ میں گیس باؤزر دھماکہ، 5 افراد جاں بحق، 31 زخمی

    ملتان(باغی ٹی وی رپورٹ)انڈسٹریل اسٹیٹ میں گیس باؤزر دھماکہ، 5 افراد جاں بحق، 31 زخمی

    تفصیلات کے مطابق ملتان کی انڈسٹریل اسٹیٹ میں ایل پی جی سے بھرا باؤزر دھماکے سے پھٹ گیا، جس کے نتیجے میں 5 افراد جاں بحق اور 31 زخمی ہوگئے۔ ریسکیو حکام کے مطابق دھماکے سے باؤزر کے ٹکڑے قریبی آبادی پر جا گرے، جس سے کئی مکانات کو نقصان پہنچا۔

    ریسکیو ٹیموں نے کئی گھنٹوں کی جدوجہد کے بعد آگ پر قابو پالیا، جس میں 10 سے زائد گاڑیوں اور فوم کا استعمال کیا گیا۔ سی پی او ملتان صادق علی کے مطابق دھماکے سے کئی جانور جھلس کر ہلاک ہوگئے جبکہ علاقے کو فوری طور پر خالی کرالیا گیا۔

    نشتر اسپتال میں ایمرجنسی نافذ کردی گئی ہے، جہاں 13 زخمیوں کی حالت تشویشناک بتائی جارہی ہے۔ جاں بحق ہونے والوں میں ایک بچی، تین خواتین، اور دو مرد شامل ہیں۔ڈسٹرکٹ ایمرجنسی آفیسر نے بتایا کہ حادثے کے باعث متاثرہ علاقے میں بجلی اور گیس کی فراہمی معطل کردی گئی ہے جبکہ ملتان مظفرگڑھ روڈ کو دوبارہ ٹریفک کے لیے کھول دیا گیا ہے۔ملحقہ آبادیوں میں سرچ آپریشن جاری ہے تاکہ مزید نقصانات کا جائزہ لیا جاسکے۔

    گزشتہ رات ملتان میں ایل پی جی کینٹنر پھٹنے سے 6 اموات کا واقعہ ،ڈویژنل انتظامیہ نے ایل پی جی کی غیر قانونی ری فلنگ کیخلاف کریک ڈاؤن کا فیصلہ کر لیا،کمشنر ملتان عامر کریم خاں نےڈویژن میں ایل پی جی کنٹینرز کی لسٹ تیار کرنے کا حکم دے دیا،کمشنر عامر کریم خاں نے گنجان آباد علاقے میں ایل پی جی کنٹینر کھڑا کرنے پر پابندی عائد کردی،کمشنر ملتان عامر کریم خاں نے ڈپٹی کمشنرز کو احکامات جاری کر دی