Baaghi TV

Category: جرائم و حادثات

  • کراچی،لڑکی کی نازیبا تصاویر، ملزم کو 6 سال قید کی سزا

    کراچی،لڑکی کی نازیبا تصاویر، ملزم کو 6 سال قید کی سزا

    لڑکی کی نازیبا تصاویر اس کے منگیتر کو بھیجنے پر ملزم انس کو 6 سال قید کی سزا سنادی گئی۔

    باغی ٹی وی کے مطابق کراچی کے جوڈیشل مجسٹریٹ شرقی نے لڑکی کی نازیبا تصاویر اس کے منگیتر کو بھیجنے کے مقدمے میں جرم ثابت ہونے پر عدالت نے سزا سنائی۔جوڈیشل مجسٹریٹ شرقی کی عدالت نے 6 سال قید کے ساتھ 90 ہزار روپے کا جرمانہ بھی عائد کیا ہے۔متاثرہ لڑکی کا موقف تھا کہ ملزم انس سے 4 سال تعلقات رہے، تعلقات کے دوران مطالبے پر نازیبا تصویریں سینڈ کی تھیں، گھر والوں نے میرا رشتہ کہیں اور کیا تو ملزم نے تصاویر منگیتر کو بھیج دیں۔پراسکیویشن کے مطابق ایف آئی اے نے شکایت پر کارروائی کرتے ہوئے ملزم کو ستمبر 2021 میں کورنگی سے گرفتار کیا تھا۔

    میری خالد مقبول سے کوئی لڑائی نہیں، مصطفی کمال کا موقف

    تحریک انصاف اور جے یو آئی(ف) میں رابطے،کمیٹی قائم

    مائیکروسافٹ کا ٹک ٹاک خریدنے میں دلچسپی کا اظہار

    مائیکروسافٹ کا ٹک ٹاک خریدنے میں دلچسپی کا اظہار

  • سیالکوٹ :ڈی سی آفس کا سابق کلرک 80 ہزار روپے رشوت لیتے ہوئے گرفتار

    سیالکوٹ :ڈی سی آفس کا سابق کلرک 80 ہزار روپے رشوت لیتے ہوئے گرفتار

    سیالکوٹ (باغی ٹی وی، سٹی رپورٹر مدثر رتو)ڈی سی آفس سیالکوٹ کے سابق کلرک کو 80 ہزار روپے رشوت لیتے ہوئے گرفتار کر لیا گیا۔ اینٹی کرپشن اسٹیبلشمنٹ کے سرکل آفیسر ملک ندیم منور نے کامیاب کارروائی کرتے ہوئے ملزم کو گرفتار کیا اور مقدمہ درج کر لیا۔

    تفصیلات کے مطابق سابقہ کلرک انیل بابر بھٹی پر الزام تھا کہ اس نے عرفان نامی شہری سے اسلحہ لائسنس جاری کرنے کے عوض 80 ہزار روپے رشوت لی تھی۔ متاثرہ شہری کی درخواست پر اینٹی کرپشن سیالکوٹ نے مقدمہ درج کیا، تاہم ملزم فرار ہو گیا تھا۔ خصوصی ٹیمیں تشکیل دے کر ملزم کو گرفتار کر لیا گیا۔

    سرکل آفیسر اینٹی کرپشن ملک ندیم منور نے اس کارروائی کی تصدیق کرتے ہوئے کہا کہ کرپٹ عناصر کے خلاف بلا تفریق کارروائی جاری رہے گی۔ ان کا مزید کہنا تھا کہ کرپشن کا خاتمہ اور انصاف کی فراہمی ادارے کی اولین ترجیحات ہیں۔

  • اوچ شریف: آوارہ کتوں کیوجہ سے حادثہ، شہری زخمی، فوری اقدامات کا مطالبہ

    اوچ شریف: آوارہ کتوں کیوجہ سے حادثہ، شہری زخمی، فوری اقدامات کا مطالبہ

    اوچ شریف (باغی ٹی وی نامہ نگار حبیب خان)نواحی علاقے اوچموغلہ عباسیہ روڈ پر موٹر سائیکل سوار آوارہ کتے سے ٹکرا کر شدید زخمی ہوگیا۔

    تفصیلات کے مطابق محمد معظم ولد محمود خان اپنی موٹر سائیکل پر سفر کر رہے تھے کہ اچانک ایک آوارہ کتا ان کی موٹر سائیکل سے ٹکرا گیا۔ حادثے میں وہ زمین پر گر کر شدید زخمی ہوگئے، ان کی پیشانی اور دائیں گھٹنے پر گہرے زخم آئے۔ ریسکیو ٹیم نے موقع پر پہنچ کر ابتدائی طبی امداد فراہم کی اور انہیں رورل ہیلتھ سنٹر (RHC) اوچ شریف منتقل کر دیا۔

    حادثے پر شہریوں نے شدید تشویش کا اظہار کرتے ہوئے میونسپل کمیٹی اور مقامی انتظامیہ کو آوارہ کتوں کی تلفی میں ناکامی کا ذمہ دار ٹھہرایا۔ شہریوں محمد عامر، محمد آصف، محمد عابد، علی حسین، زین خان اور دیگر نے میڈیا سے گفتگو کرتے ہوئے کہا کہ سڑکوں پر آوارہ کتوں کی موجودگی کے باعث حادثات معمول بن چکے ہیں، جس سے شہریوں کو سنگین خطرات لاحق ہیں۔

    شہریوں نے متعلقہ حکام سے اپیل کی ہے کہ فوری طور پر سڑکوں سے آوارہ کتوں کو ہٹانے کے لیے مؤثر اقدامات کیے جائیں تاکہ مستقبل میں اس قسم کے حادثات سے بچا جا سکے۔

  • اوکاڑہ: اسسٹنٹ کمشنر رینالہ خورد کی پٹرول پمپس پر کارروائیاں

    اوکاڑہ: اسسٹنٹ کمشنر رینالہ خورد کی پٹرول پمپس پر کارروائیاں

    اوکاڑہ(باغی ٹی وی، ملک ظفر) اسسٹنٹ کمشنر رینالہ خورد کی پٹرول پمپس پر کارروائیاں

    اوکاڑہ میں عوامی ریلیف کو مدنظر رکھتے ہوئے اسسٹنٹ کمشنر رینالہ خورد چوہدری ضیاء اللہ نے پٹرول پمپس کی انسپکشنز کا سلسلہ شروع کر دیا۔ ڈپٹی کمشنر احمد عثمان جاوید کی ہدایت پر شہر کے مختلف مقامات پر پٹرول پمپس کی چیکنگ کی گئی، جس دوران پٹرولیم مصنوعات کے نرخ اور پیمائش کا تفصیلی جائزہ لیا گیا۔

    اس موقع پر اسسٹنٹ کمشنر نے واضح کیا کہ پٹرولیم مصنوعات کی قیمتوں اور پیمائش کے معاملے میں کسی قسم کا سمجھوتہ نہیں کیا جائے گا۔ انہوں نے خبردار کیا کہ عوام سے دھوکہ دہی کرنے والے پٹرول پمپ مالکان کے خلاف سخت قانونی کارروائی کی جائے گی اور ان کے پٹرول پمپس سیل کر دیے جائیں گے۔

    چوہدری ضیاء اللہ نے مزید کہا کہ پٹرولیم مصنوعات کی مہنگے داموں فروخت پر سخت ایکشن لیا جائے گا اور خلاف ورزی کرنے والے پٹرول پمپ مالکان کے لائسنس منسوخ کر دیے جائیں گے۔ انہوں نے عوام کو معیاری اور مناسب قیمت پر پٹرولیم مصنوعات کی فراہمی یقینی بنانے کے عزم کا اظہار کیا۔

  • اوکاڑہ: محکمہ سول ڈیفنس کی غیر قانونی ایل پی جی شاپس کے خلاف کارروائیاں

    اوکاڑہ: محکمہ سول ڈیفنس کی غیر قانونی ایل پی جی شاپس کے خلاف کارروائیاں

    اوکاڑہ، باغی ٹی وی(نامہ نگار ملک ظفر)محکمہ سول ڈیفنس کی غیر قانونی ایل پی جی شاپس کے خلاف کارروائیاں

    اوکاڑہ میں محکمہ سول ڈیفنس نے غیر قانونی ایل پی جی شاپس کے خلاف کارروائیوں کا آغاز کر دیا۔ سول ڈیفنس آفیسر وقار اکبر کی ہدایات پر افسران نے متعدد مقامات پر ایل پی جی شاپس کی انسپیکشن کی۔ اس دوران خلاف ورزی کرنے والے دکانداروں کے خلاف مقدمات درج کرائے گئے اور ان کی دکانیں سیل کر دی گئیں۔

    اس موقع پر سول ڈیفنس آفیسر وقار اکبر نے کہا کہ ایل پی جی شاپس میں غیر قانونی گیس فلنگ کے خطرناک عمل کو ہرگز برداشت نہیں کیا جائے گا۔ انہوں نے مزید کہا کہ اس غیر قانونی دھندے میں ملوث افراد کو کیفر کردار تک پہنچایا جائے گا اور انہیں انسانی زندگی سے کھیلنے کی اجازت نہیں دی جائے گی۔

  • بگن: تعلیم دشمن عناصر کا المدینہ پبلک اسکول پر حملہ، سینکڑوں طلبہ دربدر

    بگن: تعلیم دشمن عناصر کا المدینہ پبلک اسکول پر حملہ، سینکڑوں طلبہ دربدر

    لنڈی کوتل(باغی ٹی وی رپورٹ)بگن میں تعلیم دشمن عناصر کا المدینہ پبلک اسکول پر حملہ، سینکڑوں طلبہ دربدر

    تفصیل کے مطابق بگن، سدہ کرم میں تعلیم اور معیشت دشمن عناصر نے 22 نومبر 2024 کی رات لوئر کرم کے بڑے تجارتی شہر بگن پر حملہ کر کے علاقے کی معیشت اور تعلیمی نظام کو تباہ کر دیا۔ حملہ آوروں نے المدینہ پبلک اسکول، جو 1999 سے تعلیمی خدمات فراہم کر رہا تھا، کو مکمل طور پر نذرِ آتش کر دیا، جس کے نتیجے میں ایک ہزار سے زائد طلبہ و طالبات کی تعلیم متاثر ہوئی۔

    یہ اسکول نہ صرف علاقے کا ایک بڑا تعلیمی مرکز تھا بلکہ اس نے کئی ڈاکٹرز، انجینئرز، فوجی اور سول افسران پیدا کیے ہیں جو مختلف شعبہ ہائے زندگی میں ملک و قوم کی خدمت کر رہے ہیں۔

    پرنسپل دین گل نے افسوس کا اظہار کرتے ہوئے کہا کہ تعلیم دشمن عناصر نے طلبہ کے مستقبل کو داؤ پر لگا دیا ہے، اور اب یہ معصوم بچے دربدر دھکے کھا رہے ہیں۔

    مقامی مشران، نوجوانوں اور فلاحی تنظیموں نے حکومت سے مطالبہ کیا ہے کہ علاقے میں تعلیمی اداروں کی سیکیورٹی یقینی بنائی جائے اور طلبہ کو تحفظ فراہم کیا جائے تاکہ تعلیمی سرگرمیاں بحال ہوں اور علاقے کے بچے بھی روشن مستقبل کی ضمانت حاصل کر سکیں۔

  • ڈیرہ غازیخان:کوٹ چھٹہ کے قریب ایل پی جی ٹرالر میں آگ لگ گئی، 1 جاں بحق، متعدد زخمی

    ڈیرہ غازیخان:کوٹ چھٹہ کے قریب ایل پی جی ٹرالر میں آگ لگ گئی، 1 جاں بحق، متعدد زخمی

    ڈیرہ غازیخان (باغی ٹی وی رپورٹ)کوٹ چھٹہ میں انڈس ہائی وے پر ایل پی جی ٹرالر میں آگ، ایک شخص جاں بحق، متعدد زخمی

    تفصیل کے مطابق کوٹ چھٹہ میں انڈس ہائی وے پر شنواری پمپ کے قریب ایل پی جی ٹرالر میں اچانک آگ بھڑک اٹھی، جس نے تین دیگر کیپسول ٹرالروں کو بھی اپنی لپیٹ میں لے لیا۔ حادثے کے بعد تمام ڈرائیور موقع سے فرار ہو گئے۔

    ریسکیو 1122 کو 13:24 پر ایمرجنسی کال موصول ہوئی، جس پر فوری کارروائی کرتے ہوئے قریبی اسٹیشن سے فائر وہیکل، موٹر بائیک ایمبولینس اور ریسکیو ایمبولینس روانہ کی گئیں۔ اضافی مدد کے لیے ڈی جی خان اور راجن پور کے مختلف اسٹیشنز سے 6 فائر وہیکلز اور 2 ریسکیو وہیکلز طلب کی گئیں۔

    ریسکیو عملے نے ڈی سی کنٹرول روم اور پولیس کنٹرول روم کو مطلع کرنے کے ساتھ ساتھ پمپ اور قریبی ہوٹل کے تمام عملے کو محفوظ مقام پر منتقل کر دیا۔ فائر فائٹنگ اور کولنگ کے عمل کے دوران افسوسناک طور پر ایک 60 سالہ شخص آگ کے دھماکے میں جاں بحق ہو گیا، جبکہ چند ریسکیورز معمولی زخمی ہوئے۔

    ریسکیو آپریشن کی نگرانی ڈسٹرکٹ ایمرجنسی آفیسر ڈیرہ غازیخان وقاص خلیق کر رہے ہیں اور فائر فائٹنگ کا عمل اب بھی جاری ہے۔

  • پنڈت کی بھائی کے ساتھ ملکر شوہرکے سامنے خاتون کیساتھ اجتماعی زیادتی

    پنڈت کی بھائی کے ساتھ ملکر شوہرکے سامنے خاتون کیساتھ اجتماعی زیادتی

    ممبئی : آشرم کے اندر پنڈت اور اس کے بھائی نے شوہرکے سامنے خاتون کو اجتماعی زیادتی کا نشانہ بنا ڈالا۔

    باغی ٹی وی : بھارتی میڈیا کے مطابق یہ افسوسناک واقعہ بھارتی ریاست اترپردیش کے ضلع مین پوری میں پیش آیا جہاں خاتون کو اس کے شوہر کے سامنے اجتماعی زیادتی کا نشانہ بنایا گیا، مین پوری کے تھانے کوروالی میں پولیس کو دی گئی درخواست میں خاتون نے الزام لگایا ہے کہ پنڈت اجے داس مہا راج نے اسے اور شوہر کو علاج کے بہانے آشرم بلایا اور شوہر کو باندھ کر اس کے سامنے مجھے زبردستی جنسی زیادتی کا نشانہ بنایا، پندٹ نے اس گھناؤنے فعل کی ویڈیو بھی بنائی ہے۔

    رپورٹ کے مطابق خاتون نے پولیس کو دیئے گئے بیان میں بتایا کہ پنڈت نے دھمکی دی کہ اگر بارے میں پولیس بتایا تو اس کی ویڈیو وائرل کردی جائے گی،متاثرہ کے مطابق پنڈت کے بھائی آنند نندن مہاراج نے بھی اس کے ساتھ زیادتی کی اور جان سے مارنے کی دھمکیاں دیں۔

    الیکشن کمیشن کی ڈیجیٹل سروسز کا افتتاح

    متاثرہ خاتون نے بتایا کہ پولیس میں معاملے کی شکایت کرنے کے بعد ملزمان اس کے شوہر کو بھی دھمکیاں دے رہے ہیں شکایت واپس لینے کے لیے دباؤ دیا جا رہا ہے اس کے بعد بھی متاثرہ خاتون خوفزدہ نہ ہوئی تو ملزمان نے اس کے بیٹے کو اغوا کر لیا پنڈت اور اس کے ساتھی میرے بیٹے کو کار میں لے گئے ملزم نے اس سے کاغذ پر دستخط کرائے اور کہا کہ اگر اس نے شکایت واپس لے لی تو اسے اس کا بیٹا واپس مل جائے گا،پولیس نے خاتون کی شکایت پر مقدمہ درج کر کے ملزمان کی تلاش شروع کردی ہے –

    ہمیں وہ آزاد جج چاہییں جو عدلیہ کا تقدس برقرار رکھیں،جسٹس محسن اختر کیانی

  • سمبڑیال: پتنگ فروش گرفتار، سینکڑوں پتنگیں اور ڈور برآمد

    سمبڑیال: پتنگ فروش گرفتار، سینکڑوں پتنگیں اور ڈور برآمد

    سیالکوٹ (بیوروچیف شاہد ریاض)سمبڑیال میں پتنگ فروش گرفتار، سینکڑوں پتنگیں اور ڈور برآمد، سمبڑیال پولیس نے پتنگ فروشوں کے خلاف کارروائیاں تیز کر دی ہیں۔

    مخبر خاص کی اطلاع پر کارروائی کرتے ہوئے حسنین نامی پتنگ فروش کو گرفتار کر لیا گیا۔

    گرفتار ملزم کے قبضے سے 200 پلاسٹک ڈور کی پھرکیاں اور 300 مختلف اقسام کی پتنگیں برآمد ہوئیں۔ پولیس نے ملزم کے خلاف مقدمہ درج کرتے ہوئے اسے حوالات میں بند کر دیا ہے۔

    پولیس حکام کے مطابق پتنگ بازی کے خلاف مہم کو مزید سخت کیا جائے گا تاکہ شہریوں کی جان و مال کو محفوظ بنایا جا سکے۔

  • کراچی : 26 دنوں میں چار افراد اندھی گولیوں کا نشانہ بنے

    کراچی : 26 دنوں میں چار افراد اندھی گولیوں کا نشانہ بنے

    شہر قائد میں اندھی گولیاں لگنے کے واقعات میں اضافہ ہو گیا اور صرف 26 دنوں میں چار افراد اندھی گولیوں کا نشانہ بن گئے۔

    باغی ٹی وی کے مطابق کے مطابق کراچی پولیس ہوائی فائرنگ کے واقعات روکنے میں مکمل ناکام نظر آتی ہے ، شہرقائد میں ہوائی فائرنگ سے جاں بحق ہونے کے واقعات بڑھنے لگے ہیں۔چھیپا فائونڈیشن نے ہوائی فائرنگ سے جانی نقصانات کے اعدادو شمارجاری کردیے ، جس میں بتایا کہ سال 2024 میں ہوائی فائرنگ سے 11 افراد جاں بحق ہوئے اور 345 افراد زخمی ہوئے۔چھیپا فائونڈیشن کے مطابق رواں سال 26 دنوں میں ہی 4 افراد اندھی گولیوں کا نشانہ بن گئے، جنوری میں اب تک 2 بچوں،ایک بچی سمیت 4 افراد جان سے گئے۔اعدادوشمار کے مطابق جنوری میں اب تک مجموعی طورپر24 افراد ہوائی فائرنگ سے زخمی ہوچکے ہیں ، جن میں 17 مرد 4 خواتین 3 بچے زخمی ہوئے۔

    ٹرمپ اور ایلون مسک میں جھگڑا ہو گیا

    مصنوعی ذہانت کس طرح سفری صنعت میں انقلاب لا رہی ہے، رپورٹ

    اسٹار لنک پاکستان تک رسائی مسک کی معذرت پر منحصر