Baaghi TV

Category: جرائم و حادثات

  • ہیڈ پنجند پولیس کی شاندار کارکردگی، عوام کا خراج تحسین

    ہیڈ پنجند پولیس کی شاندار کارکردگی، عوام کا خراج تحسین

    اوچ شریف،باغی ٹی وی( نامہ نگار حبیب خان): ہیڈ پنجند پیٹرولنگ پوسٹ کی پندرہ روزہ کارکردگی رپورٹ عوامی توجہ کا مرکز بن گئی، علاقہ مکینوں نے چوکی انچارج سب انسپکٹر سعید احمد اور ان کی ٹیم کو مثالی خدمات پر شاباش دی۔

    تفصیلات کے مطابق ہیڈ پنجند پیٹرولنگ پوسٹ کی جانب سے جاری رپورٹ کے مطابق گزشتہ دو ہفتوں میں ٹیم ورک کے تحت تقریباً 4500 ای چیکنگ، 2300 گاڑیوں کی جانچ پڑتال، 450 ٹریفک چالان، 16 امدادی کارروائیاں، 4 مقدمات کا اندراج، اور 3 اشتہاری ملزمان کو گرفتار کیا گیا۔

    چوکی انچارج سب انسپکٹر سعید احمد کی قیادت میں محرر قاضی جنید، محمد عامر گبول، اور دیگر اہلکاروں نے اپنے فرائض نہایت دیانتداری اور جانفشانی سے انجام دیے۔

    علاقہ مکینوں نے پیٹرولنگ پوسٹ کی اس کارکردگی کو سراہتے ہوئے کہا کہ پولیس اہلکاروں کی محنت کے ثمرات عوام کے سامنے ہیں، اور ان کی خدمات علاقے میں امن و امان کے قیام میں اہم کردار ادا کر رہی ہیں۔

    چوکی انچارج سعید احمد نے اس موقع پر کہا کہ وہ اپنے عملے کے ساتھ مل کر مزید جانفشانی سے خدمات انجام دینے کے لیے پرعزم ہیں تاکہ عوام کو بہترین سہولیات فراہم کی جا سکیں۔

  • اوچ شریف: تھانہ دھوڑکوٹ پولیس کی بڑی کارروائی، شراب فروش گرفتار

    اوچ شریف: تھانہ دھوڑکوٹ پولیس کی بڑی کارروائی، شراب فروش گرفتار

    اوچ شریف ،باغی ٹی وی( نامہ نگار حبیب خان): تھانہ دھوڑکوٹ پولیس نے بروقت کارروائی کرتے ہوئے 30 لیٹر شراب برآمد کر کے ایک شراب فروش کو گرفتار کر لیا۔ ایس ایچ او محمد توقیر نے اس عزم کا اظہار کیا ہے کہ شراب فروشوں کے خلاف بلاامتیاز کارروائیاں جاری رہیں گی۔

    تفصیلات کے مطابق تھانہ دھوڑکوٹ پولیس کو مخبر نے اطلاع دی کہ نیبہے والی پلی پر ایک شخص شراب فروخت کے لیے موجود ہے۔ پولیس نے فوری کارروائی کرتے ہوئے ملزم کو گرفتار کر لیا، جس نے اپنا نام محمد زبیر بلوچ بتایا، جو موضع چک مانک، اوچ شریف کا رہائشی ہے۔ پولیس نے ملزم کے قبضے سے 30 لیٹر شراب برآمد کر کے مقدمہ درج کر لیا۔

    ایس ایچ او محمد توقیر کا کہنا ہے کہ علاقے سے غیر قانونی سرگرمیوں کا خاتمہ ان کی اولین ترجیح ہے، اور شراب فروشوں کے خلاف سخت کارروائیاں جاری رہیں گی تاکہ معاشرے کو ان برائیوں سے پاک کیا جا سکے۔ عوام نے پولیس کی اس کارروائی کو سراہا اور امید ظاہر کی کہ اس طرح کی مزید کارروائیاں معاشرتی برائیوں کے خاتمے میں معاون ثابت ہوں گی۔

  • چوری شدہ کروڑوں مالیت کی موبائل اسیسریز مالکان کے حوالے کر دی،محمد نوید

    چوری شدہ کروڑوں مالیت کی موبائل اسیسریز مالکان کے حوالے کر دی،محمد نوید

    ایس ایس پی انویسٹی گیشن لاہور محمد نوید نے میڈیا کو بریفنگ دیتے ہوئے کہا ہے کہ انویسٹی گیشن پولیس نے ایک کامیاب کارروائی کے دوران پانچ ملزمان کو گرفتار کیا ہے جو تقریباً اڑھائی کروڑ روپے مالیت کی موبائل اسیسریز کی چوری میں ملوث تھے۔

    ایس ایس پی محمد نوید نے بتایا کہ گرفتار ہونے والے ملزمان میں فضل عالم، ظاہر اسلام، ذاکر اللہ، اصغر علی اور زینور خان شامل ہیں۔ یہ ملزمان ایک گودام سے کروڑوں روپے مالیت کے موبائل اسیسریز کے 314 کارٹن چوری کر کے فرار ہو گئے تھے۔ پولیس نے سی سی ٹی وی کیمروں، ہیومن انٹیلی جنس اور جدید ٹیکنالوجی کی مدد سے ان کی شناخت اور گرفتاری کی کارروائی کو کامیاب بنایا۔ایس ایس پی انویسٹی گیشن نے بتایا کہ تمام چوری شدہ سامان برآمد کر لیا گیا ہے۔ برآمد ہونے والے سامان میں موبائل چارجر کے 100 کارٹن، چارجنگ کیبل کے 75 کارٹن، پاور بینک کے 100 کارٹن، 30 عدد ہینڈ فری اور 9 کارٹن موبائل کورز شامل ہیں۔ یہ سامان برآمد کر کے اصل مالکان کے حوالے کر دیا گیا ہے۔

    مدعی مقدمہ نے اپنے سامان کی واپسی پر ایس ایس پی انویسٹی گیشن اور پولیس ٹیم کا شکریہ ادا کیا اور ان کے لیے نیک تمناؤں کا اظہار کیا۔

    ایس ایس پی محمد نوید نے مزید کہا کہ شہریوں کے جان و مال کا تحفظ ان کی اولین ترجیح ہے اور جرائم پیشہ افراد کے خلاف بلا امتیاز کارروائیاں جاری رہیں گی۔ انہوں نے اس کامیاب کارروائی پر انویسٹی گیشن پولیس سول لائنز کی ٹیم کو بہترین کارکردگی پر تعریفی اسناد بھی دیں۔

    دہشتگرد تنظیم بی ایل اے کے وحشیانہ حملے کی حقیقت کا پردہ فاش

    ٹرمپ کی حلف برداری،بلاول کو ٹرمپ کےناشتے میں بھی دعوت مل گئی

  • موریطانیہ کشتی حادثہ ،انسانی اسمگلرگینگ کی مبینہ رکن خاتون گرفتار

    موریطانیہ کشتی حادثہ ،انسانی اسمگلرگینگ کی مبینہ رکن خاتون گرفتار

    گوجرانوالہ: وفاقی تحقیقاتی ادارے (ایف آئی اے) کی موریطانیہ کشتی حادثہ تحقیقات میں اہم پیشرفت ،انسانی اسمگلرگینگ کی مبینہ رکن کو گرفتار کرلیا گیا-

    باغی ٹی وی : ایف آئی اے ذرائع کے مطابق انسانی اسمگلرگینگ کی مبینہ رکن خاتون سے تفتیش مکمل کرکے جوڈیشل کردیا گیا ہے ملزمہ نے تفتیش کے دوران اپنے اور بیٹوں کے انسانی اسمگلنگ میں ملوث ہونے کا اعتراف کیا ہے، ملزمہ اپنے تین بیٹوں کے ساتھ لوگوں کو بیرون ممالک بھیجنے کا کام کرتی تھی جب کہ ملزمہ کا بیٹا خاور 10 افراد کو لے کر کیرئیر کے طور پر سینیگال گیا۔

    ایف آئی اے ذرائع کے مطابق ملزم خاور اس سے قبل اپریل 2024 میں بھی سینیگال گیا تھا، ملزمہ کا ایک بیٹا حسن اٹلی میں ہے اور دوسرا بیٹا فرحان واقعےکے بعد سے مفرور ہے، ملزمہ کو ایک روز قبل گجرات کے نواحی گاؤں جھوڑا سےگرفتار کیا گیا، ملزمہ کے موبائل اور بینک اکاؤنٹ تفصیلات بھی حاصل کرلی گئی ہیں۔

    سیف علی خان حملہ،ملزم نے کپڑے بدلے،ننگے پاؤں آیا،جوتے پہن کر گیا

    واضح رہے کہ جمعرات کو افریقی ملک موریطانیہ سے غیرقانونی طور پر اسپین جانے والوں کی کشتی کو حادثہ پیش آیا تھا جس کے نتیجے میں 44 پاکستانیوں سمیت 50 تارکین وطن ہلاک ہوگئے 86 تارکین وطن کی کشتی 2 جنوری کو موریطانیہ سے روانہ ہوئی تھی، کشتی میں کل 66 پاکستانی سوار تھے تاہم کشتی حادثے میں 36 افرادکو بچالیا گیا ہے،کشتی حادثے میں جاں بحق 44 پاکستانیوں میں سے 12 نوجوان گجرات کے رہائشی تھے، اس کے علاوہ سیالکوٹ اور منڈی بہاؤالدین کے افراد بھی کشتی میں موجود تھے-

    عافیہ صدیقی کی بائیڈن کی رخصتی سے قبل معافی کی اپیل

  • میرپور ماتھیلو:صحافت کی آڑ میں منشیات کا کاروبار کرنے والا ملزم رنگے ہاتھوں گرفتار

    میرپور ماتھیلو:صحافت کی آڑ میں منشیات کا کاروبار کرنے والا ملزم رنگے ہاتھوں گرفتار

    میرپور ماتھیلو،باغی ٹی وی (نامہ نگار مشتاق لغاری)صحافت کی آڑ میں منشیات کا کاروبار کرنے والا ملزم رنگے ہاتھوں گرفتار

    تفصیل کے مطابق میرپور ماتھیلو میں صحافت کی آڑ میں منشیات کا کاروبار کرنے والا ملزم رنگے ہاتھوں گرفتار کر لیا گیا۔ تھانہ میرپور ماتھیلو پولیس نے خفیہ اطلاع پر کارروائی کرتے ہوئے سندھو گرین سٹی کے قریب جلال ولد آچر بوزدار کو 06 آدھیہ شراب سمیت پکڑ لیا۔ ملزم کو برآمد شدہ شراب کے ساتھ تھانہ منتقل کیا گیا، جہاں اس کے خلاف مقدمہ نمبر 17/2025 تحت مقدمہ درج کر لیا گیا۔

    دوسری جانب سوشل میڈیا پر منشیات فروشوں کے حمایتی پولیس کو مجرم ثابت کرنے کی کوششوں میں مصروف ہیں، لیکن پولیس نے ایس ایس پی گھوٹکی ڈاکٹر سمیع اللہ سومرو کی ہدایت پر کریک ڈاؤن مزید تیز کر دیا ہے۔ ایس ایس پی گھوٹکی نے منشیات فروشوں اور جرائم پیشہ افراد کے خلاف سخت کارروائی کی ہدایت دی ہے، جس کے تحت مختلف علاقوں میں مسلسل گرفتاریوں کا سلسلہ جاری ہے۔

    پولیس کی کارروائی عوام میں خوشی کی لہر دوڑا رہی ہے، اور شہریوں نے اس اقدام کی بھرپور حمایت کی ہے، جبکہ منشیات فروشوں کے خلاف مزید سخت اقدامات کا مطالبہ کیا ہے۔

  • کراچی،ٹریفک حادثہ ، شادی پر جانے والے خاندان کے 17افراد زخمی

    کراچی،ٹریفک حادثہ ، شادی پر جانے والے خاندان کے 17افراد زخمی

    کراچی کے علاقے ڈیفنس موڑ پر دو گاڑیوں میں ہونے والے تصادم میں ایک شخص جاں بحق اور 17 افراد زخمی ہوگئے، جن میں خواتین اور بچے بھی شامل ہیں۔ زخمیوں کا تعلق ایک ہی خاندان سے ہے اور یہ تمام افراد شادی کی تقریب میں شرکت کے لیے جا رہے تھے۔

    حادثہ ڈیفینس موڑ کے قریب ایک پک اپ وین اور کار کے درمیان تصادم کے نتیجے میں پیش آیا۔ زخمیوں کی تعداد 18 تھی، جن میں سے وین کا 25 سالہ ڈرائیور حماد دوران علاج دم توڑ گیا۔ باقی زخمیوں میں خواتین اور بچے بھی شامل ہیں، جو لائنز ایریا سے کورنگی میں ایک شادی کی تقریب میں شرکت کے لیے جا رہے تھے۔پولیس نے ابتدائی تحقیقات کے دوران بتایا کہ تصادم ممکنہ طور پر کار کی تیز رفتاری کی وجہ سے ہوا۔ حادثے کے فوراً بعد کار کا ڈرائیور موقع سے فرار ہوگیا۔ پولیس نے حادثے کی جگہ سے دونوں گاڑیوں کو تحویل میں لے لیا ہے اور فرار ہونے والے کار کے ڈرائیور کی تلاش شروع کردی ہے۔زخمیوں کو فوری طور پر قریبی اسپتال منتقل کیا گیا ہے، جہاں ان کا علاج جاری ہے۔ پولیس کا کہنا ہے کہ حادثے کی مزید تحقیقات کی جا رہی ہیں اور جلد ہی ملزمان کے خلاف قانونی کارروائی کی جائے گی۔

    لوگوں کی جاگیروں کے جعلی کاغذات بنانے والا پراپرٹی ڈیلر گرفتار

    دنیا کو پرامن بنانے کیلیے ہر ممکن کوشش کریں گے۔ ٹرمپ کا چینی صدر سے رابطہ

  • کراچی کے تین نوجوانوں کا گھوٹکی سے اغوا، سندھ حکومت کی فوری کارروائی کی یقین دہانی

    کراچی کے تین نوجوانوں کا گھوٹکی سے اغوا، سندھ حکومت کی فوری کارروائی کی یقین دہانی

    میرپورماتھیلو (نامہ نگار)کراچی کے تین نوجوانوں کا گھوٹکی سے اغوا: سندھ حکومت کی فوری کارروائی کی یقین دہانی

    گھوٹکی سے کراچی کے تین نوجوانوں کے اغوا کے دلخراش واقعے پر سندھ حکومت نے فوری نوٹس لے لیا ہے۔ سندھ حکومت کے ترجمان سکھدیو آسرداس ہیمنانی نے اہلِ خانہ کو یقین دلایا کہ قانون نافذ کرنے والے ادارے مغویوں کی بازیابی کے لیے پوری سنجیدگی سے کام کر رہے ہیں۔

    ترجمان کے مطابق، گھوٹکی اور کشمور پولیس مشترکہ طور پر اغوا کاروں کی گرفتاری کے لیے دن رات کوششیں کر رہی ہے۔ سندھ حکومت نے عوام کی جان و مال کی حفاظت کو اپنی اولین ترجیح قرار دیتے ہوئے کہا کہ مغوی نوجوانوں کی جلد بازیابی کو یقینی بنایا جائے گا۔

    اس افسوسناک واقعے نے عوام میں شدید غم و غصے کو جنم دیا ہے، جبکہ حکومت نے اس معاملے میں کوئی کسر نہ چھوڑنے کا عزم ظاہر کیا ہے۔

  • میرپورماتھیلو:صحافی فیاض سولنگی لاپتہ، پولیس کی غفلت، تشدد کی ویڈیو جاری

    میرپورماتھیلو:صحافی فیاض سولنگی لاپتہ، پولیس کی غفلت، تشدد کی ویڈیو جاری

    میرپورماتھیلو،باغی ٹی وی (نامہ نگارمشتاق لغاری)ہنگورجا کے مقامی صحافی فیاض سولنگی کی گمشدگی پر پولیس غفلت، تشدد کی ویڈیو منظر عام پر

    تفصیل کے مطابق ہنگورجا کے نجی ٹی وی رپورٹر فیاض سولنگی چھ دن سے لاپتہ ہیں، لیکن خیرپور پولیس کی بے حسی ختم ہونے کا نام نہیں لے رہی۔ ایس ایس پی خیرپور بار بار توجہ دلانے کے باوجود کارروائی سے گریزاں ہیں اور مجرموں کی گرفتاری میں ناکام ہیں۔

    گذشتہ روز فیاض سولنگی کی ایک تشدد شدہ ویڈیو منظر عام پر آئی، جس سے ظاہر ہوتا ہے کہ اغوا کاروں نے انہیں شدید اذیت کا نشانہ بنایا ہے۔ یہ صورتحال خیرپور پولیس کی نااہلی اور مجرموں کے بڑھتے ہوئے حوصلے کو بے نقاب کرتی ہے۔

    صحافی برادری اور عوام نے ایس ایس پی خیرپور کے خلاف شدید احتجاج کا اعلان کیا ہے۔ مطالبہ کیا گیا ہے کہ فیاض سولنگی کو فوری بازیاب کرایا جائے، ورنہ ایس ایس پی آفس خیرپور کے سامنے دھرنا دیا جائے گا۔

  • 14سالہ لڑکی کو مبینہ زیادتی کا نشانہ بنانیوالا ملزم گرفتار

    14سالہ لڑکی کو مبینہ زیادتی کا نشانہ بنانیوالا ملزم گرفتار

    کراچی پولیس نے نوعمر لڑکی کو مبینہ طور زیادتی کا نشانہ بنانے کے الزام میں ملزم کو گرفتار کرلیا۔

    ترجمان ڈسٹرکٹ ویسٹ پولیس کے جاری اعلامیے کے مطابق منگھوپیر پولیس نے خفیہ ذرائع سے ملنے والی اطلاع پر 14 سالہ معصوم بچی سے زیادتی کرنے والے مرکزی ملزم صفدر خان ولد بختیار خان کو گرفتار کرلیا۔ملزم نے دوران تفتیش اپنے جرم کا اعتراف کرتے ہوئے بتایا کہ متاثرہ بچی کے والد نے میری والدہ کو بہن بنایا ہوا تھا، بچی کا والد اپنی بیٹی کو میری والدہ کے پاس چھوڑ کر گیا تھا میں نے 8/10 دن قبل موقع ملنے پر بچی کو گھر سے باہر لے جاکر اس کا ناجائز فائدہ اٹھایا اور بچی کے اصرار پر میں خود بچی کو اس کے چچا کے گھر چھوڑ کر آیا تھا، واقعہ کی خبر سوشل میڈیا پر آنے کی وجہ سے موبائل فون بند کر کے فرار ہوگیا تھا۔ ترجمان کے مطابق واقعہ کی اطلاع جمعرات کو متاثرہ لڑکی کی والدہ نے منگھوپیر پولیس کو دی تھی جبکہ انہی کی مدعیت میں پولیس نے مقدمہ درج کرلیا ہے ، پولیس نے گرفتار ملزم کو مزید تفتیش کے لیے انویسٹی گیشن پولیس کے حوالے کر دیا۔

    سکیورٹی فورسزکا تیراہ میں آپریشن، 5 خوارج ہلاک

    ڈونلڈٹرمپ کی حلف برداری کامقام تبدیل

    پنجاب میں اسکول ٹیچرز انٹرن کی بھرتیوں کیلئے پالیسی جاری

    بشریٰ بی بی کی چوری کی وجہ سے بانی رنگے ہاتھوں پکڑے گئے، مصطفی کمال

    عمرہ ویزےکی آڑمیں انسانی اسمگلنگ کا بڑا منصوبہ ناکام

  • عمرہ ویزےکی آڑمیں انسانی اسمگلنگ کا بڑا منصوبہ ناکام

    عمرہ ویزےکی آڑمیں انسانی اسمگلنگ کا بڑا منصوبہ ناکام

    اسلام آبادائیر پورٹ پرایف آئی اے امیگریشن نے عمرہ ویزے کی آڑ میں انسانی اسمگلنگ کا بڑا منصوبہ ناکام بنادیا۔

    تفصیلات کے مطابق ایف آئی اے حکام نے معراج خان، عثمان خان، اسد علی، مرتضی علی اور 16 سالہ کم عمر بچے سمیت 5 مسافر آف لوڈکردیے۔ملزمان عمرہ ویزے پر سعودی عرب جا رہے تھے۔ملزمان نے سعودی عرب سے لیبیا اور بعد ازاں سمندر کے راستے اٹلی جانے کی کوشش کرنا تھی۔ملزمان نے واجد خان اور فیصل خان نامی ایجنٹس سے معاہدے کئے تھے۔ملزمان نے ایجنٹوں کو فی کس 39 لاکھ روپے ادا کئے۔تلاشی کے دوران ملزمان سے 2 مصری ویزے برآمدکرلیے گئے۔ملزمان کو باقی ویزے سعودی عرب میں سب ایجنٹس کے ذریعے فراہم کیے جانے تھے۔

    ایف آئی اے امیگریشن حکام کی بروقت کارروائی نے انسانی اسمگلنگ کا نیٹ ورک بے نقاب کر دیا۔ملزمان کو ایجنٹوں کی نشاندہی اور مزید تفتیش کے لیے انسداد انسانی اسمگلنگ سرکل اسلام آباد منتقل کر دیا گیا۔ ترجمان ایف آئی اے کے مطابق انسانی اسمگلروں کے خلاف سخت کارروائیاں جاری ہیں۔ملزمان کی گرفتاری کے لئے تمام تر وسائل کو بروئے کار لایا جا رہا ہے۔