Baaghi TV

Category: جرائم و حادثات

  • تنگوانی: روڈ حادثے میں 50 سالہ سہراب قمبرانی جاں بحق

    تنگوانی: روڈ حادثے میں 50 سالہ سہراب قمبرانی جاں بحق

    تنگوانی ،باغی ٹی وی(نامہ نگارمنصور بلوچ) تنگوانی کے قریب ٹھل،کندھ کوٹ ہائی وے پر پیش آنے والے دلخراش حادثے میں محمد اسماعیل قمبرانی گاؤں کے رہائشی 50 سالہ سہراب قمبرانی جاں بحق ہو گئے۔

    اطلاعات کے مطابق آج صبح سہراب قمبرانی رکشے پر سوار ہو کر شہر جا رہے تھے کہ اچانک ان کا پاؤں رکشے کے چین میں پھنس گیا۔ اس کے نتیجے میں وہ رکشے سے سڑک پر گھسیٹتے چلے گئے۔ شدید زخموں کی وجہ سے موقع پر ہی ان کی موت واقع ہو گئی۔

    حادثے کے بعد مقامی انتظامیہ نے جائے وقوعہ پر پہنچ کر قانونی کارروائی مکمل کی اور لاش کو ورثا کے حوالے کر دیا۔ علاقے کے عوام نے حادثے کو ہائی وے پر حفاظتی تدابیر کی عدم موجودگی اور رکشہ ڈرائیورز کی غفلت کا نتیجہ قرار دیا ہے۔

  • گھوٹکی: پولیس کا بجلی تار چوروں کے خلاف کامیاب آپریشن، مقدمہ درج

    گھوٹکی: پولیس کا بجلی تار چوروں کے خلاف کامیاب آپریشن، مقدمہ درج

    میرپور ماتھیلو ،باغی ٹی وی(مشتاق علی لغاری کی رپورٹ) ایس ایس پی گھوٹکی ڈاکٹر سمیع اللّٰہ سومرو کی ہدایت پر جرائم پیشہ عناصر کے خلاف کاروائیوں کا سلسلہ تیز کر دیا گیا ہے۔

    گزشتہ رات ایس ایچ او تھانہ بی سیکشن گھوٹکی، محمد قابل بھیو کو دوران گشت خفیہ اطلاع ملی کہ 5 سے 6 چور گوٹھ صوبدار لنجار سے بجلی کی تاریں چوری کر کے لے جا رہے ہیں۔ پولیس ٹیم نے فوری تعاقب کیا اور لنک روڈ دوست محمد بلو پر ملزمان کا سامنا ہوا۔

    پولیس نے دیکھا کہ چھ چور جن کی شناخت راہب عرف آصف میرانی، خان ولد حاجی کلہوڑو، خالد عرف خالو ٹانوری، فرید ولد عبدالکریم ملک، نظام دین ولد مصری بلو اور جان محمد ولد گلو میرانی کے طور پر ہوئی، بجلی کی تاریں اور ایک بڑی کٹر لے جا رہے تھے۔

    ملزمان نے پولیس کو دیکھتے ہی فائرنگ شروع کر دی، جس پر پولیس نے جوابی فائرنگ کی۔ تاہم، اندھیرے کا فائدہ اٹھاتے ہوئے ملزمان فائرنگ کرتے ہوئے تاریں اور کٹر پھینک کر فرار ہو گئے۔

    پولیس نے برآمد شدہ سامان کو تھانہ منتقل کر دیا اور فرار ملزمان کے خلاف تھانہ بی سیکشن گھوٹکی میں کرائم نمبر 07/2025 کے تحت دفعات 379، 411، 324، اور 353 کے تحت مقدمہ درج کر لیا گیا۔

    ایس ایس پی گھوٹکی نے عزم کا اظہار کیا ہے کہ ضلع بھر میں جرائم پیشہ عناصر کے خلاف کارروائیاں مزید سخت کی جائیں گی تاکہ عوام کو پرامن ماحول فراہم کیا جا سکے۔

  • راولپنڈی: تجاوزات کے خلاف اسسٹنٹ کمشنر کا بڑے پیمانے پر آپریشن، 49 دکانیں سیل

    راولپنڈی: تجاوزات کے خلاف اسسٹنٹ کمشنر کا بڑے پیمانے پر آپریشن، 49 دکانیں سیل

    راولپنڈی،باغی ٹی وی (نامہ نگارشوکت ملک) تجاوزات کے خلاف اسسٹنٹ کمشنر کا بڑے پیمانے پر آپریشن، 49 دکانیں سیل

    تفصیلات کے مطابق راولپنڈی میں اسسٹنٹ کمشنر سٹی ملک حاکم خان کی سربراہی میں شہر بھر میں ناجائز تجاوزات کے خلاف بڑا آپریشن کیا گیا، جس میں 49 دکانیں سیل، 13 ریڑھیاں اور غیر قانونی اسٹالز ضبط کیے گئے جبکہ 17 ایف آئی آرز درج کی گئیں۔

    آپریشن لیاقت روڈ، راجہ بازار، تلواڑاں بازار، اقبال روڈ، سرکلر روڈ، سید پور روڈ، مری روڈ، صادق آباد اور کمرشل مارکیٹ سمیت مختلف علاقوں میں کیا گیا۔ کارروائی کے دوران لائن مارکنگ کی خلاف ورزی کرنے والی دکانوں کو سیل کیا گیا۔

    سیل کی گئی دکانیں:راجہ بازار: 13،گنجمنڈی روڈ: 7،اقبال روڈ: 6،صادق آباد: 7،مری روڈ: 4 اوردیگر علاقوں میں 12دکانیں سیل کی گئیں،اس کے علاوہ 13 غیر قانونی ریڑھیاں اور اسٹالز ضبط کئے گئےاور17 مقدمات کا اندراج کیا گیا.

    اسسٹنٹ کمشنر ملک حاکم خان نے کہا کہ تجاوزات کے خاتمے کے لیے آپریشن مزید وسیع کیا جائے گا اور خلاف ورزی کرنے والوں کے خلاف سخت کارروائی جاری رہے گی۔ انہوں نے مزید کہا کہ چونگی نمبر 8 سے صادق آباد تک غیر قانونی بورڈز اور ڈھانچے ہٹا دیے گئے ہیں۔

    تجاوزات کے خلاف یہ آپریشن وزیراعلیٰ پنجاب مریم نواز کے ویژن کے مطابق کیا جا رہا ہے تاکہ شہریوں کو صاف ستھرا اور تجاوزات سے پاک ماحول فراہم کیا جا سکے۔

  • خیرپور: ڈکیتی مزاحمت پر 4 افراد زخمی، ڈاکو4 بھینسیں چھین کر فرار

    خیرپور: ڈکیتی مزاحمت پر 4 افراد زخمی، ڈاکو4 بھینسیں چھین کر فرار

    خیرپور کے علاقے ببرلوکے قریب گوٹھ جنڈان میں ڈاکوؤں نے ڈکیتی کی کوشش کی، جس پر شہریوں کی جانب سے مزاحمت کرنے پر ملزمان نے فائرنگ کر دی، جس کے نتیجے میں 4 افراد زخمی ہوگئے۔

    پولیس کے مطابق، مسلح ڈاکوؤں نے جب مزاحمت کا سامنا کیا تو انہوں نے فائرنگ کر دی جس کے نتیجے میں چار افراد زخمی ہو گئے، اس دوران ملزمان 4 بھینسیں بھی چھین کر فرار ہوگئے۔ زخمی ہونے والوں میں ایک خاتون اور تین مرد شامل ہیں جنہیں فوری طور پر قریبی اسپتال منتقل کیا گیا۔پولیس نے اس واقعے کے خلاف کارروائی شروع کردی ہے اور علاقے میں سرچ آپریشن جاری ہے، تاہم ڈاکو ابھی تک گرفتار نہیں ہو سکے۔

    مقامی شہریوں نے ڈاکوؤں کی کارروائی کے خلاف شدید احتجاج کیا اور قومی شاہراہ پر دھرنا دے دیا، جس کے باعث کراچی اور پنجاب جانے والی ٹریفک مکمل طور پر بلاک ہوگئی۔ احتجاجی مظاہرین کا مطالبہ تھا کہ ملزمان کو جلد از جلد گرفتار کیا جائے اور علاقے میں ڈاکوؤں کے خلاف سخت کارروائی کی جائے۔پولیس حکام کا کہنا ہے کہ واقعے کی تحقیقات جاری ہیں اور ڈاکوؤں کی گرفتاری کے لیے مختلف اقدامات کیے جا رہے ہیں۔

    عمران ایماندار تھے تو پشاور بی آرٹی کے آڈٹ پر حکم امتناع کیوں لیا، شرجیل میمن

    پاسپورٹ کیلئے فاسٹ ٹریک کا دائرہ مزید26 شہروں تک بڑھا دیا گیا

  • ملازمت کا جھانسہ: تین بچوں کی ماں سے دو افراد کی زیادتی،ملزمان ویڈیو بھی بناتے رہے

    ملازمت کا جھانسہ: تین بچوں کی ماں سے دو افراد کی زیادتی،ملزمان ویڈیو بھی بناتے رہے

    راولپنڈی: ملازمت دلانے کا جھانسہ دے کر تین بچوں کی ماں سے دو افراد نے مبینہ زیادتی کی جبکہ ملزمان خاتون کی نازیبا ویڈیو بھی بناتے رہے۔

    باغی ٹی وی :متاثرہ خاتون انصاف حاصل کرنے تھانہ نیو ٹاون پہنچی تو پولیس نے روایتی حربے استعمال کرتے ہوئے مدعیہ کے سامنے بٹھا کر صلح کے لیے دباؤ ڈالنا شروع کر دیا۔

    سی پی او راولپنڈی خالد ہمدانی کے نوٹس لینے پر ملزمان کی خلاف مقدمہ درج کرلیا گیا ،متاثرہ خاتون کی مدعیت میں درج ایف آئی آر میں خاتون کا کہنا تھا کہ اسلام آباد کی رہائشی ہوں، تین بچے ہیں اور خاوند سے علیحدگی ہوچکی ہے، اب والدین کی پاس رہتی ہوں۔

    اسلام آباد ہائی کورٹ میں آئندہ ہفتے کیسز کی سماعت کیلئے ججز کا روسٹر جاری

    متاثرہ خاتون کے مطابق کال سینٹر میں ملازمت کے دوران فری نامی خاتون سے ملاقات ہوئی، حالات پوچھنے پر اس کو بتایا کہ معاملا ت اچھے نہیں جس پر اس نے بہتر ملازمت دلانے کے لیے سبز باغ دکھائے گھر میں وجود تھی کہ فون کرکے ڈبل روڈ بلوایا جہاں پہنچنے پر دیکھا کہ خانون سمیت دو افراد موجود تھے جنہوں نے اسلحے کی نوک پر مبینہ زیادتی کا نشانہ بنایا، ملزمان دھمکیاں دیکر نازیبا وڈیو بھی بناتے رہے-

    القادر ٹرسٹ کیس:عمران خان اوراہلیہ بشریٰ بی بی کی اپیل تیار کرلی گئی

    دوسری جانب متاثرہ خاتون نے ویڈیو پیغام جاری کیا، جس میں خاتون کو تھانہ نیو ٹاون میں پولیس عملے کی جانب سے ہراساں کیے جانے کے متعلق الزام عائد کیا، خاتون نے کہا کہ تھانے میں مجھے سامنے بٹھا کر قانونی کارروائی کی صورت میں تھانے کچہری کے چکر اور خرچے کا کہہ کر صلح کے لیے دباو ڈالا جاتا رہا۔

    ویڈیو بیان میں متاثرہ خاتون وزیر اعلیٰ پنجاب سے انصاف کی فراہمی کی اپیل بھی کی، معاملہ سی پی او راولپنڈی خالد ہمدانی کے نوٹس میں آیا تو متاثرہ خاتون کے بیان پر خاتون ملزمہ سمیت دونوں ملزمان کے خلاف مقدمہ درج کر لیا گیا۔

    جنوبی کوریا: معطل صدر کی حراست میں توسیع ، حامیوں نے عدالت پر دھاوا بول دیا

  • کراچی: فائرنگ کے مختلف واقعات میں دو افراد زخمی

    کراچی: فائرنگ کے مختلف واقعات میں دو افراد زخمی

    کراچی شہر میں فائرنگ کے مختلف واقعات میں دو افراد زخمی ہوگئے جس میں ایک شہری ڈاکوؤں کی فائرنگ کا نشانہ بنا۔

    باغی ٹی وی کے مطابق سہراب گوٹھ کے علاقے ایوب گوٹھ بیت المکرم مسجد کے قریب فائرنگ کے واقعہ میں 32 سالہ مدثر نامی شہری زخمی ہوگیا جسے فوری طبی امداد کے لیے عباسی شہید استپال لیجایا گیا۔سہراب گوٹھ پولیس کا کہنا ہے کہ واقعہ ڈکیتی کے دوران مزاحمت پر پیش آیا ہے جس کی مزید تحقیقات کی جا رہی ہے۔دریں اثنا بلدیہ سیکٹر 8 سی احمد رضا مسجد کے قریب فائرنگ سے 50 سالہ خالد حسین زخمی ہوگیا جسے طبی امداد کے لیے سول اسپتال لیجایا گیا۔سعید آباد پولیس کا کہنا ہے کہ واقعہ ذاتی جھگڑے کے دوران پیش آنے کا بتایا جا رہا ہے اور اس حوالے سے مزید معلومات حاصل کی جا رہی ہے۔

    گلوکارجواد احمد کی اہلیہ کو پارلرکا 13 لاکھ بل

    یو اے ای نے آن لائن ویزا سروس متعارف کروادی

    پاک بحریہ سے کمبائنڈ ٹاسک فورس کی کمان رائل نیوزی لینڈ نیوی کو منتقل

    مہنگےپیکج لینے والے عازمین کا حج سیکیورٹی کلیئرنس سے مشروط

  • پولیس اہلکاروں کی شہری کو اغوا کرکے لاکھوں لوٹنے کا مقدمہ درج

    پولیس اہلکاروں کی شہری کو اغوا کرکے لاکھوں لوٹنے کا مقدمہ درج

    لاہور کے علاقے ڈیفنس میں پولیس اہلکاروں کی جانب سے شہری کو اغوا کرکے اس سے ساڑھے چار لاکھ روپے بٹورنے کا افسوسناک واقعہ سامنے آیا ہے۔

    ڈیفنس پولیس نے واقعے میں ملوث اے ایس آئی سمیت پانچ اہلکاروں اور ایک خاتون کے خلاف مقدمہ درج کر لیا۔ایف آئی آر کے مطابق، اے ایس آئی خادم حسین، کلیم بٹ، کاشف، اور عائشہ نامی خاتون نے ساز باز کرکے محسن محبوب نامی شہری سے رقم ہتھیالی۔ محسن محبوب نے پہلے عائشہ سے شادی کی تھی، لیکن شادی کے کچھ عرصے بعد دونوں میں علیحدگی ہو گئی تھی۔چند روز قبل عائشہ نے مبینہ طور پر پولیس اہلکاروں کی مدد سے محسن محبوب کو دھوکے سے ڈیفنس میں بلایا۔ وہاں پہلے سے خادم حسین، کاشف، اور کلیم بٹ موجود تھے۔ ان افراد نے محسن محبوب کو زبردستی اے ٹی ایم سے ایک لاکھ روپے نکلوانے پر مجبور کیا اور مزید ساڑھے تین لاکھ روپے ایک اور اکاؤنٹ میں ٹرانسفر کروائے۔

    ایف آئی آر میں مزید بتایا گیا کہ ملزمان نے دھمکی دی کہ اگر اس واقعے کے بارے میں کسی کو بتایا تو مقدمہ درج کروا دیا جائے گا۔ڈی آئی جی آپریشنز لاہور محمد فیصل کامران نے واقعے کی اطلاع ملنے پر فوری انکوائری کا حکم دیا۔ انکوائری کے بعد پولیس اہلکاروں کے خلاف 155سی، 342 حبس بیجا، اور دیگر دفعات کے تحت مقدمہ درج کیا گیا۔

    49 پارکس کی تزئین و آرائش کر رہے ہیں ، مرتضیٰ وہاب

    کار ڈیلرز حوالہ ہنڈی میں ملوث نکلے، نیٹ ورک بے نقاب

    نائیجیریا میں آئل ٹینکر دھماکا، 60 افراد ہلاک

    پاک بحریہ اور اطالوی بحریہ کی خلیج عمان میں مشترکہ مشق

  • کار ڈیلرز حوالہ ہنڈی میں ملوث نکلے، نیٹ ورک بے نقاب

    کار ڈیلرز حوالہ ہنڈی میں ملوث نکلے، نیٹ ورک بے نقاب

    ایف آئی اے نے شہر قائد میں حوالہ ہنڈی کا بڑا نیٹ ورک بے نقاب کردیا۔

    باغی ٹی وی کے مطابق ایف آئی اے اسٹیٹ بینک سرکل کراچی نے خالد بن ولید روڈ پر واقع کار ڈیلرز کے دفاتر پر کارروائی کرتے ہوئے تین ملزمان کو گرفتار کرلیا۔ملزمان سے 59 لاکھ 75 ہزار روپے نقدی اور حوالہ ہنڈی سے متعلق لیجرز برآمد کرلیے گئے، ملزمان کی شناخت محمد صادق، وقاص اور محمد اشرف کے ناموں سے ہوئی۔ملزمان حوالہ ہنڈی کے منظم نیٹ ورک کا حصہ ہیں جن کے قبضے سے حوالہ ہنڈی سے متعلق ریکارڈ، پاسپورٹس اور دیگر اہم ثبوت بھی برآمد ہوئے ہیں۔ملزمان کے قبضے سے چیک بکس، موبائل فونز اور حوالہ ہنڈی رجسٹرز بھی برآمد ہوئے، چھاپہ مار کارروائی ڈائریکٹر کراچی زون کی ہدایت پر عمل میں لائی گئی۔ملزمان برآمد ہونے والی کرنسی کے حوالے سے حکام کو مطمئن نہ کر سکے، ملزمان کے خلاف کارروائی خفیہ اطلاع پر عمل میں لائی گئی، ملزمان کے خلاف مقدمہ درج کرکے تفتیش کا آغاز کردیا گیا ہے۔

    کراچی میں ایک بار پھر کورونا کیسز رپورٹ ہونا شروع

  • سیالکوٹ: تھانہ اگوکی پولیس کی کارروائی، منشیات فروش گرفتار

    سیالکوٹ: تھانہ اگوکی پولیس کی کارروائی، منشیات فروش گرفتار

    سیالکوٹ (باغی ٹی وی بیوروچیف شاہد ریاض سے) تھانہ اگوکی پولیس کی کارروائی، منشیات فروش گرفتار

    تھانہ اگوکی پولیس نے منشیات فروشوں کے خلاف کارروائی کرتے ہوئے بھاری مقدار میں منشیات برآمد کرلی۔ ایس ایچ او تھانہ اگوکی، انسپکٹر سید فہد بن فدا کی قیادت میں پولیس ٹیم نے منشیات فروش جنید سکنہ ڈالوالی سے 120 لیٹر ڈرمی اور 120 بوتلیں ولایتی شراب کی برآمد کیں،

    جبکہ محمد رمضان سکنہ گنجیانوالی کلاں کے قبضہ سے 2220 گرام چر س ضبط کرلی۔ ڈسٹرکٹ پولیس آفیسر فیصل شہزاد کی خصوصی ہدایت پر الگ الگ مقدمات درج کرلیے گئے ہیں۔

  • ڈسکہ: مراکش کشتی حادثہ، 2 نوجوان زندہ بچ گئے، انسانی اسمگلروں کے خلاف کارروائی کا مطالبہ

    ڈسکہ: مراکش کشتی حادثہ، 2 نوجوان زندہ بچ گئے، انسانی اسمگلروں کے خلاف کارروائی کا مطالبہ

    ڈسکہ،باغی ٹی وی( نامہ نگار ملک عمران)مراکش میں کشتی حادثے کا شکار ہونے والے افراد میں ڈسکہ کے نواحی دیہات بڈھا گورائیہ اور بھروکی کے دو افراد زندہ بچ جانے والوں میں شامل ہیں۔ ان کے اہل خانہ غم سے نڈھال اپنے پیاروں کی واپسی کی منتظر ہیں۔

    تفصیلات کے مطابق بڈھا گورائیہ کے رہائشی ارسلان، جو تین بھائیوں اور پانچ بہنوں میں سے ایک ہیں، اس حادثے میں زندہ بچ گئے ہیں۔ ان کی ماں اپنے زخمی بیٹے کی راہ دیکھتے ہوئے صدمے سے دوچار ہیں۔ دوسری جانب ارسلان کے بہنوئی عرفان جو نواحی موضع بھروکی کے رہائشی ہیں، کا چار سالہ بیٹا اور اہلیہ ان کے انتظار میں ہیں۔

    اہل خانہ کے مطابق ارسلان اور عرفان کو انسانی اسمگلنگ کا شکار بنا کر مراکش لے جایا گیا تھا، جہاں انہیں بدترین تشدد کا نشانہ بنایا گیا اور ارسلان شدید زخمی حالت میں ہے۔

    اہل خانہ نے بتایا کہ انہوں نے بڈھا گورائیہ کے ایک ایجنٹ اصغر کو ارسلان اور عرفان کو ہوائی جہاز کے ذریعے اسپین پہنچانے کے لیے 80 لاکھ روپے دیے تھے۔ لیکن یہ خواب ایک بھیانک حقیقت میں تبدیل ہوگیا۔

    اہل خانہ نے وزیراعظم میاں شہباز شریف، وزیر داخلہ محسن نقوی اور وزیر اعلیٰ پنجاب مریم نواز سے اپیل کی ہے کہ انسانی اسمگلروں کے خلاف سخت کارروائی کی جائے اور انہیں نشان عبرت بنایا جائے تاکہ مزید خاندان ایسے سانحات کا شکار نہ ہوں۔

    شہریوں نے حکومت سے متاثرین کو انصاف دلانے اور انسانی اسمگلنگ کے نیٹ ورک کو ختم کرنے کے لیے فوری اقدامات کا مطالبہ کیا ہے۔