صوبہ پنجاب میں کاؤنٹر ٹیررازم ڈیپارٹمنٹ (سی ٹی ڈی) نے پنجاب کے مختلف علاقوں میں کارروائیوں کے دوران کالعدم تنظیم سے تعلق رکھنے والے 12 دہشت گردوں کو گرفتار کر کے دہشت گردی کا بڑا منصوبہ ناکام بنا دیا۔ بھکر سے فتنہ الخوارج کا 1 اور سرگودھا سے الزینبیون کے 1 انتہائی خطرناک دہشت گرد کو گرفتار کر لیا
ترجمان کے مطابق سی ٹی ڈی پنجاب نے دہشت گردی کے کسی بھی ناخوشگوار واقعے سے موثر انداز میں نمٹنے کے لیے صوبے کے مختلف اضلاع میں انٹیلی جنس پر مبنی 140 کارروائیاں کیں، جن میں 140 مشتبہ افراد سے پوچھ گچھ کی گئی اور 12 دہشت گردوں کو اسلحہ، دھماکہ خیز مواد اور دیگر ممنوعہ مواد سمیت گرفتار کیا گیا۔ گرفتار دہشت گردوں میں ندیم مرتضی محمد جابر اصف افتخار ۔اعجاز حسین شاہد سعید حسن خان فاروق احمد جمشید خان انور خان وغیرہ شامل ہیں، انہوں نے مزید کہا کہ دہشت گردوں کا تعلق فتنہ خوارج داعش الزینبیون اور دیگر تنظیموں سے ہے ،ان دہشت گردوں کی گرفتاری بھکر سرگودھا رحیم یار خان فیصل اباد شیخوپورہ ننکانہ صاحب اور جھنگ میں انٹیلی جنس بیسڈ آپریشنز کے دوران کی گئی۔ دھماکہ خیز مواد 1310 گرام، ڈیٹونیٹرز 7، سیفٹی فیوز وائر 9 فٹ، ائی ای ڈی بم 2 . پستول معہ گولیاں، کالعدم تنظیم کے پمفلٹ 59، میگزین .57500 روپے نقدی دہشت گردوں کے قبضے سے برآمد کر لی ہے
ترجمان نے کہا کہ دہشت گردوں نے صوبے میں تخریب کاری کا منصوبہ بنایا تھا اور وہ اہم تنصیبات اور دیگر مقامات کو نشانہ بنانا چاہتے تھے۔ انہوں نے مزید کہا کہ گرفتار دہشت گردوں کے خلاف 11 مقدمات درج کر کے ان سے مزید تفتیش کی جا رہی ہے ،اس ہفتے کے دوران مقامی پولیس اور سیکیورٹی اداروں کے تعاون سے 1318 کومبنگ آپریشنز بھی کیے گئے، 40952 افراد کو چیک کیا گیا، 173 مشتبہ افراد کو گرفتار کیا گیا، 168 ایف آئی آر درج کی گئیں اور 141 بازیابیاں کی گئیں۔
ترجمان کے مطابق کاؤنٹر ٹیررازم ڈیپارٹمنٹ پنجاب مستعدی سے محفوظ پنجاب کے اپنے ہدف پر عمل پیرا ہے اور دہشت گردوں اور ریاست دشمن عناصر کو سلاخوں کے پیچھے پہنچانے کی کوششوں میں کوئی کسر نہیں چھوڑی جائے گی
