Baaghi TV

Category: جرائم و حادثات

  • اوکاڑہ:ایمرجنسی آفیسر ساہیوال ڈاکٹر محمد ارشاد الحق کی زیر صدارت ماہانہ میٹنگ

    اوکاڑہ:ایمرجنسی آفیسر ساہیوال ڈاکٹر محمد ارشاد الحق کی زیر صدارت ماہانہ میٹنگ

    اوکاڑہ (باغی ٹی وی، نامہ نگار ملک ظفر)سیکرٹری ایمرجنسی سروسز ڈاکٹر رضوان نصیر (ستارہِ امتیاز) کی خصوصی ہدایات کی روشنی میں ریجنل ایمرجنسی آفیسر ساہیوال ڈاکٹر ارشاد الحق نے کمیونٹی ریسکیو اسٹیشن دیپالپور میں Monthly Implementation Plan کے سلسلے میں ماہانہ اجلاس کا انعقاد کیا۔

    اجلاس میں ڈویژن بھر کے کنٹرول روم انچارجز، ریسکیو سیفٹی آفیسرز اور اسٹیشن کوآرڈینیٹرز نے شرکت کی، جس کی صدارت ڈاکٹر ارشاد الحق نے کی۔ تحصیل اسٹیشن آمد پر کنٹرول روم انچارج راجا فیصح الملک اور ریسکیو سیفٹی آفیسر محمد ندیم اصغر نے ان کا استقبال کیا اور پھولوں کا گلدستہ پیش کیا۔ اس موقع پر ریسکیو کے چاق و چوبند دستے نے سلامی دی۔

    اجلاس کے دوران تمام افسران نے اپنے اپنے ڈسٹرکٹ کے حوالے سے اب تک کیے جانے والے اقدامات کی تفصیل فراہم کی۔ اجلاس کے اختتام پر ڈویژنل ایمرجنسی آفیسر نے تحصیل اسٹیشن پر ایمرجنسی گاڑیوں اور ان میں استعمال ہونے والے آلات و ادویات کا معائنہ کیا۔ اس کے علاوہ انہوں نے ٹرن آؤٹ اور پروفیشنل نالج کا بھی جائزہ لیا۔

    ڈاکٹر ارشاد الحق نے ریسکیورز سے خطاب کرتے ہوئے کہا کہ اس اجلاس کا مقصد کسی بھی ڈزاسٹر کی صورت میں بڑے نقصان سے بچنے کے اقدامات کرنا اور عوام الناس کو فوراً ایمرجنسی سروسز کی فراہمی کو یقینی بنانا ہے۔

    اجلاس کے بعد ڈویژنل ایمرجنسی آفیسر نے ڈسٹرکٹ ایمرجنسی آفیسر انجینئر احتشام کے ہمراہ سنٹرل کمانڈ اینڈ کنٹرول روم اوکاڑہ کا دورہ کیا اور سیکرٹری ایمرجنسی سروسز کے وژن کے مطابق ٹیلی فونک ایمرجنسیز ڈیلنگ کے حوالے سے سٹاف کو رہنمائی فراہم کی۔

  • وہاڑی: تیز رفتار کارکو حادثہ، میاں بیوی سمیت3 افراد جاں بحق، 25 سالہ بیٹی زخمی

    وہاڑی: تیز رفتار کارکو حادثہ، میاں بیوی سمیت3 افراد جاں بحق، 25 سالہ بیٹی زخمی

    وہاڑی(باغی ٹی وی رپورٹ) تیز رفتار کارکو حادثہ، میاں بیوی سمیت3 افراد جاں بحق، 25 سالہ بیٹی زخمی

    تفصیلات کے مطابق وہاڑی کے علاقے لڈن میں ایک افسوسناک حادثے میں لاہور سے حاصل پور واپس جانے والی فیملی کی تیز رفتار کار بے قابو ہو کر دکانوں سے جا ٹکرائی، جس کے نتیجے میں میاں بیوی سمیت تین افراد جاں بحق ہوگئے، جبکہ ان کی 25 سالہ بیٹی علیزہ شدید زخمی ہوگئی۔

    ابتدائی معلومات کے مطابق حادثہ اس وقت پیش آیا جب ڈرائیور محمد عمر کو نیند کا جھٹکا آیا اور گاڑی کا کنٹرول ختم ہوگیا، جس کے باعث گاڑی تیز رفتاری سے دکانوں میں جا گھسی۔

    جاں بحق ہونے والوں میں حاصل پور کے رہائشی محمد ایوب، ان کی اہلیہ ناہید اور ڈرائیور محمد عمر شامل ہیں جو قریبی عزیز بھی تھے۔ تینوں افراد موقع پر ہی دم توڑ گئے۔ حادثے کے فوری بعد امدادی ٹیموں نے موقع پر پہنچ کر لاشوں کو ٹی ایچ کیو ہسپتال حاصل پور منتقل کیا،

    جبکہ زخمی علیزہ کو تشویشناک حالت میں ڈی ایچ کیو ہسپتال وہاڑی لے جایا گیا جہاں اس کا علاج جاری ہے۔

    متاثرہ فیملی لاہور سے حاصل پور اپنے گھر واپس جا رہی تھی جب یہ المناک واقعہ پیش آیا۔ اس حادثے کی خبر سنتے ہی علاقے میں غم کی لہر دوڑ گئی، اور اہل علاقہ نے متاثرہ خاندان کے ساتھ گہری ہمدردی اور افسوس کا اظہار کیا۔

  • اوچ شریف:2 موٹر سائیکلوں میں ٹکر، خاتون کو ٹریلرنے کچل دیا،3 زخمی

    اوچ شریف:2 موٹر سائیکلوں میں ٹکر، خاتون کو ٹریلرنے کچل دیا،3 زخمی

    اوچ شریف (باغی ٹی وی،نامہ نگارحبیب خان) 2 موٹر سائیکلوں میں ٹکر، ایک خاتون ٹریلرکے نیچے آکرجاں بحق،3 زخمی

    تفصیلات کے مطابق اوچ شریف کے نواحی علاقے طاہر والی قومی شاہراہ پر آج دو موٹر سائیکلوں کے درمیان ایک شدید تصادم ہو ا۔ اس حادثے میں ایک خاتون جاں بحق ہو گئی جبکہ تین دیگر افراد زخمی ہو گئے۔

    ایک موٹر سائیکل پنکچر ہونے کی وجہ سے سامنے آنے والی ایک اور موٹر سائیکل سے ٹکرا گئی۔ اس ٹکر کے نتیجے میں ایک خاتون موٹر سائیکل سے گر کر قریب سے گزرنے والے ایک ٹرالر کے نیچے آ گئی، جس سے وہ موقع پر ہی جاں بحق ہو گئی۔

    حادثے میں زخمی ہونے والے تینوں افراد کو فوری طور پر قریبی ہسپتال منتقل کر دیا گیا ہے۔ جاں بحق خاتون کی شناخت بشریٰٰ بی بی زوجہ خلیل احمدبعمر 40 سال سکنہ ابولحسن کالونی رحیم یار خان کے نام سے ہوئی ہے

    اس حادثے کے بعد علاقے میں غم کا ماحول پیدا ہو گیا ہے۔ مقامی لوگوں کا کہنا ہے کہ اس علاقے میں تیز رفتار گاڑیوں کی وجہ سے اکثر حادثات ہوتے رہتے ہیں اور انتظامیہ کو اس حوالے سے فوری اقدامات کرنے چاہئیں۔

  • میرپورخاص: ضلع بھر میں اسنیپ چیکنگ، متعدد گاڑیوں کی جانچ اور غیر قانونی سامان برآمد

    میرپورخاص: ضلع بھر میں اسنیپ چیکنگ، متعدد گاڑیوں کی جانچ اور غیر قانونی سامان برآمد

    میرپورخاص (باغی ٹی وی، نامہ نگار سید شاہزیب شاہ) ضلع بھر میں اسنیپ چیکنگ، متعدد گاڑیوں کی جانچ اور غیر قانونی سامان برآمد

    تفصیل کے مطابق ایس ایس پی میرپورخاص شبیر احمد سیٹھار کی ہدایات پر 15 اکتوبر 2024 کو ضلع بھر میں رات 7:30 سے 10:30 بجے تک اسنیپ چیکنگ کی کارروائی عمل میں لائی گئی۔

    چیکنگ کی کارروائیاں میرپورخاص کے مختلف علاقوں اور چیک پوسٹس پر کی گئیں جن میں ٹاؤن غریب آباد، مہران، کھان، سٹیلائٹ ٹاؤن، تعلقہ، ڈگری، ڈینگان بھرگڑی، کوٹ غلام محمد، جھڈو، محمودآباد، سندھڑی، فہلاڈیوں اور دلبر خان مہر شامل ہیں۔ اس کے علاوہ ضلع کے داخلی اور خارجی راستوں پر بھی سخت نگرانی کی گئی۔

    اسنیپ چیکنگ کے دوران 590 گاڑیوں کی جانچ کی گئی۔57 فینسی نمبر پلیٹس اتاری گئیں۔43 گاڑیوں کے کالے شیشے ہٹائے گئے۔
    دوران چیکنگ مہران کار میں سوار دو افراد سے ایک پستول بھی برآمد ہوا جس کی مزید تحقیقات جاری ہیں۔

    ایس ایس پی شبیر احمد سیٹھار کا کہنا ہے کہ ضلع میں جرائم کی روک تھام اور عوام کے تحفظ کو یقینی بنانے کے لیے اسنیپ چیکنگ کا سلسلہ جاری رکھا جائے گا۔

  • میرپورخاص: پسند کی شادی کرنے والے جوڑے کا عدالت سے تحفظ کا مطالبہ

    میرپورخاص: پسند کی شادی کرنے والے جوڑے کا عدالت سے تحفظ کا مطالبہ

    میرپورخاص( باغی ٹی وی ، نامہ نگار سید شاہزیب شاہ) پسند کی شادی کرنے والے جوڑے کا عدالت سے تحفظ کا مطالبہ

    تفصیلات کے مطابق میرپورخاص کے تعلقہ چمبڑ کے گاؤں روات لغاری کی رہائشی مسماۃ حاجانی ملاح اور نوجوان طاہر پنہور ولد اللہ بخش پنہور نے پسند کی شادی کے بعد عدالت سے تحفظ کی درخواست کی ہے۔

    میڈیا سے گفتگو کرتے ہوئے طاہر پنہور کی زوجہ حاجانی ملاح نے واضح کیا کہ انہیں کسی نے اغوا نہیں کیا۔ انہوں نے کہا کہ یہ شادی ان دونوں کی باہمی رضامندی سے ہوئی ہے اور وہ اپنی پسند سے ایک دوسرے کے شریکِ حیات بنے ہیں۔

    جوڑے کے مطابق شادی کے بعد حاجانی ملاح کے رشتہ داروں نے اس فیصلے کو جرم سمجھا اور ان کے گھر والوں کے لیے مشکلات پیدا کر دی ہیں۔ اس دباؤ کے نتیجے میں وہ عدالت تک پہنچے تاکہ قانونی تحفظ حاصل کیا جا سکے۔

    نوجوان جوڑے نے ایس ایچ او چمبڑ سے اپیل کی ہے کہ انہیں اور ان کے خاندان کو رشتہ داروں کے ممکنہ خطرات سے بچانے کے لیے فوری تحفظ فراہم کیا جائے۔

    جوڑے کا کہنا ہے کہ وہ اپنی مرضی سے ازدواجی زندگی گزارنا چاہتے ہیں اور کسی بھی دباؤ یا مداخلت کے بغیر اپنی شادی شدہ زندگی کو جاری رکھنا چاہتے ہیں۔

  • ننکانہ:صحت کارڈ، حکومتی کرپشن، مافیا کی چال، عوام کے مسائل کم نہ ہوسکے

    ننکانہ:صحت کارڈ، حکومتی کرپشن، مافیا کی چال، عوام کے مسائل کم نہ ہوسکے

    ننکانہ صاحب (باغی ٹی وی، نامہ نگار احسان اللہ ایاز)صحت کارڈ، حکومتی کرپشن، مافیا کی چال، عوام کے مسائل کم نہ ہوسکے،ادویات بازار سے خریدنے پرمجبور

    تفصیلات کے مطابق ڈسٹرکٹ ہیڈ کوارٹر (ڈی ایچ کیو) ہسپتال ننکانہ صاحب میں صحت کارڈ اسکیم کی ناکامی عوام کے لیے وبالِ جان بن گئی ہے۔ ادویات کا اندراج فائلوں میں موجود ہونے کے باوجود مریضوں کو باہر سے ادویات خریدنے پر مجبور ہونا پڑ رہا ہے، جس نے حکومت کے دعووں کی قلعی کھول دی ہے۔

    چیئرمین ینگ ڈاکٹرز ایسوسی ایشن ڈاکٹر عدنان اقبال نے ڈپٹی کمشنر محمد تسلیم اختر راؤ کو ہسپتال میں موجود مسائل سے آگاہ کیا۔ ڈپٹی کمشنر نے فوری طور پر سی ای او ہیلتھ ڈاکٹر طلحہ بن ضیاء اور ایڈیشنل ایم ایس ڈاکٹر رانا افتخار محی الدین کو ہدایت دی کہ صحت کونسل کا فوری اجلاس بلایا جائے تاکہ مریضوں کو درپیش مسائل کا حل نکالا جا سکے۔

    ڈاکٹر عدنان اقبال نے کہا کہ ٹیسٹوں اور الٹراساؤنڈ کی فیس جمع کرانے کا کاونٹر نئی او پی ڈی بلڈنگ کے قریب منتقل کیا جائے تاکہ مریضوں کو طویل قطاروں اور پریشانی سے بچایا جا سکے۔انڈور وارڈز میں صحت کارڈ پر موجود ادویات کا اندراج ہونے کے باوجود مریضوں کے اہلِ خانہ کو باہر سے ادویات خریدنی پڑ رہی ہیں، جو انتہائی تشویشناک ہے۔

    ڈپٹی کمشنر محمد تسلیم اختر راؤ نے اس موقع پر یقین دہانی کروائی کہ ہیلتھ کونسل کی میٹنگ فوری بلائی جائے گی تاکہ ان مسائل کا مستقل حل نکالا جا سکے۔ انہوں نے ینگ ڈاکٹرز ایسوسی ایشن کی کوششوں کو سراہا اور کہا کہ ان مسائل کے حل کے لیے ہر ممکن اقدام کیا جائے گا تاکہ عوام کو صحت کے اخراجات کا بوجھ کم سے کم ہو۔

    وزیراعلیٰ پنجاب مریم نواز شریف کی جانب سے فری ادویات کی فراہمی کے خواب کو عملی جامہ پہنانے کی کوششوں کے باوجود، موجودہ صورتحال عوام کے لیے مایوسی کا سبب بن رہی ہے۔

  • ڈیرہ غازی خان: کمانڈنٹ اسد خان چانڈیہ نے بی ایم پی سرائے میں کرایہ نہ دینے والوں کی دکانیں سیل کر دیں

    ڈیرہ غازی خان: کمانڈنٹ اسد خان چانڈیہ نے بی ایم پی سرائے میں کرایہ نہ دینے والوں کی دکانیں سیل کر دیں

    ڈیرہ غازی خان(باغی ٹی وی ،سٹی رپورٹرجواداکبر) کمانڈنٹ اسد خان چانڈیہ نے بی ایم پی سرائے میں کرایہ نہ دینے والوں کی دکانیں سیل کر دیں
    کمانڈنٹ بارڈر ملٹری پولیس کی بی ایم پی سرائے میں کارروائی،کارِ سرکار میں مداخلت کرنے والے افراد کے خلاف سخت قانونی کارروائی کاحکم

    تفصیل کے مطابق کمانڈنٹ بارڈر ملٹری پولیس (بی ایم پی) اسد خان چانڈیہ نے بی ایم پی سرائے میں قائم دکانوں کے کرایہ داروں کے خلاف سخت کارروائی کا حکم جاری کیا۔ ان دکانوں کے مالکان طویل عرصے سے واجب الادا کرایہ ادا نہیں کر رہے تھے، جس پر کمانڈنٹ نے فوری نوٹس لیتے ہوئے کارروائی کا آغاز کیا اور متعدد دکانوں کو سیل کر دیا گیا۔

    کمانڈنٹ اسد خان چانڈیہ نے موقع پر موجود ٹیم کو ہدایت کی کہ کارِ سرکار میں مداخلت کرنے والے افراد کے خلاف سخت قانونی کارروائی کی جائے۔ انہوں نے واضح کیا کہ کسی بھی قسم کی بدعنوانی اور بے ضابطگی برداشت نہیں کی جائے گی۔

    عوامی حلقوں نے کمانڈنٹ اسد خان چانڈیہ کے اس اقدام کو سراہتے ہوئے انہیں خراج تحسین پیش کیا ہے۔ شہریوں کا کہنا ہے کہ یہ بروقت کارروائی نہ صرف قانون کی بالادستی قائم کرنے میں مددگار ثابت ہوگی بلکہ سرکاری املاک کے بہتر انتظام کو بھی یقینی بنائے گی۔

    یہ کارروائی بارڈر ملٹری پولیس کی جانب سے ادارے کی شفافیت اور کارکردگی کو بہتر بنانے کے عزم کی عکاس ہے۔

  • علی پور: خواجہ سرا کے ساتھ اجتماعی زیادتی، برہنہ ویڈیو وائرل

    علی پور: خواجہ سرا کے ساتھ اجتماعی زیادتی، برہنہ ویڈیو وائرل

    اوچ شریف(باغی ٹی وی،نامہ نگارحبیب خان) تحصیل احمد پور شرقیہ کے خواجہ سرا جلیل ولد خلیل چنڑ کے ساتھ ضلع مظفرگڑھ کی تحصیل علی پورمیں اجتماعی زیادتی کا دل دہلا دینے والا واقعہ پیش آیا۔ متاثرہ خواجہ سرا جو بھیک مانگ کر اپنی زندگی بسر کرتا ہے نے پولیس کو تحریری درخواست جمع کروا کر انصاف کی اپیل کی ہے۔

    ایک ہفتہ قبل زین العابدین آرائیں نے اپنے دوست حضور بخش کے ساتھ مل کر جلیل کو دھوکے سے اپنے ساتھ لے جانے کا منصوبہ بنایا۔ انہوں نے بیٹا پیدا ہونے کی خوشی کا بہانہ بناتے ہوئے کہا کہ گھر چلو میری بیگم اپنے ہاتھوں سے تمہیں انعام دے گی۔ تاہم ملزمان اسے ایک خالی مکان میں لے گئے جہاں دونوں نے اسے زیادتی کا نشانہ بنایا۔

    ظلم کی انتہا یہ ہے کہ ملزمان نے نہ صرف خواجہ سرا کو زیادتی کا نشانہ بنایا بلکہ اس کی برہنہ ویڈیو اور تصاویر بھی بنائیں اور سوشل میڈیا پر وائرل کر دیں جس سے متاثرہ شخص کو شدید ذہنی اذیت اور رسوائی کا سامنا کرنا پڑا۔

    متاثرہ خواجہ سرا نے تھانہ سٹی علی پور میں تحریری درخواست دیتے ہوئے ملزمان کے خلاف مقدمہ درج کرنے کا مطالبہ کیا ہے۔ ایس ایچ او تھانہ سٹی کا کہنا ہے کہ معاملے کی تحقیقات جاری ہیں اور جلد ہی مقدمہ درج کیا جائے گا۔

    یہ واقعہ نہ صرف قانون نافذ کرنے والے اداروں کے لیے ایک چیلنج ہے بلکہ معاشرے کے لیے بھی ایک لمحہ فکریہ ہے کہ کس طرح خواجہ سرا برادری کو ظلم اور استحصال کا نشانہ بنایا جا رہا ہے۔

  • دراہمہ: ایک کروڑ 26 لاکھ روپے کا نان کسٹم سامان برآمد، موٹر سائیکل ڈکیتی کا ملزم گرفتار

    دراہمہ: ایک کروڑ 26 لاکھ روپے کا نان کسٹم سامان برآمد، موٹر سائیکل ڈکیتی کا ملزم گرفتار

    دراہمہ(باغی ٹی وی ،نامہ نگارمحمدعلی بروہی) ایک کروڑ 26 لاکھ روپے کا نان کسٹم سامان برآمد، موٹر سائیکل ڈکیتی کا ملزم گرفتار

    تفصیل کے مطابق دراہمہ پولیس نے بڑی کارروائی کرتے ہوئے نان کسٹم پیڈ سامان اور موٹر سائیکل ڈکیتی میں ملوث ملزم کو گرفتار کر لیا ہے۔ ڈی پی او ڈیرہ غازیخان سید علی کی زیرِ نگرانی داخلی و خارجی راستوں پر چیکنگ کا نظام سخت کر دیا گیا ہے، اور اسمگلروں کے خلاف تابڑ توڑ کارروائیاں جاری ہیں۔

    چیک پوسٹ غازی گھاٹ کے انچارج محمد ایوب خان نیازی کی قیادت میں ٹیم نے روزانہ کی بنیاد پر کارروائیاں تیز کر رکھی ہیں۔ ان کا کہنا ہے کہ جب سے انہوں نے چارج سنبھالا ہے اسمگلروں کی ہر کوشش کو ناکام بنایا جا رہا ہے۔

    آج ایک بڑی کارروائی میں پولیس نے کوئٹہ سے لاہور جانے والی بس "سپر سدابہار” (نمبر BSC-200) کو روکا۔ دورانِ تلاشی بس میں لوہے کی چادروں کے نیچے چھپایا گیا نان کسٹم سامان برآمد کیا گیا، جس میں موبائل فون اور سگریٹ شامل تھے۔

    ضبط شدہ سامان کی مالیت 1 کروڑ 26 لاکھ 70 ہزار روپے بتائی جا رہی ہے۔ سامان کو کاٹ کر برآمد کرنے کے بعد مزید کارروائی کے لیے کسٹم حکام کے حوالے کر دیا گیا۔

    پولیس نے ایک اور کارروائی میں 2023 ماڈل CG-125 موٹر سائیکل کے ساتھ ملزم محمد حمید رضا ولد حاجی محمد ملانہ سکنہ ملتان کو گرفتار کر لیا۔

    چیک پوسٹ انچارج محمد ایوب خان نیازی کا کہنا تھا کہ وہ ڈی پی او سید علی کے اعتماد پر پورا اترنے کی بھرپور کوشش کر رہے ہیں۔ انہوں نے مزید کہا جب تک میں یہاں تعینات ہوں اسمگلروں کی ہر کوشش کو ناکام بناتا رہوں گا اور ڈی پی او کے اعتماد کبھی ٹھیس نہیں پہنچنے دوں گا۔”

    یہ کامیاب کارروائیاں علاقے میں غیر قانونی سرگرمیوں کے خلاف پولیس کے مؤثر اقدامات کی عکاسی کرتی ہیں۔

  • گوجرانوالہ: معمولی جھگڑے کے بعد بہن بھائی کی خودکشی

    گوجرانوالہ: معمولی جھگڑے کے بعد بہن بھائی کی خودکشی

    گوجرانوالہ(باغی ٹی وی ،نامہ نگارمحمدرمضان نوشاہی) معمولی جھگڑے کے بعد بہن بھائی کی خودکشی

    تفصیل کے مطابق گوجرانوالہ کے علاقے قلعہ دیدار سنگھ میں ایک افسوسناک واقعے میں بہن بھائی نے معمولی تلخ کلامی کے بعد زہر کھا کر اپنی جان لے لی۔

    اہل خانہ کا کہنا ہے کہ جب بھائی نے اپنی بڑی بہن کو گولیاں کھاتے دیکھا تو اس نے بھی ایک گولی چھین کر خود نگل لی۔ دونوں کی حالت تشویشناک ہو گئی اور انہیں فوری طور پر ہسپتال لے جایا گیا لیکن وہاں پہنچنے سے پہلے ہی وہ دم توڑ گئے۔

    پولیس کا کہنا ہے کہ اہل خانہ نے قانونی کارروائی سے انکار کر دیا ہے مگر واقعے کے مختلف پہلوؤں پر تفتیش جاری ہے۔