Baaghi TV

Category: جرائم و حادثات

  • ملتان ایئرپورٹ پرمسافر سے ایک کروڑ روپے سے زائد مالیت کے موبائل فونز برآمد

    ملتان ایئرپورٹ پرمسافر سے ایک کروڑ روپے سے زائد مالیت کے موبائل فونز برآمد

    ملتان: کسٹمز حکام نے کارروائی کرتے ہوئے ملتان ایئرپورٹ پر ایک کروڑ روپے سے زائد مالیت کے موبائل فونز قبضے میں لے لئے –

    باغی ٹی وی: سٹمز حکام نے ملتان ایئرپورٹ پر کارروائی کرتے ہوئے موبائل فونز کی سمگلنگ ناکام بنا دی،بیرون ملک سے آنے والے مسافر سے 25امپورٹڈموبائل فونز برآمدہو ئے ہیں ، جنہیں کسٹمز حکام نے اپنے قبضے میں لے کر کارروائی شروع کردی،برآمد موبائل فونز کی مالیت ایک کروڑ روپے سے زائد ہے،ملزم کیخلاف مقدمہ درج کر لیاگیا۔

    دوسری جانب کراچی میں سرجانی ٹاؤن تھانے کےعلاقے سیکٹر فوراے میں شہری سے موبائل فون چھینے کی کوشش کرنے والاایک ڈکیت شہریوں کے ہتھے چڑھ گیا جب کہ دوسرا ڈکیت موقع پرفرارہونے میں کامیاب ہوگیا۔

    مشتعل افراد نے پکڑے گئے ڈکیت کوتشدد کا نشانہ بنانےکے بعد پولیس کے حوالے کردیا، جہاں پکڑے جانے والے ڈکیت کی شناخت ذیشان اورفرار ہونے والے ڈکیت کا نام عارف معلوم ہوا ہے پولیس کے مطابق زخمی ڈکیت اوراس کا ساتھی بغیر اسلحہ کے شہری سے موبائل فون چھین رہے تھے کہ شہری نے مزاحمت کی اورموقع پرموجود شہریوں نے گھیرے میں لے کر ایک ڈکیت کوپکڑلیا جب کہ دوسرا موقع سے فرار ہونے میں کامیاب ہوگیا، پکڑا جانے والا ڈکیت اوراس کا ساتھی نشے کے عادی ہیں۔ زخمی حالت میں پکڑے گئے ڈکیت کو طبی امداد کے لیے عباسی شہید اسپتال منتقل کردیا گیا ہے۔

  • سرگودھا: بے نظیر انکم سپورٹ پروگرام ،ناقص انتظامات پر خواتین کااحتجاج

    سرگودھا: بے نظیر انکم سپورٹ پروگرام ،ناقص انتظامات پر خواتین کااحتجاج

    سرگودھا (باغی ٹی وی،نامہ نگارشاہنوازجالپ) سرگودھا میں بے نظیر انکم سپورٹ پروگرام کے تحت امدادی رقوم کی وصولی کے لیے خواتین کو شدید مشکلات کا سامنا ہے۔ کمپنی باغ میں قائم کیمپ میں خواتین دور دراز سے آ رہی ہیں، مگر بدترین انتظامات کے باعث انہیں گھنٹوں دھوپ میں کھڑا رہنا پڑتا ہے۔ نہ صرف پانی اور پنکھوں کی عدم دستیابی ہے، بلکہ بیٹھنے کا بھی کوئی مناسب انتظام نہیں کیا گیا۔

    کیمپ میں موجود خواتین نے شکایت کی کہ وہ گرمی اور دھکم پیل کے باعث جسمانی طور پر تھک چکی ہیں اور کسی بھی وقت کوئی بڑا سانحہ پیش آ سکتا ہے۔ کئی خواتین کو گرمی اور طویل انتظار کے باعث بے ہوشی کی حالت میں ہسپتال منتقل کیا گیا ہے، لیکن حکام کی جانب سے ابھی تک کوئی کارروائی نہیں کی گئی۔

    مقامی افراد اور متاثرہ خواتین نے انتظامیہ سے مطالبہ کیا ہے کہ فوری طور پر کیمپ میں انتظامات بہتر کیے جائیں تاکہ انہیں مزید ذلت اور مشکلات کا سامنا نہ کرنا پڑے۔ ان کا کہنا ہے کہ حکومت کی امدادی رقوم تو ان کا حق ہیں، مگر ان کے حصول کے لیے اس قدر تکلیف دہ مراحل سے گزرنا ناانصافی ہے۔

    متاثرہ خواتین کا کہنا تھا کہ اگر انتظامات بہتر نہ کیے گئے تو وہ احتجاج کرنے پر مجبور ہوں گی۔

  • قصور:چور گینگ کا سرغنہ گرفتار، 40 چوری شدہ موٹر سائیکلیں برآمد

    قصور:چور گینگ کا سرغنہ گرفتار، 40 چوری شدہ موٹر سائیکلیں برآمد

    قصور (باغی ٹی وی،ڈسٹرکٹ رپورٹرطارق نویدسندھو کی رپورٹ) پولیس نے الہ آباد میں بڑی کارروائی کرتے ہوئے موٹر سائیکل چور گینگ کے سرغنہ کو گرفتار کر لیا، جس کے قبضے سے 40 چوری شدہ موٹر سائیکلیں برآمد ہوئیں۔

    تفصیلات کے مطابق ڈی پی او قصور محمد عیسیٰ خان کی ہدایت پر تھانہ الہ آباد پولیس نے ایس ایچ او کی سربراہی میں کامیاب کارروائی کی۔ گرفتار ملزم کی شناخت استخار ولد طفیل کے نام سے ہوئی ہے، جو کہ الہ آباد کا رہائشی ہے۔ ملزم استخار شہر کے مختلف علاقوں جیسے مین بازار، دکانوں، گھروں، شادی ہالز اور سکولز کے باہر سے موٹر سائیکل چوری کی وارداتیں کرتا تھا۔

    پولیس کے مطابق دوران تفتیش ملزم نے الہ آباد اور اس کے گرد و نواح سے 50 سے زائد موٹر سائیکلیں چوری کرنے کا اعتراف کیا ہے۔ پولیس ملزم سے مزید تفتیش کر رہی ہے تاکہ اس گینگ کے دیگر ارکان تک پہنچا جا سکے۔

    ڈی پی او قصور کی جانب سے ضلع بھر میں موٹر سائیکل چور گینگز کے خلاف جاری خصوصی مہم میں یہ ایک بڑی کامیابی قرار دی جا رہی ہے۔ اس مہم کا مقصد شہر میں موٹر سائیکل چوری کی وارداتوں کا خاتمہ اور چوری شدہ گاڑیوں کی برآمدگی کو یقینی بنانا ہے۔

  • کوئٹہ: حجام کی دکان پر فائرنگ، بہاولپور کا رہائشی جاں بحق

    کوئٹہ: حجام کی دکان پر فائرنگ، بہاولپور کا رہائشی جاں بحق

    کوئٹہ (باغی ٹی وی رپورٹ) بلوچستان کے دارالحکومت کوئٹہ کے علاقے بروری کلی ابراہیم زئی کے قریب واقع حجام کی دکان پر نامعلوم افراد کی فائرنگ
    اس فائرنگ کے نتیجے میں دکان میں موجود نائی، 55 سالہ مجاہد، جاں بحق ہو گیا۔ جاں بحق ہونے والے شخص کا تعلق بہاول پور سے تھا

    تفصیلات کے مطابق فائرنگ کا یہ افسوسناک واقعہ اس وقت پیش آیا جب نامعلوم افراد نے حجام کی دکان میں موجود شخص پر اندھا دھند فائرنگ کردی، جس سے وہ موقع پر ہی جاں بحق ہوگیا۔ جاں بحق ہونے والے شخص کی شناخت مجاہد کے نام سے ہوئی ہے جو بہاولپور کا رہائشی تھا۔

    واقعے کے بعد پولیس اور ریسکیو ٹیمیں جائے وقوعہ پر پہنچ گئیں اور لاش کو قانونی کارروائی کے لیے سول ہسپتال منتقل کر دیا گیا۔ پولیس نے جائے وقوعہ سے شواہد اکٹھے کر لیے ہیں اور ملزمان کی گرفتاری کے لیے تحقیقات کا آغاز کر دیا ہے۔

    عینی شاہدین کے مطابق ملزمان موٹرسائیکل پر سوار تھے اور واردات کے بعد موقع سے فرار ہونے میں کامیاب ہو گئے۔ پولیس کا کہنا ہے کہ جلد از جلد ملزمان کو گرفتار کرنے کے لیے تمام ممکنہ اقدامات کیے جا رہے ہیں۔

  • سیالکوٹ: ایس ایچ او بڈیانہ کی شاندار کارروائی، موبائل چوروں کا گروہ گرفتار

    سیالکوٹ: ایس ایچ او بڈیانہ کی شاندار کارروائی، موبائل چوروں کا گروہ گرفتار

    سیالکوٹ (باغی ٹی وی، بیوروچیف شاہد ریاض)ایس ایچ او بڈیانہ کی شاندار کارروائی، موبائل چوروں کا گروہ گرفتار

    تفصیل کے مطابق سیالکوٹ میں تھانہ بڈیانہ کے ایس ایچ او غازی عرفان اشرف کی سربراہی میں اہم کارروائی کرتے ہوئے گھروں اور دکانوں سے موبائل چوری کرنے والے تین ملزمان کو گرفتار کر لیا گیا ہے۔

    ڈی پی او سیالکوٹ کی ہدایات پر ڈی ایس پی پسرور سرفراز احمد کی نگرانی میں یہ کارروائی عمل میں لائی گئی۔ ایس ایچ او غازی عرفان اشرف اور ان کی ٹیم نے منڈیکی بیریاں کے رہائشی تین ملزمان دلاور عرف دادو، فہد، اور روحیل کو گرفتار کیا۔ یہ ملزمان مختلف مقامات سے موبائل فون چوری کرنے میں ملوث تھے۔

    پولیس نے ملزمان سے قیمتی موبائل فونز بھی برآمد کر لیے ہیں، جبکہ ان کے ایک ساتھی مدثر کی گرفتاری کے لیے مزید چھاپے مارے جا رہے ہیں۔ تفتیش جاری ہے اور توقع کی جا رہی ہے کہ ملزمان سے مزید اہم معلومات بھی حاصل ہوں گی۔

    پولیس کے مطابق ملزمان سے برآمد ہونے والے موبائل فونز کی قیمت لاکھوں میں ہے، اور ان کی گرفتاری سے علاقے میں چوری کی وارداتوں میں کمی آنے کی امید ہے۔

  • تلہ گنگ:تھانہ ٹمن پولیس کی کارروائیاں، قمارباز اور منشیات فروش گرفتار

    تلہ گنگ:تھانہ ٹمن پولیس کی کارروائیاں، قمارباز اور منشیات فروش گرفتار

    تلہ گنگ (باغی ٹی وی،نامہ نگارشوکت علی ملک سے) تھانہ ٹمن پولیس نے جرائم پیشہ عناصر کے خلاف اپنی مؤثر کارروائیوں کا سلسلہ جاری رکھتے ہوئے ایک بار پھر منشیات فروشوں اور قمابازوں کے خلاف کامیاب چھاپے مارے ہیں۔ ایس ایچ او ضمیر حسین کی سربراہی میں پولیس ٹیم نے نہ صرف مقامی سطح پر جرائم کی روک تھام کی بلکہ علاقے میں امن و امان کو بہتر بنانے کے لیے بھرپور ایکشن لیا۔

    ایک حالیہ کارروائی میں، پولیس نے موضع بھگٹال میں قمابازوں کے خفیہ اڈے پر کامیاب چھاپہ مارا، جس میں گرفتار ملزمان سے نہ صرف قمابازی کے لیے استعمال ہونے والی بڑی رقم اور موبائل فونز برآمد کیے گئے، بلکہ علاقے میں بڑھتے ہوئے جرائم کی روک تھام کے لیے اہم قدم اٹھایا گیا ہے۔ پولیس نے فرار ہونے والے ملزمان کے خلاف بھی سرچ آپریشن شروع کر دیا ہے اور انہیں جلد گرفتار کرنے کا عزم ظاہر کیا ہے۔

    دوسری جانب، منشیات کے خلاف جاری مہم میں، پولیس نے منشیات فروشوں کے خلاف سخت ایکشن لیتے ہوئے فرمان علی جیسے بدنام منشیات فروش کو گرفتار کیا، جو علاقے میں نشہ آور اشیاء کی فروخت میں ملوث تھا۔ پولیس نے برآمد شدہ چرس کے ساتھ ساتھ ملزم کے دیگر ساتھیوں کی تلاش بھی شروع کر دی ہے تاکہ منشیات کی فروخت کے نیٹ ورک کو مکمل طور پر ختم کیا جا سکے۔

    اہلیانِ علاقہ نے پولیس کی ان مؤثر اور فوری کارروائیوں پر بھرپور خراج تحسین پیش کرتے ہوئے کہا کہ ان اقدامات سے نہ صرف علاقے میں امن و امان قائم ہوگا بلکہ نوجوان نسل کو جرائم اور منشیات سے محفوظ رکھنے میں بھی مدد ملے گی۔ عوام کا مطالبہ ہے کہ ان گرفتار شدہ ملزمان کو جلد از جلد عدالت میں پیش کرکے سخت سزا دلوائی جائے تاکہ دوسروں کو عبرت ہو اور معاشرہ ان سماجی برائیوں سے پاک ہو۔

    پولیس کا کہنا ہے کہ یہ آپریشنز مسلسل جاری رہیں گے اور علاقے میں امن و سکون کو یقینی بنانے کے لیے مزید چھاپے بھی مارے جائیں گے۔

  • گوجرہ:جانوروں میں مہلک وباء، کسان پریشان

    گوجرہ:جانوروں میں مہلک وباء، کسان پریشان

    گوجرہ:(باغی ٹی وی ،نامہ نگارعبدالرحمن جٹ کی رپورٹ)گوجرہ کے نواحی گاؤں چک نمبر 241 گ ب میں جانوروں میں ایک مہلک وبا پھوٹ پڑی ہے۔ متاثرہ جانوروں کو تیز بخار ہوتا ہے اور پھر ان کا معدہ خراب ہو جاتا ہے۔ صرف چند دنوں میں ہی جانور دم توڑ دیتے ہیں۔

    مقامی کسان محمد خالد ولد محمد انور نے بتایا کہ ان کی دو بھینسیں اس وبا کا شکار ہو کر مر چکی ہیں۔ متاثرہ جانوروں کا بخار 105 ڈگری فارن ہائی تک پہنچ جاتا ہے اور وہ چارا کھانا بند کر دیتے ہیں۔ انہوں نے بتایا کہ اب ان کے گھر میں ایک کتا بھی اس بیماری میں مبتلا ہے۔

    مقامی ویٹرنری سینٹر سے تعلق رکھنے والے ایک شخص اویس نے کئی دنوں تک جانوروں کا علاج کیا لیکن کوئی فائدہ نہیں ہوا۔ انہوں نے کہا کہ انہیں اس بیماری کے بارے میں کوئی معلومات نہیں ہیں اور نہ ہی ان کے پاس اس کا کوئی علاج موجود ہے۔

    عوام کا مطالبہ: علاقہ کے لوگوں نے حکام سے مطالبہ کیا ہے کہ وہ ایک ڈاکٹر کی ٹیم تشکیل دے کر اس مہلک وبا کو کنٹرول کرنے کے لیے فوری اقدامات کریں۔ ان کا کہنا ہے کہ اگر جلد ہی اس پر قابو نہ پایا گیا تو یہ وبا پورے علاقے میں پھیل سکتی ہے۔

    حکام کا نوٹس: ملت نیوز کی رپورٹ پر فوری طور پر کارروائی کرتے ہوئے ڈپٹی ڈائرکٹر ویٹنری تحصیل گوجرہ محمد ارشد نے واقعہ کا نوٹس لیا ہے۔ انہوں نے ڈاکٹر اکبر کو کسی بھی ناگہانی صورتحال سے نمٹنے کے لیے تیار رہنے کا حکم دیا ہے۔

    اس کے علاوہ ایک ٹیم کو گاؤں چک نمبر 241 گ ب بھیجا گیا ہے اور لیبارٹری ٹیسٹ کے لیے نمونے جمع کیے جا رہے ہیں۔

  • کوٹ ادو: کباڑ کی دکان میں دھماکا، ایک شخص جاں بحق

    کوٹ ادو: کباڑ کی دکان میں دھماکا، ایک شخص جاں بحق

    کوٹ ادو(باغی ٹی وی رپورٹ) کباڑ کی دکان میں دھماکا، ایک شخص جاں بحق

    تفصیل کے مطابق کوٹ ادو کے نواحی علاقے قصبہ گرمانی میں ایک کباڑ کی دکان میں زوردار دھماکہ ہوا، جس کے نتیجے میں وہاں کام کرنے والا 31 سالہ محمد وسیم جاں بحق ہوگیا۔

    دھماکے کی اطلاع ملتے ہی بم اسکواڈ، فرانزک ٹیم اور سول ڈیفنس کی ٹیمیں فوری طور پر موقع پر پہنچ گئیں۔ محمد وسیم دھماکے سے پہلے کچرے کی چھانٹی میں مصروف تھا کہ اچانک یہ واقعہ پیش آیا۔

    دھماکے کے بعد ریسکیو ٹیمیں اور پولیس کی بھاری نفری بھی جائے وقوعہ پر پہنچ گئی۔ اس واقعے نے علاقے میں خوف و ہراس پھیلا دیا، اور دھماکے کی آواز سنتے ہی بڑی تعداد میں لوگ موقع پر جمع ہوگئے۔ تحقیقات کا آغاز کردیا گیا ہے۔

  • علی پور:بچے کے اغواء اور ہلاکت کا واقعہ،آرپی او ڈیرہ اور آئی جی پنجاب کانوٹس ،رپورٹ طلب

    علی پور:بچے کے اغواء اور ہلاکت کا واقعہ،آرپی او ڈیرہ اور آئی جی پنجاب کانوٹس ،رپورٹ طلب

    ڈیرہ غازیخان (سٹی رپورٹر جواد اکبر)علی پور میں بچے کے اغواء اور ہلاکت کا واقعہ،آرپی او ڈیرہ اور آئی جی پنجاب کانوٹس ،رپورٹ طلب

    تفصیلات کے مطابق آر پی او ڈیرہ غازیخان کیپٹن (ر) سجاد حسن خان نے مظفر گڑھ کی تحصیل علی پور کے تھانہ خیر پور سادات میں دو روز قبل اغوا ہونے والے چھ سالہ بچے کی لاش ملنے کے واقعے کا نوٹس لیتے ہوئے فوری اقدامات کا حکم دیا ہے۔21 ستمبر کو بچے کو اغوا کیا گیا، جس کے بعد اس کی تلاش کے لیے پولیس نے بھرپور کارروائیاں شروع کیں۔ تاہم دو روز بعد بچے کی لاش قریبی علاقے میں ملی، جس نے علاقے میں خوف و ہراس پھیلادیا۔

    آر پی او سجاد حسن خان نے ڈی پی او مظفر گڑھ سے واقعہ کی تفصیلی رپورٹ طلب کی ہے اور ہدایت کی ہے کہ یہ کیس جدید سائنسی طریقوں سے تحقیقات کے لیے پیش کیا جائے۔ انہوں نے خاص طور پر فرانزک ٹیموں کی مدد سے شواہد جمع کرنے پر زور دیا۔ اس کے علاوہ، انہوں نے ملزمان کی جلد از جلد گرفتاری کے لیے خصوصی ٹیمیں تشکیل دینے کا حکم دیا ہے۔

    آر پی او نے کہا کہ "یہ ایک سنگین واقعہ ہے اور ہمیں ملزمان کو ہر صورت میں گرفتار کرنا ہوگا۔” انہوں نے یہ بھی تاکید کی کہ پولیس لواحقین کے ساتھ قریبی رابطہ رکھے اور ان کی ہر ممکن مدد کی جائے۔

    آئی جی پنجاب ڈاکٹر عثمان انور نے بھی واقعے کا نوٹس لیتے ہوئے آر پی او سے رپورٹ طلب کی اور ڈی پی او مظفر گڑھ کو ملزمان کی گرفتاری کے لیے ہدایات دی ہیں۔ انہوں نے یقین دہانی کروائی کہ ملزمان کو قرار واقعی سزا دی جائے گی اور لواحقین کو انصاف کی فراہمی کو یقینی بنایا جائے گا۔

  • میرپورخاص : توہین رسالت پر مکمل ہڑتال،پولیس ملازمین کی برطرفی، کیا یہ انصاف ہے؟

    میرپورخاص : توہین رسالت پر مکمل ہڑتال،پولیس ملازمین کی برطرفی، کیا یہ انصاف ہے؟

    میرپور خاص (باغی ٹی وی نامہ نگار سید شاہزیب شاہ) توہین رسالت کے خلاف میرپور خاص میں شٹر ڈاؤن ہڑتال کا انعقاد کیا گیا، جس میں شہر کی تمام دکانیں بند رہیں۔ علمائے کرام اور تاجر برادری نے مشترکہ طور پر احتجاج کرتے ہوئے کہا کہ ایس ایس پی، ڈی آئی جی میرپور خاص اور تمام ایس ایچ اوز کی نوکریاں فوری طور پر بحال کی جائیں۔

    احتجاج کے دوران علمائے کرام نے کہا کہ میرپور خاص عاشق رسول کا شہر ہے اور یہاں کسی بھی قسم کی گستاخی کو برداشت نہیں کیا جائے گا۔ انہوں نے واضح کیا کہ وہ اپنے ساتھ کٹ سکتے ہیں، لیکن حضور اکرم ﷺ کی شان میں توہین کسی صورت میں برداشت نہیں کی جائے گی۔

    تاجر برادری نے بھی اس موقف کی حمایت کی اور حکومت سندھ سے مطالبہ کیا کہ جلد از جلد ڈی آئی جی اور ایس ایس پی کو ان کے عہدوں پر بحال کیا جائے، تاکہ شہر میں امن و امان کی صورتحال بہتر ہو سکے۔

    احتجاجی مظاہرین نے ایک آواز ہو کر کہا کہ حکومت کو عوام کی آواز سننی چاہیے اور ان کے مطالبات پر فوری کارروائی کرنی چاہیے۔