Baaghi TV

Category: جرائم و حادثات

  • میانوالی،پولیس چیک پوسٹ پر دہشت گردوں کا حملہ ناکام

    میانوالی،پولیس چیک پوسٹ پر دہشت گردوں کا حملہ ناکام

    میانوالی میں پنجاب پولیس نے دہشت گردوں کا حملہ ناکام بنا دیا

    میانوالی کے قبول خیل پولیس چیک پوسٹ پر رات گئے خوارج کے دہشت گردوں نے راکٹ لانچرز اور ہینڈ گرنیڈ سے حملہ کیا،تاہم پنجاب پولیس نے ایک بار پھر بھرپور قوت سے جواب دیتے ہوئے دہشت گردوں کا حملہ ناکام بنا دیا،دہشت گرد جوابی کاروائی کے بعد فرارہو گئے ہیں،ترجمان پنجاب پولیس کے مطابق 12 سے 14 خوارجی دہشت گردوں نے رات کی تاریکی کا فائدہ اٹھا کر قبول خیل چیک پوسٹ پر راکٹ لانچرز اور ہینڈ گرنیڈز سے حملہ کیا، چیک پوسٹ پر تعینات پنجاب پولیس کے جوان الرٹ ہونے کے باعث حملہ ناکام بنادیا گیا، پولیس نے شدید جوابی فائرنگ سے دہشت گردوں کا حملہ پسپا کر دیا،حملے میں 2 پولیس جوان معمولی زخمی ہوئے ہیں ،مفرور دہشتگردوں کی گرفتاری کے لیےعلاقے میں سرچ آپریشن شروع کردیا گیا ہے۔

    آئی جی پنجاب ڈاکٹرعثمان انور نے دہشت گردوں کا حملہ ناکام بنانے پر پولیس چیک پوسٹ قبول خیل کے بہادر اہلکاروں کو شاباش دی اور کہا کہ گزشتہ چند ماہ میں پنجاب پولیس پر دہشت گردوں کا یہ 9 واں حملہ ہے جو ناکام بنایا گیا،پنجاب پولیس بین الصوبائی سرحدی چوکیوں پر دہشت گردوں کے خلاف سیسہ پلائی دیوار ہے ہماری پولیس آئندہ بھی دشمن کے ناپاک عزائم کو خاک میں ملائے گی۔

    ویلڈن پولیس۔ شاباش۔ وزیر داخلہ کا میانوالی میں چیک پوسٹ پر دہشتگردوں کا حملہ ناکام بنانے پر پنجاب پولیس کی تحسین
    وفاقی وزیرداخلہ محسن نقوی نے میانوالی میں چیک پوسٹ پر فتنہ الخوارج کے دہشتگردوں کا حملہ ناکام بنانے پر پولیس کو شاباش دی ہے۔ وفاقی وزیرداخلہ محسن نقوی نے کہا کہ پنجاب پولیس نے ایک بار پھر فتنہ الخوارج کے دہشتگردوں کے ناپاک عزائم کو ناکام بنایا۔ وفاقی وزیر داخلہ محسن نقوی نے کہا کہ تھانہ عیسیٰ خیل کی چیک پوسٹ پر تعینات پولیس کے جوانوں نے جرات کے ساتھ 14 خارجی دہشتگردوں کو مار بھگایا۔ انہوں نے مزید کہا کہ رات کی تاریکی میں چھپ کر حملہ کرنے والے خارجی دہشتگردوں کو پولیس نے دندان شکن جواب دیا، خارجی دہشتگردوں کا حملہ ناکام بنانے والے پولیس جوانوں کی پیشہ وارانہ صلاحیتوں اور دلیری کو سراہتا ہوں۔ وفاقی وزیر داخلہ محسن نقوی نے کہا کہ خارجی دہشتگردوں کا حملہ ناکام بنانے پر پنجاب پولیس کے بہادر سپوتوں کو سلام پیش کرتا ہوں، پنجاب پولیس نے ایک بار پھر فتنہ الخوارج کے دہشتگردوں کے مذموم عزائم کو خاک میں ملایا۔انہوں نے کہا کہ پولیس نے دہشتگردی کے خلاف جنگ میں ہمیشہ بہادری اور شجاعت کا مظاہرہ کیا ہے، دہشتگردی کے خلاف جنگ میں پولیس نے سیسہ پلائی دیوار کا کردار ادا کیا ہے جو لائق تحسین ہے۔

  • گوجرانوالہ: ڈاکوؤں کا پولیس سے مقابلہ، دو ہلاک

    گوجرانوالہ: ڈاکوؤں کا پولیس سے مقابلہ، دو ہلاک

    گوجرانوالہ (باغی ٹی وی ،نامہ نگارمحمدرمضان نوشاہی): شہر میں قانون کی حکمرانی بحال کرنے کے لیے پولیس کی کامیاب کارروائی میں دو خطرناک ڈاکو ہلاک ہوگئے۔ تفصیلات کے مطابق تھانہ فیروزوالہ کے علاقے دھیرووالی میں چند روز قبل دو ڈاکوؤں نے ایک شہری کو قتل کرکے اس کی کار چھین لی تھی۔ پولیس نے فوری کارروائی کرتے ہوئے دونوں ملزمان کو گرفتار کرلیا تھا۔

    ملزمان کو میڈیکل چیک اپ کے لیے گوجرانوالہ میڈیکل کالج لے جایا جا رہا تھا کہ لوہیانوالہ نہر کے قریب نامعلوم افراد نے پولیس وین پر فائرنگ کرتے ہوئے ملزمان کو چھڑانے کی کوشش کی۔ پولیس نے جوابی فائرنگ کی جس کے نتیجے میں دو ڈاکو ہلاک ہوگئے۔ پولیس کا کہنا ہے کہ ہلاک ہونے والے ڈاکو وہی ہیں جنہیں پولیس نے قتل کے مقدمے میں گرفتار کیا تھا۔

    اس حوالے سے بات کرتے ہوئے سٹی پولیس آفیسر محمد ایاز سلیم نے کہا کہ پولیس نے شہر میں امن و امان قائم رکھنے کے لیے کمر کس لی ہے۔ ڈاکوؤں اور دیگر جرائم پیشہ عناصر کے خلاف کریک ڈاؤن جاری رہے گا۔ انہوں نے پولیس ٹیم کو اس کامیاب کارروائی پر مبارکباد دی۔

    شہر کے شہریوں نے پولیس کی اس کارروائی کا خیرمقدم کیا ہے اور کہا ہے کہ پولیس نے شہر کو خطرناک عناصر سے پاک کرنے کا بہترین کام کیا ہے۔

  • ڈیرہ غازی خان: محکمہ جنگلات، افسران کی غفلت،دھنگانہ رینج میں درختوں کا صفایا

    ڈیرہ غازی خان: محکمہ جنگلات، افسران کی غفلت،دھنگانہ رینج میں درختوں کا صفایا

    ڈیرہ غازی خان(باغی ٹی وی رپورٹ)محکمہ جنگلات کی غفلت،دھنگانہ رینج میں درختوں کا صفایا ہونے لگا

    تفصیل کے مطابق ڈیرہ غازی خان میں جنگلات کی بے دردی سے کٹائی جاری ہے۔ محکمہ جنگلات کے اہلکاروں کی مبینہ غفلت اور کرپشن کی وجہ سے دھینگانہ رینج لنک ون، شوریہ اور میرو کینال کی پٹڑیوں پر لگے ہوئے درختوں کا تیزی سے صفایا ہورہا ہے۔

    بلین ٹری منصوبے کے تحت دری میرو ہیڈ ورکس سے گیڈروالا پل اور لنک ون پر لگائے گئے درختوں کو بھی نقصان پہنچ رہا ہے۔ ایک طرف تو حکومت ٹری فار پاکستان کا نعرہ لگا رہی ہے، لیکن دوسری طرف محکمہ جنگلات کے اہلکار اسے ناکام بنانے میں مصروف ہیں۔

    ایک فاریسٹ گارڈ نے نام ظاہر نہ کرنے کی شرط پر بتایا کہ درختوں کی کٹائی روکنے کے لیے کوئی کارروائی نہیں کی جارہی۔ افسران بالا کی حمایت حاصل نہ ہونے کی وجہ سے وہ درختوں کی چوری روکنے میں ناکام ہیں۔

    اس سلسلے میں جب محکمہ جنگلات کے اہلکاروں سے رابطہ کیا گیا تو انہوں نے اس مسئلے پر کوئی بات کرنے سے گریز کیا۔

    اس واقعے نے ایک بار پھر ماحولیات کی تباہی اور جنگلات کی اہمیت پر سوال اٹھائے ہیں۔ حکومت کو اس مسئلے پر فوری نوٹس لے کر سخت کارروائی کرنی چاہیے۔

  • سیالکوٹ:چھت گرنے سے جان بحق ہونے والوں کے لواحقین کو مالی امداد کے چیک دیئے گئے

    سیالکوٹ:چھت گرنے سے جان بحق ہونے والوں کے لواحقین کو مالی امداد کے چیک دیئے گئے

    سیالکوٹ(باغی ٹی وی رپورٹ)وزیر اعلیٰ مریم نوازشریف کا انسان دوست اقدام: رکن صوبائی اسمبلی محمد منشاء بٹ نے وزیر اعلیٰ پنجاب مریم نواز شریف کی جانب سے چھت گرنے سے جاں بحق ہونے والے محمد فاروق اور عاقب مصطفیٰ کی بیوہ اور ماں کو 10 لاکھ روپے فی کس مالی امداد کے چیکس تقسیم کیے۔

    یہ واقعہ 24 مئی 2024 کو یونین کونسل بونکن میں پیش آیا تھا جب بارش کے باعث ایک مکان کی چھت اور دیوار گرنے سے محمد فاروق اور عاقب مصطفیٰ جاں بحق ہو گئے تھے۔

    محمد منشاء اللہ بٹ نے کہا کہ وزیر اعلیٰ مریم نواز شریف صوبے کی دکھی عوام کی خدمت کے لیے دن رات کوشاں ہیں۔ انہوں نے ہمت کارڈ اور اپنی چھت اپنا گھر جیسے پروگرامز کا ذکر کرتے ہوئے کہا کہ ان پروگراموں سے صوبے کے لوگوں کو بہت فائدہ ہو رہا ہے۔

    انہوں نے مزید کہا کہ مالی امداد کی انسان کی قیمت ہرگز نہیں ہو سکتی لیکن وزیر اعلیٰ کی جانب سے یہ مالی امداد سوگوار خاندانوں کے لیے ایک بڑی تسلی کا باعث ہے۔ انہوں نے اللہ تعالیٰ سے دعا کی کہ لواحقین کو صبر جمیل عطا فرمائے۔

  • اوچ شریف:7 سالہ بچی کرنٹ لگنے سے جاں بحق

    اوچ شریف:7 سالہ بچی کرنٹ لگنے سے جاں بحق

    اوچ شریف(باغی ٹی وی نامہ نگار حبیب خان) اوچ شریف کے نواحی علاقے رتہرنہڑانوالی کی بستی عبداللہ خان میں ایک دل دہلا دینے والا واقعہ پیش آیا ہے۔ جس میں 7 سالہ بچی محمد فیاض کی بیٹی پیڈسٹل فین کے ساتھ کھیلتے ہوئے کرنٹ لگنے سے جاں بحق ہو گئی۔

    بتایا جاتا ہے کہ بچی گھر میں پیڈسٹل فین کے ساتھ کھیل رہی تھی کہ اچانک اسے کرنٹ لگ گیا۔ اس حادثے سے گھر میں سنسناہٹ کی فضا قائم ہو گئی اور والدین کو شدید صدمہ پہنچا۔

    اس المناک واقعے نے ایک بار پھر بجلی کے خطرات کی طرف توجہ مبذول کرائی ہے۔ ماہرین کا کہنا ہے کہ گھروں میں بجلی کے آلات کے استعمال کے دوران احتیاطی تدابیر نہ برتنے سے ایسے حادثات رونما ہوتے ہیں۔

  • اوچ شریف: غیر قانونی پٹرول پمپوں کیخلاف کریک ڈاؤن، متعدد سیل

    اوچ شریف: غیر قانونی پٹرول پمپوں کیخلاف کریک ڈاؤن، متعدد سیل

    اوچ شریف(باغی ٹی وی نامہ نگارحبیب خان)ضلع بہاولپور کے ڈپٹی کمشنر کی ہدایت پر سول ڈیفنس نے اوچ شریف میں غیر قانونی طور پر چلنے والے پٹرول پمپوں اور ایل پی جی ریفلنگ شاپس کے خلاف کریک ڈاؤن شروع کر دیا ہے۔

    سول ڈیفنس کے اہلکاروں نے گزشتہ روز اوچ شریف کے مختلف علاقوں میں چھاپے مار کر متعدد دوکانیں سیل کر دیں۔ ان دوکانوں میں غیر قانونی طور پر پٹرول فروخت کیا جا رہا تھا اور ایل پی جی سلنڈر ریفل کیے جا رہے تھے۔

    سول ڈیفنس کے چیف انسٹرکٹر نوید بلوچ نے بتایا کہ یہ کارروائی ضلع بھر میں غیر قانونی پٹرول پمپوں اور ایل پی جی شاپس کے خلاف شروع کی گئی کریک ڈاؤن کا حصہ ہے۔ انہوں نے کہا کہ یہ پمپ اور شاپس نہ صرف غیر قانونی ہیں بلکہ ان سے انسانی جانوں کو بھی خطرہ ہے۔

    ڈپٹی کمشنر بہاولپور نے کہا ہے کہ اس طرح کی غیر قانونی سرگرمیوں سے نہ صرف حکومت کو مالی نقصان ہوتا ہے بلکہ عام شہریوں کی جان و مال کو بھی خطرہ ہوتا ہے۔ انہوں نے عوام سے اپیل کی ہے کہ وہ ایسے غیر قانونی پمپوں سے پٹرول نہ خریدیں اور اگر انہیں کسی بھی قسم کی غیر قانونی سرگرمی کی اطلاع ملتی ہے تو فوری طور پر سول ڈیفنس یا پولیس کو اطلاع دیں۔

  • پیٹرولیم مصنوعات کی اسمگلنگ، ملک کو سالانہ ایک ارب ڈالر کا نقصان

    پیٹرولیم مصنوعات کی اسمگلنگ، ملک کو سالانہ ایک ارب ڈالر کا نقصان

    اسلام آباد(باغی ٹی وی رپورٹ) ملک میں پیٹرولیم مصنوعات کی بڑھتی ہوئی اسمگلنگ نے قومی خزانے کو شدید دھچکا لگا ہے۔

    ایک حالیہ رپورٹ کے مطابق، پاکستان میں سالانہ تقریباً ایک ارب ڈالر مالیت کی پیٹرولیم مصنوعات غیر قانونی طور پر ملک میں داخل کی جا رہی ہیں۔ یہ مصنوعات زمینی اور سمندری راستوں سے ملک میں لائی جا رہی ہیں اور ملک کی کل کھپت کا تقریباً 20 فیصد حصہ بنتی ہیں۔

    آئل کمپنیز ایڈوائزری کونسل (او سی اے سی) نے اس مسئلے پر گہری تشویش کا اظہار کرتے ہوئے کہا ہے کہ اس سے ملک کی تیل کی صنعت کو سنگین خطرہ لاحق ہو گیا ہے۔ اسمگل شدہ پیٹرولیم مصنوعات کی وجہ سے حکومت کو ہونے والی محصول کی کمی سے ملکی معاملات چلانے میں مشکلات پیدا ہو رہی ہیں۔

    او سی اے سی کے مطابق حکومت نے کچھ عرصہ قبل اسمگلنگ کے خلاف کریک ڈاؤن شروع کیا تھا جس سے اس میں کمی واقع ہوئی تھی۔ لیکن بدقسمتی سےحالیہ مہینوں میں اسمگلنگ میں دوبارہ اضافہ دیکھنے میں آیا ہے۔

    اگر اس مسئلے پر قابو نہ پایا گیا تو اس سے ملک کی تیل کی سپلائی چین بری طرح متاثر ہو سکتی ہے۔ اس کے نتیجے میں ملک میں ریفائننگ شعبے کو بھی شدید نقصان پہنچ سکتا ہے۔

    وائس آف امریکہ کی ایک رپورٹ کے مطابق حال ہی میں پاکستان کے صوبہ بلوچستان کے انٹیلی جینس حکام نے ایرانی پیٹرول کی اسمگلنگ میں ملوث گروہ کا کھوج لگانے کا دعویٰ کیا ہے جس کی وجہ سے قومی خزانے کو سالانہ 227 ارب روپے کا نقصان ہو رہا تھا۔

    اس رپورٹ پر وفاقی حکومت نے بھی تشویش کا اظہار کیا ہے جس کے بعد ایران سے پیٹرول کی اسمگلنگ پر پابندی لگانے کی قیاس آرائیاں کی جا رہی ہیں۔

    ذرائع ابلاغ میں رپورٹ ہونے والے ان انکشافات میں کہا گیا ہے کہ انٹیلی جینس ایجنسیوں نے بلوچستان میں 738 پیٹرول فلنگ اسٹیشنز، اسمگلروں اور اہلکاروں پر مشتمل ایک گروہ کو بے نقاب کیا ہے۔

    رپورٹ کے مطابق صوبے میں تقریباً 100 کرپٹ افسران اور 105 ایرانی تیل کے اسمگلروں کی نشان دہی کی گئی ہے اور ان کے نام اور نمبرز بھی حکام کو فراہم کیے گئے ہیں۔

    رپورٹس کے مطابق حالیہ عرصے میں ایرانی پیٹرولیم مصنوعات کی اسمگلنگ دگنی ہو گئی ہے۔اس سے قبل نگراں حکومت کی جانب سے وسیع پیمانے پر کریک ڈاؤن کے باعث یہ کاروبار نصف ہونے کا دعویٰ کیا گیا تھا۔

    کوئٹہ کے علاقے ہزار گنجی میں ایرانی پیڑولیم کی مرکزی منڈی میں ایک ڈیلر نے نام ظاہر نہ کرنے کی شرط پر وائس آف امریکہ کو بتایا کہ ماضی کے مقابلے میں موجودہ حکومت کے دور میں ایرانی پیٹرول کی سپلائی میں اضافہ ہوا ہے۔

    ڈیلر کے مطابق ایرانی پیٹرول کی ترسیل میں اضافے کی وجہ سندھ اور پنجاب کو سپلائی میں اضافہ بتایا جاتا ہے۔

    خفیہ اداروں کی رپورٹ میں اس بات کا بھی ذکر کیا گیا ہے کہ فروری 2024 میں ہونے والے عام انتخابات کے بعد سے ایرانی تیل کی اسمگلنگ میں ایک بار پھر تیزی آئی ہے۔

    ایرانی پیٹرول لانے والے ایک ڈرائیور نے نام ظاہر نہ کرنے کی شرط پر وائس آف امریکہ کو بتایا کہ وہ تربت سے ایرانی پیٹرول کوئٹہ لاتے ہیں راستے میں ایک درجن سے زائد چیک پوسٹوں پر انہیں روکا جاتا ہے۔

    انہوں نے الزام عائد کیا ہے کہ ان چیک پوسٹوں پر بڑی گاڑیوں سے فی گاڑی پانچ ہزار جب کہ چھوٹی گاڑیوں سے فی گاڑی دو ہزار روپے وصول کیے جاتے ہیں۔ڈرائیور کے مطابق تربت سے کوئٹہ تک سفر میں عام طور پر آٹھ سے 10 گھنٹے لگتے ہیں مگر انہیں ہر چیک پوسٹ پر گھنٹوں روکا جاتا ہے جس کی وجہ سے کوئٹہ پہنچنے تک دو سے تین دن لگ جاتے ہیں۔

    ڈرائیور کا کہنا ہے کہ اس کاروبار میں جتنی بچت ہوتی ہے اس کا بڑا حصہ چیک پوسٹوں پر ہم سے لے لیا جاتا ہے۔

    بلوچستان میں ایرانی پیٹرول کے کاروبار سے وابستہ تنظیم "زمباد ایسوسی ایشن” کے ایک عہدے دار جان بلوچ نے وائس آف امریکہ سے گفتگو کرتے ہوئے کہا کہ ایرانی پیٹرول کی ترسیل اسمگلنگ میں نہیں آتی ہے اگر یہ اسمگلنگ ہوتی تو ایف سی اور ضلعی انتظامیہ ہماری گاڑیوں کو کس حیثیت میں رجسٹرڈ کرتی ہے۔

    داد جان نے یہ سوال اٹھایا ہے کہ حکومت نے ہماری پانچ ہزار تیل بردار گاڑیوں اور گوادر میں 10 ہزار کشتیوں کو رجسٹرڈ کر رکھا ہے۔ان کے مطابق پاکستان ایران سرحد پر بارڈر کراسنگ پوائنٹس پر روزانہ 600 گاڑیوں کو تیل لانے کی اجازت دی جاتی ہے

  • اچھی نوکری کے بہانے لڑکی کے ساتھ زیادتی،ملزم گرفتار

    اچھی نوکری کے بہانے لڑکی کے ساتھ زیادتی،ملزم گرفتار

    پنجاب کے صوبائی دارالحکومت لاہور میں خواتین کے ساتھ زیادتی کے واقعات میں کمی نہ آ سکی

    ساتھ کام کرنے والی لڑکی کو مرد ساتھی نے زیادتی کا نشانہ بنا دیا، لڑکی نے مقدمہ درج کروایا تو پولیس نے کاروائی کرتے ہوئے ملزم کو گرفتار کر لیا، پولیس حکام کے مطابق گرفتار ملزم عدنان اور متاثرہ لڑکی ایک ہی شاپ پر کام کرتے تھے، ملزم اچھی جاب دلانے کے بہانے لڑکی کو ساتھ لے گیا اور زیادتی کا نشانہ بنایا، ملزم ویڈیو بنا کر لڑکی کو بلیک میل کرتا رہا اور متعدد بار زیادتی کی، ایس ایس پی ڈاکٹر انوش مسعود چوہدری نے پولیس ٹیم کو ملزم کی فوری گرفتاری کا ٹاسک دیا تھا،درندہ صفت ملزم کو پولیس نے گرفتار کر لیا،ملزم عدنان کو ہیومن انٹیلی جنس سمیت جدید ٹیکنالوجی کی مدد سے گرفتار کیا گیا ،متاثرہ لڑکی کی والدہ نے تھانہ جنوبی چھاؤنی میں اغواء کا مقدمہ درج کروایا تھا، ملزم کی گرفتاری پر ایس ایس پی انویسٹی گیشن نے پولیس ٹیم میں تعریفی اسناد تقسیم کیں،

    بھارت،موٹرسائیکل پر لفٹ مانگنے والی کالج طالبہ کی عزت لوٹ لی گئی

    بیٹی کی لاش کی کس حال میں تھی،خاتون ڈاکٹر کے والد نے آنکھوں دیکھا منظر بتایا

    ٹرینی خاتون ڈاکٹر کی دل دہلا دینے والی پوسٹ مارٹم رپورٹ،شرمگاہ پر بھی آئی چوٹیں

    مودی کا بھارت”ریپستان” ڈاکٹر کے ریپ کے بعد آج بھارت میں ملک گیر ہڑتال

    بھارت ،ڈاکٹر کی نرس کے ساتھ زیادتی،دوسری نرس ،وارڈ بوائے نے کی مدد

    بھارت،ڈاکٹر زیادتی کیس، ملزم پورنو گرافی کا عادی،موبائل سے فحش ویڈیوز برآمد

  • آئیسکو اہلکار کروڑوں روپے رشوت لیتے ہوئے رنگے ہاتھوں گرفتار

    آئیسکو اہلکار کروڑوں روپے رشوت لیتے ہوئے رنگے ہاتھوں گرفتار

    آئیسکو اہلکاروں کو آڈٹ کلئیر کروانے کی آڑ میں رشوت دیتے ہوئے رنگے ہاتھوں گرفتار کر لیا گیا

    ایف آئی اے اسلام آباد زون کی بڑی کاروائی،آئیسکو اہلکاروں کو کروڑوں روپے رشوت لیتے ہوئے رنگے ہاتھوں گرفتار کر لیا گیا، آڈٹ آفسران نے آئیسکو آڈٹ کلئیر کروانے کے نام پر کروڑوں روپے رشوت وصول کی۔گرفتار ملزمان میں ذیشان علی، نزر حسین، اشتیاق احمد، جہانگیر احمد اور ثاقب صغیر شامل ہیں،ملزم ذیشان علی اکبر بطور آڈٹ آفیسر اور نزر حسین اسسٹنٹ آڈٹ آفیسر کو آڈٹ کے لئے نامزد کئے گیا تھا۔ملزمان کو ڈپٹی ڈائریکٹر پروکیورمنٹ اینڈ کوآرڈینیشن لاہور آفس کی جانب سے نامزد کیا گیا تھا،ملزمان کو آئیسکو آپریشن جہلم سرکل اور ریجنل منیجر ٹرانسفارمر ورکشاپ اسلام آباد کے آڈٹ کے لئے نامزد کیا گیا تھا،ملزمان سے 1 کروڑ 4 لاکھ 75 ہزار روپے برآمد کر لیے گئے،ملزمان کو جی ٹی روڈ گوجر خان سے گرفتار کیا گیا

    ملزمان کو مذکورہ رقم آئیسکو کے آکاونٹ آفیسر اشتیاق احمد، جہانگیر احمد اور ثاقب صغیر کی جانب سے دی گئی تھی،ملزمان کو رقم سمیت رنگے ہاتھوں گرفتار کر لیا گیا۔ابتدائی تفتیش کے مطابق آئیسکو کے آفسران نے مذکورہ رقوم فیلڈ میں تعینات اہلکاروں سے وصول کی۔ملزمان کے خلاف اینٹی کرپشن سرکل اسلام آباد نے مقدمہ درج کر لیا۔ملزمان کو گرفتار کر کے تفتیش کا آغاز کر دیا گیا۔گرفتار ملزمان کی نشاندہی پر مزید گرفتاریاں متوقع ہیں

    عمران خان کا خواب چکنا چور،آکسفورڈ یونیورسٹی کا سیاستدانوں‌کو چانسلر بننے سے روکنے کا فیصلہ

    عمران خان کے سیل کا دورہ کیا جائے تو وہاں سے کوکین ملے گی،حنیف عباسی

    190 ملین پاؤنڈ کیس،عمران کے گلے کا پھندہ،واضح ثبوت،بچنا ناممکن

    اڈیالہ جیل میں الیکشن کرائے جائیں، وہاں بھی عمران کو شکست ہو گی،بیرسٹر عقیل ملک

    عمران خان آکسفورڈ یونیورسٹی کے چانسلر کے لیے نامناسب ترین امیدوار قرار

    آکسفورڈ یونیورسٹی کے وی سی کا الیکشن ،پی ٹی آئی کا ایک اور جھوٹ بے نقاب

    عمران خان جیل سے آکسفورڈ یونیورسٹی کے چانسلر کے لیے الیکشن لڑیں گے

    عمران خان کو آکسفورڈ کا نہیں اڈیالہ جیل کے قیدیوں کا الیکشن لڑنا چاہیے،عظمیٰ بخاری

  • خلیل الرحمان قمر کیس، آمنہ عروج پر تشدد ثابت،پولیس اہلکاروں کیخلاف کاروائی کا حکم

    خلیل الرحمان قمر کیس، آمنہ عروج پر تشدد ثابت،پولیس اہلکاروں کیخلاف کاروائی کا حکم

    خلیل الرحمان قمر کیس، آمنہ عروج پر تشدد ثابت، عدالت نے پولیس افسران کے خلاف کاروائی کی ہدایت کر دی

    لاہور ہائیکورٹ نے خلیل الرحمان قمر کیس کی ملزمہ آمنہ عروج کی درخواست پر سماعت کا تحریری حکم جاری کر دیا ہے،عدالت نے ملزمہ کی حراستی تشدد کی درخواست پر تحریری حکم جاری کرتے ہوئے ڈی جی ایف آئی اے کو پولیس افسران کے خلاف شکایت درج کر کے کارروائی کی ہدایت کر دی،عدالت نے تحریری حکم میں کہا کہ میڈیکل رپورٹ سےثابت ہوا کہ آمنہ عروج پر جسمانی ریمانڈ کے دوران تشدد کیا گیا، کسٹوڈیل ڈیتھ ایکٹ 2022ء کے تحت حراستی تشدد جرم ہے،ملزمان کو سزا دینے کے لیے اس کیس کی تحقیقات ضروری ہیں، ملزمہ کے مطابق جسمانی ریمانڈ کے دوران ذہنی اور جسمانی تشدد کیا گیا، عدالتی حکم پر ملزمہ کو عدالت کے روبرو پیش کیا گیا، آمنہ عروج نے بتایا درخواست اس کی جانب سے دی گئی ہے

    واضح رہے کہ عدالت میں جمع کرائی گئی میڈیکل رپورٹ میں تفتیش کے دوران آمنہ عروج پر تشدد کا انکشاف سامنے آیا تھا،آمنہ عروج کی دونوں ٹانگوں پر تشدد کے نشانات پائے گئے، آمنہ عروج کو 3 انجریز ہیں، میڈیکل رپورٹ میں کہا گیا کہ آمنہ عروج کا ایکسرے اور دیگر ٹیسٹ کروائے جائیں،آمنہ عروج نے دوران تفتیش کرنٹ لگانے کا انکشاف کیا تھا تاہم ڈاکٹرز نے کرنٹ لگانے سے متعلق آمنہ عروج کے بیان سے اتفاق نہیں کیاتھا۔

    آمنہ عروج کی والدہ زینت بی بی نے لاہور ہائیکورٹ میں دائر درخواست میں موقف اختیار کیا کہ آمنہ عروج کو جسمانی ریمانڈ کے دوران پولیس کی جانب سے شدید جسمانی اور ذہنی تشدد کا نشانہ بنایا گیا، تشدد کے باعث آمنہ عروج شدید اندرونی و بیرونی چوٹوں کا شکار ہیں، آمنہ عروج کی والدہ جیل میں ملاقات کے لیے گئی تو انہیں بتایا گیا کہ آمنہ عروج کو اسپتال لے جایا گیا ہے لیکن والدہ کو پتہ لگا کہ آمنہ عروج کو اصل میں آرگنائز کرائم یونٹ کے تفتیشی افسر کے پاس لے جایا گیا ہے،درخواست میں استدعا کی گئی ہے کہ آمنہ عروج کو عدالت کے روبرو پیش کرنے اور میڈیکل کروانے کا حکم جاری کیا جائے۔

    خلیل الرحمان آج کل خبروں میں ہیں، گینگ سے تشدد کا نشانہ بننے سے لے کر نازیبا ویڈیو لیک ہونے تک ہر روز خلیل الرحمان قمر کی دو چار خبریں آ رہی ہیں، ہر خبر میں نئے انکشافات سامنے آ رہے جس میں خلیل الرحمان قمر کا حقیقی کردار بے نقاب ہو رہا ہے،خلیل الرحمان قمر آمنہ عروج کو فون کرتے تھے، خود ملنے گئے، ایک بار نہیں کئی بار ملے، نازیبا ویڈیو بنیں اور وائرل ہو گئیں، مقدمہ درج ہوا تو آمنہ عروج ،حسن شاہ و دیگر کو گرفتار کر لیا گیا خلیل الرحمان قمر بھی نازیبا ویڈیو وائرل ہونے کے بعد ایف آئی اے پہنچ گئے کہ میری ساکھ متاثر ہوئی ہے،خلیل الرحمان قمر کی نازیبا ویڈیو وائرل ہونے کے بعد انہیں سوشل میڈیا پر کڑی تنقید کا نشانہ بنایا جا رہا ہے،

    خلیل الرحمان قمر کو 15 جولائی کو مبینہ طور پر اغوا کرکے تشدد کا نشانہ بنایا گیا تھا، ملزمان کے خلاف 21 جولائی کو تھانہ سندر میں مقدمہ درج کیا گیا تھا،پولیس کے مطابق کیس کے مرکزی ملزم حسن شاہ سمیت 12 ملزمان پولیس کی تحویل میں ہیں،حسن شاہ 28 جولائی کو پشاور سے اپنے دوست کے ہمراہ گرفتار ہوا تھا اور اسی دن ہی خلیل الرحمان قمر کی نازیبا ویڈیو وائرل ہوئی تھی،پولیس نے گینگ کا سابقہ مجرمانہ ریکارڈ نکال لیا ہے، ملزم حسن شاہ کے خلاف ننکانہ صاحب میں اغواء ، تشدد ، بجلی چوری کے 2 مقدمات درج ہیں ،ملزم کے ساتھی رفیق عرف فیکو قتل سمیت سنگین جرائم میں ملوث رہا ہے،مرکزی ملزم حسن شاہ اور رفیق کو پولیس نے پشاور سے گرفتار کیا ہے،پولیس ریکارڈ کے مطابق رفیق عرف فیکو کے خلاف قتل ، اقدام قتل ، تشدد کے 6 مقدمات شیخوپورہ میں درج ہیں،ملزم رفیق لاہور میں بھی قتل کے مقدمہ کا اشتہاری ہے،ملزم رفیق مرکزی ملزم حسن شاہ کے شوٹر کے طور پر آپریٹ کرتا ہے، ملزم حسن شاہ منشیات کا عادی ہے،افیون سمیت پکڑا گیا ہے

    خلیل الرحمان قمر کی نازیبا ویڈیو پر عفت عمر بولیں،”ان کا جسم،ان کی مرضی”

    خلیل الرحمان قمر کو تھپڑ کس نے مارا،خاتون اینکر سے غیر اخلاقی حرکت

    میں نے خلیل الرحمان قمر کو ہنی ٹریپ نہیں کیا،آمنہ کی درخواست ضمانت دائر

    خلیل الرحما ن قمر کیس،آمنہ عروج کے مزید جسمانی ریمانڈ کی استدعا مسترد، جیل بھجوا دیا گیا

    نازیبا ویڈیو”لیک” ہونے سے میری ساکھ کو نقصان پہنچا،خلیل الرحمان قمر کا دعویٰ

    خلیل الرحمان قمر کو زنا کے جرم میں کیوں نہیں پکڑا جارہا؟صارفین برہم

    خلیل الرحمان قمر کی ایک اور "ویڈیو "آنے والی ہے

    تھانے میں آمنہ کو کرنٹ لگایا گیا،خلیل سے معافی مانگو

    خلیل قمر اور آمنہ کی انتہائی شرمناک ویڈیو،اس رات ہوا کیا تھا؟

    میری ویڈیو وائرل ہو گئی،دل کرتا ہے عدالت کے باہر خود کشی کر لوں،آمنہ عروج

    خلیل الرحمان قمر پر تشدد کرنیوالے ریکارڈ یافتہ ملزم نکلے

    خلیل الرحمان قمر کی نازیبا ویڈیو لیک ہو گئیں

    خلیل الرحمان قمر کیس،مرکزی ملزم حسن شاہ گرفتار

    خلیل الرحمان قمر کے اغوا کی کہانی،مکمل حقائق،ڈرامہ نگاری سے ڈرامائی بیان

    خلیل الرحمان قمر کے اغوا کے پیچھے کون؟

    خلیل الرحمان قمر پر تشدد میں ملوث خاتون سمیت 12 ملزمان گرفتار

    خلیل الرحمان قمر کی برابری کی خواہش آمنہ نے پوری کر دی

    خلیل الرحمان قمر کی نازیبا ویڈیو،تصاویر بھی خاتون کے پاس موجود ہیں،دعویٰ

    خلیل الرحمان قمر سے فون پر چیٹ،تصاویر کا تبادلہ،پھر اس نے ملنے کا کہا،ملزمہ کا بیان

    خواتین آدھے کپڑے پہن کر مردوں‌کو ہراساں کررہی ہیں خلیل الرحمان قمر

    سونیا کی جرائت کیسے ہوئی وہ کہے کہ اس نے میرے پاس تم ہو رد کیا خلیل الرحمان قمر

    اچھی بیوی کون ہوتی ہے خلیل الرحمان قمر نے بتا دیا

    خلیل الرحمان قمر نے پہلا لو لیٹر کس کو اور کس عمر میں لکھا

    خلیل الرحمان قمر کو اپنے حسن کی اداؤں سے لوٹنے والی آمنہ کی تصاویر

    خلیل الرحمان قمر اور آمنہ کی نازیبا ویڈیوز؟ ڈاکٹر عمر عادل کی نس بندی ہونی چاہئے

    ہمارے پاس ویڈیوز،خلیل الرحمان قمر آمنہ سے فزیکل ہونا چاہتا تھا،حسن شاہ کا دعوٰی