Category: جرائم و حادثات

سیالکوٹ (باغی ٹی وی سٹی رپورٹر مدثر رتو )پسرور میں تحصیل ہیڈ کوارٹر ہسپتال میں مریضوں کے ساتھ بدسلوکی،مریضوں کو نجی ہسپتالوں میں زبردستی بھیجنے کا انکشاف

تفصیلات کے مطابق متعدد مریضوں نے شکایت کی ہے کہ انہیں ہسپتال میں اس بات پر مجبور کیا جاتا ہے کہ وہ پیچیدہ آپریشن کے لیے سیالکوٹ یا نارووال کے نجی ہسپتالوں میں جائیں۔ مریضوں کا کہنا ہے کہ ڈاکٹروں نے انہیں بتایا کہ ہسپتال میں موجود سہولیات ناکافی ہیں اور ان کی جان کو خطرہ ہے۔

ایک مریضہ نے بتایا کہ جب وہ گائنی کے مسائل کے باعث ہسپتال آئی تو ڈاکٹر نے اسے بتایا کہ اس کا آپریشن بہت خطرناک ہے اور یہاں نہیں ہو سکتا۔ اس نے خوفزدہ ہو کر نجی ہسپتال میں جانا پڑا جہاں اس کی حالت نارمل پائی گئی اور اسے بغیر کسی پیچیدگی کے ڈیلیوری ہو گئی۔

مریضوں نے متعلقہ حکام سے مطالبہ کیا ہے کہ وہ اس مسئلے کا نوٹس لیں اور ڈاکٹروں کے خلاف سخت کارروائی کریں۔ ان کا کہنا ہے کہ سرکاری ہسپتال میں تعینات ڈاکٹروں کا فرض ہے کہ وہ مریضوں کو بہترین ممکنہ علاج فراہم کریں، نہ کہ انہیں نجی ہسپتالوں کی طرف راغب کریں۔

شہریوں کا کہنا ہے کہ کیا ہسپتال میں تعینات ڈاکٹروں کے پاس ضروری سہولیات اور سامان موجود ہے؟کیا ڈاکٹروں کو مریضوں کے ساتھ اچھا سلوک کرنے کی تربیت دی جاتی ہے؟کیا ہسپتال میں مریضوں کی شکایات سننے کے لیے کوئی نظام موجود ہے؟

دوسری طرف ماہرین کا کہنا ہے کہمریضوں کو ڈرا دھمکا کر نجی ہسپتالوں کی طرف راغب کرنا ایک سنگین جرم ہے۔اس سے نہ صرف مریضوں کا اعتماد کمزور ہوتا ہے بلکہ یہ صحت کے نظام کو بھی نقصان پہنچاتا ہے۔حکام کو اس مسئلے پر فوری طور پر کارروائی کرنی چاہیے اور مریضوں کو انصاف دلانا چاہیے۔

سیالکوٹ، باغی ٹی وی( بیوروچیف شاہد ریاض)ملاوٹ مافیا کو کچلا جائے گا: پنجاب فوڈ اتھارٹی کی بڑی کارروائی،گوجرانوالہ روڈ پر واقع معروف بیورج انڈسٹری پر چھاپہ مار کر 18 ہزار 830 لٹر ایکسپائر ڈرنکس تلف کیے گئے اور ایک لاکھ روپے کا جرمانہ عائد کیا گیا۔

سیالکوٹ: پنجاب فوڈ اتھارٹی نے ملاوٹ مافیا کے خلاف بڑی کارروائی کرتے ہوئے گوجرانوالہ روڈ پر واقع ایک معروف بیورج انڈسٹری پر چھاپہ مار کر 18 ہزار 830 لٹر ایکسپائر کاربونیٹڈ بیوریجز برآمد کرکے تلف کردی ہیں۔ اس کارروائی کے دوران پروڈکشن یونٹ میں صفائی کے انتہائی ناقص انتظامات پائے گئے۔

ڈی جی فوڈ اتھارٹی کے مطابق، ایکسپائر بیوریجز کو قریبی دیہاتوں اور چھوٹی دکانوں پر سپلائی کیا جانا تھا۔ سٹوریج ایریا میں حشرات کی بہتات اور دیواروں پر جالوں کی موجودگی بھی پائی گئی۔ انہوں نے کہا کہ زائد المیعاد اور غیر معیاری کاربونیٹڈ ڈرنکس کا استعمال متعدد بیماریوں کا باعث بن سکتا ہے۔

ڈی جی فوڈ اتھارٹی نے مزید کہا کہ خوراک کے معیار میں غفلت برتنے والوں کا کاروبار بند کر دیا جائے گا اور پنجاب کے باسیوں تک معیاری خوراک کی یقینی فراہمی کے لیے مسلسل کارروائیاں جاری رہیں گی۔ وزیر اعلیٰ پنجاب کے حکم پر صحت مند پنجاب مشن زور و شور سے تکمیل کی جانب گامزن ہے۔

فوڈ بزنس آپریٹرز کو مشورہ دیا گیا ہے کہ وہ پنجاب فوڈ اتھارٹی کی ویب سائٹ سے قوانین کے مطابق کاروبار کرنے کے لیے رہنمائی حاصل کرسکتے ہیں۔

سیالکوٹ، باغی ٹی وی( بیوروچیف شاہد ریاض کی رپورٹ)ائیرپورٹ پر ایف آئی اے کی بڑی کارروائی، 4 افراد گرفتار

تفصیل کے مطابق ایف آئی اے امیگریشن نے سیالکوٹ ائیرپورٹ پر بڑی کارروائی کرتے ہوئے اسٹاپ لسٹ اور جعلی سفری دستاویزات رکھنے والے 4 افراد کو گرفتار کر لیا ہے۔

گرفتار افراد میں طارق محمود، رئیس احمد، تیمور حسن اور تصور حسین شامل ہیں۔ طارق محمود اور رئیس احمد کا نام اسٹاپ لسٹ میں شامل تھا۔ طارق محمود فلائٹ نمبر G9-552 کے ذریعے شارجہ سے پاکستان پہنچا تھا اور اس کے خلاف سال 2024 میں مقدمہ درج تھا۔ سپیشل کورٹ سنٹرل-I لاہور کی ہدایت پر اس کا نام اسٹاپ لسٹ میں ڈالا گیا تھا۔ دوسری جانب، رئیس احمد فلائٹ نمبر PK177 کے ذریعے ابوظہبی جانے کی کوشش کر رہا تھا اور اس کا پاسپورٹ ترکی سے ڈیپورٹ ہونے کی وجہ سے اسٹاپ لسٹ میں شامل تھا۔

ایک اور کارروائی میں، تیمور حسن اور تصور حسین کو جعلی ویزے کی بنیاد پر فلائٹ سے اتار لیا گیا۔ یہ دونوں افراد فلائٹ نمبر G90553 کے ذریعے بوسنیا جا رہے تھے اور ان کے پاسپورٹس پر بوسنیا کے جعلی ویزے لگے ہوئے تھے۔ ابتدائی تفتیش کے مطابق، ملزمان نے ہر ایک ویزے کے لیے 25 لاکھ روپے کا رشوت دی تھی۔

تمام گرفتار افراد کو مزید قانونی کارروائی کے لیے اینٹی ہیومن ٹریفکنگ سرکل گوجرانوالہ منتقل کر دیا گیا ہے اور تفتیش جاری ہے۔