Baaghi TV

Category: جرائم و حادثات

  • گوجرانوالہ میں گولیاں چل گئیں، دو بھائی،چچا کی موت،سات زخمی

    گوجرانوالہ میں گولیاں چل گئیں، دو بھائی،چچا کی موت،سات زخمی

    نماز عید کے بعد پنجاب کے شہر گوجرانوالہ میں گولیاں چل گئیں، دو بھائی اور چچا کی موت جبکہ سات افراد زخمی ہو گئے

    واقعہ منڈیالہ میر شکاراں میں پیش آیا، پولیس موقع پر پہنچ گئی، پولیس حکام کے مطابق دو مسلح افراد نے چوک میں کھڑے افراد پر فائرنگ کی جس سے تین افراد کی موت ہوئی ،مرنے والوں میں دو بھائی اور چچا شامل ہیں، فائرنگ سے سات افراد زخمی ہوئے ہیں جنہیں طبی امداد کے لئے ہسپتال منتقل کر دیا گیا ہے، لاشوں‌کو بھی پوسٹ مارٹم کے لئے ہسپتال منتقل کر دیا گیا ہے.پولیس حکام کے مطابق گزشتہ رات معمولی جھگڑے کی بنا پر ملزمان نے فائرنگ کی اور فرار ہو گئے، جن پر فائرنگ کی گئی وہ نماز عید ادا کرنے کے بعد چوک میں موجود تھے،اور عید مل رہے تھے.

    جبری مشقت بارے آگاہی،انٹرنیشنل لیبر آرگنائزیشن کی لاہور میں میڈیا ورکشاپ

    بہت ہو گیا،طوائفوں کی ٹیم، محسن نقوی ایک اور عہدے کے‌خواہشمند

    قومی اسمبلی،غیر قانونی بھرتیوں پر سپیکر کا بڑا ایکشن،دباؤ قبول کرنے سے انکار

    سماعت سے محروم بچوں کے والدین گھبرائیں مت،آپ کا بچہ یقینا سنے گا

    حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام

    جمخانہ کلب میں مبینہ زیادتی،عظمیٰ تو پرانی کھلاڑی نکلی،کب سے کر رہی ہے "دھندہ

  • سرگودھا:پولیس کی کارروائی،راہزنی کی 19 وارداتوں میں ملوث تین رکنی گینگ گرفتار

    سرگودھا:پولیس کی کارروائی،راہزنی کی 19 وارداتوں میں ملوث تین رکنی گینگ گرفتار

    سرگودھا میں تھانہ جھال چکیاں پولیس کی بڑی کارروائی ، راہزنی کی 19 وارداتوں میں ملوث تین رکنی گینگ گرفتار کر لیا گیا ۔ ملزمان کے قبضہ سے رکشہ , موٹرسائیکل اور نقدی سمیت کل مالیتی 12 لاکھ 80 ہزار چار سو روپے کا مال مسروقہ برآمد کر لیا گیا ۔

    تفصیل سرگودھا سے ادریس نواز چدھڑ کی اس رپورٹ میں
    https://x.com/DrMustafa983/status/1802287688466223458

  • پنجاب بھر میں عیدالاضحیٰ کے موقع پر سیکیورٹی پلان ترتیب

    پنجاب بھر میں عیدالاضحیٰ کے موقع پر سیکیورٹی پلان ترتیب

    لاہور : پنجاب بھر میں عیدالاضحیٰ کے موقع پر پولیس نے سیکیورٹی پلان ترتیب دے دیا-

    باغی ٹی وی : آئی جی پنجاب ڈاکٹر عثمان انور کے مطابق مساجد، امام بارگاہوں اور نمازِ عید کے اجتماعات کے لیے سیکیورٹی پلان تشکیل دیا گیا ہے جس کے تحت 26 ہزار 500 مساجد، امام بارگاہوں، 900 کھلے عید کے اجتماعات پر 40 ہزار افسران اور اہلکار تعینات ہوں گے۔

    ڈاکٹر عثمان انور نے بتایا کہ لاہور میں نمازِ عید کے 5 ہزار سےزائد اجتماعات کی سیکیورٹی پر 6 ہزار اہلکار تعینات ہوں گےجبکہ 498 اسپیشل پولیس، 260 کیو آر ایف ٹیمیں بھی سیکیورٹی پر تعینات ہوں گی، اس کے علاوہ 13249 میٹل ڈکٹیٹرز، 217 واک تھرو گیٹس اور 4475 سی سی ٹی وی کیمرے نماز عید سکیورٹی انتظامات کے لیے استعمال کیے جائیں گے، لاہور سمیت صوبے بھر کی 227 مویشی منڈیوں کی سیکیورٹی کے فرائض 3 ہزار سے زائد افسران اور اہلکار انجام دے رہے ہیں۔

    لاہور: ہاسٹل میں رہائش پذیر لڑکی کی قابل اعتراض تصاویر بنانے والا ملزم

    انہوں نے پولیس حکام کو ہدایت کی ہے کہ قربانی کی کھالیں اکٹھی کرنے کے حوالے سے محکمہ داخلہ کے ایس او پیز پر عمل درآمد کروایا جائے کالعدم تنظیموں اور فورتھ شیڈول میں شامل افراد کی نگرانی کا عمل مزید مؤثر بنایا جائے، مساجد اور امام بارگاہوں کی چھتوں پر اسنائپرز اور سادہ لباس میں کمانڈوز کو تعینات کیا جائے۔

    انہوں نے عید کی تعطیلات کے دوران پارکوں اور تفریحی مقامات کی سیکیورٹی کے لیے اضافی نفری تعینات کرنے کا بھی حکم دیا ہے لاہور میں نماز ِعید کی سیکیورٹی کے لیے 06 ایس پیز، 22 ایس ڈی پی اوز، 83 ایس ایچ اوز، 480 اپر سبارڈنیٹس سمیت 06 ہزار سے زائد پولیس اہلکار تعینات ہوں گے۔

    وزیر داخلہ محسن نقوی کی چین کے سفیر جیانگ زی ڈونگ سے ملاقات

    سی سی پی او لاہور پولیس بلال صدیق کمیانہ کا کہنا ہے کہ پولیس مساجد، امام بارگاہوں اور نمازِعید کے اجتماعات کی حفاظت کے لیے پر عزم ہے، نمازِ عید کے اجتماعات کی سیکیورٹی کے لیے تمام دستیاب وسائل بروئے کار لائے جا رہے ہیں، نمازیوں کی سیکیورٹی کے لیے مساجد اور عید گاہوں کے باہر میٹل ڈیٹیکٹرز اور واک تھرو گیٹس نصب کیے جائیں گئے۔

    بلال صدیق کمیانہ نے ہدایت کی کہ عید ِقرباں کے موقع پر شہریوں کے جان و مال کا تحفظ یقینی بنایا جائے، شہر کی داخلی و خارجی پولیس چیک پوسٹوں پر گاڑیوں کی سخت چیکنگ یقینی بنائی جائے، قربانی کی کھالیں اکٹھی کرنے کے حوالے سے حکومت پنجاب کی جاری کردہ ہدایات پر من و عن عملدرآمد کروایا جائے گا۔

    وزیراعظم شہباز شریف اور تاجکستان کے صدر درمیان ٹیلیفونک رابطہ،عید الاضحیٰ پر مبارکباد

  • امریکی پارک میں جنونی شخص کی بچوں اور ان کی فیملیز پر فائرنگ،8 افراد زخمی

    امریکی پارک میں جنونی شخص کی بچوں اور ان کی فیملیز پر فائرنگ،8 افراد زخمی

    مشی گن: امریکی ریاست مشی گن کے شہر ڈیٹرائٹ کے سپلیش پارک میں کھیلنے والے بچوں اور ان کی فیملیز پر ایک جنونی شخص نے فائرنگ کردی جس کے نتیجے میں 8 افراد زخمی ہوئے۔

    باغی ٹی وی: نیو یارک پوسٹ کے مطابق ملزم نے روچسٹر ہلز میں بروکلینڈز پلازا اسپلیش پیڈ میں کھیلنے والے بچوں کو نشانہ بنایا اس نے 28 گولیاں داغیں، یہ واقعہ مقامی وقت کے مطابق شام پانچ بجے رونما ہوا۔

    اوکلینڈ کاؤنٹی کے شیرف مائیکل بوچرڈ نے بتایا کہ ملزم نے بار بار پستول لوڈ کیا اور فائرنگ کرتا رہا جب پولیس نے گھیرلیا تو اس نے خود کو گولی مار لی، پولیس نے ابتدائی طور پر بتایا تھا کہ 10 افراد زخمی ہوئے تھے تاہم مقامی اسپتالوں کی رپورٹ کے مطابق 8 افراد زخمی ہوئے، ان میں ایک ہی خاندان کے 3 افراد بھی شامل تھے۔

    ایک آٹھ سالہ بچے کے سر میں گولی لگی اس کی حالت نازک بتائی جاتی ہے زخمی بچوں سے تعلق رکھنے والی ایک خاتون کے پیٹ اور ٹانگوں میں گولیاں لگیں اور اس کی حالت بھی نازک بتائی جاتی ہے، یہ حملہ بغیر کسی منصوبہ بندی کے کیا گیا –

    کینیڈین فوج کیلئے بڑی داڑھی اور ڈریس کوڈ سے متعلق نیا حکم جاری

    وزیر داخلہ محسن نقوی کی چین کے سفیر جیانگ زی ڈونگ سے ملاقات

    لاہور: ہاسٹل میں رہائش پذیر لڑکی کی قابل اعتراض تصاویر بنانے والا ملزم

  • لاہور: ہاسٹل میں رہائش پذیر لڑکی کی قابل اعتراض تصاویر بنانے والا ملزم

    لاہور: ہاسٹل میں رہائش پذیر لڑکی کی قابل اعتراض تصاویر بنانے والا ملزم

    لاہور :صوبائی دارالحکومت کے ہاسٹل میں رہائش پذیر لڑکی کی قابل اعتراض تصاویر بنانے والا ملزم پولیس نےگرفتار کر لیا ۔

    باغی ٹی وی : پولیس کے مطابق یہ واقعہ لاہور لٹن روڈ پر قائم ہاسٹل میں ایک لڑکی کے ساتھ پیش آیا،ملزم چھپ کرکھڑکی سے لڑکی کی تصاویربنا رہا تھا جسے لڑکی نے دیکھ لیا اور ون فائیو پر کال کی، پولیس نے ملزم کےخلاف مقدمہ درج کرکے انویسٹی گیشن ونگ کے حوالے کردیا۔

    قبل ازیں لاہور کے نجی گرلز ہاسٹل میں خفیہ کیمروں سے لڑکیوں کی نازیبا ویڈیوز بنائے جانے کا انکشاف ہوا پولیس نے جوہر ٹاؤ ن میں نجی گرلز ہاسٹل میں خفیہ کیمرے لگا کر لڑکیوں کی نازیبا ویڈیوز بنانے کے معاملے پر مقدمہ درج کر لیا تھا مقدمہ گرلز ہاسٹل میں رہائش پذیر لڑکی کے چچا کی مدعیت میں 7 ملزمان کے خلاف درج کیا گیا جبکہ پولیس نے ہاسٹل خالی کروا لیا تھا-

    وزیر داخلہ کی محسن نقوی کی چین کے سفیر جیانگ زی ڈونگ سے ملاقات

    ایف آئی آر میں کہا گیا تھا کہ خفیہ کیمرہ گرلز ہاسٹل کے واش روم میں انتظامیہ کی جانب سے لگایا گیا جس سے لڑکیوں کی نازیبا ویڈیوز بنائی جا رہی تھیں، گرلز ہاسٹل میں مختلف شہروں کی 40 سے زائد طالبات رہائش پذیر تھیں، یہ ہاسٹل نجی سوسائٹی کا رہائشی اور اس کی بیوی چلا رہی تھی پولیس کے مطابق گرلز ہاسٹل میں رہائش پذیر لڑکیوں کے بیانات قلمبند کر لیے ہیں پولیس نے بتایاکہ ملزمان نے عدالت سے عبوری ضمانت کروا لی ہے تاہم انہیں جلد شامل تفتیش کیا جائے گا۔

    کینیڈین فوج کیلئے بڑی داڑھی اور ڈریس کوڈ سے متعلق نیا حکم جاری

  • وہاڑی: گٹر کی صفائی،دم گھٹنے سے 4 افراد جاں بحق

    وہاڑی: گٹر کی صفائی،دم گھٹنے سے 4 افراد جاں بحق

    وہاڑی(باغی ٹی وی) گھر کے گٹر کی صفائی کےدوران دم گھٹنے سے 4 افراد جاں بحق ہوگئے،جاں بحق ہونےوالوں میں ایک ہی گھر کے 3 افراد بھی شامل ہیں۔

    ریسکیو ذرائع کے مطابق وہاڑی کے نواحی گاؤں 80 ڈبلیوبی میں گھر کے باہر گٹر کی صفائی کے لیے مزدور اندر گیا۔تاہم جب مزدور واپس نہ آیا تو گھر کے 3 رہائشی گٹر میں اتر گئے جو دم گھٹنے سے جاں بحق ہوگئے۔

    ریسکیو ذرائع کا کہناہے کہ چاروں افراد کی لاشیں نکال لی گئیں اور اسپتال منتقل کر دیا گیا ہے۔

  • اوچ شریف:عید قربان،ٹماٹرٹرپل اور پیازڈبل سینچری کے قریب ،لہسن ،ادرک کے درمیان بھی مقابلہ جاری

    اوچ شریف:عید قربان،ٹماٹرٹرپل اور پیازڈبل سینچری کے قریب ،لہسن ،ادرک کے درمیان بھی مقابلہ جاری

    اوچ شریف ،باغی ٹی وی ( حبیب خان نامہ نگار)عید قربان،ٹماٹرٹرپل اور پیازڈبل سینچری کے قریب ،لہسن ،ادرک کے درمیان بھی مقابلہ جاری اورسبز مرچ کو پر لگ گئے، مقامی و تحصیل انتظامیہ منظر سے غائب، گرانفروشوں کو کھلی چھٹی، سبزی مافیاء عام آدمی کی کھال اتارنے میں مصروف

    تفصیلات کے مطابق اوچ شریف شہر و گردونواح میں گرانفروشی اپنے عروج پر پہنچ چکی ہے، عید سے قبل اشیاء خوردونوش کی قیمتوں میں خودساختہ اضافہ کردیا گیا ہے اس حوالہ سے ضلعی کی پرائس کمیٹی اور ضلعی انتظامیہ خاموش تماشائی نظر آرہی ہے، عید قریب آتے ہی گھروں میں استعمال ہونے والے خشک مصالحہ جات اور پیاز، ٹماٹر، ادرک، لہسن، سبز مرچ ودیگر اشیاء کی قیمتیں بھی بڑھ گئیں جبکہ جیسے جیسے بکرا عید قریب آرہی ہے ویسے ہی قیمتوں میں بھی اضافہ جاری ہے،

    مہنگائی سے ستائے شہریوں محمد یاسر، احمد علی، محمد بخش، اللہ وسایا، الٰہی بخش و دیگر نے میڈیا سے گفتگو کرتے ہوئے کہا کہ مہنگائی پہلے ہی اتنی ہے کہ ہم پریشان ہیں اور اب گرانفروش مافیاء نے غریب عوام کو عید سے پہلے ذبح کرنا شروع کردیا ہے،ٹماٹر300 روپے فی کلو ،پیاز150 روپے فی کلو لہسن ادرک بھی قوت خرید سےباہر ہوگئے

    اسی طرح مختلف اقسام کے مصالحہ جات کی قیمتوں میں بھی غیر معمولی اضافہ دیکھنے میں آرہا ہے۔اس حوالے سے شہریوں کا کہنا ہے کہ عید قربان کے قریب آتے ہی دکانداروں نے خود ساختہ مہنگائی کا طوفان برپا کرکے رکھ دیا ہے، جس کیوجہ سے متوسط اور مزدورطبقے سے تعلق رکھنے والے افراد شدید پریشانی کا شکار ہیں۔

    پرائس کنٹرول مجسٹریٹس ائیر کنڈیشنڈ کمروں میں بیٹھ کر مہنگائی سے بلبلاتے شہریوں کی آہ و بکا پر خاموش تماشائی بنے ہوئے ہیں اور ہر دکاندار کے اپنے اپنے نرخ ہیں کہیں بھی حکومتی رٹ قائم ہوتی نظر نہیں آرہی،شہریوں نے تاجران کی مبینہ خود ساختہ گرانفروشی پر شدید احتجاج کرتے ہوئے ضلعی و تحصیل انتظامیہ سے مطالبہ کیا ہے کہ فوری طور پر اس کا نوٹس لیتے ہوئے قانونی کارروائی عمل میں لائی جائے.

  • منڈی بہاؤالدین : پولیس کا برائی کے اڈے پر چھاپہ،تتلی دو بھنوروں سمیت گرفتار

    منڈی بہاؤالدین : پولیس کا برائی کے اڈے پر چھاپہ،تتلی دو بھنوروں سمیت گرفتار

    منڈی بہاؤالدین باغی ٹی وی( نامہ نکارافنان طالب)پولیس کا برائی کے اڈے پر چھاپہ،تتلی دو بھنوروں سمیت گرفتار

    پھالیہ میں ڈسٹرکٹ پولیس آفیسر احمد محی الدین گجر اور ڈاکٹر ممتاز میکن DSP سرکل پھالیہ کی خصوصی ہدایت پر ایس ایچ او تھانہ پھالیہ محمد آصف رانجھا کاقحبہ خانہ چلانے والوں کے خلاف کارروائی،تھانہ پھالیہ کے علاقہ محلہ مغلپورہ قینچی روڈ نزد شیخ ہوٹل پر پولیس کی بھاری نفری کاقحبہ خانہ پرریڈایک خاتون اور دومرد گرفتار

    تھانہ پھالیہ پولیس ظفر اقبال SI،قیصر عرفات LHE/1076،شبیع الحسن C/682 ،علی حسن C/635،سدرہ شہزادی LC/1294 بسلسلہ گشت پہ تھے مخبر خاص نے اطلاع دی کہ ابھی ریڈ کریں تو جسم فروشی کا دھندہ کرنے والے موقع سے گرفتار ہوسکتے ہیں

    نوجوان نسل کو تباہ کرنے میں نمایاں کردار ادا کرنے والی بدنام زمانہ جسم فروشی کا اڈہ قحبہ خانہ چلانے والی مسماۃ زاہدہ بی بی دختر شبیر احمد ساکن حافظ آباد حال مقیم پھالیہ محلہ مغل پورہ ،مسمی احسان اللہ ولد نظام دین قوم کیانہ راجپوت سکنہ سرخی محلہ اوکاڑہ حال مقیم مغلپورہ پھالیہ،صفدر حسین شاہ ولد غلام مصطفٰی قوم سید سکنہ چھنی رحیم شاہ 2024 -06-14 بوقت صبح 05:30 بجے پولیس نے ریڈ کیا جس کے نتیجے میں 2000 روپے وٹک رقم بھنورے اور تتلی سمیت پولیس نے گرفتار کرکے مقدمہ 371A،371B ت پ درج کرکے تفتیش کے بعد جیل روانہ کردیا

    ایس ایچ او تھانہ پھالیہ محمد آصف رانجھا کی میڈیا سے گفتگو میں کہنا تھاکہ علاقہ تھانہ پھالیہ میں کسی جرائم پیشہ کو جرم کرنے کی اجازت نہیں ہے جو بھی جرم کرے گا اسے جیل جانا پڑے گا.

  • پان کی دکان سے لوٹ مار کے الزام میں ڈی ایس پی معطل

    پان کی دکان سے لوٹ مار کے الزام میں ڈی ایس پی معطل

    کراچی: پان کی دکان سے لوٹ مار کے الزام میں ڈی ایس پی ظفر جاوید کو معطل کردیا گیا۔

    باغی ٹی وی : ڈی ایس پی ظفر جاوید بیٹے سمیت پان کی دکان میں لوٹ مار کے الزام میں گرفتار ہیں۔آئی جی سندھ نے ڈی ایس پی ظفر جاوید کو معطل کردیا ہے۔ اس حوالے سے جاری ہونے والے نوٹیفکیشن کے مطابق ڈی آئی جی سی آئی اے مقدس حیدر کو اس معاملے میں انکوائری افسر مقرر کردیا گیا ہےڈی آئی جی سی آئی اے کو 15 دن میں مکمل رپورٹ پیش کرنے کی ہدایت دی گئی ہے۔

    واضح رہےکہ کراچی کے علاقے گلشن اقبال 13 ڈی میں 2 روز قبل پان شاپ میں لوٹ مار کی واردات کا مقدمہ پان شاپ کے مالک کی مدعیت میں درج کیا گیا تھا۔دکاندار نے بتایا کہ اس واردات میں اسے 70 ہزار روپے سے زیادہ کا نقصان ہوا ہے، یہی لوگ رواں ماہ کی 2 تاریخ کو بھی مجھ سے لوٹ مار کرکے گئے، کیبن میں آتے ہی انہوں نے مجھے باہر جانے کا کہا، میں نے انکار کیا تو موبائل چھین لیا۔

    سپنٹک کی چوٹی پر لاپتا ہونے والے دو میں سے ایک جاپانی کوہ پیما کی …

    نان فائلر کی موبائل سم، بجلی اور گیس کنکشن بھی منقطع کرنے کی تجویز

    ٹی ٹوئنٹی ورلڈکپ:بھارت اور کینیڈا کے درمیان میچ بارش کی وجہ سے منسوخ

  • آن لائن خریدی گئی کروڑوں روپے کی منشیات برآمد،پولیس اہلکار سمیت 4 ملزمان گرفتار

    آن لائن خریدی گئی کروڑوں روپے کی منشیات برآمد،پولیس اہلکار سمیت 4 ملزمان گرفتار

    کراچی: سی آئی اے کراچی نے آن لائن خریدی گئی کروڑوں روپے کی منشیات برآمد کرکے اینٹی انکروچمنٹ پولیس اہلکار سمیت 4 ملزمان کو گرفتار کرلیا۔

    باغی ٹی وی : ڈی آئی جی سی آئی اے مقدس حیدر نے نجی خبررساں ادارے کو بتایا کہ سی آئی اے پولیس کو اطلاع ملی تھی کہ کراچی کا ایک گروپ آن لائن منشیات کی خریداری کرتا ہے اور اس گروپ میں چند افسران بھی شامل ہیں اسپیشلائزڈ انویسٹی گیشن یونٹ نے مخبر کی اطلاع پر اتحاد ٹاؤن میں چھاپہ مار کر ایک گاڑی سے 21 کلو منشیات برآمد کی ہے جو پشاور سے کراچی پہنچائی گئی تھیاور اس کی مالیت کروڑوں روپے ہے۔

    ڈی آئی جی نے کہا کہ سی آئی اے پولیس نے چھاپے میں اینٹی انکروچمنٹ میں تعینات پولیس اہلکار سکندر آفریدی سمیت سعد ولی، محمد سلیم اور محمد احمد خان کو گرفتار کیا ہے اور 21 کلو منشیات مذکورہ چاروں ملزمان کے قبضے سے برآمد کی گئی ہے گرفتار ملزمان یہ منشیات کراچی کے منشیات فروشوں کو فراہم کر رہے تھے۔

    ڈی آئی جی سی آئی اے مقدس حیدر نے کہا کہ کراچی میں منشیات فروشوں کا گروپ بلوچستان اور خیبرپختونخوا سے آن لائن منشیات اور اسلحہ خریدتا ہے اور اس حوالے سے اطلاعات پر اسپیلائزڈ انویسٹی گیشن یونٹ نے کارروائی کی اور گرفتار پولیس اہلکار سمیت چاروں ملزمان کے خلاف مقدمہ بھی درج کرلیا گیا ہے۔

    سپنٹک کی چوٹی پر لاپتا ہونے والے دو میں سے ایک جاپانی کوہ پیما کی …

    دوسری جانب پنجاب پولیس نے سعودی حکومت کو مطلوب مقدمہ قتل کا اشتہاری مجرم گرفتار کرلیا،ترجمان پنجاب پولیس کے مطابق اشتہاری مجرم غلام عباس قتل کی واردات کے بعد سعودی عرب سے فرار ہو گیا تھا جس کی گرفتاری کے لئے سعودی حکومت نے ریڈ نوٹس جاری کئے تھے۔

    نان فائلر کی موبائل سم، بجلی اور گیس کنکشن بھی منقطع کرنے کی تجویز

    ترجمان پنجاب پولیس نے بتایا کہ ڈی پی او منڈی بہاؤالدین کی زیر نگرانی اشتہاری مجرم کی گرفتاری کے لئے خصوصی ٹیم تشکیل دی گئی، پی او سیل کے انچارج انسپکٹر ظہیر بابر، سب انسپکٹر قاسم ممتاز نے اشتہاری مجرم کو گرفتار کیامجرم اشتہاری کو مزید کاروائی کے لئے ایف آئی اے حکام کے حوالے کیا جائے گا، آئی جی پنجاب ڈاکٹر عثمان انور نے سعودی حکومت کو مطلوب اشتہاری کی گرفتاری پر منڈی بہاؤالدین پولیس کو شاباش دی ہے۔

    ٹی ٹوئنٹی ورلڈکپ:بھارت اور کینیڈا کے درمیان میچ بارش کی وجہ سے منسوخ