اسلام آباد: پاکستان تحریک انصاف کے سیکرٹری اطلاعات رؤف حسن پر نامعلوم افراد نے حملہ کردیا۔
با غی ٹی وی: تفصیلات کے مطابق مرکزی سیکریٹری اطلاعات روؤف حسن پر نجی چینل کے دفتر کے باہر نا معلوم افراد کی جانب سے حملہ کیا گیا جس کے باعث وہ شدید زخمی ہوگئے، ذرائع کے مطابق روؤف حسن پر چاقو کے ذریعے نامعلوم افراد نے جی این این ٹی وی چینل کے آفس کے باہر حملہ کیا گیا، جس سے ان کا پی ٹی آئی کا چہرہ زخمی ہوگیا۔عینی شاہدین کے مطابق حملہ آور 4 تھے جنہوں نے کسی چیز سے رؤف حسن پر وار کیے اور ان سے چھینا جھپٹی کی کوشش بھی کی اور لوگوں کے جمع ہونے پر فرار ہوگئے۔
ترجمان پولیس کا کہنا ہے کہ رؤف حسن کو نجی ٹی وی کے دفتر کے باہر بلیڈ مارا گیا ہے۔عینی شاہدین کے مطابق رؤف حسن کو خواجہ سراؤں نے چہرے پر بلیڈ مارا۔پولیس موقع پر موجود ہے شواہد جمع کیے جارہے ہیں۔جن خواجہ سراؤں نے یہ کام کیا ہے ان کے خلاف سخت سے سخت کارروائی عمل میں لائی جائے گی ۔
پاکستان کی سیاسی پارٹی کے ترجمان پر حملہ کیا گیا،یہ ناقابل برداشت ہے،شبلی فراز
قائدحزب اختلاف سینیٹر شبلی فراز نے سینیٹ اجلاس میں اظہار خیال کرتے ہوئے کہاکہ ہمارے سیکرٹری اطلاعات پر نجی ٹی وی چینل میں حملہ ہوا ہے ،ان پر فزیکلی اٹیک کیا گیا ہے اور زخمی کیا گیا ہے، جس پر پی ٹی آئی اراکین نے شیم شیم کے نعرے لگائے، شبلی فراز نے کہا کہ ہم چاہیں گے کہ وزیر قانون کو چاہئے کہ رپورٹ طلب کریں اور کاروائی کریں ، اس پر فوری ردعمل چاہئے،بات یہاں تک آ گئی کہ پاکستان کی سیاسی پارٹی کے ترجمان پر حملہ کیا جاتا ہے یہ ناقابل برداشت ہے،بیرسٹر علی ظفر نے کہا کہ ہمیں ایوان سے واک آؤٹ کرنا چاہئے،وزیر قانون اعظم نذیر تارڑ نے کہاکہ یہ رپورٹ کریں اس معاملے پر ضرور کاروائی ہوگی ۔میں وزیر داخلہ سے اس معاملے کا پتہ کرتا ہوں ،حکومت کی ذمہ داری ہے کہ شہریوں کا تحفظ کرے،ایوان سے تحریک انصاف کے ارکان نے واک آؤٹ کرلیا.شبلی فراز نے کہا کہ رؤف حسن پر حملے کی 24گھنٹے میں تحقیقات کی جائیں، کٹھ پتلی ہی سہی اگر کوئی حکومت ہے تو ایوان کو رپورٹ دیں،
ملزمان بظاہر خواجہ سرا نظر آ رہے تھے،رؤف حسن
رؤف حسن نے خود پر ہونے والے حملے کے بعد پولیس کو ابتدائی بیان ریکارڈ کرادیا ہے،رؤف حسن نے بتایا کہ میں پاکستان تحریک انصاف کا سیکرٹری اطلاعات ہونے کی وجہ سے مختلف ٹی وی چینلز میں جاتا رہتا ہوں، آج بھی پروگرام کی ریکارڈنگ کے لیے جی سیون سیکٹر میں نجی ٹی وی کے آفس میں گیا تھا،ریکارڈنگ کے بعد جب باہرنکلا تو چار ملزمان نے حملہ کردیا،ملزمان بظاہر خواجہ سرا نظر آ رہے تھے، ملزمان نے قتل کی نیت سے مجھ پر حملہ کیا، مجھ پرتیز دھار آلے سے حملہ کیا گیا، میری کسی سے کوئی ذاتی رنجش نہیں، مجھ پر حملہ کرنے والے ملزمان کو گرفتار کر کے قانون کے مطابق کارروائی عمل میں لائی جائے۔
تحریک انصاف کے رہنما، قائد حزب اختلاف قومی اسمبلی عمر ایوب خان نے سیکرٹری اطلاعات تحریک انصاف رؤف حسن پر حملے کی مذمت کرتے ہوئے فوری تحقیقات اور کارروائی کا مطالبہ کیا اور کہا کہ حملے میں رؤف حسن کو جان سے مارنے کی کوشش کی اللہ نے نئی زندگی بخشی ہے، روف حسن پرقاتلانہ حملے کی شدید الفاظ میں شدید مذمت کرتے ہیں۔ رؤف حسن کی جلد صحت یابی کے لیے دعا گو ہوں۔
تصاویر:سعودی عرب میں سوئمنگ سوٹ فیشن شو،خواتین ماڈلز کی نیم عریاں کیٹ واک
بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے
سماعت سے محروم بچوں کے لئے بڑی خوشخبری
سماعت سے محروم بچوں کے والدین گھبرائیں مت،آپ کا بچہ یقینا سنے گا
چلڈرن ہسپتال کا کوکلیئر امپلانٹ کے تمام اخراجات برداشت کرنے کافیصلہ،ڈاکٹر جاوید اکرم
کم عمر لڑکیوں کے ساتھ زیادتی کے شوقین جعلی عامل کو عدالت نے سنائی سزا
کاروبار کے لئے پیسے نہ لانے پر بہو کو کیا گیا قتل
16 خواتین کو نازیبا و فحش ویڈیو ،تصاویر بھیج کر بلیک میل کرنے والا گرفتار
دوران پرواز 16 سالہ لڑکی کو ہراساں کرنیوالے کو ملی سزا
کپڑے اتارو،مجھے…دکھاؤ، اجتماعی زیادتی کا شکار لڑکی کو مرد مجسٹریٹ کا حکم
زبردستی دوستی کرنے والے ملزم کو خاتون نے شوہر کی مدد سے پکڑوا دیا
عوامی نیشنل پارٹی کے مرکزی صدر ایمل ولی خان نے کہا ہے کہ آج پتہ چلا خواجہ سراؤں کی بھی روزی لگی ہوئی ہے ہم سمجھ رہے تھے خواجہ سرا بیروزگار ہیں، آج پتہ چلا ان کی بھی روزی لگی ہوئی ہے، دہری شہریت والے کو جج تعینات کرنے پر پابندی کا ترمیمی بل دیکھنا پڑے گا۔دوسری جانب وزیر اطلاعات و نشریات عطا اللّٰہ تارڑ نے رؤف حسن پر حملے کی مذمت کی ہے اور کہا ہے کہ اسلام آباد میں ہونے والے حملے کی تحقیقات ہونی چاہیے تاکہ پتہ چلے کہ روف حسن پر حملہ کیوں ہوا؟رؤف حسن پر حملے میں ملوث خواجہ سرا کو حراست میں لیا جائے تو کہانی سامنے آجائے گی۔
