Category: جرائم و حادثات

پنجاب کے ضلع خوشاب میں افسوسناک واقعہ پیش آیا ہے، ٹریفک حادثے میں ایک ہی خاندان کے 13 افراد کی موت ہو گئی ہے

بنوں سے آنے والی گاڑی پنج پیر کے مقام پر گہری کھائی میں گرنے سے ایک ہی خاندان کی پانچ خواتین اور 8بچوں سمیت 13 افراد موقع پر جانبحق ہو گئے جبکہ 9شدید زخمی ہوئے ہیں، بدقسمت خاندان بنوں سے وادی سون محنت مزدوری کے لیے آرہا تھا،اطلاع پر ریسکیو ٹیمیں موقع پر پہنچ گئیں، لاشوں اور زخمیوں کو ہسپتال منتقل کیا گیا، پولیس حکام کے مطابق حادثہ بریک فیل ہونے کی وجہ سے باعث پیش آیا جس کے نتیجے میں ٹرک بے قابو ہو کر کھائی میں جا گرا،حادثے میں جاں بحق افرادکا تعلق ایک ہی خاندان سے ہے،

فاقی وزیرداخلہ محسن نقوی نے خوشاب کے قریب سون ویلی میں منی ٹرک کھائی میں گرنے سے قیمتی انسانی جانوں کےضیاع پر گہرے دکھ اور افسوس کا اظہار کیا ہے، وفاقی وزیرداخلہ محسن نقوی نے زخمیوں کی جلد صحتیابی کیلئے دعا کی اور کہا کہ افسوسناک حادثے میں ایک ہی خاندان کے 13 افراد کے جاں بحق ہونے کے واقعہ پر دلی دکھ ہوا ہے۔ جاں بحق افراد کے لواحقین کے غم میں برابر کے شریک ہیں۔

وزیرِاعلیٰ پنجاب مریم نواز شریف نے خوشاب سون ویلی حادثے پر گہرے رنج اور دکھ کا اظہارکیا ہے،وزیرِاعلیٰ مریم نواز شریف نے ٹرک کھائی میں گرنے سے ایک ہی خاندان کے 13 افراد کے جاں بحق ہونے پر اظہارِ افسوس کیا ہے،وزیرِاعلیٰ مریم نواز شریف نےسوگوار خاندان سے اظہارِ ہمدردی تعزیت کی ہے،

حکومت پاکستان اور سیکیورٹی فورسز کا انسداد منشیات آپریشن جاری ہے

پاکستان کو نشے کی لعنت سے نجات دلوانے کیلئے اینٹی نارکاٹکس فورس نے پسنی بلوچستان میں بڑا آپریشن کیا، آپریشن کپر پوسٹ، پسنی بلوچستان کے دور رساں پہاڑی علاقے کے سخت موسم میں کیا گیا،آپریشن کے دوران چرس کے 187 بیگ جن میں تقریباً 2.05 کلوگرام ٹن ضبط کی گئی اور منشیات فروشوں کو گرفتار کیا گیا،ضبط کی گئی منشیات کو نارکاٹکس فورس کی ٹیم نے پیدل 2 راتوں کے اندر پوسٹ پر پہنچایا،ملک کو منشیات سے مکمل پاک کرنے کیلئے متعلقہ ادارے اپنی کاروائیاں جاری رکھنے کیلئے پرعزم ہیں

ترجمان پاکستان کوسٹ گارڈز کے مطابق انٹیلی جنس ٹیم نے انسداد منشیات اور اینٹی سمگلنگ مہم کے سلسلے میں پسنی کے جنرل ایریا زیکو کپر پوسٹ کے شمال مغرب میں سرچ آپریشن کے دوران اعلیٰ کوالٹی کی 2052 کلو گرام چرس کے 187 بیگ برآمد کئے، یہ آپریشن انتہائی مشکل اور نا قابل رسائی پہاڑی علاقے میں انجام دیا گیا جبکہ پکڑی جائے والی منشیات کی عالمی منڈی میں قیمت 34.241 ملین ڈالر کے لگ بھگ ہے ، شبہ ہے کہ یہ منشیات بیرون ملک سمگل کی جانی تھی۔

پسنی سمیت کلانچ کے متعدد علاقوں میں منشیات چاکلیٹ کی طرح کھلے عام فروخت
دوسری جانب منشیات کی ناسور نے پسنی سمیت دیہی علاقوں کو لپیٹ میں لے لیا ہے، پولیس نفری اور وسائل کی کمی کا رونا رو رہی ہے ، نوجوان نسل کی بڑی تعداد منشیات کی لت میں مبتلا ہو رہے ہیں، پسنی ڈرگ سینٹر کے سربراہ اور کلانچ کے سابق چیئرمین امان جمعہ نے منشیات کے بڑھتے ہوئے پھیلاؤپر تشویش کا اظہار کرتے ہوئے کہا ہے کہ پسنی سمیت کلانچ کے متعدد علاقوں میں منشیات چاکلیٹ کی طرح کھلے عام فروخت ہو رہا ہے، جس سے نوجوان نسل تیزی کے ساتھ اس ناسور میں مبتلا ہو کر تباہی کی جانب گامزن ہیں ،ضلع گوادر کے شہری علاقوں کے ساتھ کلانچ سب سے زیادہ متاثر ہے جہاں ہر گھر تیزی کے ساتھ منشیات کی وبا سے متاثر ہو رہا ہے،جب اس سلسلے میں پولیس سے رابطہ کرتے ہیں تو وہ نفری کی کمی اور وسائل نہ ہونے کا رونا روتی ہے،

بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

سماعت سے محروم بچوں کے لئے بڑی خوشخبری

ایبٹ آباد میں "ہم جنس پرستی کلب” کے قیام کے لیے درخواست

ہنی ٹریپ،لڑکی نے دوستوں کی مدد سے نوجوان کیا اغوا

بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا

طالبات کو نقاب کی اجازت نہیں،لڑکے جینز نہیں پہن سکتے،کالج انتظامیہ کیخلاف احتجاج

امجد بخاری کی "شادی شدہ” افراد کی صف میں شمولیت

مجھے مسلم لیگ ن کے حوالے سے نہ بلایا جائے میں صرف مسلمان ہوں،کیپٹن ر صفدر