وہاڑی(باغی ٹی وی) گھر کے گٹر کی صفائی کےدوران دم گھٹنے سے 4 افراد جاں بحق ہوگئے،جاں بحق ہونےوالوں میں ایک ہی گھر کے 3 افراد بھی شامل ہیں۔
ریسکیو ذرائع کے مطابق وہاڑی کے نواحی گاؤں 80 ڈبلیوبی میں گھر کے باہر گٹر کی صفائی کے لیے مزدور اندر گیا۔تاہم جب مزدور واپس نہ آیا تو گھر کے 3 رہائشی گٹر میں اتر گئے جو دم گھٹنے سے جاں بحق ہوگئے۔
ریسکیو ذرائع کا کہناہے کہ چاروں افراد کی لاشیں نکال لی گئیں اور اسپتال منتقل کر دیا گیا ہے۔
اوچ شریف ،باغی ٹی وی ( حبیب خان نامہ نگار)عید قربان،ٹماٹرٹرپل اور پیازڈبل سینچری کے قریب ،لہسن ،ادرک کے درمیان بھی مقابلہ جاری اورسبز مرچ کو پر لگ گئے، مقامی و تحصیل انتظامیہ منظر سے غائب، گرانفروشوں کو کھلی چھٹی، سبزی مافیاء عام آدمی کی کھال اتارنے میں مصروف
تفصیلات کے مطابق اوچ شریف شہر و گردونواح میں گرانفروشی اپنے عروج پر پہنچ چکی ہے، عید سے قبل اشیاء خوردونوش کی قیمتوں میں خودساختہ اضافہ کردیا گیا ہے اس حوالہ سے ضلعی کی پرائس کمیٹی اور ضلعی انتظامیہ خاموش تماشائی نظر آرہی ہے، عید قریب آتے ہی گھروں میں استعمال ہونے والے خشک مصالحہ جات اور پیاز، ٹماٹر، ادرک، لہسن، سبز مرچ ودیگر اشیاء کی قیمتیں بھی بڑھ گئیں جبکہ جیسے جیسے بکرا عید قریب آرہی ہے ویسے ہی قیمتوں میں بھی اضافہ جاری ہے،
مہنگائی سے ستائے شہریوں محمد یاسر، احمد علی، محمد بخش، اللہ وسایا، الٰہی بخش و دیگر نے میڈیا سے گفتگو کرتے ہوئے کہا کہ مہنگائی پہلے ہی اتنی ہے کہ ہم پریشان ہیں اور اب گرانفروش مافیاء نے غریب عوام کو عید سے پہلے ذبح کرنا شروع کردیا ہے،ٹماٹر300 روپے فی کلو ،پیاز150 روپے فی کلو لہسن ادرک بھی قوت خرید سےباہر ہوگئے
اسی طرح مختلف اقسام کے مصالحہ جات کی قیمتوں میں بھی غیر معمولی اضافہ دیکھنے میں آرہا ہے۔اس حوالے سے شہریوں کا کہنا ہے کہ عید قربان کے قریب آتے ہی دکانداروں نے خود ساختہ مہنگائی کا طوفان برپا کرکے رکھ دیا ہے، جس کیوجہ سے متوسط اور مزدورطبقے سے تعلق رکھنے والے افراد شدید پریشانی کا شکار ہیں۔
پرائس کنٹرول مجسٹریٹس ائیر کنڈیشنڈ کمروں میں بیٹھ کر مہنگائی سے بلبلاتے شہریوں کی آہ و بکا پر خاموش تماشائی بنے ہوئے ہیں اور ہر دکاندار کے اپنے اپنے نرخ ہیں کہیں بھی حکومتی رٹ قائم ہوتی نظر نہیں آرہی،شہریوں نے تاجران کی مبینہ خود ساختہ گرانفروشی پر شدید احتجاج کرتے ہوئے ضلعی و تحصیل انتظامیہ سے مطالبہ کیا ہے کہ فوری طور پر اس کا نوٹس لیتے ہوئے قانونی کارروائی عمل میں لائی جائے.
منڈی بہاؤالدین باغی ٹی وی( نامہ نکارافنان طالب)پولیس کا برائی کے اڈے پر چھاپہ،تتلی دو بھنوروں سمیت گرفتار
پھالیہ میں ڈسٹرکٹ پولیس آفیسر احمد محی الدین گجر اور ڈاکٹر ممتاز میکن DSP سرکل پھالیہ کی خصوصی ہدایت پر ایس ایچ او تھانہ پھالیہ محمد آصف رانجھا کاقحبہ خانہ چلانے والوں کے خلاف کارروائی،تھانہ پھالیہ کے علاقہ محلہ مغلپورہ قینچی روڈ نزد شیخ ہوٹل پر پولیس کی بھاری نفری کاقحبہ خانہ پرریڈایک خاتون اور دومرد گرفتار
تھانہ پھالیہ پولیس ظفر اقبال SI،قیصر عرفات LHE/1076،شبیع الحسن C/682 ،علی حسن C/635،سدرہ شہزادی LC/1294 بسلسلہ گشت پہ تھے مخبر خاص نے اطلاع دی کہ ابھی ریڈ کریں تو جسم فروشی کا دھندہ کرنے والے موقع سے گرفتار ہوسکتے ہیں
نوجوان نسل کو تباہ کرنے میں نمایاں کردار ادا کرنے والی بدنام زمانہ جسم فروشی کا اڈہ قحبہ خانہ چلانے والی مسماۃ زاہدہ بی بی دختر شبیر احمد ساکن حافظ آباد حال مقیم پھالیہ محلہ مغل پورہ ،مسمی احسان اللہ ولد نظام دین قوم کیانہ راجپوت سکنہ سرخی محلہ اوکاڑہ حال مقیم مغلپورہ پھالیہ،صفدر حسین شاہ ولد غلام مصطفٰی قوم سید سکنہ چھنی رحیم شاہ 2024 -06-14 بوقت صبح 05:30 بجے پولیس نے ریڈ کیا جس کے نتیجے میں 2000 روپے وٹک رقم بھنورے اور تتلی سمیت پولیس نے گرفتار کرکے مقدمہ 371A،371B ت پ درج کرکے تفتیش کے بعد جیل روانہ کردیا
ایس ایچ او تھانہ پھالیہ محمد آصف رانجھا کی میڈیا سے گفتگو میں کہنا تھاکہ علاقہ تھانہ پھالیہ میں کسی جرائم پیشہ کو جرم کرنے کی اجازت نہیں ہے جو بھی جرم کرے گا اسے جیل جانا پڑے گا.
کراچی: پان کی دکان سے لوٹ مار کے الزام میں ڈی ایس پی ظفر جاوید کو معطل کردیا گیا۔
باغی ٹی وی : ڈی ایس پی ظفر جاوید بیٹے سمیت پان کی دکان میں لوٹ مار کے الزام میں گرفتار ہیں۔آئی جی سندھ نے ڈی ایس پی ظفر جاوید کو معطل کردیا ہے۔ اس حوالے سے جاری ہونے والے نوٹیفکیشن کے مطابق ڈی آئی جی سی آئی اے مقدس حیدر کو اس معاملے میں انکوائری افسر مقرر کردیا گیا ہےڈی آئی جی سی آئی اے کو 15 دن میں مکمل رپورٹ پیش کرنے کی ہدایت دی گئی ہے۔
واضح رہےکہ کراچی کے علاقے گلشن اقبال 13 ڈی میں 2 روز قبل پان شاپ میں لوٹ مار کی واردات کا مقدمہ پان شاپ کے مالک کی مدعیت میں درج کیا گیا تھا۔دکاندار نے بتایا کہ اس واردات میں اسے 70 ہزار روپے سے زیادہ کا نقصان ہوا ہے، یہی لوگ رواں ماہ کی 2 تاریخ کو بھی مجھ سے لوٹ مار کرکے گئے، کیبن میں آتے ہی انہوں نے مجھے باہر جانے کا کہا، میں نے انکار کیا تو موبائل چھین لیا۔
کراچی: سی آئی اے کراچی نے آن لائن خریدی گئی کروڑوں روپے کی منشیات برآمد کرکے اینٹی انکروچمنٹ پولیس اہلکار سمیت 4 ملزمان کو گرفتار کرلیا۔
باغی ٹی وی : ڈی آئی جی سی آئی اے مقدس حیدر نے نجی خبررساں ادارے کو بتایا کہ سی آئی اے پولیس کو اطلاع ملی تھی کہ کراچی کا ایک گروپ آن لائن منشیات کی خریداری کرتا ہے اور اس گروپ میں چند افسران بھی شامل ہیں اسپیشلائزڈ انویسٹی گیشن یونٹ نے مخبر کی اطلاع پر اتحاد ٹاؤن میں چھاپہ مار کر ایک گاڑی سے 21 کلو منشیات برآمد کی ہے جو پشاور سے کراچی پہنچائی گئی تھیاور اس کی مالیت کروڑوں روپے ہے۔
ڈی آئی جی نے کہا کہ سی آئی اے پولیس نے چھاپے میں اینٹی انکروچمنٹ میں تعینات پولیس اہلکار سکندر آفریدی سمیت سعد ولی، محمد سلیم اور محمد احمد خان کو گرفتار کیا ہے اور 21 کلو منشیات مذکورہ چاروں ملزمان کے قبضے سے برآمد کی گئی ہے گرفتار ملزمان یہ منشیات کراچی کے منشیات فروشوں کو فراہم کر رہے تھے۔
ڈی آئی جی سی آئی اے مقدس حیدر نے کہا کہ کراچی میں منشیات فروشوں کا گروپ بلوچستان اور خیبرپختونخوا سے آن لائن منشیات اور اسلحہ خریدتا ہے اور اس حوالے سے اطلاعات پر اسپیلائزڈ انویسٹی گیشن یونٹ نے کارروائی کی اور گرفتار پولیس اہلکار سمیت چاروں ملزمان کے خلاف مقدمہ بھی درج کرلیا گیا ہے۔
دوسری جانب پنجاب پولیس نے سعودی حکومت کو مطلوب مقدمہ قتل کا اشتہاری مجرم گرفتار کرلیا،ترجمان پنجاب پولیس کے مطابق اشتہاری مجرم غلام عباس قتل کی واردات کے بعد سعودی عرب سے فرار ہو گیا تھا جس کی گرفتاری کے لئے سعودی حکومت نے ریڈ نوٹس جاری کئے تھے۔
ترجمان پنجاب پولیس نے بتایا کہ ڈی پی او منڈی بہاؤالدین کی زیر نگرانی اشتہاری مجرم کی گرفتاری کے لئے خصوصی ٹیم تشکیل دی گئی، پی او سیل کے انچارج انسپکٹر ظہیر بابر، سب انسپکٹر قاسم ممتاز نے اشتہاری مجرم کو گرفتار کیامجرم اشتہاری کو مزید کاروائی کے لئے ایف آئی اے حکام کے حوالے کیا جائے گا، آئی جی پنجاب ڈاکٹر عثمان انور نے سعودی حکومت کو مطلوب اشتہاری کی گرفتاری پر منڈی بہاؤالدین پولیس کو شاباش دی ہے۔
سیالکوٹ،باغی ٹی وی (شاہدریاض بیوروچیف) ڈرائیونگ لائسنس بنواکر دینے والا ایک جعلی پولیس ملازم گرفتار دوسرا فرار
تفصیلات کے مطابق پولیس خدمت مرکز میں آنے والے شہری محمد سمیر ولد محمد رزاق سکنہ گاؤں حمید پور ڈاک خانہ چونڈہ تحصیل و ضلع سیالکوٹ نے بتلایا کہ وہ برائے سٹوڈنٹ ویزا پر بیرون ملک جا رہا ہے اس سلسلہ میں ڈرائیونگ لائسنس بنوانے کے لیے آیا تو اس کی دفتر ٹریفک پولیس کے باہر دو نوسر بازوں علی رضا ہارونی اور مرزا آصف سے ملاقات ہوئی
جنہوں نے اسے بتایا کہ ہم پولیس ملازم ہیں لائسنس دفتر میں ہمارے دوست تعینات ہیں ہمیں بھتہ دئیے بغیر ڈرائیونگ لائسنس نہیں بنوا سکتے اگر ڈرائیونگ لائسنس بنوانا ہے تو اس کے لیے ہمیں 15 ہزار روپے بھتہ کے طور پر دینے ہوں گے ۔ ورنہ ڈرائیونگ لائسنس ٹیسٹ میں فیل کروادیں گے جس پر طالب علم شہری محمد سمیر نے خوفزدہ ہو کر انہیں 15000 روپے دے دئیے ہیں۔
جو شہری کی شکایت پر ٹریفک آفیسر انسپکٹر خرم شہزاد نے ٹیم کے ہمراہ بروقت کارروائی عمل میں لاتے ہوئے موقع سے ایک ملزم علی رضا ہارونی کو پکڑ کر قابو کیا جبکہ اس کا دوسرا ساتھی مرزا آصف فرار ہو گیا۔
ملزمان کے خلاف مقدمہ درج کر لیا گیاہے ۔ ڈی پی او سیالکوٹ محمد حسن اقبال کا کہنا ہے کہ شریف شہریوں کے ساتھ ایسے واقعات میں ملوث ملزمان کسی بھی رعایت کے مستحق نہ ہیں۔
سیالکوٹ،باغی ٹی وی ( بیوروچئف شاہد ریاض)پسرور میں قتل یاخودکشی؟تھانہ بڈیانہ کی حدود میں 22 سالہ کی درخت سے لٹکتی لاش برآمد
پسرور میں تھانہ بڈیانہ کےملحقہ علاقہ گاؤں سوہل کے قریب پانی کی ٹربائن کے پاس درخت سے لٹکی 22 سالہ نوجوان کی لاش برآمد ہونے پر علاقے میں خوف و ہراس پھیل گیا
فرانزک ٹیم نے موقع پر پہنچ کر تفتیش شروع کردی ڈی ایس پی پسرور سرکل موقع پر موجود رہے
نوجوان کی شناخت غلام ربانی ولد ملک کرامت ساکن چک رندھاوا کےنام سےہوئی ہے،اطلاع پرپولیس نےموقع پرپہنچ کرکارروائی کاآغاز کردیا
اوکاڑہ ،باغی ٹی وی( نامہ نگار ملک ظفر)اوکاڑہ ینگ ڈاکٹرز ایسوسی ایشن اور نرسز کی جانب سے سانحہ خانیوال پر بازوں پر سیاہ پٹیاں باندھ کر او پی ڈی کے سامنے احتجاجی مظاہرہ ناقص کوالٹی کی ادویات پر چیز کرنے والے کرداروں کا تعین کرتے ہوئے ہسپتال میں موجود باقی ادویات کی چیکنگ کے لیے کمیٹی تشکیل دینے کا مطالبہ کیا گیا ۔
تفصیلات کے مطابق اوکاڑہ ینگ ڈاکٹرز ایسوسی ایشن اور نرسز نے آج خانیوال سانحہ کے خلاف احتجاجی مظاہرہ کیا اس موقع پر وائے ۔ڈی ۔اے اوکاڑہ کے صدر ڈاکٹر معاویہ کا کہنا تھا کہ یہ ایک انتہائی افسوناک واقعہ ہے اس کی جتنی بھی مذمت کی جائے کم ہے انکا مزید کہنا تھا کہ دکھ کی اس گھڑی میں ہم متاثرہ فیملیز کے ساتھ کھڑے ہیں
انہوں نے حکومت پنجاب سے مطالبہ کیا ہسپتال میں ناقص کوالٹی ادویات کی خریداری میں ملوث عناصر کو بے نقاب کرتے ہوئے قرار واقعی سزا دی جائے اور ہسپتال میں موجود باقی میڈیسن کی چیکنگ کے لیے بھی کمیٹی قائم کی جائے تاکہ مزید قیمتی جانی نقصان سے بچا جا سکے
ینگ ڈاکٹرز ایسوسی اوکاڑہ کے صدر ڈاکٹر معاویہ کا کہنا تھاکہ خانیوال انتظامیہ اس واقعہ میں کسی بھی سٹاف نرس یا عملے کو ملوث کرنے سے قبل معاملے کی شفاف انکوائری کو یقینی بنائے تاکہ مجرم کو قرار واقعی سزا مل سکے.
سیالکوٹ ، باغی ٹی وی( شاہد ریاض بیوروچیف)پنجاب فوڈ اتھارٹی کی ٹیم نے کامیاب کارروائی کرتے ہوئے مختلف علاقوں میں گٹکا سپلائی کرنے کی کوشش ناکام بنا دی ہے اور بلا نمبری موٹر سائیکل رکشہ پر لاکھوں روپے مالیتی گٹکا لیجانے والے ملزم کو پولیس کے حوالے کر دیا ہے۔
حکومت پنجاب کی ہدایات کے مطابق ڈپٹی ڈائریکٹر پنجاب فوڈ اتھارٹی رضوان سعید نے بتایا کہ اطلاع ملنے پر فوڈ سیفٹی ٹیم کو تھانہ حاجی پورہ کے علاقہ میں کارروائی کے لئے تعینات کیا گیا جس نے ملزم ارمان اکبرکو 15لاکھ روپے مالیتی گٹکا مارکیٹ میں سپلائی کیلئے لیجاتے ہوئے موقع سے پکڑ لیا، ملزم کے خلاف تھانہ حاجی پورہ میں مقدمہ درج کرادیا گیا ہے۔
ڈپٹی ڈائریکٹر پنجاب فوڈ اتھارٹی رضوان سعید نے بتایا کہ تھانہ ستراہ کے علاقہ میں کاروائی کے دوران کیمکل ملا دودھ قبضہ میں لیکر دو ملزمان عرفان اعجاز اور عمیر حسن کو پولیس کے حوالے کر دیا گیا ہے۔
پنجاب فوڈ اتھارٹی کوٹلی لوہاراں کے علاقہ میں آپریشن 1500 لٹر ناقص مشروبات تلف کر دی گئیں، تلف کردہ مشروبات میں 2 لٹر اور 1.5 لٹر کی بوتلیں شامل ہیں ۔
فوڈ سیفٹی ٹیم کی کاروائی کے دوران سٹاکسٹ موقع سے فرار ہوگیا،حاجی ٹریڈرز کوٹلی لوہاراں کے خلاف مقدمہ درج
پنجاب کے شہر اٹک میں پولیس اہلکار نے وکیل کے چیمبر میں گھس کر گولیاں چلا دیں جس سے دو وکلا کی موت ہو گئی ہے
اطلاع پر پولیس موقع پر پہنچ گئی، پولیس حکام کے مطابق جس اہلکار نے گولیاں چلائیں وہ ایلیٹ فورس کا اہلکار ہے، ذاتی رنجش کی بنا پر پولیس اہلکار وکیل کے چیمبر میں داخل ہوا اور گولیاں چلا دیں جس کے نتیجے میں سابق صدر ڈسٹرکٹ بار اٹک اسرار احمد اور ایڈووکیٹ ذوالفقار مرزا کی موت ہو گئی ہے، پولیس نے فوری کاروائی کرتے ہوئے ملزم کو گرفتار کر لیا ہے، اور واقعہ کی تحقیقات کا آغاز کر دیا ہے، لاشوں کو پوسٹ مارٹم کے لئے ہسپتال منتقل کر دیا گیا ہے، پولیس حکام کے مطابق وکیل کے کیس ہارنے پر ایلیٹ فورس کے اہلکار نے فائرنگ کی، ایلیٹ فورس کے اہلکار کا نام انتظار شاہ ہے.
ضلع کچہری اٹک میں پولیس اہلکار کی فائرنگ سے 02 وکلا کے ہلاک ہونے کا معاملہ،وزیر اعلی پنجاب مریم نواز شریف کی ہدایت پر آئی جی پنجاب نے فوری نوٹس لے لیا، ترجمان پنجاب پولیس کے مطابق اٹک پولیس نے فائرنگ میں ملوث اے ایس آئی انتظار کو فوری گرفتار کرلیا،آئی جی پنجاب ڈاکٹر عثمان انور نے ملزم کے خلاف سخت ایکشن کا حکم دیا اور کہا کہ تفتیش کے تمام مراحل کے بعد ملزم کو قرار واقعی سزا یقینی بنائی جائے گی،ملزم کے خلاف ایف آئی آر درج، دہشت گردی کی دفعات شامل کی گئی ہیں
شاہد خاقان عباسی کچھ بڑا کریں گے؟ن لیگ کی آخری حکومت
جبری مشقت بارے آگاہی،انٹرنیشنل لیبر آرگنائزیشن کی لاہور میں میڈیا ورکشاپ
بہت ہو گیا،طوائفوں کی ٹیم، محسن نقوی ایک اور عہدے کےخواہشمند
قومی اسمبلی،غیر قانونی بھرتیوں پر سپیکر کا بڑا ایکشن،دباؤ قبول کرنے سے انکار
سماعت سے محروم بچوں کے والدین گھبرائیں مت،آپ کا بچہ یقینا سنے گا
حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام
جمخانہ کلب میں مبینہ زیادتی،عظمیٰ تو پرانی کھلاڑی نکلی،کب سے کر رہی ہے "دھندہ”
شیر خوار بچوں کے ساتھ جنسی عمل کی ترغیب دینے والی خاتون یوٹیوبر ضمانت پر رہا
مردانہ طاقت کی دوا بیچنے والے یوٹیوبر کی نوکری کے بہانے لڑکی سے زیادتی