Baaghi TV

Category: جرائم و حادثات

  • ریاستی اداروں کے خلاف مہم چلانے والا ملزم گرفتار

    ریاستی اداروں کے خلاف مہم چلانے والا ملزم گرفتار

    نیشنل سائبر کرائم انویسٹی گیشن ایجنسی (این سی سی آئی اے) نے بڑی کارروائی کرتے ہوئے ریاستی اداروں کو سوشل میڈیا میں بدنام کرنے کی مہم میں ملوث ملزم کو گرفتار کرلیا۔

    این سی سی آئی اے کے مطابق راولپنڈی میں 23 دسمبر 2025 کو کارروائی کرتے ہوئے سوشل میڈیا پر ریاستی اداروں کے خلاف مہم چلانے والے ملزم کو گرفتار کرلیا گیا، جن کے خلاف پیکا ایکٹ 2016 کی دفعات 20 اور 26(اے) کے تحت قائم مقدمہ درج کرلیا گیا ہے۔

    این سی سی آئی اے کے مطابق گرفتار شخص پر الزام ہے کہ وہ سوشل میڈیا کے ذریعے حکومتی و ریاستی اداروں کی ساکھ کو نقصان پہنچا رہا تھا اور کارروائی کے دوران ملزم کا موبائل فون تحویل میں لے لیا گیا اور متعلقہ شواہد ضبط کر لیے گئے،کارروائی ضلع راولپنڈی میں کی گئی جبکہ مقدمے کی مزید تفتیش این سی سی آئی اے راولپنڈی کے سب انسپکٹر غیور عباس جعفری کر رہے ہیں۔

    روس: ایک اور دھماکے میں دو پولیس افسران سمیت 3 افراد ہلاک

    بھارت کا سب سے بھاری سیٹلائٹ کامیابی سے خلا میں روانہ

    حکومت کا آئی ایم ایف کی شرط پوری کرنے کے لیے گندم خریداری کے عمل سے دستبرداری کا فیصلہ

  • اوچ شریف: سیلاب کے بعد کارپٹ روڈ شدید کٹاؤ کا شکار، حادثات کا خدشہ

    اوچ شریف: سیلاب کے بعد کارپٹ روڈ شدید کٹاؤ کا شکار، حادثات کا خدشہ

    اوچ شریف (نامہ نگار حبیب خان)دریائے چناب اور دریائے ستلج میں حالیہ سیلابی ریلے گزرنے کے بعد اوچ شریف اور گردونواح میں انفراسٹرکچر کو شدید نقصان پہنچا ہے۔ سب سے زیادہ تشویشناک صورتحال ترنڈ بشارت سے سرور آباد تک تقریباً پانچ کلو میٹر طویل کارپٹ روڈ کی ہے، جہاں سڑک کے دونوں اطراف شدید کٹاؤ کے باعث بنیاد کمزور ہو چکی ہے۔

    مقامی مشاہدے کے مطابق سیلابی پانی کے تیز بہاؤ نے سڑک کے کناروں کو بری طرح متاثر کیا ہے۔ کئی مقامات پر کارپٹ روڈ نیچے سے خالی ہو چکی ہے جبکہ بعض حصوں میں گہرے شگاف پڑ گئے ہیں۔ بظاہر ہموار دکھائی دینے والی یہ سڑک اندرونی طور پر غیر محفوظ ہو چکی ہے، جس پر بھاری ٹریفک کی آمد و رفت کسی بڑے حادثے کا سبب بن سکتی ہے۔

    سیلابی صورتحال ختم ہونے کے باوجود تاحال محکمہ ہائی ویز کی جانب سے سڑک کا تکنیکی معائنہ، مرمتی کام یا حفاظتی اقدامات شروع نہیں کیے جا سکے۔ خطرناک مقامات پر نہ تو وارننگ سائن بورڈ نصب ہیں اور نہ ہی ٹریفک کی رہنمائی کے لیے کوئی انتظام موجود ہے، جس سے عوامی تحفظ کے حوالے سے سنگین خدشات پیدا ہو گئے ہیں۔

    یہ سڑک اوچ شریف سمیت درجنوں دیہی آبادیوں کے لیے مرکزی رابطہ ذریعہ ہے، جس سے طلبہ، مریض اور کسان روزانہ مستفید ہوتے ہیں۔ بروقت اقدامات نہ کیے گئے تو نہ صرف عوام کو مشکلات کا سامنا کرنا پڑے گا بلکہ کروڑوں روپے کی لاگت سے تعمیر کی گئی یہ سڑک مکمل طور پر ناکارہ ہونے کا بھی خدشہ ہے۔

    علاقہ مکینوں اور سماجی حلقوں نے ضلعی انتظامیہ اور محکمہ ہائی ویز کے اعلیٰ حکام سے مطالبہ کیا ہے کہ ہنگامی بنیادوں پر سڑک کا تکنیکی سروے کرایا جائے، کٹاؤ روکنے کے لیے حفاظتی پشتے تعمیر کیے جائیں اور نکاسی آب کے مؤثر انتظامات کیے جائیں۔ شہریوں کا کہنا ہے کہ کسی بھی ناخوشگوار واقعے کی ذمہ داری متعلقہ محکموں پر عائد ہو گی۔

  • ڈیرہ غازی خان: موٹر سائیکل مارکیٹ میں دن دیہاڑے فائرنگ، شہری زخمی

    ڈیرہ غازی خان: موٹر سائیکل مارکیٹ میں دن دیہاڑے فائرنگ، شہری زخمی

    ڈیرہ غازی خان (نیوزرپورٹر شاہد خان) شہر کی مصروف موٹر سائیکل مارکیٹ میں دن دیہاڑے فائرنگ کے واقعے نے خوف و ہراس پھیلا دیا۔ فائرنگ کے نتیجے میں حجانہ نامی شخص شدید زخمی ہو گیا، جبکہ مبینہ حملہ آور جاوید وڈانی موقع سے فرار ہو گیا۔

    ذرائع کے مطابق معمولی تلخ کلامی کے بعد اچانک فائرنگ شروع ہوئی۔ زخمی شخص کو فوری طور پر ریسکیو 1122 کے ذریعے ٹیچنگ ہسپتال منتقل کر کے طبی امداد دی گئی۔

    پولیس کی بھاری نفری نے فوری طور پر جائے وقوعہ کا رخ کیا، اور ڈی پی او ڈیرہ غازی خان نے ملزم کی گرفتاری کے لیے خصوصی ٹیمیں تشکیل دے دی ہیں۔ حکام کا کہنا ہے کہ جاوید وڈانی کی تلاش جاری ہے اور جلد قانون کے شکنجے میں آئے گا۔

    واقعے پر انجمن تاجران نے شدید تشویش کا اظہار کیا اور ملزم کی فوری گرفتاری و عبرت ناک سزا کا مطالبہ کیا تاکہ بازار میں تحفظ کا احساس دوبارہ قائم ہو سکے۔

  • اوچ شریف: بلیک میلر گینگ کے سنسنی خیز انکشافات، لڑکیوں کو ورغلا کر نازیبا ویڈیوز بنانے والا گروہ بے نقاب

    اوچ شریف: بلیک میلر گینگ کے سنسنی خیز انکشافات، لڑکیوں کو ورغلا کر نازیبا ویڈیوز بنانے والا گروہ بے نقاب

    اوچ شریف ( باغی ٹی وی ، نامہ نگار حبیب خان)اوچ شریف کے علاقے میں گزشتہ دنوں وائرل ہونے والی نازیبا اور فحش ویڈیوز کے معاملے میں انتہائی چونکا دینے والے انکشافات سامنے آئے ہیں۔ تحقیقات کے دوران احسن رضا، عمر، ندیم اور عرفان پر مشتمل ایک منظم بلیک میلر گینگ بے نقاب ہوا ہے، جس میں اوچ گیلانی کی رہائشی عظمیٰ خورشید نامی خاتون مرکزی کردار ادا کر رہی تھی۔ انکشاف ہوا ہے کہ یہ گروہ عظمیٰ خورشید کے ذریعے شریف گھرانوں کی بچیوں کو ورغلا کر مخصوص ٹھکانوں پر لاتا تھا، جہاں ان کی عزت پامال کرنے کے بعد خفیہ ویڈیوز بنا لی جاتی تھیں تاکہ انہیں بلیک میل کیا جا سکے۔ اس گروہ کے مظالم کی انتہا یہ ہے کہ بدنامی کے خوف سے ایک متاثرہ لڑکی پہلے ہی خودکشی کر کے اپنی جان دے چکی ہے۔ ویڈیوز وائرل ہونے کے بعد تھانہ اوچ شریف میں پولیس کی مدعیت میں مقدمہ تو درج کر لیا گیا ہے، تاہم گینگ اب اپنے جرائم پر پردہ ڈالنے کے لیے اوچھے ہتھکنڈوں پر اتر آیا ہے۔

    ذرائع کے مطابق، گینگ کی اہم رکن عظمیٰ خورشید نے خود کو بچانے کے لیے نازیبا ویڈیوز میں نظر آنے والے احسن رضا کو اپنا شوہر ظاہر کیا ہے، حالانکہ احسن رضا پہلے سے شادی شدہ ہے اور عظمیٰ خورشید خود بھی اوچ گیلانی کے رہائشی محمد آصف کی منکوحہ ہے۔ عظمیٰ اور آصف کا کیس گزشتہ کئی سالوں سے عدالت میں زیر سماعت ہے اور ان کا ایک بچہ بھی ہے، جسے آصف اپنی اولاد تسلیم کرنے سے انکاری ہے اور اس نے عدالت میں ڈی این اے ٹیسٹ کی درخواست دے رکھی ہے۔ خفیہ ذرائع کا دعویٰ ہے کہ یہ گروہ قانونی گرفت سے بچنے کے لیے عظمیٰ خورشید کی اپنے شوہر سے طلاق اور احسن رضا سے نکاح کا ڈرامہ رچا کر خود کو میاں بیوی ثابت کرنے کی کوشش کر رہا ہے۔ ان ہوش ربا انکشافات کے بعد عوامی و سماجی حلقوں میں شدید تشویش کی لہر دوڑ گئی ہے اور شہریوں نے اعلیٰ حکام سے مطالبہ کیا ہے کہ تحقیقات کا دائرہ وسیع کر کے اس خطرناک بلیک میلر گینگ کو عبرتناک سزا دی جائے تاکہ آئندہ کوئی بھی شریف زادی ان کے ہتھے نہ چڑھ سکے اور نہ ہی کسی کو جان دینے پر مجبور ہونا پڑے۔

  • روزانہ 2 لاکھ لیٹر جعلی دودھ فروخت کرنے والا گروہ گرفتار

    روزانہ 2 لاکھ لیٹر جعلی دودھ فروخت کرنے والا گروہ گرفتار

    لاہور: پنجاب فوڈ اتھارٹی نے صوبے میں میں جعلی دودھ کا سب سے بڑا نیٹ ورک چلانے والے گروہ کو پکڑ لیا۔

    پنجاب فوڈ اتھارٹی نے ایک کارروائی کرتے ہوئے جعلی دودھ بنانے والے ملزم مقصود بھٹی، روف بھٹی اور ڈاکٹر خالد کو گرفتار کر کے نیٹ ورک توڑنے کا دعویٰ کیا ہے۔مقصود بھٹی 6 اور رؤوف بھٹی 8 مقدمات میں طویل عرصہ سے پولیس کو انتہائی مطلوب تھا۔

    وزیر اعلٰی پنجاب، مریم نواز شریف نے چیف سیکرٹری پنجاب سیکرٹری ہوم اور آئی جی پنجاب کا کامیابی پر شکریہ ادا کیاڈائریکٹر جنرل فوڈ اتھارٹی عاصم جاوید نے بتایا کہ ملزمان روزانہ 2 لاکھ لیٹر جعلی دودھ تیار کر کے پنجاب کے مختلف اضلاع میں سپلائی کرتے تھے۔

    تمام ریاستی اداروں کے تعاون سے ملکی معیشت مستحکم ہو رہی ہے, وزیراعظم

    قبل ازیں پنجاب فوڈ اتھارٹی نے جعلی اور ملاوٹی دودھ کے خلاف کارروائی میں 27 ہزار لیٹر جعلی دودھ برآمد کرکے تلف کر دیا تھا جوخشک پاوڈر اور ویجیٹیبل آئل سے تیار کیا جا رہا تھا اورانسانی صحت کے لیے انتہائی مضر ثابت ہو سکتا تھا۔ترجمان پنجاب فوڈ اتھارٹی نے بتایا تھا کہ کارروائی فیض آباد کے قریب محمدی کالونی میں قائم ایک غیر قانونی ملک پروڈکشن یونٹ کے خلاف کی گئی،کارروائی کے دوران موقع سے 4 مکسنگ مشینیں بھی تحویل میں لے لی گئیں جو جعلی دودھ تیار کرنے کے لیے استعمال کی جا رہی تھیں اس کے علاوہ 3200 کلو گھی اور 2500 کلو خشک پاوڈر بھی برآمد کیا گیا۔

    سعودی عرب میں منشیات وصول کرتے ہوئے 6 پاکستانی گرفتار

  • سعودی عرب میں منشیات وصول کرتے ہوئے 6 پاکستانی گرفتار

    سعودی عرب میں منشیات وصول کرتے ہوئے 6 پاکستانی گرفتار

    ریاض: سعودی عرب میں 71 کلوگرام منشیات وصول کرتے ہوئے 6 پاکستانی شہریوں کو گرفتار کرلیا گیا۔

    سعودی وزارتِ داخلہ کے سکیورٹی ترجمان طلال الشلہوب کے مطابق جنرل ڈائریکٹوریٹ آف نارکوٹکس کنٹرول (جی ڈی این سی) نے زکوٰۃ، ٹیکس اینڈ کسٹمز اتھارٹی کے تعاون سے ریاض ریجن میں مقیم 6 پاکستانی باشندوں کو گرفتار کیا، ملزمان کو 71 کلو گرام میتھایمفیٹامین وصول کرتے ہوئے حراست میں لیا گیا۔

    ایک اور کارروائی میں جی ڈی این سی کی جانب سے عمانی حکام کے ساتھ شیئر کی گئی انٹیلی جنس معلومات کی بنیاد پر اسمگلنگ کی دو کوششیں ناکام بنا دی گئیں جن کے دوران 200 کلوگرام سے زائد منشیات ضبط کی گئیں۔

    بلوچستان:سیکیورٹی بہتر بنانے کیلئے پہلا آرٹیفیشل انٹیلیجنس سیل قائم کرنے کا اعلان

    سکیورٹی ترجمان نے کہا کہ سعودی عرب منشیات کے ذریعے ملکی سلامتی اور نوجوانوں کو نشانہ بنانے والی مجرمانہ سرگرمیوں پر کڑی نظر رکھے گا، ایسی کوششوں کو ناکام بنائے گا اور ملوث عناصر کو قانون کے کٹہرے میں لایا جائے گا۔

    سندھ میں جرائم پیشہ عناصر کے لیے کوئی جگہ نہیں، ضیا الحسن لنجار

  • لاہور، گھر سے دو کم عمر بہنوں کی لاشیں برآمد

    لاہور، گھر سے دو کم عمر بہنوں کی لاشیں برآمد

    لاہور کے علاقے الفیصل ٹاؤن میں ایک افسوسناک واقعہ پیش آیا ہے جہاں ایک رہائشی گھر سے دو کم عمر بہنوں کی لاشیں برآمد ہوئی ہیں۔

    پولیس کے مطابق جاں بحق ہونے والی بہنوں کی عمریں بالترتیب 17 اور 19 سال تھیں، جن کی شناخت کرن اور مریم کے نام سے ہوئی ہے۔پولیس حکام کا کہنا ہے کہ واقعے کی اطلاع ملتے ہی پولیس کی بھاری نفری موقع پر پہنچی اور لاشوں کو تحویل میں لے کر پوسٹ مارٹم کے لیے اسپتال منتقل کر دیا گیا۔ واقعے کا مقدمہ درج کر لیا گیا ہے، تاہم ابتدائی تحقیقات کے دوران اہلخانہ لاشوں کے حوالے سے کوئی واضح یا تسلی بخش جواب نہیں دے سکے۔

    پولیس کے مطابق واقعے کی وجوہات جاننے کے لیے باقاعدہ تحقیقات کا آغاز کر دیا گیا ہے اور اہلخانہ سے تفصیلی پوچھ گچھ جاری ہے۔ تفتیشی حکام کا کہنا ہے کہ شواہد کی روشنی میں واقعے کے تمام ممکنہ پہلوؤں کا جائزہ لیا جا رہا ہے تاکہ اصل حقائق سامنے لائے جا سکیں۔

  • خانپور مہر کے قریب خونی واردات، رشتہ داری اور زمینی تنازع پر 3 افراد قتل، 3 زخمی

    خانپور مہر کے قریب خونی واردات، رشتہ داری اور زمینی تنازع پر 3 افراد قتل، 3 زخمی

    میرپور ماتھیلو (باغی ٹی وی ،نامہ نگار مشتاق علی لغاری)خانپور مہر کے قریب لِنڈی ٹوڑی کے علاقے میں پرانے خاندانی (سگاوَتی/خونی رشتہ داری) اور زمینی تنازع کے باعث مسلح افراد نے فائرنگ کر کے پتافی برادری کے تین افراد کو قتل اور تین کو شدید زخمی کر دیا۔

    رپورٹس کے مطابق واقعہ گزشتہ رات دیر گئے پیش آیا، جس میں دودو پتافی، حضور بخش پتافی اور اصغر پتافی موقع پر ہی جاں بحق ہو گئے، جبکہ زبیر پتافی، حبیب اللہ پتافی اور علی نواز پتافی فائرنگ سے زخمی ہوئے۔

    اطلاع ملتے ہی خانپور مہر پولیس جائے وقوعہ پر پہنچی اور جاں بحق افراد کی لاشوں اور زخمیوں کو تحصیل اسپتال شیخ حمدان بن محمد، خانپور مہر منتقل کیا۔ بعد ازاں زخمیوں کی حالت تشویشناک ہونے پر انہیں سکھر اسپتال ریفر کر دیا گیا۔

    پولیس ذرائع کے مطابق مقتولین اور زخمیوں کا تعلق پنجاب کے مختلف علاقوں لاہور، رحیم یار خان اور صادق آباد سے بتایا جا رہا ہے۔ لاشوں کا پوسٹ مارٹم مکمل ہونے کے بعد انہیں ورثاء کے حوالے کر دیا گیا، جنہوں نے ایمبولینسوں کے ذریعے لاشیں اپنے آبائی علاقوں کو منتقل کر دیا۔

    آخری اطلاعات تک واقعے کا مقدمہ درج نہیں ہو سکا تھا، تاہم پولیس کا کہنا ہے کہ واقعے کی تحقیقات جاری ہیں اور ملزمان کی گرفتاری کے لیے چھاپے مارے جا رہے ہیں۔

  • بنگلادیش میں ایک اور طالبعلم رہنما قاتلانہ حملے میں شدید زخمی

    بنگلادیش میں ایک اور طالبعلم رہنما قاتلانہ حملے میں شدید زخمی

    ڈھاکا:بنگلادیش میں ایک اور طالبعلم رہنما کو سر میں گولی مار کر شدید زخمی کردیا گیا۔

    بنگلہ دیشی میڈیا رپورٹ کے مطابق بنگلہ دیش کے جنوب مغربی شہر کھلنا میں نامعلوم مسلح افراد نے طالب علموں کی تحریک کے ایک اور رہنما کو سر میں گولی مار دی یہ واقعہ معروف نوجوان رہنما شریف عثمان ہادی کے قتل کے چند روز بعد پیش آیا ہے۔

    نیشنل سٹیزن پارٹی (این سی پی) کی جوائنٹ پرنسپل کوآرڈینیٹر محمودہ میتو نے فیس بک پوسٹ میں بتایا کہ مطلب سکندر این سی پی کے کھلنا ڈویژن کے سربراہ اور پارٹی کے ورکرز فرنٹ کے مرکزی کوآرڈینیٹر ہیں جنہیں آج گولی ماری گئی، انہیں تشویشناک حالت میں کھلنا میڈیکل کالج اسپتال منتقل کیا گیا ہےمطلب سکندر کے سر کے بائیں حصے میں گولی لگی اور انہیں شدید خون بہنے کی حالت میں اسپتال لایا گیا، جہاں ڈاکٹروں نے فوری طور پر ہنگامی علاج شروع کر دیا ہے۔

    عثمان ہادی کو گولی مارنے والے ملزم کی شناخت ہوگئی

    یہ حملہ ایسے وقت میں ہوا ہے جب چند روز قبل طالب علموں کی قیادت میں ہونے والے احتجاجی مظاہروں کے نمایاں رہنما شریف عثمان ہادی کو ڈھاکہ کے علاقے بیجئے نگر میں انتخابی مہم کے دوران نقاب پوش حملہ آوروں نے سر میں گولی مار دی تھی 32 سالہ ہادی بعد ازاں سنگاپور میں دورانِ علاج دم توڑ گئے تھے۔

    عثمان ہادی 12 فروری کو ہونے والے عام انتخابات کے امیدوار تھے عثمان ہادی کی موت کے بعد ڈھاکہ سمیت مختلف شہروں میں پرتشدد مظاہرے دیکھنے میں آئے تھے،پولیس کے مطابق کھلنا کے علاقے مجید سرانی میں ہونے والے تازہ حملے کے حوالے سے تاحال حملہ آوروں یا ان کے محرکات کے بارے میں کوئی واضح معلومات نہیں مل سکیں، تاہم ملزمان کی گرفتاری کے لیے فوری سرچ آپریشن شروع کر دیا گیا ہے۔

    پاکستان،لیبیا دفاعی معاہدہ دو اہم پہلوؤں کا عکاس

  • کراچی:گھریلو جھگڑے پر بھائی نے بھائی کو قتل کر دیا

    کراچی:گھریلو جھگڑے پر بھائی نے بھائی کو قتل کر دیا

    کراچی:بلدیہ ٹاؤن میں جھگڑے کے دوران تیز دھار آلے کے وار سے ایک شخص جاں بحق ہوگیا ،پولیس نے مقتول کے بھائی کو گرفتار کر لیا۔

    تفصیلات کے مطابق اتحادٹاؤن کے علاقے بلدیہ ٹاؤن قائم خانی نواب کالونی سیکٹر 13 روٹ نمبر 20 بس اسٹاپ کے قریب تیز دھار آلے کے وار سے ایک شخص جاں بحق ہوگیا ، مقتول کی لاش ایدھی ایمبولینس کے ذریعے سول اسپتال منتقل کی گئی۔

    عینی شاہدین کے مطابق واقعے کے فوری بعد سعیدآباد اور اتحاد ٹاؤن پولیس موقع پر پہنچ گئی تھی، تاہم دونوں تھانوں کی پولیس نے لاش کو ہاتھ نہیں لگایا اور حدود کے تنازعے میں ایک دوسرے سے لڑتی رہی ، پولیس کی اس لڑائی کی وجہ سے لاش کی کئی گھنٹوں تک بےحرمتی ہوتی رہی، بعدازاں ، ایس ایچ او اتحاد ٹاؤن سب انسپکٹر اسد الہی نے اپنے تھانے کی حدود مانتے ہوئے لاش ایدھی ایمبو لینس کے ذریعے سول اسپتال منتقل کرائی ، مقتول کی شناخت 25 سالہ خالد ولد اسلام کے نام سے کی گئی۔

    پی ٹی وی میں مالی کو پروڈیوسر لگائے جانے کا انکشاف

    ایس ایچ او کے مطابق شبہ ہے کہ مقتول کو اس کے بھائی وسیم نے قتل کیا ہے ، عینی شاہدین نے پولیس کو بتایا تھا کہ مقتول کا بھائی اسد واقعے کے فوری بعد جائے وقوعہ سے چلا گیا اور اس کے کپڑے خون آلود تھے ، کچھ دیر بعد وہ کپڑے تبدیل کر کے واپس آگیا تھا۔

    مقتول کا آبائی تعلق وزیرستان سے تھا وہ ایک بچے کا باپ تھا جبکہ مقتول اور اس کے بھائی وسیم کا لنڈے کے کپڑوں کا کام ہے ، واقعے سے متعلق مقتول والدین کو وزیرستان میں اطلاع کر دی گئی ہے جو کراچی آنے کے لیے روانہ ہو گئے ہیں ، مقتول کا بھائی مبینہ قاتل پولیس کی حراست میں ہے۔

    پاپوانیو گنی میں زلزلے کے شدید جھٹکے

    پولیس ذرائع کے مطابق وسیم نے اپنے بھائی کے قتل کا اعتراف کر لیا ، مقتول کی اہلیہ واقعے سے چند گھنٹوں قبل ہی اپنے بیٹے کو لیکر اپنے والدین کے گھر چلی گئی تھی جبکہ وہ جاتے ہوئے گھر سے طلائی زیورات ، نقدی اور دیگر قیمتی سامان بھی اپنے ہمراہ لے گئی تھی، پولیس واقعے کی تحقیقیات کر رہی ہے۔