Baaghi TV

Category: جرائم و حادثات

  • اوچ شریف: شہید کیپٹن محمد آصف شکرانی فوجی اعزاز کے ساتھ سپردِ خاک

    اوچ شریف: شہید کیپٹن محمد آصف شکرانی فوجی اعزاز کے ساتھ سپردِ خاک

    اوچ شریف( باغی ٹی وی، نامہ نگار حبیب خان) اوچ شریف کے نواحی گاؤں موضع شکرانی کے بہادر سپوت، پاک فوج کے نڈر افسر کیپٹن محمد آصف شکرانی کو بلوچستان میں دہشت گردوں کے خلاف آپریشن کے دوران وطن کی خاطر جان قربان کرنے پر پورے فوجی اعزاز کے ساتھ سپردِ خاک کر دیا گیا۔

    شہید کی نمازِ جنازہ مقامی گراؤنڈ میں ہزاروں سوگواران کی موجودگی میں ادا کی گئی، جس میں کور کمانڈر بہاولپور، ڈی پی او بہاولپور، ایم این اے کے فرزند مخدوم سید سمیع حسن گیلانی، سابق ایم پی اے مخدوم سید افتخار حسن گیلانی، موجودہ ایم پی اے مخدوم سید عامر علی شاہ، پاک فوج کے اعلیٰ افسران، وکلاء، صحافی، سماجی شخصیات اور علاقے کے عمائدین سمیت ہر طبقۂ فکر سے تعلق رکھنے والے افراد نے شرکت کی۔

    نمازِ جنازہ کے بعد شہید کے جسدِ خاکی پر پھولوں کی چادریں چڑھائی گئیں اور پاک فوج کے دستے نے سلامی پیش کی۔ فضا "پاک فوج زندہ باد”، "شہید کی جو موت ہے وہ قوم کی حیات ہے” اور "پاکستان زندہ باد” کے نعروں سے گونجتی رہی۔

    اس موقع پر کور کمانڈر بہاولپور نے کہا کہ کیپٹن محمد آصف شکرانی کی بہادری اور وطن سے محبت پاک فوج کے عزم اور قربانی کے جذبے کی روشن مثال ہے۔ انہوں نے کہا کہ پاک فوج دہشت گردی کے خاتمے اور وطن کے دفاع کے لیے ہر قربانی دینے کو تیار ہے۔

    علاقے کے مکینوں نے شہید کے اہل خانہ سے گہری ہمدردی کا اظہار کرتے ہوئے کہا کہ کیپٹن محمد آصف شکرانی کی شہادت ان کے لیے باعثِ فخر ہے اور ان کا نام ہمیشہ عزت و احترام سے یاد رکھا جائے گا۔

  • نارنگ منڈی: نوجوان نسل تباہ ،منشیات کی سرعام فروخت جاری،پولیس اور سیکیورٹی ادارے بے بس

    نارنگ منڈی: نوجوان نسل تباہ ،منشیات کی سرعام فروخت جاری،پولیس اور سیکیورٹی ادارے بے بس

    نارنگ منڈی (نامہ نگار: محمد وقاص قمر)نارنگ منڈی شہر اور گردونواح میں آئس سمیت دیگر منشیات کی سرعام فروخت عروج پر ہے۔ منشیات فروش دیدہ دلیری سے اپنا مکروہ دھندہ جاری رکھے ہوئے ہیں، جب کہ پولیس اور سکیورٹی ادارے بے بسی کی تصویر بنے ہوئے ہیں۔ اس تشویشناک صورتحال کے نتیجے میں نوجوان نسل تباہی کے دہانے پر پہنچ چکی ہے۔

    شہر میں آئس کے نشے کے ساتھ ساتھ چرس، افیون اور شراب کی فروخت بھی عام ہے۔ منشیات استعمال کرنے والوں کی تعداد میں دن بدن اضافہ ہو رہا ہے، اور سب سے زیادہ پریشان کن بات یہ ہے کہ اس میں کم عمر نوجوانوں کی تعداد تیزی سے بڑھ رہی ہے۔ منشیات فروشوں کی چاندی ہو چکی ہے اور وہ بغیر کسی خوف کے اپنے مذموم مقاصد میں کامیاب ہو رہے ہیں۔

    منشیات کی روک تھام کے لیے کوئی خاطر خواہ اقدامات نہ ہونے پر شہریوں میں شدید اضطراب پایا جاتا ہے۔ وہ سوال اٹھا رہے ہیں کہ آخر پولیس اور قانون نافذ کرنے والے ادارے کیوں خاموش تماشائی بنے ہوئے ہیں؟ روزانہ نئے لوگ اس لعنت کا شکار ہو رہے ہیں، اور کئی ماؤں کی گودیں اجڑ چکی ہیں۔

    اہل علاقہ کا کہنا ہے کہ پولیس منشیات فروشوں کو پکڑنے میں بری طرح ناکام ہو چکی ہے۔ پولیس کی اس ناکامی پر شہری برہم ہیں۔ اہل علاقہ نے آئی جی پنجاب ڈاکٹر عثمان انور سمیت تمام سیاسی نمائندوں اور سماجی تنظیموں سے مطالبہ کیا ہے کہ وہ اس سنگین صورتحال کا فوری نوٹس لیں اور شہر کو منشیات کے اس جال سے نجات دلائیں۔ شہریوں کا کہنا ہے کہ اگر فوری اقدامات نہ کیے گئے تو پورا شہر اس نشے کی لعنت میں جکڑ جائے گا۔

  • نارنگ منڈی: پیزا ڈلیوری بوائے لوٹ لیا گیا، تین مسلح ڈاکو فرار

    نارنگ منڈی: پیزا ڈلیوری بوائے لوٹ لیا گیا، تین مسلح ڈاکو فرار

    نارنگ منڈی (نامہ نگار محمد وقاص قمر) مریدکے نارووال روڈ پر مسلح ڈکیتی کی واردات میں پیزا ڈلیوری بوائے لٹ گیا۔ تفصیلات کے مطابق ایچ ایف سی نارنگ پیزا شاپ کا ڈلیوری بوائے جاوید مریدکے نارووال روڈ پر پیزا ڈلیوری کے لیے جا رہا تھا کہ پنڈوری کے قریب تین نامعلوم موٹر سائیکل سوار ڈاکوؤں نے اسے روک لیا۔ ملزمان نے اسلحہ کے زور پر ہزاروں روپے نقدی اور موبائل فون چھین لیا اور موقع سے فرار ہو گئے۔

    نارنگ پولیس نے واقعے کا مقدمہ درج کر کے ملزمان کی تلاش اور تفتیش کا آغاز کر دیا ہے۔

  • چنیوٹ:پولیس کا بڑے پیمانے پر کریک ڈاؤن، کروڑوں کا مسروقہ سامان برآمد

    چنیوٹ:پولیس کا بڑے پیمانے پر کریک ڈاؤن، کروڑوں کا مسروقہ سامان برآمد

    چنیوٹ ( باغی ٹی وی ، نامہ نگار حسن معاویہ)چنیوٹ پولیس نے جرائم پیشہ عناصر کے خلاف بڑے پیمانے پر کریک ڈاؤن کرتے ہوئے کروڑوں روپے مالیت کا مسروقہ سامان برآمد کر لیا۔ ڈسٹرکٹ پولیس آفیسر عبداللہ احمد نے پریس کانفرنس میں بتایا کہ کارروائیوں کے دوران 4 کروڑ 14 لاکھ روپے سے زائد کا سامان برآمد کیا گیا، جبکہ ڈکیتی، راہزنی اور چوری کی وارداتوں میں ملوث 300 سے زائد ملزمان کو گرفتار کیا گیا۔

    پولیس کے مطابق ملزمان سے 84 لاکھ روپے نقد، 25 تولے سونا، 150 سے زائد مال مویشی، 54 موٹرسائیکل، 55 موٹر بجلی اور سولر پینل، اور وارداتوں میں استعمال ہونے والا ناجائز اسلحہ برآمد کیا گیا۔ کریک ڈاؤن کے دوران ڈکیتی، راہزنی اور چوری کے 278 مقدمات یکسو کیے گئے۔

    ڈی پی او عبداللہ احمد نے برآمد شدہ سامان مدعیان کے حوالے کیا، جنہوں نے پولیس کا شکریہ ادا کیا۔ اس موقع پر انہوں نے اچھی کارکردگی دکھانے والے پولیس افسران کو تعریفی سرٹیفکیٹس اور انعامات دینے کا اعلان کیا۔ ان کا کہنا تھا کہ عوام کے جان و مال کا تحفظ پولیس کی اولین ترجیح ہے اور یہ ٹارگٹڈ کریک ڈاؤن آئندہ بھی جاری رہے گا۔

  • لوئردیر: نامعلوم افراد کی فائرنگ سے سرکاری اسکول ٹیچر بیٹی سمیت قتل

    لوئردیر: نامعلوم افراد کی فائرنگ سے سرکاری اسکول ٹیچر بیٹی سمیت قتل

    لوئر دیر:نامعلوم افراد کی فائرنگ سے اسکول ٹیچر بیٹی سمیت جاں بحق ہو گئے۔

    پولیس ذرائع کا کہنا ہے کہ دیر لوئر کے علاقے اسبنڑ شورشنگ خور میں نامعلوم افراد نے فائرنگ کر کے سرکاری اسکول کے استاد کو بیٹی سمیت قتل کر دیا سرکاری اسکول ٹیچر اپنی بیٹی کے ہمراہ جا رہے تھے کہ راستے میں نامعلوم حملہ آوروں نے ان پر اندھا دھند فائرنگ کر دی، جس کے نتیجے میں دونوں موقع پر ہی دم توڑ گئے۔

    واقعے کی اطلاع ملتے ہی پولیس کی بھاری نفری جائے وقوع پر پہنچ گئی اور علاقے کو گھیرے میں لے کر شواہد اکٹھے کرنے کے ساتھ ساتھ تحقیقات کا آغاز کر دیافائرنگ کے افسوسناک واقعے نے علاقے میں خوف و ہراس پھیلا دیا ہے جب کہ ملزمان کی تلاش کے لیے پولیس نے کارروائیاں شروع کردی ہیں۔

    کراچی: ٹرالر کی ٹکر سے موٹرسائیکل سوار جاں بحق، ڈرائیور گرفتار

    ہمیں ایک متحد قوم بن کر اپنے چیلنجز کا سامنا کرنا چاہیے،شرجیل میمن

    اسٹاک مارکیٹ میں مسلسل تیزی

  • بھارت میں سروگیسی اور بچوں کی اسمگلنگ کا بڑا اسکینڈل سامنےآگیا

    بھارت میں سروگیسی اور بچوں کی اسمگلنگ کا بڑا اسکینڈل سامنےآگیا

    بھارتی ریاست تلنگانہ اور آندھرا پردیش میں 15 سال سے متعدد سنٹرز چلانے والے ”یونیورسل سشٹی فرٹیلٹی سینٹر“ کے خلاف جعلی سروگیسی اور بچے کی اسمگلنگ کا اب ایک بڑا اسکینڈل سامنے آیا ہے، پولیس نے ا 25 افراد کو گرفتار کیا ہے جن میں ڈاکٹرز، لیب ٹیکنیشنز، ایجنٹس اور دیگر ملزمان شامل ہیں۔

    حیدرآباد پولیس کے شمالی زون کی ڈی سی پی نے این ڈی ٹی وی کو بتایا کہ جو بچے سروگیسی کے طور پر جوڑوں کو دیے گئے، ان کا اپنے والدین سے کوئی جینیاتی تعلق نہیں تھا،جو جوڑے 35 لاکھ تک کی رقم ادا کر کے ایک جینیاتی بچہ چاہتے تھے، وہ دراصل فراڈ کا شکار ہو گئے تھے۔

    تحقیقات کا آغاز اس وقت ہوا جب راجستھان کے ایک جوڑے نے ڈی این اے ٹیسٹ کروایا اور انہیں پتا چلا کہ جو بچہ انہیں سروگیسی کے ذریعے دیا گیا تھا، وہ نہ تو جینیاتی طور پر ان کا بچہ تھا اور نہ ہی ان کے ساتھ اس کا کوئی تعلق تھا،مزید تفتیش کے دوران پولیس نے ایک منظم انسانی اسمگلنگ اور بچے فروخت کرنے والا نیٹ ورک بے نقاب کیا، جو کہ سروگیسی اور فرٹیلٹی علاج کی آڑ میں چل رہا تھا۔

    مہنگائی اور واپڈا کی سلیب گردی، کیا یہی ہے آزادی؟

    ملزمان نے سروگیسی کے نام پر انتہائی بڑی رقوم وصول کیں، جو کبھی 30 سے 40 لاکھ تک پہنچ جاتی تھیں، جوڑے کو بتایا جاتا کہ ان کے جینیاتی بچے کا ایمبریو تیار کیا جا رہا ہے، نو ماہ بعد، وہ غیر جینیاتی بچے انہیں دے دیتے اور جوڑوں کو جعلسازی کے ذریعے باور کرایا جاتا کہ بچہ ان کا ہی ہےتحقیقات میں ایسے متعدد کیسز سامنے آئے ہیں جہاں جوڑے کو غیر متعلقہ بچے دیے گئے۔

    ایک جوڑے کو مردہ بچہ دکھایا گیا، جب کہ دوسرے جوڑے کو پری میچور لڑکی دی گئی، جو بعد میں جینیاتی طور پر ان کی ثابت نہ ہوئی، اس جعلسازی کے باعث دو بچے حکومت کے ششو وہار سنٹر میں منتقل کر دیے گئے، جنہیں والدین نے مسترد کر دیا تھا،اس پوری کارروائی کی سرغنہ ڈاکٹر اتھالوری نمرتا ہیں جن کے خلاف کئی مقدمات پہلے بھی درج ہیں اور ان پر چائلڈ ٹریفکنگ، میڈیکل فراڈ اور دھوکہ دہی کے الزامات ہیں۔

    چیف جسٹس کی بحریہ ٹاؤن کی جائیداد نیلامی کا کیس سننے سے معذرت

    ڈاکٹر نمرتا اور ان کے معاونین کو گرفتار کیا جا چکا ہے، جن میں ان کا بیٹا، وکیل پچیپالا ایس ایس جےنتھ کرشنا بھی شامل ہےتلنگانہ حکومت نے ریاست بھر کے تمام فرٹیلٹی سینٹرز کی جانچ کا حکم دیا ہے، اور حیدرآباد پولیس کمشنر نے اس کیس کو مزید تحقیقات کے لیے سینٹرل کرائم اسٹیشن کی اسپیشل انویسٹی گیشن ٹیم کو منتقل کر دیا ہے۔

    ڈی سی پی رشمی پرمل نے عوام سے جعلی فرٹیلٹی سروسز سے بچنے کی اپیل کی ہے اور کہا کہ بھارت میں تجارتی سروگیسی غیر قانونی ہے، اس لیے صرف لائسنس یافتہ اور قانونی طور پر منظور شدہ ڈاکٹروں سے ہی علاج کروائیں۔

    کراچی والوں کو اب سستی بجلی ملے گی۔ناصر حسین شاہ

  • قصور: دریائے ستلج میں پانی کی سطح بلند، نگر کا حفاظتی بند ٹوٹ گیا،متعدد دیہات سیلاب کی زد میں آگئے

    قصور: دریائے ستلج میں پانی کی سطح بلند، نگر کا حفاظتی بند ٹوٹ گیا،متعدد دیہات سیلاب کی زد میں آگئے

    قصور(باغی ٹی وی،ڈسٹرکٹ رپورٹرطارق نویدسندھو)قصور میں دریائے ستلج میں بھارت کی مسلسل آبی جارحیت کے باعث پانی کی سطح تیزی سے بلند ہو رہی ہے۔ متعدد بار انتباہ کے باوجود حکومتی نمائندگان کی جانب سے کوئی حفاظتی اقدامات نہیں کیے گئے۔ آج گاؤں نگر کا حفاظتی بند ٹوٹ گیا، جس کے باعث قریبی دیہات شدید خطرے سے دوچار ہیں۔

    گزشتہ دنوں باغی ٹی وی کی رپورٹ میں اس بند کی خستہ حالی کی نشاندہی کی گئی تھی۔ قصور ہیڈ گنڈا سنگھ اپ اسٹریم پر سیلابی صورتحال سنگین ہے، پانی کی سطح مسلسل بڑھنے سے نشیبی علاقے متاثر ہو رہے ہیں۔ بستی سندھیاں والی اور نگر ایمن پورہ کے حفاظتی بند بھی متاثر ہو چکے ہیں، جبکہ سینکڑوں ایکڑ زرعی اراضی زیرِ آب آ گئی ہے۔

    متاثرہ علاقوں کے مکینوں کا کہنا ہے کہ ضلعی انتظامیہ صرف دفاتر تک محدود ہے اور کوئی عملی اقدام نہیں اٹھایا گیا۔ عوام نے فوری امدادی کارروائیوں کا مطالبہ کیا ہے تاکہ نقصان کو کم کیا جا سکے۔

  • میرپور ماتھیلو:پولیس اور ڈاکوؤں کے درمیان مقابلہ، ایک ڈاکو گرفتار

    میرپور ماتھیلو:پولیس اور ڈاکوؤں کے درمیان مقابلہ، ایک ڈاکو گرفتار

    میرپور ماتھیلو (نامہ نگار مشتاق علی لغاری) ایس ایچ او تھانہ میرپور ماتھیلو بدر دین برڑو نے اپنی ٹیم کے ساتھ لنک روڈ حیات پتافی کے قریب کاٹھ پل پر واردات کی نیت سے موجود 4 مسلح ڈاکوؤں کے ساتھ مقابلہ کیا۔

    پولیس اور ڈاکوؤں کے درمیان دو طرفہ فائرنگ کے تبادلے کے بعد، پولیس نے ایک ڈاکو عبدالواحد ولد میر محمد چاچڑ کو زخمی حالت میں گرفتار کر لیا۔ گرفتار ملزم کے قبضے سے ایک پسٹل بھی برآمد ہوئی ہے۔ جبکہ اس کے تین نامعلوم ساتھی فرار ہونے میں کامیاب ہو گئے۔ زخمی ڈاکو کو طبی امداد کے لیے مقامی ہسپتال منتقل کر دیا گیا ہے۔

    ابتدائی تفتیش کے مطابق، گرفتار ملزم چوری، رہزنی اور پولیس مقابلوں سمیت دیگر سنگین جرائم میں ملوث رہا ہے۔ پولیس کا کرمنل ریکارڈ چیک کیا جا رہا ہے۔ فرار ہونے والے ملزمان کی گرفتاری کے لیے علاقے میں سرچ آپریشن جاری ہے۔

    گرفتار ملزم اور فرار ملزمان کے خلاف پولیس مقابلہ کا مقدمہ درج کیا جا رہا ہے، جبکہ ملزم سے غیر قانونی اسلحہ برآمد ہونے پر اس کے خلاف سندھ آرمز ایکٹ کے تحت ایک اور مقدمہ بھی درج کیا جائے گا۔ گھوٹکی سے محمد انور کھیتران نے پولیس پارٹی کی اس کامیاب کارروائی پر انہیں شاباشی کا پیغام بھیجا ہے۔

  • اوچ شریف: پولیس پارٹی پر قبضہ گروپ کا حملہ، کانسٹیبل شدید زخمی

    اوچ شریف: پولیس پارٹی پر قبضہ گروپ کا حملہ، کانسٹیبل شدید زخمی

    اوچ شریف (نامہ نگار حبیب خان) اوچ شریف کے نواحی علاقے محمد پور میں ایک قیمتی زمین پر قبضے کی کوشش کو ناکام بنانے کے لیے پہنچی پولیس پارٹی پر حملہ کیا گیا، جس کے نتیجے میں کانسٹیبل محمد شاہد حسین شدید زخمی ہو گئے۔

    پولیس ترجمان کے مطابق، 10 اگست 2025 کو صبح 8 بجے خواجہ مرید حسین نے پولیس کو اطلاع دی کہ کچھ افراد ان کی 5 کنال اراضی پر زبردستی قبضہ کر رہے ہیں۔ اس اطلاع پر تھانہ اوچ شریف سے ایک پولیس ٹیم جس میں اے ایس آئی نذیر احمد، کانسٹیبل محمد شاہد حسین، اور ہیڈ کانسٹیبل محمد شاہ نواز شامل تھے، موقع پر پہنچی۔

    پولیس کے پہنچنے پر ملزمان صدیق، شفیق، اور حمید (ولدان غلام علی کھوکھر) اپنے 8 سے 10 نامعلوم ساتھیوں کے ہمراہ مسلح حالت میں موجود تھے۔ انہوں نے پولیس پارٹی پر حملہ کر دیا۔ ملزم صدیق نے کانسٹیبل محمد شاہد کے سر پر سوٹی ماری، جس سے وہ شدید زخمی ہو گئے۔ زخمی کانسٹیبل کو فوری طور پر رورل ہیلتھ سینٹر لے جایا گیا، جہاں سے انہیں بہاول وکٹوریہ اسپتال منتقل کر دیا گیا۔ ان کی حالت تشویشناک بتائی جا رہی ہے۔

    زمین کے مالک خواجہ مرید حسین کے مطابق، یہ زمین انہیں وراثت میں ملی تھی۔ ملزمان اس کے قیمتی حصے پر قبضہ کرنے کے لیے ٹریکٹر سے ہل چلا رہے تھے۔ پولیس نے اس واقعے کا مقدمہ درج کر کے ملزمان کی گرفتاری کے لیے چھاپے مارنا شروع کر دیے ہیں۔

  • اوچ شریف: خالد عرف "بڈو بھلکا” کی قرآن پر توبہ، گناہوں سے کنارہ کشی کا عہد

    اوچ شریف: خالد عرف "بڈو بھلکا” کی قرآن پر توبہ، گناہوں سے کنارہ کشی کا عہد

    اوچ شریف (نامہ نگار حبیب خان) احمد پور شرقیہ کی پیراگون سٹی کے رہائشی خالد عرف بڈو بھلکا نے ایک عوامی تقریب میں قرآن پاک پر ہاتھ رکھ کر اپنے سابقہ گناہوں اور جیب تراشی سے ہمیشہ کے لیے توبہ کا اعلان کیا۔

    یہ تقریب پیراگون سٹی کی جامع مسجد میں منعقد ہوئی، جہاں اہل علاقہ کے معززین، سابق کونسلرز اور متعدد شہری موجود تھے۔ اس موقع پر قاری محمد حفیظ اللہ نے تلاوتِ قرآن پاک کی سعادت حاصل کی جبکہ دعا حضرت مولانا محمد عمر فاروق نے کرائی۔

    اس سے قبل، ڈسٹرکٹ پولیس آفیسر بہاولپور کی ہدایت پر تھانہ سٹی احمد پور شرقیہ میں ہونے والی کچہری میں بھی خالد بھلکا پیش ہوئے اور معززین علاقہ کی جانب سے تحریر کردہ بیانِ حلفی پیش کیے گئے تھے۔ تقریب کے اختتام پر شرکاء میں لنگر بھی تقسیم کیا گیا۔