پاکستان کے صف اول کے صحافی اور سینئیر اینکر پرسن مبشر لقمان ایچی سن میں جرنلزم کے حوالے سے پروگرام میں خصوصی شرکت کریں گے-

باغی ٹی وی : ایچی سن طلباء کا گروپ اس ہفتے زوم ویبنار پر صحافت کے حوالے سے پروگرام کی میزبانی کرے گا ویبنار 5 جون بروز ہفتہ پاکستان وقت کے مطابق شام آٹھ بجے ہوگا۔

جس میں صحافت کے میدان میں دلچسپی رکھنے والے نوجوانوں کی رہنمائی کرنے کے لئے ویبینار ،میں پاکستان کے اعلی صحافی ،مبشر لقمان خصوصی شرکت کریں گے-

ویبنار کے لئے معزز اسپیکر مبشر لقمان (80 کا بیچ) 80 کی دہائی میں ایچی سن کے طالبعلم رہ چکے ہیں ، جو صحافت اور میڈیا کی دنیا میں 15 سال سے زائد کا تجربہ رکھنے والے تجربہ کار صحافی ہیں ۔

مبشر لقمان صحافت کے حوالے سے طلباء کو رہنمائی فراہم کریں گے –

سینئیر صحافی کی جانب سے صحافت اور میڈیا کے بارے میں معلومات سے مستفید ہونے کے لئے ویبنار کےمندرجہ ذیل ایونٹ برائٹ لنک کا استعمال کرتے ہوئے شامل کرسکتے ہیں-

https://www.eventbrite.com/e/aitchison-alumni-speaker-series-journalism-with-mr-mubasher-lucman-tickets-157730112011

ویبنار کیلئے زوم لنک: https://zoom.us/j/93790746665؟pwd=b0J6N0VZeWhMSDVUSnNKK2VwYnlIQT09

وزرا تعلیم کے اجلاس میں تعلیمی سرگرمیوں کے حوالے سے اہم فیصلے کئے جائیں گے-

باغی ٹی وی :تفصیلات کے مطابق وزرا تعلیم کا اجلاس بلایا جائے گا جس میں اہم فصلے کئے جائیں گے، اجلاس میں ہونے والے متوقع فیصلے:

جماعت اول سے جماعت ہشتم تک کو اگلی کلاس میں پروموٹ کر دیا جائے گا، جماعت نہم اور گیارہویں کو بھی پرموٹ کرنے پر غور ہو گا-

اجلاس میں جماعت دہم اور بارہویں کے صرف سائنس مضامین یا لازمی مضامین کے پیپرز لینے پر غور ہو گا، گرمیوں کی چھٹیاں جولائی میں کرنے پر بھی غور ہو گا-

اجلاس میں نیا تعلیمی سال کب شروع ہو اس پربھی غور ہو گاحتمی فیصلہ اجلاس میں کیا جائے گا۔

پاکستان کےمختلف شہروں میں آج سے تعلیمی سرگرمیاں بحال ہو گئیں-

باغی ٹی وی :پاکستان کےمختلف شہروں میں آج سے تعلیمی سرگرمیاں بحال ہو گئیں تاہم اسلام آباد، لاہور، پشاور ، کوئٹہ اور کراچی سمیت سندھ بھر میں میں بھی تعلیمی ادارے بند ہیں-

بہاولنگر، قصور، چکوال سمیت پنجاب کے16 اضلاع میں آج سے اسکولمیں تعلیمی سلسلہ جاری ہو گیا چنیوٹ، حافظ آباد، جھنگ، جہلم، نارووال شامل، منڈی بہاؤالدین، ننکانہ صاحب، پاکپتن، راجن پور میں بھی اسکول کھل گئے، ساہیوال، شیخو پورہ، سیالکوٹ، وہاڑی میں بھی تعلیمی سرگرمیاں بحال ہوگئیں-

خیبر پختونخوا کے21 اضلاع میں تعلیمی ادارے کھل گئے مہمند، خیبر، شانگلہ، باجوڑ، مالاکنڈ، چترال لوئر اور چترال اپر شامل، مانسہرہ، بٹگرام، کوہستان اپر، کوہستان لوئر میں بھی تعلیمی سلسلہ شروع ہو گیا ،تورغر، کالائی پالس، اورکزئی، کرک، ہنگو، لکی مروت، شمالی اور جنوبی وزیرستان، ڈی آئی خان اور ٹانک میں بھی اسکول کھل گئے ۔

دوسری جانب تعلیمی اداروں کی بندش پہ غور و خوص کرنے کے لیے بین الصوبائی وزرائے تعلیم کا اہم ترین اجلاس طلب کر لیا گیا ہے۔

اجلاس میں چاروں صوبوں، گلگت بلتستان اور آزاد کشمیر کے وزرائے تعلیم شریک ہوں گے وفاقی وزیر تعلیم شفقت محمود کی زیر صدارت منعقدہ اجلاس میں امتحانات سے متعلق بھی فیصلہ متوقع ہے۔

اجلاس میں امتحانات سے متعلق حتمی فیصلے سمیت تعلیمی اداروں میں موسم گرما کی چھٹیوں کا فیصلہ بھی متوقع ہے شفقت محمود کی زیرصدارت اجلاس میں اساتذہ اوراسٹاف کی ویکسینیشن کے معاملے پر بھی مشاورت ہوگی۔

امتحانات اور گرمیوں کی چھٹیوں کے فیصلے کیلئے اہم اجلاس آج ہوگا

کورونا وائرس کےباعث تعلیمی اداروں کی مزید بندش اورامتحانات کے شیڈول اور گرمیوں کی چھٹیوں کے حوالے سے صورتحال کا جائزہ لینے کے لیے بین الصوبائی وزرائے تعلیم کا اجلاس آج ہوگا۔

باغی ٹی وی : تفصیلات کے مطابق وزیرتعلیم شفقت محمود اجلاس کی صدارت کریں گے جس میں چاروں صوبوں، گلگت اور آزادکشمیر کے وزرائے تعلیم شریک ہوں گے۔

اجلاس میں امتحانات سے متعلق حتمی فیصلے سمیت تعلیمی اداروں میں موسم گرما کی چھٹیوں کا فیصلہ بھی متوقع ہے۔

شفقت محمود کی زیرصدارت اجلاس میں اساتذہ اوراسٹاف کی ویکسینیشن کے معاملے پر بھی مشاورت ہوگی۔