نوبیل انعام یافتہ ملالہ یوسفزئی نے غزہ، سوڈان اور جمہوریہ کانگو میں تنازعات سے متاثرہ لڑکیوں کی تعلیم کے لیے 3 لاکھ ڈالر کی ہنگامی امداد دینے کا اعلان کیا ہے۔
بین الاقوامی خبر رساں ادارے کے مطابق اس امدادی رقم میں سے ایک لاکھ ڈالر غزہ، ایک لاکھ ڈالر سوڈان اور ایک لاکھ ڈالر جمہوریہ کانگو کے لیے مختص کیے گئے ہیں، جہاں جاری تنازعات کے باعث لاکھوں لڑکیاں تعلیم سے محروم ہو چکی ہیں۔
رپورٹس کے مطابق ملالہ یوسفزئی نے ان علاقوں میں شدید حالات کا سامنا کرنے والی لڑکیوں کے ساتھ یکجہتی کا اظہار کرتے ہوئے کہا کہ تعلیم بحران کے شکار معاشروں کے لیے امید اور مستقبل کی واحد ضمانت ہے۔
ملالہ نے حکومتوں پر زور دیا کہ وہ لڑکیوں کے تعلیم کے حق کا تحفظ یقینی بنائیں، جبکہ عالمی اداروں سے مطالبہ کیا کہ جنگی جرائم کے مرتکب عناصر کو بین الاقوامی قوانین کا پابند بنایا جائے۔ انہوں نے عوام سے بھی اپیل کی کہ وہ بچوں کے بہتر مستقبل کے لیے کام کرنے والی تنظیموں کی حمایت کریں۔
Category: تعلیم
-
ملالہ یوسفزئی کا جنگ زدہ علاقوں میں لڑکیوں کی تعلیم کے لیے 3 لاکھ ڈالر امداد کا اعلان
-
قومی زبان اردو ہے، آئندہ انگریزی تقریر برداشت نہیں ہوگی: وزیراعلیٰ خیبرپختونخوا
وزیراعلیٰ خیبرپختونخوا محمد سہیل آفریدی نے شہید بے نظیر بھٹو ویمنز یونیورسٹی کی وائس چانسلر کی جانب سے انگریزی میں کی گئی تقریر پر ناراضی کا اظہار کرتے ہوئے آئندہ اردو میں خطاب کی ہدایت جاری کر دی۔
پشاور میں یونیورسٹی کے کانووکیشن سے خطاب کرتے ہوئے وزیراعلیٰ نے کہا کہ وائس چانسلر کی انگریزی تقریر انہیں پسند نہیں آئی۔ ان کا کہنا تھا کہ پاکستان کی قومی زبان اردو ہے اور تمام سرکاری و تعلیمی تقاریب میں اسی زبان کو ترجیح دی جانی چاہیے۔ وزیراعلیٰ نے واضح کیا کہ آئندہ اگر انگریزی میں تقریر کی گئی تو وہ سخت ردعمل دیں گے، جبکہ تمام جامعات کو اردو میں خطاب کی ہدایات پہلے ہی دی جا چکی ہیں۔
تقریب سے خطاب میں وزیراعلیٰ نے سیکیورٹی صورتحال پر بھی بات کی۔ انہوں نے بتایا کہ صوبے میں 14 ہزار سے زائد انٹیلی جنس بیسڈ آپریشنز کیے گئے، تاہم ان کے باوجود دہشت گردی مکمل طور پر ختم نہیں ہو سکی۔ ان کا کہنا تھا کہ ایسے اقدامات قوم کو اعتماد میں لے کر کیے جانے چاہئیں۔
وزیراعلیٰ نے مزید کہا کہ ماضی میں قبائلی علاقوں میں غربت اور محتاجی کا یہ عالم نہیں تھا۔ انہوں نے زور دیا کہ قبائلی عوام نے پاکستان کے لیے بارہا قربانیاں دی ہیں اور آئندہ بھی دینے سے دریغ نہیں کریں گے۔ -
پنجاب میں4 سال بعد آٹھویں کے بورڈ امتحانات کا اعلان
لاہور: پنجاب میں 4 سال بعد آٹھویں جماعت کے سالانہ بورڈ امتحانات مارچ 2026 میں ہوں گے۔
پنجاب کے وزیر تعلیم رانا سکندر حیات خان نے اپنے بیان میں کہا ہے کہ پیکٹا کی جانب سے سالانہ بورڈ امتحانات کا شیڈول تیار کر لیا گیا اور پیکٹا کے زیر اہتمام بورڈ امتحانات 5 مارچ سے شروع ہوں گے پیکٹا کی جانب سے امتحانات کی تیاری کے لیے کام شروع کر دیا گیا ہے۔ اور پنجاب بھر میں ایک پیٹرن پر امتحان منعقد کیا جائے گا،پیکٹا حکام کے مطابق تمام ڈسٹرکٹ ایجوکیشن اتھارٹی سے فوکل پرسنز کی نامزدگیاں منگوا لی گئی ہیں۔
دوسری جانب پنجاب حکومت نے صوبے کے تمام تعلیمی بورڈز میں امتحانی نظام کو جدید ٹیکنالوجی پر منتقل کرنے کا اعلان کر دیا۔
اوکاڑہ: کمشنر ساہیوال کا کرسمس انتظامات کا جائزہ، سہولیات پر اطمینان
چیئرمین ٹاسک فورس برائے امتحانات پنجاب مزمل محمود نے میڈیا سے گفتگو کرتے ہوئے کہا کہ تمام تعلیمی بورڈز میں ای مارکنگ کا عمل متعارف کرایا جا رہا ہے، تاکہ امتحانی نظام میں شفافیت اور میرٹ کو یقینی بنایا جا سکے اس منصوبے کا پائلٹ مرحلہ 2026 میں میٹرک اور انٹرمیڈیٹ کے کمپیوٹر امتحانات سے شروع کیا جائے گا۔
مزمل محمود نے کہا کہ صوبے بھر کے تمام امتحانی مراکز میں ڈیجیٹل حاضری کا نظام نصب کیا جائے گا اور تمام طلبا کی حاضری بائیو میٹرک کے ذریعے لی جائے گی ڈیجیٹل اصلاحات کا یہ منصوبہ آئندہ 3 برس میں مرحلہ وار مکمل طور پر نافذ کر دیا جائے گاامتحانی نظام کو مزید مؤثر بنانے کے لیے تمام تعلیمی بورڈز کے لیے یکساں سوالات پر مشتمل مرکزی سوالیہ بینک بھی قائم کیا جائے گا جس سے امتحانی معیار میں بہتری اور یکسانیت پیدا ہو گی،ان اصلاحات کا مقصد نقل اور بے ضابطگیوں کا خاتمہ، امتحانی عمل میں شفافیت اور طلبا کو ایک منصفانہ نظام فراہم کرنا ہے۔
-
ممتاز ماہرِ تعلیم ڈاکٹر منظور احمد انتقال کر گئے
ممتاز ماہرِ تعلیم ڈاکٹر منظور احمد 91 برس کی عمر میں انتقال کر گئے-
پاکستان کے نامور ماہرِ تعلیم، فلسفی اور جامعہ کراچی کے سابق ڈین آف آرٹس ڈاکٹر منظور احمد پیر کے روز طویل علالت کے بعد 91 برس کی عمر میں انتقال کر گئے۔
ڈاکٹر منظور احمد کا تعلیمی سفر اور خدمات نہایت وسیع تھیں وہ نہ صرف جامعہ کراچی کے شعبہ فلسفہ کے سابق چیئرمین رہے بلکہ انہوں نے 1991ء سے 1994ء تک بطور ڈین آف آرٹس بھی گراں قدر خدمات سرانجام دیں،اس کے علاوہ وہ عثمان انسٹی ٹیوٹ آف انجینئرنگ اینڈ ٹیکنالوجی کے ریکٹر کے عہدے پر بھی فائز رہے۔
جامعہ کراچی کے وائس چانسلر پروفیسر ڈاکٹر خالد محمود عراقی نے ڈاکٹر منظور احمد کے انتقال پر افسوس کا اظہار کیا ہےانہوں نے ڈاکٹر منظور احمد کی تعلیمی خدمات کو خراج عقیدت پیش کیا ہےاپنے تعزیتی پیغام میں انہوں نے کہا کہ ڈاکٹر منظور احمد ایک مایہ ناز استاد اور مفکر تھے، ان کی تعلیمی خدمات اور علمی کاوشوں کو ہمیشہ یاد رکھا جائے گا ان کا خلا پر ہونا ممکن نہیں-
-
دنیا کی ٹاپ 10 بہترین یونیورسٹیوں کی فہرست جاری
QS World University Rankings 2026 جاری کر دی گئی ہیں جن میں دنیا کی بہترین 10 جامعات کا تعین کیا گیا ہے۔
فہرست،کےمطابق،یہ ادارے نہ صرف تعلیم میں اعلیٰ معیار رکھتے ہیں بلکہ تحقیق اور عالمی سطح پر اختراعات میں بھی نمایاں کردار ادا کر رہے ہیں،یہ رینکنگ طلبہ، اساتذہ اور پالیسی سازوں کے لیے رہنمائی فراہم کرتی ہے کہ کون سی یونیورسٹیاں عالمی معیار کے مطابق تعلیم اور تحقیق میں قیادت کر رہی ہیں،ٹاپ 10 جامعات کی فہرست درج ذیل ہے۔
میساچوسٹس انسٹیٹیوٹ آف ٹیکنالوجی (MIT) – امریکہ،ایک بار پھر دنیا کی نمبر ون یونیورسٹی قرار دی گئی یہ مسلسل 14 ویں سال پہلی پوزیشن پر ہے ٹیکنالوجی، سائنس اور انوویشن میں اس کا کوئی مقابل نہیں۔
امپیریل کالج لندن – برطانیہدوسری پوزیشن پر، یہ یونیورسٹی سائنس، انجینئرنگ، میڈیسن اور بزنس کے لیے مشہور ہے۔
اسٹینفورڈ یونیورسٹی – امریکہ نے اپنی پوزیشن بہتر کر کے تیسرے نمبر پر جگہ بنائی سلیکون ویلی کے دل میں واقع، یہ ادارہ انٹرپرینیورشپ اور انوویشن کے لیے مشہور ہے۔
یونیورسٹی آف آکسفورڈ – برطانیہدنیا کی قدیم ترین یونیورسٹیوں میں سے ایک، آکسفورڈ اپنی ہزار سالہ تعلیمی روایت اور ریسرچ میں قیادت کے باعث ٹاپ 5 میں شامل ہے۔
چھٹےنبرپرہارورڈ یونیورسٹی – امریکہامریکہ کی سب سے پرانی یونیورسٹی، دنیا بھر میں تعلیمی وقار اور وسیع ترین فنڈز کے باعث منفرد مقام رکھتی ہے-
یونیورسٹی آف کیمبرج – برطانیہآئزک نیوٹن اور ڈارون جیسے عظیم سائنسدانوں کی مادر علمی، کیمبرج بھی مسلسل دنیا کی بہترین جامعات میں شمار ہوتی ہے۔
ای ٹی ایچ زیورخ – سوئٹزرلینڈ،یورپ کی سب سے بڑی ٹیکنالوجی یونیورسٹی، روبوٹکس اور اے آئی سمیت جدید سائنسی شعبوں میں نمایاں،ہے-
نیشنل یونیورسٹی آف سنگاپور (NUS) – سنگاپورایشیا کی سب سے نمایاں یونیورسٹی جو عالمی سطح پر مغرب اور مشرق کو جوڑنے والی ایک پل سمجھی جاتی ہے۔
یونیورسٹی کالج لندن (UCL) – برطانیہاپنی شمولیتی پالیسی اور عالمی معیار کی تحقیق کی وجہ سے ممتاز مقام رکھتی ہے۔
کلیفورنیا انسٹیٹیوٹ آف ٹیکنالوجی (Caltech) – امریکہچھوٹی مگر طاقتور یونیورسٹی، خلائی سائنس اور نوبل انعام یافتہ سائنسدانوں کے باعث دنیا میں الگ پہچان رکھتی ہے۔
جبکہ،کیو ایس کی جانب سے 2026 کے لیے جاری کردہ نئی رینکنگ میں پاکستان کی 18 جامعات نے جگہ بنائی ہیں،جاری کر دہ رینکنگ کے مطابق پاکستان کی قائداعظم یونیورسٹی، اسلام آباد عالمی سطح پر 354 ویں جبکہ پاکستان بھر میں پہلے نمبر پر ہےاس کے بعد نیشنل یونیورسٹی آف سائنسز اینڈ ٹیکنالوجی (NUST) کا نمبر 371 ہےجبکہ پاکستان کی درجہ بندی میں اس کا دوسرا نمبر ہے۔
اسی طرح ٹاپ 600 میں شامل دیگر جامعات میں پنجاب یونیورسٹی 542 اور لاہور یونیورسٹی آف مینجمنٹ سائنسز (LUMS) 555 ویں نمبر پر ہے،کیو ایس کی نئی جاری کر دہ درجہ بندی میں نمایاں پاکستانی یونیورسٹیوں کی مکمل فہرست یہ ہے:
354 : قائداعظم یونیورسٹی
371 : نیشنل یونیورسٹی آف سائنسز اینڈ ٹیکنالوجی (NUST)
542 : پنجاب یونیورسٹی
555 : لاہور یونیورسٹی آف مینجمنٹ سائنسز (LUMS)
654 : یونیورسٹی آف ایگریکلچر، فیصل آباد
664 : کامسیٹس یونیورسٹی اسلام آباد
721–730 : پاکستان انسٹی ٹیوٹ آف انجینئرنگ اینڈ اپلائیڈ سائنسز (PIEAS)
761–770 : گورنمنٹ کالج یونیورسٹی، فیصل آباد
801-850 : یونیورسٹی آف انجینئرنگ اینڈ ٹیکنالوجی (UET) لاہور
901-950 : یونیورسٹی آف پشاور
951-1000 : یونیورسٹی آف لاہور
1001-1200 : آغا خان یونیورسٹی
1001-1200 : جامعہ کراچی
1201-1400 : بہاؤالدین زکریا یونیورسٹی
1201-1400 : بین الاقوامی اسلامی یونیورسٹی، اسلام آباد
1201-1400 : رفاہ انٹرنیشنل یونیورسٹی
1201-1400 : یونیورسٹی آف مینجمنٹ اینڈ ٹیکنالوجی
1401+ : اسلامیہ یونیورسٹی آف بہاولپور
درجہ بندی پاکستان کے اعلیٰ تعلیم کے شعبے کی مسلسل ترقی اور اس کی بڑھتی ہوئی عالمی تعلیمی موجودگی کی نشاندہی کرتی ہے۔
QS درجہ بندی کئی اشارے پر یونیورسٹیوں کی جانچ کرتی ہے، جن میں تعلیمی ساکھ، فیکلٹی سے طالب علم کا تناسب، فی فیکلٹی کے حوالے، بین الاقوامی طالب علم اور فیکلٹی کی موجودگی، اور پائیداری کارکردگی شامل ہیں۔
-
غییر ضروری فیسوں کے مطالبات، نجی تعلیمی اداروں کیلئے سخت گائیڈ لائنز جاری
لاہور میں نجی تعلیمی اداروں کی جانب سے والدین پر مالی دباؤ اور غیر ضروری فیسوں کے مطالبات پر قابو پانے کے لیے ڈسٹرکٹ اسکول ایجوکیشن اتھارٹی نے سخت گائیڈ لائنز جاری کر دی ہیں-
گائیڈ لائن کے مطابق کوئی بھی نجی اسکول ٹیوشن فیس سالانہ صرف 5 فیصد تک بڑھا سکتا ہے، اس سے زائد اضافہ غیر قانونی قرار دیا گیا ہے اسکول انتظامیہ کسی بھی سرگرمی یا سمر کیمپ کی مد میں اضافی فیس وصول نہیں کرے گی، اور نہ ہی طلبہ کو مخصوص دکانوں سے کتابیں یا کاپیاں خریدنے پر مجبور کیا جائے گا۔
گائیڈ لائن میں کہا گیا ہے کہ کوئی بھی نجی اسکول طلبہ سے ایڈوانس فیس نہیں لے گا صرف ماہانہ بنیاد پر فیس وصول کرنے کی اجازت ہوگی، اور فیس کی عدم ادائیگی کی صورت میں کسی بھی طالبعلم کو اسکول سے نکالنے یا تذلیل کا نشانہ بنانے پر سخت کارروائی عمل میں لائی جائے گی تمام نجی تعلیمی ادارے طلبہ کے لیے ایک محفوظ، دوستانہ اور ہراسگی سے پاک ماحول فراہم کرنے کے پابند ہوں گے اسکول انتظامیہ پر لازم ہوگا کہ وہ تعلیمی ماحول کو خوشگوار بنائے اور طلبہ کے حقوق کا تحفظ یقینی بنائے۔
یوٹیوب آمدنی سے متعلق پالیسیوں میں تبدیلی
ڈسٹرکٹ اسکول ایجوکیشن اتھارٹی نے تمام نجی اسکولوں کے مالکان کو مذکورہ نئی ہدایات پر فوری عملدرآمد کا حکم دیا ہے، اور خلاف ورزی کی صورت میں قانونی کارروائی کی بھی تنبیہ کی ہے۔
-
پنجاب: اسکول ایجوکیشن کیلئے“سی ایم ایجوکیشن کارڈ“ متعارف کرانے کا فیصلہ
وزیراعلیٰ پنجاب مریم نواز نے ہر سال دو ملین بچوں کی انرولمنٹ کا ہدف دے دیا۔
باغی ٹی وی: پنجاب میں اسکول ایجوکیشن کیلئے“سی ایم ایجوکیشن کارڈ“ متعارف کرانے کا فیصلہ کر لیا گیا 80 فیصد سے زیادہ نمبر لینے والے طلبہ کو سی ایم ایمی ننس / سٹار کارڈ ملے گا، پنجاب کی ہر تحصیل میں ایک سکول آف ایمی ننس بھی بنے گا۔
لاہور میں اعلیٰ سطح اجلاس میں وزیراعلیٰ پنجاب مریم نواز کو بتایا گیا کہ اسکولوں کی آؤٹ سورسنگ سے طلبہ کی تعداد میں 52 فیصد جبکہ ٹیچرز کی تعداد میں 89 فیصد اضافہ ہوا ہے 5863 پبلک سکول ری آرگنائزیشن پروگرام کے بعد طلبہ کی تعداد 2 لاکھ 42 ہزار بڑھ کر تین لاکھ 68 ہزار سے زائد ہو گئی ہے، پنجاب بھر آؤٹ سورسنگ کے پہلے فیز بعد ٹیچرز کی تعداد 8037 سے بڑھ کر 15114 ہوگئی ہے، جبکہ اساتذہ کی تنخواہ میں بھی تین گنا تک اضافہ ہوا ہے۔
بیٹی کی طبیعت میں بہتری ،محمد یوسف دورہ نیوزی لینڈ کیلئے دستیاب ہوں گے
وزیراعلیٰ مریم نواز نے میٹرک ٹیک کیلئے سٹیٹ آف دی آرٹ لیب بنانے کا اعلان کیا اور کلاس فائیو سے ٹیکنیکل ایجوکیشن بطور مضمون شامل کرنے کیلئے اقدامات کی ہدایت کی،وزیراعلیٰ نے اسکولوں میں پینے کے پانی، وائٹ واش اور فرنیچر کیلئے 90 دن کی ڈیڈ لائن بھی دے دی مریم نواز نے وزیر تعلیم رانا سکندر حیات کے بیٹے کے ایرلی چائلڈ ہوڈ ایجوکیشن سنٹر میں داخلے کو سراہا اور اسے قابل تقلید قرار دیا۔
13 خواتین کیساتھ جنسی زیادتی پر بی جے پی رہنما کو 40 سال قید
انہوں نے کہا کہ میٹرک ٹیک سے ایجوکیشن میں نئی اختراع متعارف کرا رہے ہیں، سرکاری سکولوں کا معیار اعلیٰ ترین پرائیویٹ سکولوں کے برابر لانا میرا ویژن ہے، پنجاب میں معیار تعلیم کی بہتری ہمارا اولین ہدف ہے، پڑھائے بغیر تنخواہ ملنے کا کلچر تبدیل کر دیں گے۔
-
مالاکنڈ یونیورسٹی کے پروفیسر پر ہراسانی کے الزامات ثابت،ملازمت سے برخاست
مالاکنڈ یونیورسٹی کے پروفیسر پر ہراسانی کے الزامات ثابت ہوگئے، اینٹی ہراسمنٹ کمیٹی کی سفارش پر سینڈیکیٹ نے ملازمت سے برخاست کردیا۔
باغی ٹی وی: مالاکنڈ یونیورسٹی نے پروفیسرعبدالحسیب کو ملازمت سے فارغ کر دیا ہے، لیکچرار پر جنسی ہراسمنٹ کا الزام تھا، فیصلہ سنڈیکیٹ کے اجلاس میں کیا گیا لوئر دیر میں قائم مالاکنڈ یونیورسٹی نے لیکچرار عبدالحسیب پر 4 فروری کو مالاکنٍڈ یونیورسٹی میں اردو ڈپار ٹمنٹ کی ایک طالبہ نے اغواء اور جنسی ہراسانی کا مقدمہ درج کیا تھا۔
ذرائع کے مطابق 5فروری کو یونیورسٹی نے ملزم کو معطل کر کے معاملہ اینٹی ہراسمنٹ کمیٹی کو بھجوا دیا تھا جس کے بعد ملزم کی برطرفی کا فیصلہ آج سنڈیکیٹ اجلاس میں کیا گیا، فیصلہ اینٹی ہراسمنٹ کمیٹی کی سفارشات کی روشنی میں کیا گیا ہے۔
اپنی موت کی پیشگوئی کرنیوالے نجومی کو محبوبہ نے زہر دے دیا
واضح رہے کہ گرفتار پروفیسر کو 18 فروری کو عدالت میں پیش کیا گیا، جبکہ ان کے خلاف متعلقہ دفعات کے تحت مقدمہ درج کیا گیا ملزم کے قبضے سے بڑی تعداد میں طالبات کی ویڈیوز اور تصاویر برآمد ہوئیں،یونیورسٹی اور ضلعی انتظامیہ کی جانب سے اسکینڈل کو دبانے کی کوشش کی گئی، وزیراعلیٰ کی ہدایات پر چیف سیکرٹری کی سربراہی میں واقعے کی تحقیقات کے لیے انکوائری کمیٹی قائم کی گئی-
خدمت کا رمضان،ملک بھر میں سحر و افطار دسترخوان سجیں گے. مرکزی مسلم لیگ
-
ایم کیو ایم پاکستان ،تنظیمی عہدے بانٹ دیئے گئے
کراچی: چیئرمین ایم کیو ایم پاکستان ڈاکٹر خالد مقبول صدیقی کی ہدایت پر تنظیمی امور سے متعلق ایک اہم نوٹیفکیشن جاری کر دیا گیا ہے۔
اس نوٹیفکیشن میں تنظیمی ذمہ داریوں کی تفصیل بیان کی گئی ہے اور مختلف عہدے داروں کے کردار کا تعین کیا گیا ہے۔نوٹیفکیشن کے مطابق، ڈاکٹر خالد مقبول صدیقی ایم کیو ایم پاکستان کے تمام تنظیمی اور پالیسی امور کی نگرانی کریں گے۔ سینٹرل آرگنائزنگ کمیٹی میں فاروق ستار، انیس قائم خانی اور امین الحق شامل ہوں گے، جو تنظیمی معاملات کی نگرانی کریں گے۔ جبکہ تنظیمی کمیٹی کی ذمہ داری انیس قائم خانی، امین الحق اور رضوان بابر کے پاس ہوگی۔
لیبر ڈویژن کی نگرانی مصطفیٰ کمال، فیصل سبزواری اور رضوان بابر کریں گے۔ شعبہ خواتین کی ذمہ داری نسرین جلیل، انیس قائم خانی اور کیف الوریٰ کے پاس ہوگی، جبکہ یوتھ فورم کی ذمہ داری فاروق ستار، مصطفیٰ کمال اور فیصل سبزواری کے پاس ہوگی۔ اس کے علاوہ پارٹی کے سوشل میڈیا شعبے کی ذمہ داری مصطفیٰ کمال اور فاروق ستار کے پاس ہوگی، جبکہ بزنس فورم مصطفیٰ کمال، فاروق ستار اور فیصل سبزواری کے ماتحت کام کرے گا۔
اے پی ایم ایس او کے امور کی دیکھ بھال امین الحق اور فیصل سبزواری کے ذمہ ہوگی، اور ترقیاتی پیکج کے لیے ڈیولپمنٹ کمیٹی میں مصطفیٰ کمال اور فاروق ستار شامل ہوں گے۔ نسرین جلیل اور فیصل سبزواری کو بھی ترقیاتی پیکج کے لیے ڈیولپمنٹ کمیٹی میں شامل کیا گیا ہے۔
اس نوٹیفکیشن کی جاری ہونے کے بعد، فاروق ستار کا کہنا ہے کہ خالد مقبول صدیقی کی جانب سے جاری کردہ سرکلر مکمل طور پر درست اور تصدیق شدہ ہے۔ تنظیمی معاملات کی دیکھ بھال کے لیے ذمہ داریاں دی گئی ہیں اور یہ سرکلر مرکزی کمیٹی کے 11 اراکین کے اتفاق رائے سے جاری ہوا ہے۔ فاروق ستار کا کہنا تھا کہ اگر کسی کو سرکلر کے حوالے سے اختلاف ہے تو اسے پارٹی کے اندر رہ کر حل کرنا چاہیے۔
-
پی ٹی آئی حکومت میں پنجاب کے سرکاری اسکولوں میں بوگس داخلوں کا انکشاف
پاکپتن: پی ٹی آئی کی حکومت پنجاب کے دوران ضلع پاکپتن میں سرکاری اسکولوں میں بوگس داخلوں کا انکشاف، پنجاب کی پبلک اکاؤنٹس کمیٹی نے تحقیقات کا آغاز کردیا۔
باغی ٹی وی :رپورٹ کے مطابق آڈٹ ڈیپارٹمنٹ کی 2021 کی رپورٹ میں ضلع پاکپتن میں سرکاری سکولوں میں بوگس داخلوں کا انکشاف سامنے آگیا، عمران خان کی وزارت عظمیٰ کے دوران ضلع پاکپتن میں سرکاری اسکولوں میں 58 فیصد داخلہ کا ریکارڈ نہ مل سکا۔
آڈٹ ڈیپارٹمنٹ کے ضلع پاکپتن میں سرکاری اسکولوں کے داخلہ کا ریکارڈ کے لئے کئی مراسلے لکھے، آڈٹ ڈیپارٹمنٹ کے بار بار ریکارڈ طلب کرنے کے باوجود ریکارڈ فراہم نہ کیا گیا آڈٹ ڈیپارٹمنٹ کو ضلع پاکپتن میں صرف 42 فیصد داخلوں کا نادرا سے ریکارڈ مل سکا، آڈٹ ڈیپارٹمنٹ نے 58 فیصد طالب علموں کے داخلوں کا ریکارڈ نہ ملنے پر معاملہ مشکوک قرار دے دیا۔
ہم جدید علوم کے خلاف نہیں، تقسیم حکومت نے پیدا کی ہے،مولانا فضل الرحمان
آڈٹ ڈیپارٹمنٹ نے ضلع پاکپتن میں سرکاری سکولوں میں طالب علموں کی مشکوک داخلہ کی رپورٹ پنجاب اسمبلی کو بھجوادی،آ ڈٹ ڈیپارٹمنٹ نے ضلع پاکپتن میں سرکاری اسکولوں کے تمام داخلوں کی دوبارہ جانچ پڑتال کی سفارش کردی،پبلک اکاؤنٹس کمیٹی نے جعلی داخلوں کے معاملے کی تحقیقات شروع کردیں-
وزیر اعلیٰ پنجاب نے پنجاب کی سڑکوں اور تمام مراکز صحت کی تعمیر و بحالی کا الٹی میٹم