Category: تعلیم

کراچی کے بڑے کالجز کا میرٹ 25 برس میں پہلی بار ریکارڈ حد تک گرگیا۔

باغی ٹی وی کی رپورٹ کے مطابق محکمہ کالج ایجوکیشن سندھ نے انٹر سال اول کے داخلوں میں کراچی کے اکیڈمک آئیکن یا بینچ مارک سمجھے جانے والے بڑے اور معروف سرکاری کالجوں کا میرٹ 25 برس میں پہلی بار ریکارڈ حد تک گرادیا اور ان بڑے کالجوں کو معمولی درجے کے کالجوں کے مقابل لاکھڑا کیا ہے۔یہ حقیقت محکمہ کالج ایجوکیشن کی جانب سے یکے بعد دیگرے مسلسل تین مختلف میرٹ/پلیسمنٹ لسٹ کے اجرا کے بعد سامنے آئی ہے اور معلوم ہوا ہے کہ بعض بڑے یا معروف سرکاری کالجوں کا میرٹ گزشتہ برس کے مقابلے میں مختلف فیکلٹیز میں 40 سے 90 مارکس تک گر گیا ہے۔واضح رہے کہ مرکزی داخلہ کمیٹی کی تاریخ میں یہ بھی پہلی بار ہوا ہے کہ کالجوں کی میرٹ لسٹ ایک نہیں تین بار جاری کی گئی ہے اور ہر بار میرٹ کو تبدیل کرکے گزشتہ لسٹ کے مقابلے میں کم کردیا گیا جس سے بڑے کالجوں کا میرٹ بھی متاثر ہوا اور گزشتہ برسوں کی نسبت کافی حد تک کم ہوگیا، متعلقہ زیادہ تر کالجوں میں پری میڈیکل کے داخلے اے گریڈ میں بند ہوئے ہیں۔شہر کے معروف آدم جی سائنس کالج میں رواں سال تیسری پلیسمنٹ لسٹ میں پری میڈیکل 435 پر ، پری انجینئرنگ 465 اور کمپیوٹر سائنس پر بند ہوا ہے جبکہ گزشتہ برس 2023 میں اسی کالج کا میرٹ پری میڈیکل میں 497، پری انجینئرنگ 485 اور کمپیوٹر سائنس 496 پر بند ہوا تھا، اس طرح تینوں فیکلٹیز کا میرٹ بالاترتیب 62 مارکس، 20 مارکس اور 33 مارکس تک کم کردیا گیا۔علاوہ ازیں ڈی جے سائنس کالج میں پری میڈیکل کا 2023 کا میرٹ 476 تھا جسے اس سال 2024 میں 415 کیا گیا، پری انجینئرنگ کا میرٹ 456 سے 448 اور کمپیوٹر سائنس کا میرٹ 480 سے 430 کیا گیا، گورنمنٹ دہلی کالج میں پری میڈیکل کا میرٹ 471 سے 385 ، پری انجینئرنگ کا 450 سے 410 جبکہ کمپیوٹر سائنس کا 488 سے 390 تک گرایا گیا۔گورنمنٹ کالج برائے طلبا ناظم آباد میں پری میڈیکل کا میرٹ 2023 میں 467 سے کم کرکے اس سال 390 کیا گیا پری انجینئرنگ میں 439 سے 408 جبکہ کمپیوٹر سائنس میں 475 سے 400 کیا گیا۔اسی طرح طالبات میں پی سی ایچ ایس گرلز کالج کا میرٹ پری میڈیکل میں 497 سے 471 ، پری انجینئرنگ میں 487 سے 462 جبکہ کمپیوٹر سائنس میں 484 سے 440 تک گرایا گیا، سینٹ لارنس گرلز کالج کا میرٹ پری میڈیکل میں 492 سے 412 ، پری انجینئرنگ میں 479 سے 388 جبکہ کمپیوٹر سائنس 474 سے 390 کیا گیا، خاتون پاکستان گرلز کالج میں پری میڈیکل کا میرٹ 480 سے 411 ، پری انجینئرنگ میں 460 سے 385 جبکہ کمپیوٹر سائنس میں 471 سے 385 کیا گیا۔سرسید گرلز کالج میں پری میڈیکل کا میرٹ 479 سے 467، پری انجینئرنگ کا 474 سے 430 جبکہ کمپیوٹر کا 477 سے 435 تک گرایا گیا۔ڈائریکٹر جنرل کالجز سندھ ڈاکٹر نوید رب کے مطابق چونکہ اس بار مرکزی داخلہ پالیسی میں زونل سسٹم کے تحت بہتر گریڈز کے حامل طلبہ نے اپنے اپنے زونز میں ہی داخلے لیے جس کے بعد اکثر کالجوں میں 70 فیصد نشستیں خالی تھیں جس کے سبب دوسری اور پھر تیسری پلیسمنٹ لسٹ جاری ہوئی جس میں نسبتا کم گریڈ کے حامل طلبہ بھی ان کالجوں میں آگئے۔انہوں نے کہا کہ کیونکہ انھیں ایڈجسٹ کرنے کے لیے کم پرسنٹیج کے طلبہ کو داخلہ دیا گیا یہ ایک طرح کی reshuffling ہے جس میں اچھے گریڈ کے طلبہ دیگر کالجوں میں بھی گئے ہیں۔ انہوں نے کہا کہ یہ اچھی بات ہے اب اساتذہ کا بھی ایک امتحان ہوگا کہ وہ کس طرح بہتر اور کم بہتر گریڈز کے بچوں کو ایک ہی وقت میں پڑھاتے ہیں۔واضح رہے کہ اسی طرح شہر کے معروف اور "کو ایجوکیشن” کالجوں کا میرٹ بھی گرایا گیا، ملیر کینٹ کا میرٹ بوائز پری میڈیکل میں 468 سے 385، بوائز پری انجینئرنگ میں 456 سے 407 اور بوائز کمپیوٹر سائنس میں 490 سے 425 کیا گیا، اسی کالج میں گرلز پری میڈیکل کا میرٹ 486 سے 464، گرلز پری انجینئرنگ 472 سے 380 جبکہ گرلز کمپیوٹر سائنس میں 486 سے 396 کیا گیا ایس آر ای مجید میں گرلز پری میڈیکل میں 472 سے 413، گرلز پری انجینئرنگ میں 451 سے 390 اور گرلز کمپیوٹر سائنس میں 442 سے 410 تک گرایا گیا۔

کراچی میں انتہائی سرگرم موٹرسائیکل لفٹر و ڈکیت گروہ گرفتار

کوشش ہے اس بار پی ایس ایل کا ایک میچ پشاور میں کرائیں : فیصل کریم کنڈی

عمران خان اسرائیل ایجنٹ نہیں بلکہ اسرائیلی حکومت کا حصہ ہے، شرجیل میمن

ویران کالج کو آباد کرنے والی پرنسپل پروفیسر عشرت ناز کا اچانک تبادلہ،اس فیصلے کے خلاف طالبات سراپا احتجاج بن گئیں.

باغی ٹی وہ کی رپورٹ کے مطابق گورنمنٹ ڈگری گرلز کالج شرافی گوٹھ کراچی جو 2018 سے ہے لیکن حکام بالا اور پچھلی پرنسپل کی عدم توجہ کی وجہ سے ویران تھا 2023 میں پروفیسر عشرت ناز نے بحیثیت پرنسپل کا چارج سنبھالا اور اپنے اس ایک سال کی انتھک محنت کی وجہ سے اس ویران کالج کی انرولمنٹ کو 500 سے زیادہ کرانے کے ساتھ ساتھ کالج میں کامرس کی فیکلٹی کو متعلقہ ممبر قومی اسمبلی عبد الحکیم بلوچ کی معاونت سے آغاز کرایا اور طالبات کی تعلیمی سرگرمیوں کو تیز کرنے کے لئے کوششیں کیں اور مختصر اساتذہ ہوتے ہوئے تعلیمی سرگرمیوں کو جاری رکھا یہی وجہ ہے کہ اس سال پری میڈیکل گروپ کی طالبعم نے A گریڈ سے اپنا امتحان پاس کیا۔کالج کی بہتری کے لئے متعلقہ اداروں کو خطوط بھی لکھے مگر بے حس افسران کی بھینٹ چڑھ گئیں اور اچانک تبادلہ ہوگیا جس کی وجہ سے طالبات میں شدید بیچینی پائی جاتی ہے یہی نہیں علاقے کے مکین بھی ان کے تبادلے سے ناخوش دکھائی دیتے ہیں اس سلسلے میں آج 10.10.2024 کو کالج کی طالبات نے کلاسوں کا بائیکاٹ کیا اور پروفیسر عشرت ناز کے حق میں نعرہ بازی کی اور ان کو کالج میں دوبارہ تعینات کرنے تک اپنا احتجاج جاری رکھنا کا عندیہ دے دیااور یہاں تک کہ متعلقہ افسران کے آفس تک جانے اور گھیرا کرنے کا بھی عندیہ دے دیا۔

کراچی سے کشمور جانے والی مسافر کوچ پر ڈاکوں کی اندھا دھند فائرنگ

کراچی میں 10 دن میں 90 ڈینگی کیسز سامنے آ گئے

کراچی دھماکہ، خودکش بمبار کی سہولت کاری میں ملوث خاتون سمیت دو افراد گرفتار