Category: تعلیم

تعلیمی اداروں میں منشیات کے استعمال میں اضافہ محکمہ سکول ایجوکیشن نے سکولز میں موبائل فونز اور سوشل میڈیا کے استعمال پر پابندی لگا دی۔

مراسلہ کے مطابق تمام سرکاری اور نجی سکولوں میں موبائل فونز اور سوشل میڈیا کے استعمال پر پابندی ہو گی۔ فیصلے کا اطلاق سولہ سال سے کم عمر کے طلبہ پر ہو گا پابندی کا اطلاق فوری طور پر ہو گا تمام اتھارٹی معلومات سکول سربراہان اور اساتذہ اس پر عمل کریں

یہ فیصلہ تعلیمی اداروں میں بڑھتی ہو یہ منشیات کے استعمال اور سوشل میڈیا کے نقصانات کے پیش نظر کیا گیا ، یاد رہے پنجاب کے تعلیمی اداروں میں منشیات عام ہوتی جا رہی ہے منظم گروہ سکول ،کالج کے بچوں کو ٹارگٹ کر کے انہیں پیسے کا لالچ دے کے یہ کاروبار چلا رہے ہیں ،ان لوگوں کو مقامی پولیس کی معاونت حاصل ہوتی ہے

جامعہ اسلامیہ منہاج القرآن کے زیر اہتمام ’’مفتی کورس‘‘ کا اجراء،دو سالہ مفتی کورس کا نام’’ التخصص فی الفقہ‘‘ رکھا گیا ہے :ڈاکٹر ممتاز الحسن باروی نے تفصیلات بتاتے ہوئے کہا کہ مسلک سے بالاتر مفتی کورس کا نصاب مصر،سوڈان ، تیونس کے سکالرز پڑھائیں گے،مفتی کورس کا نصاب شیخ الاسلام ڈاکٹر محمد طاہر القادری کی سرپرستی میں ترتیب دیا گیا ہے

جامعہ اسلامیہ منہاج القرآن کے زیر اہتمام دو سالہ مفتی کورس کا اجرا کر دیا گیا ہے ۔ دو سالہ مفتی کورس کا نام’’ التخصص فی الفقہ‘‘ رکھا گیا ہے ۔ مفتی کورس کے حوالے سے کالج آف شریعہ اینڈ اسلامک سائنسز کے پرنسپل ڈاکٹر ممتاز الحسن باروی نے تفصیلات بتاتے ہوئے کہا کہ مسلکی سوچ سے بالاتراس مفتی کورس کے نصاب کو مصر،سوڈان اور تیونس کے سکالرز پڑھائیں گے ۔ انہوں نے بتایا کہ پوری دنیا میں حلال انڈسٹری فروغ پذیر ہے اور اس کےلئے کوالیفائیڈ شریعہ سکالرز کی ضرورت ہے ۔ ایک مسلمان زندگی میں مختلف نوع کے شرعی و فقہی مسائل سے دوچار ہوتا ہے جن کا تعلق حلال حرام،جائز ناجائز ، عقیدے اورا یمانیات سے ہوتا ہے ۔

انہوں نے کہا کہ جس طرح ہم جسم کو لاحق بیماری کے علاج کےلئے کوالفائیڈ ڈاکٹر اور سرجن کا انتخاب کرتے ہیں اور نیم حکیموں سے بچنے کی ہر ممکن کوشش کرتے ہیں اسی طرح شرعی اور فقہی معاملات میں بھی کوالیفائیڈ سکالرز سے رجوع کرنا ناگزیر ہے ۔ انہوں نے کہا کہ نیم حکیم خطرہ جان ہوتا ہے اسی طرح نامکمل فقہی علم رکھنے والا خطرہ ایمان ہوتا ہے ۔

انہوں نے کہاکہ تحریک منہاج القرآن نے علم و تربیت کے شعبے میں ہمیشہ عصری تقاضوں اور ضروریات کو پیش نظر رکھا ہے مفتی کورس کا اجرا انہی علمی ،دینی کاوشوں کا تسلسل ہے ۔ ڈاکٹر ممتاز الحسن باروی نے بتایا کہ شیخ الاسلام ڈاکٹر محمد طاہر القادری کی فکری رہنمائی ، سرپرستی اور منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری کی نگرانی میں سینئرز سکالرز نے بڑی عرق ریزی کے ساتھ مفتی کورس کے نصاب کو حتمی شکل دی ہے ۔

انہوں نے بتایا کہ مفتی کورس کا نصاب ہر نوع کی مسلکی فکر سے بالاتر ہے اسے علمی ،تحقیقی بنیادوں پر ترتیب دیا گیا ہے اور اس بات کو یقینی بنایا گیا ہے کہ مفتی کورس کے فارغ التحصیل سکالرز دنیا کے ہر ملک اور خطے میں اپنی دینی،علمی،فقہی خدمات انجام دے سکیں ۔ انہوں نے مزید کہا کہ عربی اور انگریزی زبانیں اس وقت اقتصادی اور علمی حوالے سے بین الاقوامی رابطے کی زبانیں ہیں ۔ مفتی کورس میں داخل ہونیوالے طلبہ کو مذکورہ زبانوں میں مہارت کےلئے خصوصی لیکچرز اور تربیت بھی دی جائے گی ۔

انہوں نے کہاکہ جدید ذراءع تحقیق کے استعمال کی ٹریننگ مفتی کورس کے تدریسی پروگرام کا جزو لاینفک ہے ۔ انہوں نے بتایا کہ الشہادۃ العالمیہ یا اس کے مساوی ایچ ای سی کی منظور شدہ ڈگری ہولڈرز داخلہ کےلئے اہل ہیں ۔ حتمی داخلہ کےلئے ٹیسٹ اور انٹریو ہو گا ۔ ڈاکٹر ممتاز الحسن باروی نے کہاکہ اپنی نوعیت کے اس منفرد اور پہلے کورس کے داخلے کی نشستیں محدود ہیں ،امیدواروں کےلئے آن لائن رجسٹریشن کی سہولت دستیاب ہے ۔ مزید معلومات کےلئے جامعہ کی ویب ساءٹ;WWW.COSIS.EDU.PK وزٹ کریں ۔ براہ راست 03358583588 نمبرپر فون کر کے معلومات بھی حاصل کی جا سکتی ہیں ۔

تعلیمی اداروں میں قرآن پاک کی تعلیمات کو نصاب کا لازمی حصہ بنانے کیلئے اپیل پر سماعت کرتے ہوئے ، لاہور ہائیکورٹ نے چیئرمین ہائیر ایجوکیشن کمیشن اور سیکرٹری مذہبی امور کو کل طلب کر لیا ،جسٹس شاہد وحید کی سربراہی میں دو رکنی بینچ نے التمش سعید کی انٹرا کورٹ اپیل پر سماعت کی
عدالت نے متعلقہ حکام کے پیش ہونے پر برہمی کا اظہار کیا

درخواست گزار نے اپنی درخواست میں کہا ہے کہ بچوں کو قرآنی تعلیمات دے کر معاشرے کو مزید بہتر کیا جاسکتا ہے،قرآنی تعلیمات کو نصاب میں شامل کرنا وقت کی اہم ضرورت ہے ،

کوئٹہ۔ یونیورسٹی آف تربت مین کیمپس میں دو نئے شعبوں کا اضافہ کر دیا گیا، ترجمان یو او ٹی کے مطابق نئے متعارف کردہ شعبوں سوشالوجی اور ہسٹری میں درس و تدریس کا آغاز نئے تعلیمی سال میں جنوری 2021 سے ہوگا ، دونوں شعبوں میں داخلے کے لئے فارمز کی وصولی شروع کر دی گئی

یونیورسٹی آف تربت میں سوشالوجی اور ہسٹری شعبوں کے آغاز سے علاقے میں نوجوانوں کو ان دو سبجیکٹس میں اعلی تعلیم کے مواقع مقامی سطح پر میسر آئیں گے،یونیورسٹی آف تربت میں سوشالوجی،  ہسٹری سمیت دیگر شعبوں میں چار سالہ بی ایس پروگرامز میں داخلوں کا سلسلہ جاری ہے

یونیورسٹی آف تربت کے پنجگور اور گوادر کیمپس میں بھی بی ایس پروگرامز میں داخلوں کا سلسلہ جاری ہے بی ایس پروگرامز میں داخلے کے لئے انٹر میڈیٹ یا مساوی امتحان میں 45 فیصد نمبرز کے حامل امیدوار داخلے کے اہل ہونگے ،