Baaghi TV

Category: تعلیم

  • اخبارفروش کا بیٹابازی لے گیا

    اخبارفروش کا بیٹابازی لے گیا

    کراچی: محنت کبھی رائیگاں نہیں جاتی ، علم حاصل کرنے والے ہمیشہ ممتاز رہتے ہیں ، جو جتنی محنت کرتا ہے اسے اتنا ہی اس کا پھل ملتا ہے، اطلاعات کےمطابق اعلیٰ ثانوی تعلیم بورڈ نے انٹرمیڈیٹ سال دوئم کامرس گروپ کے نتائج کا اعلان کردیا، اخبار فروش کے بیٹے نے تعلیمی میدان میں جھنڈے گاڑ دیے۔

    کراچی سے اعلیٰ ثانوی تعلیمی بورڈ کی طرف سے جاری تفصیلات کے مطابق اعلیٰ ثانوی تعلیمی بورڈ نے کامرس ریگولر گروپ سال دوم 2019 کےنتائج کااعلان کیا، انس حبیب 88 فیصد نمبر حاصل کر کے پہلے نمبر پر رہے۔

    رزلٹ کے مطابق دوسری پوزیشن لینے والے مزمل احمد نے 87 فیصد نمبرز حاصل کیے اسی طرح اروبہ محمد 86 فیصد نمبرز کے ساتھ تیسری پوزیشن پر رہیں۔

    انٹرمیڈیٹ بورڈ کے مطابق امتحانات میں 4 ہزار 321 طلبا نے حصہ لیا جن میں سے کامیابی کا تناسب 30 فیصد ہی رہا۔یہ بات بھی قابل غور ہےکہ امسال نقل کا رجحان بہت کم رہا ورنہ کراچی اور سندھ کے دیگر بورڈز میں جس طرح نقل کارجحان پایا جاتا ہے اس سے طالب علم کی کریڈیبلٹی متاثر ہوجاتی ہے

  • چانسلر نے اہم فیصلے کردیئے

    چانسلر نے اہم فیصلے کردیئے

    لاہور:چانسلر نے پنجاب کی یونیورسٹیوں میں اہم تعیناتیاں کردیں ،۔سرکاری اعلامیے کے مطابق شبر عتیق وائس چانسلر یونیورسٹی آف گجرات کو پنجاب یونیورسٹی آف ٹیکنالوجی کا اضافی چارج سونپ دیا گیا۔

    سندھ بھر میں دفعہ 144 نافذ کردی گئی

    اس ضمن میں نامزد اساتذہ میں پروفیسر ڈاکٹر عظمیٰ قریشی،پروفیسر ڈاکٹر صائقہ امتیاز آصف، خورشید احمد ملک اور ڈاکٹر راحیل قمر شامل ہیں۔لاہور کالج برائے خواتین یونیرسٹی میں سنڈیکیٹ ممبرز کی تعیناتیاں بھی کردی گئی ہیں ۔

    وکلاسے تکرار ، جیل لے گیا

    گورنر پنجاب نے پروفیسر حسن امیر شاہ وائس چانسلرگورنمنٹ کالج یونیورسٹی لاہور کو نجی دورہ جاپان کے لئے پانچ یوم چھٹی کی منظوری دے دی ہے۔ گورنر پنجاب نے پروفیسر ڈاکٹر نیاز احمد اختر وائس چانسلر جامعہ پنجاب لاہور کو بھی نجی دورہ برطانیہ کے لئے چھ یوم کی رخصت کی منظوری دی۔

    28 ارب روپےکسے کم نہ آئے،نااہلی آڑے آگئی

    چوہدری محمد سروربطورگورنر پنجاب میجر ریٹائرڈ محمد اشرف تبسم، ممبر پنجاب پبلک سروس کمیشن لاہور کو دورہ آسٹریلیا کے لئے بائیس یوم چھٹی کی منظوری بھی دے دی۔

  • بی ایس ایوننگ کلاسز کا اجراء

    بی ایس ایوننگ کلاسز کا اجراء

    کمالیہ پی ایس ٹی کالج کمالیہ میں بی ایس ایوننگ کلاسز کا اجراء ایم این اے ریاض فتیانہ اور صوبائی وزیر آشفہ ریاض کی خصوصی کاوشوں سے گورنمنٹ پی ایس ٹی کالج کمالیہ میں بی ایس ایوننگ کلاسز کا اجراء ہو گیا ہے جو کہ اہل کمالیہ کیلئے تعلیمی میدان میں ایک بڑی کامیابی ہے جس سے کمالیہ کے طلبہ و طالبات حصول علم کیلئے کسی بڑے شہر کا رخ کرنے کی بجائے اپنے ہی شہر میں تعلیم حاصل کر سکیں گے اس اقدام پر سیاسی و سماجی شخصیات کی جانب سے ایم این اے ریاض فتیانہ اور صوبائی وزیر آشفہ ریاض فتیانہ کو مبارکباد دی جا رہی ہے اور اس اقدام کو سراہا گیا

  • مظفرگڑھ کے 4ہزار سکولوں میں سہولیات ناپید!صاف پانی توکیا پانی پینےکے گلاس تک موجود نہیں

    ضلع مظفرگڑھ کے4ہزارسےزائدسرکاری وپرائیویٹ تعلیمی ادارو ں میں سہولیات کافقدان کےباعث طلباوطالبات کومشکلات کاسامناہے ۔سکولوں میں پینےکےلئےصاف پانی تودورکی بات گلاس تک موجودنہیں ہیں بچےزیرزمین واٹرپمپ سےنکلنےوالےگندےپانی کوٹوٹیوں سےمنہ لگاکرپینےپرمجبورہیں۔ضلع بھرکے98فیصدسکولوں میں بچےآلودہ اورمضرصحت پانی پینےپرمجبورہیں اکثرسکولوں کی عمارتیں بوسیدہ ہوچکی ہیں توکئی اداروں میں بجلی کی سہولت تک میسرنہیں ہیں،کہیں نان سیلری فنڈزہڑپ توکہیں ہیڈماسٹرزوہیڈمسٹریس اپنی تنخواہیں بھی اداروں پرلگانےلگی ہیں۔ہزاروں روپےفیسوں کی مدمیں وصول کرنےوالےپرائیویٹ اداروں میں مضرصحت پانی،ناقص اورباسی اشیاءکھانےسےبچےپیچیدہ امراض کاشکارہورہےہیں۔ایک سرکاری ادارےمیں توکرنٹ لگنےسےبچےکی موت تک واقعہ ہوچکی ہے ۔انتہاتویہ ہےکہ سرکاری سکولوں کےاساتذہ سےڈپٹی ڈی ای اوواش روم تک صاف کراتےہیں ایسی ایک ویڈیوگزشتہ دنوں منظرعام پرآچکی ہے۔اس سب کےباوجودڈپٹی کمشنرڈاکٹراحتشام انورجواپنےآپ کوتعلیم دوست شخصیت کہلوا تے ہیں انہو ں نے ایک بار بھی سر کار ی سکو لو ں کا دور ہ بھی کر نا گوارا نہیں کیا ۔ تفصیل کے مطا بق ضلع مظفر گڑ ھ میںخو اتین کے کل 681 سر کار ی پرا ئمر ی سکو لو ں جبکہ 702بو ائز پرا ئمر ی سکو لز ہیں۔اسی طر ح 109گر لز مڈ ل جبکہ 113بو ائز مڈ ل سکو لز ہیں،46گر لز ہا ئی سکول جبکہ 90بوا ئز ہا ئی سکو ل ہیں اور 5گر لز ہا ئر سیکنڈر ی سکو ل جبکہ 11بو ائز ہا ئر سیکنڈر ی سکول کا م کر ر ہیں .۔اگر با ت کی جا ئے پرا ئیو یٹ ر جسٹرڈ تعلیمی ادار و ں کی مظفرگڑھ میں 138پرا ئمر ی، 405مڈ ل ، 252سیکنڈر ی ،50ہا ئر سیکنڈری ہیں جبکہ ضلع میں374غیر ر جسٹرڈ ، 150انڈر پرا سس،336پی ایس پی سکو لز سمیت ایک ہزار سے زا ئد پیف سکو لز کا م کر ر ہے ہیں ۔ ان سکو لز میں سے 98فیصد میں سہو لیا ت کا شد ید فقدا ن ہے ۔ضلع مظفر گڑھ کے سکو لو ں کو نا ن سیلر ی بجٹ کی مد میں ملنے وا لے فنڈزکی ما لیت 10کروڑ رو پے سا لا نہ کے لگ بھگ ہے اس سب کے با وجو د سر کار ی سکو لز میں سہو لیا ت نا ہو نے کے برا بر ہیں ۔ ذرا ئع کے مطا بق نا ن سیلر ی بجٹ کی مد میں ملنے وا لی رقم کا بڑا حصہ محکمہ تعلیم کے افسرا ن اور ہیڈ ما سٹرو ہیڈ مسٹر یس خورد برد کر لیتے ہیں اس حو الے سے گز شتہ دنو ں گور نمنٹ گر لز سکو ل خور شید آ با د کی ہیڈ مسٹر یس پرانکو ائر ی کے دورا ن کر پشن ثا بت بھی ہو ئی ہے اور انہیں نا ن سیلر ی بجٹ فنڈکی رقم سے ہڑ پ کئے گئے سا ڑھے 4لا کھ رو پے جمع کروا نے کا حکم بھی دیا گیا تاہم انہو ں نے ابھی تک یہ رقم جمع نہیں کروا ئی ۔ سکو لز میں سہولیا ت کا یہ حا ل ہے کہ آ ج کے اس تر قی یا فتہ دور میں بھی مظفر گڑ ھ کے 98فیصد سکو لز میں پینے کا صا ف پا نی تک میسر نہیں ہے زیر زمین وا ٹر پمپ سے نکلنے والے مضرصحت پا نی کو پینے کے لئے سر کار ی سکو لو ں میں گلا س تک نہیں بچے بچیا ں ٹو ٹیو ں کو منہ لگا کر پا نی پینے پر مجبو ر ہیں ۔مضر صحت پا نی پینے سے ہما ر ے مستقبل کے معمار ہپا ٹا ئٹس ،معدہ،گردو ں اور دیگر بیمار یو ں میں مبتلا ہو ر ہے ہیں ۔ ضلع کے سر کار ی سکو لو ں میں درجہ چہارم کے ملا زم نہ ہو نے کی وجہ سے پڑ ھے لکھے اسا تذہ کو سکو لز کی صفا ئی ستھرا ئی کا کا م بھی خو د کر نا پڑتا ہے اس حو الے سے گز شتہ دنو ں مظفرگڑ ھ کے ڈپٹی ڈی ای او کی جانب اساتذہ سےسکول کاواش روم صاف کروانےکی ویڈیوبھی سوشل میڈیاپرگردش کرچکی ہےاورناقص انتظام کی وجہ سےماہڑہ کےعلاقہ میں ایک گورنمنٹ سکول کابچہ بھی کرنٹ لگنےسےجاں بحق ہوچکاہےاس سب کےباوجودڈپٹی کمشنرمظفرگڑھ ڈاکٹراحتشام انوراورمحکمہ تعلیم سرکاری اداروں کی بہتری کےحوالےسےزبانی جمع خرچ سےآگےنہ بڑھ سکے ۔

  • محکمہ تعلیم کااعلیٰ‌افسرقتل، ہزاروں لوگ گھروں سے باہر نکل ائے

    محکمہ تعلیم کااعلیٰ‌افسرقتل، ہزاروں لوگ گھروں سے باہر نکل ائے

    کوہستان : مالاکنڈ کے علاقے میں‌ کے پی محکمہ تعلیم کے اعلیٰ‌افسر کو قتل کرنے کے خلاف مظاہرے پھوٹ پڑے ، اطلاعات کے مطابق ضلع کوہستان میں ایجوکیشن آفیسر کے قتل کے خلاف مالاکنڈ میں ہزاروں اساتذہ سڑکوں پر نکل آئے اوراحتجاجی مظاہرہ کیا۔ مظاہرین نے قاتلوں کی گرفتاری اور ایجوکیشن آفیسرز کو سیکیورٹی فراہم کرنے کا مطالبہ کیا۔

    یورپی یونین سےعلیحدگی، سمجھ نہیں آرہی کیا کریں‌، ملکہ ایلزبیتھ

    مالاکنڈ کے مرکزی شہر بٹ خیلہ میں مختلف سرکاری اسکولوں کے پرنسپلز، ہیڈ ماسٹرزاور سینئر اساتذہ نے کوہستان میں ضلعی ایجوکیشن آفیسر نواب علی کے بیہمانہ قتل کے خلاف احتجاجی مظاہرہ کیا۔ مظاہرین نے پریس کلب تک ریلی نکالی۔ اساتذہ نے ہاتھوں میں بینرز اور پلے کارڈ اٹھارکھے تھے جن پر ایجوکیشن آفیسر قتل کے خلاف نعرے درج تھے۔

    بدتمیزی برداشت نہیں‌، صحافی کا اقبال اسٹیڈیم میں داخلہ بند ،

    مظاہرین نے کہا کہ ایجوکیشن آفیسرز کی زندگی کو خطرات لاحق ہیں تاہم حکومت نے تاحال کسی بهی ضلع ميں محکمه ايجوکيشن کو سيکيورٹی فراهم نہیں کی۔ انہوں نے مطالبہ کیا کہ قاتلوں کو فی الفور گرفتار کرکے انہیں نشان عبرت بنایاجائے

    بلاول کو بھٹو دوسرا نوٹس جاری ، اب کیا بنے گا

  • ’’تعلیم ہوگی عام، ہربیٹی کے نام‘‘اس مقدس مشن کا کس نے کیا اعلان ؟

    ’’تعلیم ہوگی عام، ہربیٹی کے نام‘‘اس مقدس مشن کا کس نے کیا اعلان ؟

    کراچی : پاکستان کے ایک عظیم کرکٹر نے تعلیمی انقلاب کا اعلان کردیا ، یہ تعلیمی منصوبہ بہت جلد شروع کرنے کا اعلان کردیا ، اطلاعات کے مطابق تعلیم ہوگی عام ہر بیٹی کے نام، شاہد آفریدی نے فروغ تعلیم کيلئے مہم کا آغاز کردیا گیا ہے ۔یہ اعلان پاکستان کے کرکٹر شاہد آفریدی نے کیا ہے ،

    ذرائع کے مطابق پاکستان معروف کرکٹر شاہد آفریدی کی بیٹیاں بھی فروغ تعلیم میں والد کا ساتھ دینے میدان میں نکل آئیں۔سابق ٹیسٹ نے کراچی میں پریس کانفرنس کرتے ہوئے فروغ تعلیم کیلئے مہم ’’تعلیم ہوگی عام، ہر بیٹی کے نام‘‘ کا آغاز کیا، اس موقع پر بین الاقوامی اسکواش کھلاڑی جہانگیر خان اور شاہد آفریدی کی بیٹیاں بھی موجود تھیں۔

    ان کا کہنا ہے کہ تعليم کے بغير کوئی بھی ملک ترقی نہيں کرسکتا، 21 اکتوبر سے ملک بھر ميں تعليم کے فروغ کيلئے نکلوں گا۔شاہد آفریدی کی بیٹی انشاء آفریدی نے کہا کہ تعليم لڑکوں کی طرح لڑکيوں کيلئے بھی ضروری ہے، لڑکی کو پڑھانے سے پوری نسل کو فائدہ ہوتا ہے۔دوسری طرف پاکستان میں‌ تعلیمی بحران کا ذمہ دار قرار دیتے ہوئے شاہد آفریدی کا کہنا تھا کہ فنڈز کہاں جاتے ہیں حکومتوں سے سوال تو ہوگا؟، اگر پاکستان کو چلانا ہے تو کراچی سے متعلق سخت فیصلے کرنا ہوں گے۔

    دوسری طرف پاکستان میں‌تعلیم کے سلسلے میں ہونے والے اس اہم پروگرام میں‌ اسکواش لیجنڈ جہانگیر خان نے تعلیم کو ہر بیٹی کا حق قرار دیا، کہا کہ تعليم کے فروغ کيلئے سب کو کردار ادا کرنا چاہئے۔کرکٹ کے نئے ڈومیسٹک سسٹم سے متعلق بات کرتے ہوئے شاہد آفریدی نے کہا کہ ڈپارٹمنٹ کرکٹ بند ہونے سے کچھ کرکٹرز بیروزگار بھی ہوئے تاہم میں نئے سسٹم کو سپورٹ کرتا ہوں۔

  • گجرات باغی ٹی وی کی خبر پر ایکشن یونیورسٹی آف لاہور گجرات کیمپس جو کہ صفائی اور ڈینگئ لاروا ہونے کی وجہ سے سیل کردیاگیا۔ وہاں سپرے شروع کر دیا گیا۔

    گجرات باغی ٹی وی کی خبر پر ایکشن یونیورسٹی آف لاہور گجرات کیمپس جو کہ صفائی اور ڈینگئ لاروا ہونے کی وجہ سے سیل کردیاگیا۔ وہاں سپرے شروع کر دیا گیا۔

    گجرات(چوہدری فیضان ارشاد سے) باغی ٹی وی کی خبر پر ایکشن گزشتہ روز اسسٹنٹ کمشنر محمد جمیل نے ڈپٹی کمشنر گجرات ڈاکٹر خرم شہزاد کی ہدایت پر یونیورسٹی آف لاہور گجرات کیمپس میں صفائی اور ڈینگئ 🧜🏽‍♂ لاروا کی نشاندہی پر سیلکردیاگیا۔ انتظامیہ حرکت میں آگئی۔لاہور یونیورسٹی گجرات کیمپس مزید 4 روز بند رہے گا۔ہنگامی بنیادوں پر سپرے شروع
    ٹیچرز،سٹاف، طلباء وطالبات کی بڑی تعداد مختلف ہسپتالوں میں زیر علاج ہے ۔۔۔۔

  • ڈویژنل کمشنر محمود جاوید بھٹی سے پاکستان ایڈمنسٹریٹو گروپ کے زیرتربیت افسران کی ملاقات

    فیصل آباد(نمائندہ باغی ٹی وی )ڈویژنل کمشنر محمود جاوید بھٹی سے ان کے آفس میں فیصل آباد کے دورے پر آئے ہوئے پاکستان ایڈمنسٹریٹو گروپ کے زیرتربیت افسران نے ملاقات کی۔ایڈیشنل کمشنر محبوب احمد،ایڈیشنل ڈپٹی کمشنر ہیڈ کوارٹرز عفیفہ شاجیہ،ڈائریکٹر لوکل گورنمنٹ ماریہ طارق اور دیگر افسران بھی موجود تھے۔ڈویژنل کمشنر نے زیر تربیت افسران کا خیر مقدم کرتے ہوئے انہیں خطہ کی تاریخی وثقافتی اہمیت،زرعی وصنعتی امور،جغرافیائی پہلوؤں کے بارے میں آگاہ کیا۔انہوں نے کہا کہ حکومتی پالیسیوں پر عملدرآمد کے سلسلے میں افسران کی ذمہ داریاں انتہائی اہمیت کی حامل ہیں اور جہد مسلسل ونیک نیتی سے محکمانہ امور انجام دیکر مطلوبہ اہداف حاصل کئے جاسکتے ہیں۔انہوں نے بتایا کہ وزیراعلیٰ پنجاب سردار عثمان بزدار کی ہدایت پر عوامی مسائل کے حل کے لئے ہر جمعہ کو کھلی کچہریوں کا انعقاد کیا جارہا ہے جبکہ اوپن ڈور پالیسی پر بھی روزانہ کی بنیاد پر عملدرآمدجاری ہے۔انہوں نے پلانٹ فار پاکستان مہم،انسداد تجاوزات مہم،انسداد ڈینگی اقدامات اوردیگر حکومتی ترجیحات کاذکر کرتے ہوئے تعلیم وصحت کے شعبوں میں جاری اقدامات کی تفصیلات بھی بتائیں۔انہوں نے بتایا کہ فیصل آباد سپورٹس کی نرسری ہے اور یہاں سے مختلف کھیلوں کے مقابلے باقاعدگی سے منعقد کرائے جارہے ہیں جس سے نیا ٹیلنٹ ابھر کر سامنے آرہا ہے۔انہوں نے بتایا کہ کینال روڈ پرٹریفک کے دباؤ کو کم کرنے کے لئے کشمیر پل انڈر پاس کی تعمیر جبکہ ہسپتالوں کی اپ گریڈیشن کے منصوبوں پر بھی کام جاری ہے۔ڈویژنل کمشنر نے کہا کہ انتظامی معاملات کی جانچ پڑتال کے لئے فیلڈ وزٹس ترجیح ہے جس کی بدولت نہ صرف محکمانہ سروس کے بارے میں عوامی اعتماد میں اضافہ ہوتا ہے بلکہ عوام سے براہ راست رابطہ سے بہت کچھ سیکھنے کا موقع ملتا ہے۔انہوں نے ٹیم کے ارکان کی طرف سے پبلک سکولوں کے کردار سمیت دیگر مختلف شعبوں سے متعلق کئے گئے سوالوں کے بھی جواب دئیے۔افسران کی ٹیم نے مفید معلومات کی فراہمی پر ڈویژنل کمشنر کا شکریہ ادا کیا۔

  • گورنمنٹ گرلز ڈگری کالج میں تربیتی سیشن برائے کلینکل سائیالوجسٹ کا انعقاد

    فیصل آباد( نمائندہ باغی ٹی وی)گورنمنٹ گرلز ڈگری کالج ایوب ریسرچ میں فیملی ہیلتھ کلینک ڈسٹرکٹ ہیڈ کوارٹرزہسپتال کے زیراہتمام تربیتی سیشن برائے کلینکل سائیالوجسٹ کا اہتمام کیا گیا جس میں طالبات کو اڈولسنٹ ہیلتھ کے بارے میں آگاہی دی گئی۔ہیلتھ سنٹر کی ٹیم نے بتایا کہ ماہر نفسیات کی طرف سے تولیدی صحت سے متعلق معلومات بلامعاوضہ فراہم کی جاتی ہے جبکہ بچوں اورنوجوانوں سے متعلقہ تمام نفسیاتی،جسمانی،ذہنی اور جذباتی مسائل سے بھی آگاہ کیا جارہا ہے۔پرنسپل کالج ڈاکٹر سائرہ خانم نے فیملی ہیلتھ کلینک کی ٹیم کا شکریہ ادا کرتے ہوئے کہا کہ ایسے مفید ومعلوماتی پروگرامز سے صحت کے بارے میں معلومات حاصل ہوتی ہیں جن کا آئندہ بھی انعقاد کیا جائے گا۔

  • پنجاب میں چار لاکھ سے زائد طلبہ کی زندگیاں خطر ے میں۔۔۔۔

    پنجاب میں چار لاکھ سے زائد طلبہ کی زندگیاں خطر ے میں۔۔۔۔

    پنجاب میں چار لاکھ سے زائد طلبہ کی زندگیاں خطر ے میں۔۔۔۔


    پنجاب میں تعلیمی شعبہ حکومتی توجہ حاصل نہ کر سکا۔صوبے میں 2 ہزار سے زائد خطرناک قرار دی گئی سکولوں کی عمارتوں میں 4لاکھ سے زائد طلبہ کو پڑھایا جانے لگا۔حالانکہ بلڈنگ ڈیپارٹمنٹ سکولوں کی ان عمارتوں کو خطرناک اور ناقابل استعمال قرار دے چکا ہے۔

     

    یوں عملی طورپر صوبائی حکومت اور محکمہ تعلیم نے 2ہزار سے زائد خطر ناک قرار دیئے جانے والے سکولوں میں پڑھنے والے 4لاکھ سے زائد غریب اور معصوم طلبا کو تقدیر کے رحم و کرم پر چھوڑ رکھا ہے۔

    بلڈنگز ڈیپارٹمنٹ کی طرف سے صوبے کے دو ہزارسے زائد سکولوں کی عمارتوں کو مخدوش اور ناقابل استعمال قرار دینے کے بعد پنجاب حکومت نے ان عمارتوں کو گرا کر نئے سکول تعمیر کرنے یا انہی عمارتوں کو مرمت کرکے انہیں قابل استعمال بنانے کی بجائے۔چشم پوشی اختیار کررکھی ہے۔جس کے باعث ان پرائمری ، مڈل اور ہائی سکولوں میں زیر تعلیم 4لاکھ سے زائد طلبا کی جانیں خطرے سے دوچار ہیں۔

    خطرناک قرار دی جانے والی عمارتوں کی وجہ سے بہاولپورکے 199سکولوں میں زیر تعلیم ساڑھے 42ہزار سے زائد طلبا،ڈی جی خان کے 322سکولوں میں زیر تعلیم 69ہزار طلبا، فیصل آباد 377سکولوں کے 81ہزار طلباکی، گوجرنوالہ کے 297سکولوں کے 64ہزار طلباکی،لاہور کے 182سکولوں کے39ہزار طلبا کی،ملتان کے 253سکولوں کے 54ہزار طلبا کی، راولپنڈی کے 277سکولوں کے 60ہزار طلبا کی،ساہیوال کے 227سکولوں کے 49ہزار طلبا کی اور سرگودھا کے 258خطرناک قرار دیئے جانیوا لے سرکاری سکولوں کے 55ہزار طلبا کی زندگیاں داو پر ہیں