Category: اہم خبریں

مظفرآباد:نائیک غلام مصطفیٰ شہید کی نمازجنازہ اداکردی گئی ،اطلاعات کے مطابق شمالی وزیرستان میں شہید ہونے والے پاک فوج کے جوان نائیک غلام مصطفیٰ شہید کی نماز جنازہ ان کے آبائی شہر ڈونا چٹر ، مظفر آباد میں ادا کی گئی۔

آئی ایس پی آر کے مطابق نمازجنازہ تمام شعبہ ہائے زندگی سے تعلق رکھنے والے لوگوں کی بڑی تعداد اور شہید کے لواحقین نے نماز جنازہ میں شرکت کی۔پاک فوج کے جوان کوپورے فوجی اعزاز کے ساتھ سپرد خاک کیا گیا

شمالی وزیرستان میں دہشت گردوں کے حملے میں شہید ہونے والے پاک فوج کے جوان ، فرزند وطن لانس نائیک غلام مصطفیٰ کی نمازجنازہ مظفرآبادمیں ادا کی جارہی ہے:نمازجنازہ میں پاک فوج کے افسران،جوان اورعوام الناس کی کثیرتعداد نے شرکت کی اورخراج تحسین پیش کیا pic.twitter.com/HZihKEwbeq

— Baaghi TV باغی ٹی وی (@BaaghiTV) August 2, 2021

یاد رہے کہ پاک فوج کا یہ جوان وطن پر قربان ہو گیا، شمالی ویرستان میں دہشتگردوں کیساتھ لڑائی میں جام شہادت نوش کیا۔

پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان میں کہا گیا تھا کہ دہشتگردوں نے شمالی وزیرستان کے علاقے گھڑیوم میں چیک پوسٹ پر فائرنگ کی۔ اس فائرنگ کے نتیجے میں پاک فوج نے بھرپور جوابی کارروائی کی۔

آئی ایس پی آر کے مطابق فائرنگ کے نتیجے میں 37 سالہ نائیک غلام مصطفی شہید ہو گیاتھا۔ شہید غلام مصطفی کا تعلق مظفر آباد سے ہے۔ دہشتگردوں کے خاتمے کے لیے سکیورٹی فورسز کا آپریشن جاری ہے

اسلام آباد :”وزیراعظم عمران خان کی جان کو خطرات لاحق”نقل وحرکت محدود:عالمی قوتیں راستے سے ہٹانا چاہتی ہیں ،اطلاعات کے مطابق سیکورٹی اداروں کی طرف سے خبردار کیا گیا ہے کہ وزیراعظم عمران خان کی جان خطرے میں ہے اس لیے سیکورٹی اداروں کی ہدایت پر وزیراعظم نے اپنی نقل و حرکت محدود کردی ،

اسی حوالے سے انکشاف کرتےہوئے نجی ٹیلی ویژن چینل کے پروگرام میں گفتگو کرتے ہوئے وفاقی وزیر اطلاعات فواد چوہدری نے کہا ہے کہ وزیراعظم کی جان کو خطرات ہیں لیکن وہ پرواہ نہیں کرتے،وزیراعظم نے اپنی نقل و حرکت محدود کردی ہے۔

وفاقی وزیر اطلاعات نے کہاکہ ہم پر ڈبل گیم کا الزام لگا لیکن حقیقت میں ہمارے ساتھ ڈبل گیم ہوئی ،ہم نے امریکا کاساتھ دیا، بدلے میں افغانستان میں براہمداغ جیسوں کو کیمپس دے دیئے ،ان کاکہناتھاکہ اڈے مانگنے کی بات سرکاری طور پر نہیں ہوتی ۔

وفاقی وزیر اطلاعات و نشریات فوادچودھری نے کہاہے کہ کچھ نام نہاد دانشور ہر وقت پاکستان کے خلاف بات کرتے ہیں،نوازشریف اورمیڈیا کے کچھ لوگ مل کر فوج کے خلاف پروپیگنڈا کرتے ہیں،نوازشریف کو جس نے بنایا اس نے برباد بھی کردیا،چودھری نثار پارٹی لیڈرشپ کے خلاف بولے اور فارغ ہو گئے۔

واضح رہے کہ کچھ عرصہ قبل سینئر صحافی ہارون الرشید کا بھی ایسا ہی بیان سامنے آیا تھا۔ جس میں انہوں نے کہا تھا کہ وزیراعظم عمران خان نے امریکا کے خلاف بیان دے کر جان خطرے میں ڈال دی

یاد رہے کہ باغی ٹی وی اس حوالے سے ایک مفصل رپورٹ جاری کرچکا ہے جس میں عمران خان کو اسرائیل ، بھارت ، امریکہ ،افغانستان اورپاکستان کے خلاف سازشوں میں حصے دار چند دیگرممالک وزیراعظم عمران خان کوراستے سے ہٹانا چاہتے ہیں ،اس سلسلے میں غیرملکی ایجنسیاں ملک کے اندر موجود غیرملکی دہشت گردوں سے مدد حاصل کرسکتی ہیں‌

اسلام آباد:پاکستان ایٹمی قوت بن سکتاہےتوچھوٹی چھوٹی چیزیں کیوں نہیں بناسکتا؟مشکل کے بعد آسانی ہے ،اطلاعات کے مطابق وزیراعظم عمران خان نے کہا ہے کہ ملک کو آگے بڑھانے کے لیے ایکسپورٹ کو بڑھانا ہوگا۔ پاکستان اگر ایٹمی قوت بن سکتا ہے تو چھوٹی چھوٹی چیزیں کیوں نہیں بنا سکتا؟

وزیراعظم عمران خان کا اسلام آباد میں ایک تقریب سے خطاب میں کہنا تھا کہ روٹی، کپڑا اور مکان کی بات ہوتی تھی لیکن اس پر کبھی عملی کام نہیں ہوا۔ 40 فیصد آبادی کو غربت سے نکالنا میرا وژن ہے۔

ان کا کہنا تھا کہ پاکستان پہلے بڑی تیزی سے ترقی کر رہا تھا۔ ہم نے اپنی آنکھوں کے سامنے ملک کو نیچے کی طرف جاتے دیکھا۔ ملائیشیا جیسے ملک نے پاکستان کے ماڈل کو فالو کیا۔ ہم پاکستان میں رائج کرپٹ سسٹم کو تبدیل کرنا چاہتے ہیں۔ حکمران کرپٹ ہوں تو چند لوگ امیر لیکن ملک غریب ہو جاتا ہے، قانون کی بالا دستی ہوگی تو تبدیلی آئے گی۔

وزیراعظم نے کہا کہ ماضی میں گھر بنانے کے لیے بینک قرض نہیں دیتے تھے۔ ہم کامیاب پاکستان پروگرام کے تحت بلا سود قرضے دیں گے۔ نیا پاکستان ہاؤسنگ سے 40 قسم کی انڈسٹری چلنا شروع ہو جائے گی۔ کنسٹریکشن انڈسٹری چلنے سے لوگوں کو روزگار بھی ملے گا۔

عمران خان کا کہنا تھا کہ کنسٹریکشن انڈسٹری کی راہ میں رکاوٹوں کو دور کیا ہے۔ پاکستان میں ہر چیز کو امپورٹ کیا جاتا ہے لیکن کبھی کسی نے نہیں سوچا کہ ہر چیز کو کیوں درآمد کرتے ہیں، ہر جگہ پر سسٹم رکاوٹ بنتا ہے۔

ملک میں بڑھتی ہوئی پولیوشن پر بات کرتے ہوئے ان کا کہنا تھا کہ آنے والی نسلوں کا کسی نے سوچا ہی نہیں، ہم نے ملک کو آلودگی سے بچانا ہے۔ جن ملکوں میں گرمی زیادہ ہے وہاں آگ اور کئی جہگوں پر سیلاب آئے ہوئے ہیں۔ ٹین بلین ٹری سونامی کا مقصد ملک میں درخت لگا کر ماحول کو بہتر بنانا ہے۔

انہوں نے کہا کہ ہم نے شہروں کے اندر بہت زیادہ درخت لگانے ہیں۔ لاہور اور پشاور کو سٹی آف گارڈن کہا جاتا تھا لیکن شہر پھیلتے جا رہے ہیں کسی نے بھی گرین ایریاز کا نہیں سوچا۔ میں نے اب ہر شہر کا ماسٹر پلان بنانے کا کہا ہے۔ اس کے علاوہ آبادی بھی تیزی سے بڑھ رہی ہے، فوڈ سیکیورٹی کا مسئلہ سامنے آ رہا ہے۔

لاہور کی صورتحال پر بات کرتے ہوئے ان کا کہنا تھا کہ دریائے راوی سیوریج کا ایک نالہ بن چکا ہے۔ راوی سٹی بنانے کا مقصد شہر کو بچانا ہے کیونکہ اگر یہی حال رہا تو لاہور میں بھی واٹر ٹینکر مافیا آ جائے گا۔

اسلام آباد:کورونا وائرس کے خلاف حفاظتی اقدامات:مارکیٹیں ہفتےمیں2دن بند کرنےکافیصلہ ،اطلاعات کے مطابق حکومت نے کورونا کی چوتھی لہر پر قابو پانے کیلئے اہم فیصلے کرتے ہوئے مارکیٹوں کے اوقات کار رات 10 سے کم کرکے 8 بجے تک کر دئیے ہیں جبکہ مارکیٹیں ہفتے میں دو دن بند رہیں گی۔

یہ اہم فیصلہ وزیراعظم عمران خان کے زیر صدارت اجلاس میں کیا گیا۔ اجلاس کے بعد میڈیا کو بریفنگ دیتے ہوئے انسداد کورونا کے قومی ادارے نیشنل کمانڈ اینڈ آپریشن سینٹر کے سربراہ اسد عمر کا کہنا تھا کہ وزیراعظم کی منظوری کے بعد کچھ فیصلے کیے ہیں۔ بندشوں سے کمزور طبقہ بہت متاثر ہوتا ہے۔

اسدعمرنے اس موقع پر کہا کہ ہم نے دیہاڑی دار طبقے کا بھی خیال رکھنا ہے۔ کورونا کی تین لہروں میں سمارٹ لاک ڈاؤن کی پالیسی اپنائی گئی تھی، اس وقت مریضوں کی تعداد میں تیزی سے اضافہ ہوا ہے۔

اسد عمر نے کہا کہ کورونا کی صورتحال کے پیش نظر فیصلہ کیا گیا ہے کہ تمام مارکیٹیں ہفتے میں دو دن بند رہیں گی لیکن ہفتہ وار دو چھٹیوں کا فیصلہ صوبائی حکومتیں خود کریں گی۔

ان کا کہنا تھا کہ منگل سے رات 8 بجے سے تمام مارکیٹیں اور بازار بند کرنے کی پابندی ہوگی۔ صورتحال کو دیکھ کر مزید اقدامات اٹھانا پڑے تو اٹھائے جائیں گے۔ راولپنڈی، لاہور، فیصل آباد اور ملتان میں بندشیں لگیں گی۔ ہم نے 22 کروڑ لوگوں کی حفاظت کرنی ہے۔

این سی او سی کے سربراہ نے کہا کہ ان ڈور ڈائننگ بند کرنے کا فیصلہ کیا گیا ہے تاہم ٹیک آوے کی سہولت 24 گھنٹے دستیاب ہوگی۔ پبلک ٹرانسپورٹ پر مسافروں اور دفاتر میں ملازمین کی تعداد بھی 50 فیصد کرنے کا فیصلہ کیا ہے۔

خیال رہے کہ گزشتہ چوبیس گھنٹوں کے دوران کورونا وائرس کے باعث سندھ کے بعد پنجاب میں سب سے زیادہ اموات ریکارڈ کی گئی ہیں۔ گزشتہ روز کورونا وائرس سے 40 اموات ہوئیں جن میں سے 19 اموات وینٹیلیٹرز پر موجود مریضوں کی تھیں۔

اعدادو شمار کے مطابق گزشتہ 24 گھنٹوں کے دوران ملک بھر میں 4 ہزار 858 افراد کے کووڈ۔ 19 ٹیسٹ مثبت آئے۔ملک کے 4 بڑے شہروں میں وینٹیلیٹرز پر کووڈ۔ 19 کے مریضوں کے تناسب کے لحاظ سے اسکردو میں 25 فیصد، پشاور میں 26 فیصد،لاہور 21 فیصد اور اسلام آباد میں 33 فیصد مریض ہیں۔

اسی طرح سے ملک کے چار بڑے شہروں میں آکسیجن کی سہولیات والے بستروں پر کورونا کے مثبت کیسز کے تناسب کے لحاظ سے ایبٹ آباد میں 55 فیصد، کراچی میں 57 فیصد، پشاور میں 29 فیصد اور گلگت میں 33 فیصد مریض ہیں۔

راولپنڈی:شمالی وزیرستان: پاک فوج کی چوکی پر دہشتگردوں کی فائرنگ:ایک جوان شہید،اطلاعات کے مطابق شمالی وزیرستان میں فوجی چوکی پر دہشتگردوں کی فائرنگ سے 37 سالہ نائیک غلام مصطفیٰ شہید ہو گئے۔ترجمان پاک فوج کے مطابق شمالی وزیرستان میں فوجی چوکی پر دہشتگردوں نے فائرنگ کی ہے۔

پاک فوج کے شعبہ تعلقات عامہ آئی ایس پی آر کے مطابق گھڑیوم میں دہشتگردوں نے فوجی چوکی پر فائرنگ کی۔فائرنگ کے تبادلے میں 37 سالہ نائیک غلام مصطفیٰ شہید ہو گئے۔ غلام مصطفیٰ شہید کا تعلق مظفرآباد سے تھا۔سیکیورٹی اہلکاروں نے بھرپور جوابی کارروائی کی۔

آئی ایس پی آر نے مزید کہا کہ دہشتگردوں کی تلاش اور خاتمے کے لیے علاقے میں آپریشن جاری ہے۔پاک فوج کے جوانوں نے دہشتگردوں کے خلاف موثر جوابی کارروائی کی سالہ نائیک غلام مصطفیٰ شہید ہو گئے۔ترجمان پاک فوج کے مطابق شمالی وزیرستان میں فوجی چوکی پر دہشتگردوں نے فائرنگ کی ہے۔

پاک فوج کے شعبہ تعلقات عامہ آئی ایس پی آر کے مطابق گھڑیوم میں دہشتگردوں نے فوجی چوکی پر فائرنگ کی۔فائرنگ کے تبادلے میں 37 سالہ نائیک غلام مصطفیٰ شہید ہو گئے۔ غلام مصطفیٰ شہید کا تعلق مظفرآباد سے تھا۔سیکیورٹی اہلکاروں نے بھرپور جوابی کارروائی کی۔

آئی ایس پی آر نے مزید کہا کہ دہشتگردوں کی تلاش اور خاتمے کے لیے علاقے میں آپریشن جاری ہے۔پاک فوج کے جوانوں نے دہشتگردوں کے خلاف موثر جوابی کارروائی کی

اسلام آباد:مکمل لاک ڈاؤن کرکے ملکی معیشت کو تباہ نہیں کرنا چاہتے: وزیراعظم کی اپنی عوام سے مشاورت،اطلاعات کے مطابق وزیر اعظم عمران خان نے کہا ہے کہ مکمل لاک ڈاؤن کرکے ملکی معیشت کو تباہ نہیں کرنا چاہتے۔

عوام سے براہ راست گفتگو کرتے ہوئے وزیراعظم عمران خان کا کہنا تھا کہ بھارت میں سوچے سمجھے بغیر لاک ڈاون لگایا گیا، غریب عوام کا نہیں سوچا گیا ، مودی حکومت نے صرف پیسے والے لوگوں کا مفاد سامنے رکھا۔

انہوں نے کہا کہ نورمقدم کیس پہلے دن سےخود فالو کر رہا ہوں، کیس کی تمام تفصیلات حاصل کی ہیں، اس کیس کا کوئی ملزم بچ نہیں پائےگا، یقین دلاتا ہوں طاقتورکو بھی سزا ملے گی۔ افغان سفیر کی بیٹی کےواقعہ کوبھی خود دیکھا۔ نظام تباہ کرنے میں دیرنہیں لگتی مگردرست کرنےمیں وقت لگتا ہے۔

عمران خان نے کہا کہ دو خاندانوں نے ملک تباہ کردیا، ادارے ٹھیک ہوتے تو یہ لوگ کیسے پیسہ بناتے، نیب پہلے چھوٹے چھوٹےلوگوں کو پکڑتا تھا،اب اسی نیب کے ہوتے ہوئےان کی چیخیں نکل رہی ہیں، احساس پروگرام کے تحت قرضے دیئے جا رہے ہیں، 40 فیصد نچلے طبقے کو براہ راست سبسڈی دیں گے۔

اسلام آباد:علمائے کرام کا مشکورہوں جنہوں نے کرونا سے آگاہی اوراحتیاط کا درس دیااوراہتمام بھی کیا:وزیراعظم کی اپنی عوام سے گفتگو لاک ڈاون کے معاملے میں سندھ حکومت سے تنازع پر وزیر اعظم عمران خان نے کہا کہ لاک ڈاون سے کورونا سے پھیلنا رکتا ہے لیکن مسئلہ عوام کا ہے جو یومیہ اجرت کما کر اپنا گزر اوقات کرتا ہے، وہ کیسے گزارا کریں گے۔

عوام کے سوالات کا براہ راست جواب دیتے ہوئے انہوں نے حکومت سندھ کو مخاطب کرکے کہا کہ جب تک آپ کے پاس اس کا جواب نہیں ہے تب تک مکمل لاک ڈاون مت کریں کیونکہ ایسی غلطی بھارت نے کی تھی جس سے ان کے ملک میں تباہی کا منظر ہے، ان کی معیشت کو غیرععمولی نقصان پہنچا۔

علاوہ ازیں وزیر اعظم عمران خان نے کہا کہ ملک کورونا وائرس کی چوتھی لہر کا سامنا کررہا ہے ایسے حالات میں علما کرام کا شکریہ ادا کرنا چاہتا ہوں جنہوں نے مساجد میں ایس او پیز پر عملدرآمد کو یقینی بنایا۔

وزیراعظم نے کہا کہ بھارت سے آنے والا ڈیلٹا ویرینٹ سب سے زیادہ خطرناک ہے اور خطرے کو ماسک کے ذریعے کم کیا جا سکتا ہے۔انہوں نے ماسک پہننے پر زور دیتے ہوئے کہا کہ عوامی مقامات پر جانے سے قبل ماسک پہننیں کیونکہ اس سے 70 فیصد امکان ہوتا ہے کہ آپ وائرس سے متاثر نہ ہوں۔

وزیر اعظم عمران خان نے حکومت سندھ سے کہا کہ مکمل لاک ڈاون لگانے سے قبل عوام کا خیال رکھنا ضروری ہے، جو یومیہ اجرت کما کر اپنا گزر اوقات کرتا ہے، وہ کیسے گزارا کریں گے۔

انہوں نے کہا کہ جب تک آپ کے پاس اس کا جواب نہیں ہے تب تک مکمل لاک ڈاون مت کریں کیونکہ ایسی غلطی بھارت نے کی تھی جس سے ان کے ملک میں تباہی کا منظر ہے، ان کی معیشت کو غیرععمولی نقصان پہنچا۔

وزیر اعظم عمران خان نے کہا کہ اسمارٹ لاک ڈاون کی وجہ سے پاکستان پڑوسی ملک بھارت کے مقابلے میں بہت بہتر حالات میں ہے، بھارت کو یہ نقصان اعجلت میں اٹھائے گئے لاک ڈاون سے متعلق فیصلے کی وجہ سے اٹھانا پڑا۔

علاوہ ازیں عمران خان نے کہا کہ کورونا سے مکمل تحفظ کا ایک ہی راستہ ہے اور وہ ویکسینیشن ہے، ابھی تک پاکستان میں 3 کروڑ افراد کو ویکسینیٹڈ کرنے میں کامیاب ہوئے ہیں، حکومت بھرپور کوشش کررہی ہے کہ ویکسین کی کمی نہ ہو۔

ان کا کہنا تھا کہ اس میں کوئی شک نہیں کہ بچوں اور ٹیچرز کو ویکسین لگوانے تک اسکول بھی نہیں کھولنے چاہیے لیکن معیشت کو نقصان نہ پہنچے اس امر کا بھی خیال رکھنا ہے۔

اسلام آباد:تین کروڑ افراد کی ویکسی نیشن ہوچکی:چوتھی لہرخطرناک:ان شااللہ سب آفات سےاللہ نجات دیں گے:وفاقی وزیر اسد عمر نے کہا ہے کہ تین کروڑ افراد کی ویکسی نیشن کا سنگ میل عبور کر لیا، تیسرے کروڑ کا ہدف صرف 16دن میں مکمل ہوا۔

وفاقی وزیر برائے منصوبہ بندی اسدعمر نے اپنی ٹویٹ میں کہا کہ ویکسین لگوانے کی رفتار میں تیزی سے اضافہ ہوا۔ اس ہفتے کے تمام 6 دن ایک ریکارڈ تھے، اس دوران 50 لاکھ افراد کی ویکسی نیشن کی گئیں۔ کل 9 لاکھ 34 ہزار افراد کی ویکسی نیشن کی گئی۔

Pakistan has crossed 3 crore vaccinations. The first crore took 113 days. The second 28 days and the 3rd only 16 days. Pace has rapidly increased. All 6 days this week were a record. 9 lakh 34 thousand vaccinations yesterday . In last 6 days 5 million vaccinations were done.

— Asad Umar (@Asad_Umar) August 1, 2021

دوسری جانب ویکسی نیشن کے عمل کے باوجود ملک میں کورونا کے وار جاری ہیں، گزشتہ چوبیس گھنٹے کے دوران مزید 62 افراد انتقال کر گئے جبکہ مثبت کیسز کی شرح 8اعشاریہ آٹھ دو فیصد ریکارڈ کی گئی۔

این سی او سی کے مطابق ملک بھر میں کورونا کے مزید 5ہزار 26نئے کیسز رپورٹ ہوئے۔ مجموعی کیسز کی تعداد 10لاکھ 34ہزار 837ہو گئی۔ کورونا کے ایکٹو کیسز کی تعداد 69 ہزار 756 ہے، 24 گھنٹےمیں کوروناکے 1495 مریض صحت یاب ہوئے ہیں۔

کابل:بھارتی فضائیہ کے طیاروں کی افغانستان کے ہسپتال پر بمباری:افغان طالبان کوبھی نشانہ بنایاگیا ،اطلاعات کے مطابق بھارتی فضائیہ نے افغانستان پر حملہ کردیاہے، بھارتی فضائیہ نے ہلمند کے دارلحکومت لشکر گاہ میں ہسپتال پر بمباری کی،

ادھربھارتی فضائیہ کی اشرف غنی کی حمایت میں بمباری کے حوالے سے افغان طالبان نے کہا کہ بھارتی فضائیہ کی بمباری سے ہسپتال میں آگ لگ گئی اور عمارت تباہ ہوگئی۔ طالبان نے دعویٰ کیا کہ بھارتی فضائیہ نے ہلمندکے دارلحکومت لشکر گاہ میں ہسپتال پر بمباری کی

یہ بھی معلوم ہوا ہے کہ بھارتی فضائیہ کے ساتھ ساتھ بھارتی افواج کے اہلکار بھی افغان طالبان پرحملے کررہے ہیں اورصدراشرف غنی کی حکومت کوبچانے کے لیے سردھڑکی بازی بھی لگا رہےہیں‌

دوسری جانب افغانستان کے مغربی صوبے ہرات کے دارالحکومت میں اقوام متحدہ کے مرکزی دفتر پر حملے میں ایک سیکیورٹی گارڈ ہلاک ہوگیا۔