Category: اہم خبریں

راولپنڈی :آرمی چیف جنرل قمرجاوید باجوہ سے آذربائیجان کی بحریہ کے سربراہ کی اہم ملاقات:پاکستان نے ایک بڑی پیشکش کردی،اطلاعات کے مطابق آرمی چیف جنرل قمر جاوید باجوہ نے آذربائیجان کو ترقیاتی اور دفاعی شعبے میں بھرپور اعانت ‏کی پیشکش کر دی۔

پاک فوج کے شعبہ تعلقات عامہ آئی ایس پی آر کے مطابق آرمی چیف سے آذربائیجان کی بحری ‏افواج کے کمانڈر نے ملاقات کی جس میں باہمی دلچسپی کے امور بشمول دفاع، تربیت اور ‏سیکیورٹی تعاون پرتبادلہ خیال کیا گیا۔

پاک فوج کے سربراہ جنرل قمر جاوید سے آذربائیجان کی بحریہ کے سربراہ سے ملاقات میں مجموعی علاقائی صورتحال پربھی بات چیت کی گئی۔

آئی ایس پی آر کے مطابق دونوں جانب سےسفارتی و سیکیورٹی تعاون کو مزیدفروغ دینےکےعزم کا ‏اعادہ کیا گیا جب کہ آذربائیجان کےکمانڈرنےخطےمیں امن واستحکام کیلئےپاکستان کی کوششوں ‏کوسراہا۔

اس موقع پر آرمی چیف جنرل قمر جاوید باجوہ نے آذربائیجان کو ترقیاتی اوردفاعی شعبےمیں ‏بھرپور اعانت کی پیشکش کرتے ہوئے کہا کہ پاکستان آذربائیجان سےدوستانہ تعلقات کو قدر کی ‏نگاہ سے دیکھتا ہے۔

لاہور:میں‌ نے فوج اورملکی اداروں کے خلاف نفرت پھیلائی اس پرمعافی مانگتاہوں:حامد میرنے معافی مانگ لی ،اطلاعات کے مطابق معروف اورمتنازعہ صحافی حامد میر نے اپنے گرد بڑھتے ہوئے گھیراو کے خطرات سے اپنی غلطیوں کا اعتراف کرتے ہوئے معافی مانگ لی ہے

ذرائع کے مطابق اس حوالے سے یہ معلوم ہوا ہے کہ حامد میر کی طرف سے یہ معافی نامہ اسلام آباد اور راولپینڈی یونین آف جرنلسٹس اورنیشنل پریس کلب کی طرف سے پیش کیا گیا ہے ،

اس معافی نامے میں حامد میر معافی مانگتے ہوئے کہتے ہیں کہ پچھلے دنوں‌ ان سے صحافی اسد طور کے معاملے تووہ فوج اوردیگرملکی اداروں کےخلاف ایسی گفتگو کرچکے ہیں کہ جن سے ان اداروں کوپریشانی کا سامنا کرنا پڑا ہے

حامد میر لکھتے ہیں‌کہ وہ فوج کی قربانیوں کا اعتراف کرتے ہیں اور اس حوالے سے وہ فوج کی خدمات کا اظہاربھی کرچکے ہیں‌ لیکن پھر بھی ان سے بہت سی غلطیاں سرزد ہوئی ہیں جس پرفوج اوردیگرسلامتی کے اداروں سے معافی کے طلب گار ہیں‌

4 بڑوں کا فیصلہ ہوگیا، عمران خان کیا سوچ رہے ،73 سال میں سب سے بہترین معیشت

باغی ٹی وی : سینئر اینکر پرسن مبشر لقمان نے کہا ہے کہ چڑیل آج اسلام آباد سے بڑی مخبریاں لے کر آئی ہے . ان کا کہنا تھا کہ آج کل وزیروں کی باتیں‌سننے کا کوئی فائدہ نہیں وہ تو اپوزیشن کی بیشنگ پر لگے ہوئے ہیں‌. کوئی اپنی وزارت بچانے کے چکر میں ہے .

نہ ہی ان کو لوگوں‌کا درد اور خیال ہے . وزیر اعظم سے جو ملتا ہے اس کی بات میں‌کوئی دم ہوتا ہے . اس طرح وزیر اعظم سے ملاقات کرنے والوں نے کہا ہے وزیراعظم نے کہا ہے کہ 73 سال میں معیشت اتنی بہترنہیں ہے جتنی آج ہے . وزیرا عظم نے ایسی بات کیوں کہی ہے یہ تو وہ ہی بتا سکتے ہیں . میں اس بات کو رد نہیں کرتا اور نہ ہی اس کی تائید کرتا ہوں . میں‌ صرف رپورٹ کر رہا ہوں‌کہ انہوں نے جو چند لوگوں سے ملاقات کے دوران بتائی . ان کا خیال ہے کہ ایسا اس لیے ہے کہ کرنٹ اکاؤنٹ ڈیفیسٹ کم ہوا ہے . ان کا خیال ہے کہ جی ڈی پی گروتھ بڑھ رہی ہے جو کہ 3.9 کے حساب سے بڑھ رہی ہے

لیکن ان کے اعداد و شمار پر کوئی اتفاق نہیں کرتا . اسی لیے آئی ایم ایف اس سے اتفاق نہیں کر رہا ہے جب ان کو یہ بتایا گیا کہ عالمی مالیاتی ادارے ان کے فگر سے اتفاق نہیں کر رہے تو ان کا کہنا تھا کہ وہ اپنے ایجنڈا پر کام کر رہے ہیں‌. ہمیں‌ یہ پتہ ہے کہ ہم کہاں کھڑے ہیں اور ہماری معیشت کتنی اچھی ہے .

مبشر لقمان کا کہنا تھا کہ اگرچہ ملکی اور غیر ملکی ماہرین معیشت اس سے اتفاق نہیں کرتے لیکن عمران خان اس پر بضد ہیں‌. اسی طرح ان کے قریبی ساتھیوں نے ان کو مشورہ دیا ہے کہ اگر آپ عثمان بزدار ، اعظم خان اور محمود خان کو اگر تبدیل نہں کریں گے نہ صرف پانچ سال پورے کرنا مشکل ہوجائے بلکہ اگلی دفعہ تو دور دور تک حکومت کرنا مشکل ہو جائے گا. .

مبشر لقمان کا کہنا تھا کہ ایسا نہیں ہوگا کہ آپ کسی کے اوپر سوار ہو کر اس دفعہ بھی حکومت میں آجائیں گے
.
اس پر وزیر اعظم کا کہنا تھا کہ بالکل نہیں ان تینوں میں کو تو کیا ایک کو بھی ہٹانا نہیں ہے اور یہ سوال ہی پیدا نہیں ہوتا .انکا کہنا تھا کہ کون کون ان کو ہٹانا چاہتا ہے اور کیوں ایسا کہہ رہا ہے .

مبشر لقمان کا کہنا تھا کہ ایسا اس لیے ہے کہ عمران خان اسی لیے کہہ رہے ہیں کہ وہ تصادم کے موڑ میں ہیں‌.اور جو ان کو بتاتا ہے کہ کرپشن ختم کرنے میں ان کو ہٹانا ضروری ہے لیکن وزیر اعظم نہیں مان رہے . جب کہا گیا کہ یہ لوگ آپ کی پارٹی کو ختم کر رہے ہیں اور نقصان پہنچا رہے ہیں.

ان کا کہنا تھا کہ پہلے تو یہ شنید تھا کہ بجٹ کے بعد ان کو شائد تبدیل کردیا جائے لیکن اب یہ خدشہ پیدا ہو چکا ہے کہ ایسا نہ ہوکہ اپنے ہی نئے کینیڈیٹ کے لیے پی ٹی آئی کے لوگ ووٹ نہ دیں اور اس سے بھی جاتے رہیں .

اسلام آباد:وزیراعظم عمران خان نے فخرسے قوم کا سربلند کردیا:مخالفین نے بھی دل سے تسلیم کرلیا:دنیا بھرمیں چرچے ،اطلاعات کے مطابق وزیراعظم عمران خان نے ایسا کام کردکھایا کہ جس کے بعد ان کے مخالفین بھی شیدائی اورفین ہوگئے ،

ذرائع کے مطابق وزیراعظم عمران خان نے امریکی وزیرخارجہ کا یہ کہہ کر فون سننے سے انکار کردیا کہ اگرامریکی صدر کو کوئی مسئلہ درپیش ہے تو وہ خود مجھے فون کرے کسی دوسرے درجے کے امریکی نمائندے سے بات کرنا پاکستانی سربراہ مملکت کے سفارتی آداب کے خلاف ہے ،

تفصیلات کے مطابق پاکستان اور امریکا کے سفارتی تعلقات کے حوالے سے وزیراعظم عمران خان نے اہم فیصلہ کیا ہے۔ اس حوالے سے نجی ٹی وی چینل سے گفتگو کرتے ہوئے دفای تجزیہ کار اعجاز اعوان کی جانب سے بتایا گیا کہ وزیراعظم عمران خان نے واضح کر دیا ہے کہ اب جو بھی بات ہوگی وہ براہ راست امریکی صدر سے ہوگی۔

وزیراعظم عمران خان کی جانب سے امریکی سیکرٹری کا فون سننے سے معذرت کی گئی اور کہا گیا کہ پروٹوکول کے مطابق امریکی صدر خود ان سے رابطہ کریں۔ اعجاز اعوان کے مطابق عمومی طور پر پروٹوکول کے تحت کسی بھی اہم معاملے پر گفتگو کیلئے امریکی صدر خود وزیراعظم سے رابطہ کرتے ہیں، اسی لیے پیغام بھیجا گیا ہے کہ افغانستان سے انخلاء اور اس سے متعلقہ معاملات کیلئے امریکی صدر خود وزیراعظم عمران خان سے رابطہ کر کے بات چیت کریں۔

وزیراعظم کی طرف سے اس دلیرانہ جواب کے بعد پاکستان سمیت دنیا بھرمیں پاکستانیوں کے سرفخرسے بلند ہوگئے ہیں اوراب تو ان کے مخالفین بھی دل کی اتھاہ گہرائیوں سے ان کی قیادت کو تسلیم کرچکے ہیں اوراس وقت سوشل میڈیا پروزیراعظم کے دلیرانہ موقف کو بہت زیادہ سراہا جارہا ہے ،

کسانوں کے ساتھ وہ نہیں ہوگا جو پہلی حکومتوں میں ہوتا رہا ، وزیر اعظم کی یقین دھانی

باغی ٹی وی :وزیراعظم عمران خان سے کسانوں کی ملاقات ہوئی .وزیراعظم نے کہا کہ نصاف کرنےو الی قوم اوپر جائے گی،اللہ تعالیٰ نے پاکستان کو ہر نعمت سے نوازاہے،چینی کی انڈسٹری میں ایک مافیا بیٹھ گیا تھا جو مہنگی چینی بیچتا تھا،بدقسمتی سے ملک میں اور بھی جگہوں پر مافیاز بیٹھے ہوئے ہیں.حکمرانوں کی کرپشن ملک کو تباہ کردیتی ہے،ماضی میں کسانوں کو گنے کے پیسے نہیں مل رہے تھے،

وزیراعظم عمران خان نے کہاکہ میری جدوجہد حکمرانوں کی کرپشن کے خلاف تھی،مافیا ملک میں ہر طرح سے فائدہ اٹھا تا ہے،کاٹن کے علاوہ تمام ریکارڈ فصلیں ہوئیں حکمران کرپشن کرکے ملک کا پیسہ باہر لے جاتے ہیں، مافیا ٹیکس بھی نہیں دیتا تھا اور کسانوں کو پیسہ بھی ادا نہیں کرتا تھا،پوری دنیا میں سب سے تیزی سے آگے جانے والا ملک چین ہے،

ہم نے اب ایگری کلچر کو بھی سی پیک میں ڈال دیا ہے. لارج اسکیل انڈسٹری میں ہماری بہت اچھی گروتھ ہوئی ہے،چاہتے ہیں کہ انڈسٹری کے فائدے میں بھی اضافہ ہو،ہماری حکومت کی پوری کوشش ہے کہ کسانوں کو کسی قسم کی تکلیف نہ ہو،
وزیراعظم عمران خان نے کہا کہہ یقین دہانی کراتا ہوں کہ میری ٹیم کسانوں سے رابطے میں رہے گی،ماضی کی حکومتوں نے بجلی کے مہنگے منصوبے لگائے ،ماضی کی حکومتوں نے بجلی کے مہنگے منصوبے لگائے ،اقتدارمیں آئےتودیکھاچینی کی قیمت بڑھ رہی تھی.

وزیراعظم کا کہنا تھا کہ کسانوں کوگنےکی پوری قیمت نہیں مل رہی تھی،شوگرمافیامہنگی چینی بیچتااورکسانوں کوپوری قیمت نہیں دیتاتھا،ایف آئی اےنےشوگرمافیاکی انکوائری کی توانہیں دھمکیاں ملیں،شوگرمافیاکےخلاف بلاامتیازتحقیقات کی گئیں

وزیراعظم عمران خان کا کہنا تھا کہ بدقسمتی سےاورجگہوں پربھی شوگرمافیاجیسےلوگ بیٹھےہیں.حکمرانوں کی کرپشن ملک تباہ کردیتی ہے،جب حکمران پیسہ بناتےہیں توملک کبھی ترقی نہیں کرسکتے،ہماری حکومت میں کسانوں کوبروقت پیسےاداکیےگئے،
کسانوں سےمسلسل ملاقاتوں کاسلسلہ جاری رہےگا،زرعی شعبہ پاکستان کوترقی یافتہ ممالک میں شامل کرسکتاہے،زراعت سےمتعلق چین کی ٹیکنالوجی سےبھی فائدہ اٹھائیں گے،

اس موقع پر معاون خصوصی جمشید چیمہ نے کہا کہ شریف خاندان نےذاتی مفادکیلئےکسانوں کااستحصال کیا، ماضی میں کسانوں سےسرکاری ریٹ سےکم نرخ پرگناخریداگیا،سابق حکمرانوں نےکسانوں کااستحصال کیا. 2018میں گنےکےکاشتکاروں سے 80ارب روپےلوٹےگئے،

کسان رہنما خالد کھوکھر نے کہا کہ موجودہ حکومت کے اقدامات سے 80 سے 90ارب روپے کاشتکاروں کو ملے.زرعی اراضی می پی ایچ کی سطح کو کمر کرنے کیلئے جپسم رعایتی نرخوں پر فراہم کی جائے،73سالوں میں پہلی بار کسانوں کے مفادات کا سرکاری سطح پر تحفظ کیا گیا،

کسانوں کو کھادوں پر سبسڈی دینے کی ضرورت ہے،آئندہ سال بہترفصل کیلئےڈی اےپی کی قیمت کم کی جائے.