لاہور:سنیئرصحافی مبشرلقمان اورایرانی ثقافتی اتاشی جعفرروناس کے درمیان اہم ملاقات،زیربحث آئے بڑے معاملات،اطلاعات کے مطابق پاکستان میں ایران کے ثقافتی اتاشی جعفرروناس اورسینئر صحافی مبشرلقمان کےدرمیان اہم ملاقات میں دونوں ملکوں کے درمیان اہم معاملات زیربحث آئے ،
ذرائع کے مطابق اس اہم ملاقات میں دونوں فریقین نے مختلف ثقافتی اور میڈیا شعبوں میں مشترکہ تعاون کے وسائل پر تبادلہ خیال کیا۔
باغی ٹی وی کے مطابق اس اہم ملاقات میں سنیئرصحافی مبشرلقمان نے ایران اورپاکستان کے درمیان امن وبھائی چارے کوفروغ دینے کے لیے کوششوں پرزوردیا ہے ایرانی ثقافتی اتاشی سے بات کرتے ہوئے مبشرلقمان نے ایرانی جنرل قاسم سلیمانی کی عظیم شخصیت کوخراج تحسین پیش کیا اوران کی خطے میں جارح قوتوں کے خلاف جدوجہد کوسلام پیش کیا
مبشرلقمان نے اس موقع پرکہا کہ جنرل قاسم سلیمانی نے بڑی بڑی قوتوں کے تکبر کوخاک میں ملا دیا ہے اورقوم ان کی قربانیوں کو ہمیشہ یادرکھے گی، مبشر لقمان نے ایرانی ثقافتی اتاشی جعفرروناس کو بتایا کہ باغی ٹی وی پاکستان اور ایران دونوں برادر ملکوں کے مابین تعلقات کی مضبوطی کے لئے اہم کردار ادا کر رہا ہے
راولپنڈی:پاک فوج کے37 بریگیڈیئرز کی میجر جنرل کے عہدے پر ترقی:دو خواتین اور 12 ڈاکٹرز بھی شامل ،اطلاعات کے مطابق آرمی چیف جنرل قمر جاوید باجوہ کے زیر صدارت آرمی پروموشن بورڈ کے اجلاس میں پاک فوج کے 37 بریگیڈیئرز کو میجر جنرل کے عہدے پر ترقی دیدی گئی ہے۔
پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق ترقی پانے والوں میں دو خواتین اور 12 ڈاکٹرز بھی شامل ہیں جنھیں میجر جنرل کے عہدے پر ترقی دی گئی ہے۔
آئی ایس پی آر کے مطابق ترقی پانے والوں میں ترقی پانے والے بریگیڈئرز میں شہریار پرویز بٹ، عمر مقبول محمد عاصم خان، محمد ندیم اشرف، عامر اشفاق کیانی، محمد امتنان بابر، عبدالسمیع، عمر احمد شاہ، محمد شاہد صدیق، محمد فرحان یوسف، منیر الدین، نسیم انور، ملک امیر محمد خان، عدنان سرور ملک اور محمد عرفان خان شامل ہیں۔
آئی ایس پی آر کا کہنا ہے کہ بریگیڈیئر نور ولی خان، کمال انور چودھری، سلمان معین، محمد قذافی، نعیم اختر اور بریگیڈئر محمد شہاب اسلم، بریگیڈیئر ندیم یوسف، بریگیڈیئر فرخ شہزاد رائو اور بریگیڈیئر خرم ناصر کو بھی میجر جنرل کے عہدے پر ترقی دی گئی ہے۔
آرمی میڈیکل کور کے بارہ بریگیڈئیرز کو بھی میجرجنرل کے عہدے پر ترقی دی گئی ہے۔ ان میں بریگیڈیئر افختار احمد ستی، سید عادل حسنین، بریگیڈیئر مسز قمر النسا چودھری، بریگیڈیئر عرفان علی مرزا، بریگیڈیئر محمد رفیق ظفر، بریگیڈیئر محمد وسیم، بریگیڈیئر محمد سہیل امین، بریگیڈیئر نسیم احمد، بریگیڈیئر مسز شازیہ نثار، بریگیڈیئر اعجاز غنی، ارشد نسیم، بریگیڈئر ندیم احمد رانا شامل ہیں۔
فوج کے خلاف زبان استعمال کرنے پر ن لیگ کو قیمت ادا کرنی پڑے گی ،شیخ رشید
باغی ٹی وی کی رپورٹ کے مطابق وفاقی وزیر داخلہ شیخ رشید احمد نے کہا ہے کہ نیب ،ایف آئی اے اور دیگر ادارے بہت اچھا کام کررہے ہیں،
شیخ رشید احمد کا کہنا تھا کہ ملکی معیشت درست سمت میں گامزن ہے، رمضان پیکج کا اعلان جلد کردیا جائے گا،غریب طبقے کو مکانات کی فراہمی شروع کردی گئی ہے،ایف آئی اے میں بہتری کیلئے کوشاں ہیں، عمران خان کیلئے اپوزیشن کوئی چیلنج نہیں ہے، صرف مہنگائی چیلنج ہے، تحریک انصاف کی حکومت میں انصاف ملے گا، عدالتیں آزاد ہیں، مولانا فضل الرحمان سے کہا تھا بچوں کے ہاتھوں میں نہ کھیلیں آپ خراب ہوں گے مولانا فضل الرحمان کی سیاست کو بہت نقصان پہنچا ہے،پاکستان کی خارجہ پالیسی بہتر ہے، چین اور دیگر ممالک سے اچھے تعلقات ہیں،آصف زرداری تاش چھاتی کے ساتھ لگا کر کھیل رہا ہے،تمام ویزے آن لائن کردیئے ہیں، مہنگائی ہمارے لیے چیلنج ہے اسے کنٹرول کریں گے، فوج کے خلاف زبان استعمال کرنے پر ن لیگ کو قیمت ادا کرنی پڑے گی ،پی ڈی ایم ختم ہو چکی ہے،عمران خان 5 سال پورے کرے گااوراگلے الیکشن میں بھی ڈٹ کر مقابلہ کرے گا نواز شریف ملک آمد کا اعلان کریں ، 24گھنٹوں میں سفری پروانہ جاری کریں گے،پیپلز پارٹی کی قیادت سمجھدار ہے،ن لیگ کوہرزہ سرائی کی قیمت چکانا ہوگی
احساس کفالت پروگرام امداد میں کٹوتی کرنیوالوں کو صحافی بھی بچانے میں مصروف
باغی ٹی وی کی رپورٹ کے مطابق احساس پروگرام کے تحت حکومت کی جانب سے عوام کو دی جانیوالی امداد میں کٹوتی کی جانے لگی تو دوسری جانب صحافی بھی غریب افراد کا حق مارنے والوں کی سرپرستی کرنے لگ گئے
چین سے پھیلنے والے کرونا وائرس نے پاکستان کا رخ کیا تو لاک ڈاؤں کی تجویز آئی تا ہم وزیراعظم عمران خان نے لاک ڈاؤن کی مخالفت کی اور سمارٹ لاکڈاؤن کی تجویز دی جس پر عمل پیرا ہوتا رہا، کرونا سمارٹ لاکڈاؤن کے دوران حکومت نے عوام کو مختلف شعبہ جات میں ریلیف دیا، اسی عرصے میں حکومت کی جانب سے احساس پروگرام شروع کیا گیا جس میں غریب اور مستحق افراد کو 12 ہزار روپے تصدیق کے بعد دیئے جانے کا سلسلہ شروع کیا گیا
احساس پروگرام کی انچارج ڈاکٹر ثانیہ نشتر ہیں، انہوں نے بڑے منظم طریقے سے احساس پروگرام کی رجسٹریشن کی اور شفاف طریقے سے رقوم کی تقسیم کی گئی تا ہم کچھ مقامات پر رقوم کی تقسیم کے دوران کرپشن ہو ئی تو اسکا نوٹس لیا گیا اور مقدمے درج کر کے غریبوں کا پیسہ ہڑپ کرنیوالوں کے خلاف کاروائی کی گئی
حال ہی میں ایک ایسا واقعہ دوبارہ پیش آیا جہاں پنجاب کے شہر چنیوٹ میں احساس کفالت سنٹر چنیوٹ کے مقصود ملک خواتین کو دی جانے والی رقم میں پانچ پانچ سو کی کٹوتی کرنے لگے، اہل علاقہ نے مقصود ملک کے خلاف اس کی دکان کے باہر احتجاج کیا ،دوران احتجاج ایک خاتون کا کہنا تھا کہ مجھے بارہ ہزار کی بجائے پانچ سو کم دیئے گئے ہیں، احتجاج کے موقع پر بڑی تعداد میں عوام جمع تھی، اس کی ویڈیو باغی ٹی وی کے پاس آئی اور نمائندہ باغی ٹی وی چنیوٹ کی خبر باغی ٹی وی پر نشر ہوئی تو اسکے بعد احساس کفالت پروگرام سنٹر کے مقصود ملک نے باغی ٹی وی سے رابطہ کیا
مقصود ملک نے باغی ٹی وی سے گفتگو میں کہا کہ جو خبر چلائی گئی ہے وہ صحیح نہیں ہے اس خاتون کو پورے پیسے دیئے گئے ہیں، مقصود ملک کا یہ بھی کہنا تھا کہ لوگ خود کہتے ہیں کہ جلدی پیسے دو اور پانچ سو رکھ لو لیکن ہم پورے پیسے دے رہے ہیں کسی کی کٹوتی نہیں کی، مقصود ملک نے باغی ٹی وی کو اسی خاتون کی ویڈیو بھی بھیجی جو خصوصی طور پر بنائی گئی اورااس میں وہ خاتون بارہ ہزار گن رہی ہے
چنیوٹ, سرکاری طور پر احساس پروگرام کے تحت سنٹر نہ ہونے کی وجہ سے شہری لٹنے لگے احساس پروگرام کے تحت ملنے والی رقم سے دوکاندار غیر قانونی کٹوتی کرنے لگے , مستحق سے پانچ سو روپے وصول کرکے بقایا رقم دی جاتی ہے,#Punjab#PunjabPolice @chiniot_police @ChiniotDcpic.twitter.com/IrvhJYPgTy
باغی ٹی وی کی ٹیم نے جب دونوں ویڈیوز کا بغور جائزہ لیا تو جو خبر باغی ٹی وی نے نشر کی تھی اس ویڈیو میں صاف نظر آ رہا ہے کہ خاتون پانچ سو روپے کم ملنے پر سراپا احتجاج ہے اور اس نے ہاتھ میں جو پیسے پکڑ رکھے ہیں اس میں سو سو کے نوٹ نظر آ رہے ہیں دوسری جانب اطلاعات کے مطابق احساس کفالت پروگرام کے انچارج مقصود ملک نے جو ویڈیو بھیجی وہ اس خاتون کے احتجاج کے بعد اسکو دوبارہ بلا کر پورے پیسے دینے کے بعد ویڈیو خصوصی طور پر بنائی گئی ، جب خواتین احتجاج کر رہی ہیں تو کفالت سنٹر کے انچارج مقصود ملک اس مظاہرے میں جاتے ہیں اور احتجاج کرنیوالی خاتون کو بلا کر اس کو پورے پیسے دیتے ہیں ساتھ ہی اس کی ویڈیو بنا کر وائرل کر دیتے ہیں کہ ہم نے پورے پیسے دیئے
سوال یہ ہے کہ اگر اس خاتون کو پورے پیسے ملے تھے تو وہ احتجاج کیوں کر رہی تھی ؟ اور اس احتجاج میں وہ اکیلی نہیں تھی بلکہ اسکے ساتھ اور بھی خواتین تھیں جن کا یہی موقف تھا کہ انکو پیسے کم دیئے جا رہے ہیں
باغی ٹی وی نے احساس کفالت سنٹر چنیوٹ کے انچارج مقصود ملک کو اپنا موقف دینے کو کہا جس پر انکا کہنا تھا کہ وہ بدنام ہو گئے ہیں، علاقے میں اچھی شہرت تھی تا ہم غلط خبر چلی ہے، باغی ٹی وی کی جانب سے کہنے کے باوجود مقصود ملک نے کوئی ویڈیو موقف نہیں دیا
مقصود ملک سے بات چیت کے بعد چنیوٹ سے ممبر پریس کلب فیصل آفتاب جو 131 چینل کے بیورو چیف، اخبار کے ایڈیٹر ہیں کی کال آئی جس میں سب سے پہلے انکا کہنا تھا کہ ڈی پی پر لگی تصویر دیکھی، انہین کہا گیا کہ نہیں تو وہ کہنے لگے میں 131 چینل کا بیورو چیف ہوں ، کفالت سنٹر کا انچارج میرا بھائی ہے اسکے ساتھ تعاون کریں، فیصل آفتاب نے باغی ٹی وی سے بات کرتے ہوئے تعاون کی درخواست کی جس پر انہیں کیا گیا کہ ویڈیو موقف بھجوا دیں باغی ٹی وی موقف نشر کر دے گا تا ہم چوبیس گھنٹے گزرنے کے باوجود کوئی موقف نہیں بھجوایا گیا
باغی ٹی وی کو ملنے والی اطلاعات کے مطابق احساس کفالت سنٹر چنیوٹ میں کٹوتی کی جا رہی تھی جس پر خواتین نے احتجاج کیا اور پورے چنیوٹ میں سے باغی ٹی وی کے علاوہ ایک اور میڈیا کے ادارے نے اسکی کوریج کی ہے باقی کسی نے کوریج نہیں کی،بلکہ خبریں رکوانے کی کوشش کی گئی، باغی ٹی وی سے دوران گفتگو چنیوٹ پریس کلب کے رکن فیصل آفتاب سے سوال کیا گیا کہ آپ باغی ٹی وی سے کس قسم کا تعاون چاہتے ہیں تو انکا کہنا تھاکہ ہم بھی صحافی ہیں آپ بھیصحافی ، ہماری فیلڈ ایک ہے، ویڈیو ڈیلیٹ کر دیں یا پھر اسی ویڈیو کے ساتھ ہمارا موقف دیں (واضح رہے کہ ابھی تک موقف نہیں بھیجا گیا) اگر تعاون نہیں کریں گے تو پھر سپیشل برانچ کے پاس سے میں سارا کام کروا لوں گا .مقصود ملک کو وہاں سے بچا لوں گا، وہ میرا بھائی ہے اور مجھے بچانا آتا ہے،
چنیوٹ پریس کلب کے ممبر فیصل آفتاب اور احساس کفالت پروگرام کے انچارج مقصود ملک اگر اس خبر پر اپنا ویڈیو یا تحریری موقف دینا چاہیں تو اسے من و عن شائع کیا جائے گا
چڑیل کی مخبریاں اور ڈرامہ کوئین کی منتیں ترلے ، اہم روسی ہتھیار مل گئے بھارت تلملا اٹھا ، سنیے مبشر لقمان کی زبانی
باغی ٹی وی : سینئر اینکر پرسن مبشر لقمان نے کہا ہے کہ مریم نواز کو این آرو نہیں ملنے والا. اگرچہ وہ بہت کوشش کر رہی ہیں . لندن میں رابطے کر رہی ہے . قطر سے رابطے ہیں . سعودی عرب ہر جگہ اپنے رابطے استعمال کیے جارہے ہیں لیکن ان کو این آر و نہیں ملنے والا. اس کے علاوہ ان کا کہنا تھا کہ مریم نواز کی بیماری کا بھی پتہ چل گیا ہے . ان کے گلینڈز کا مسئلہ ہے . اس کے لیے کو شوگرکا بھی مسئلہ ہے جو کہ ٹیسٹ میں نہیں آئے گی .اوری نہ ہی ڈاکٹرز کو اس کاپتہ چلے گا. مبشر لقمان کا کہنا تھا کہ اس کا علاج صرف لندن میں ہے یا پتہ نہیں وہاں بھی ہو یا نہ ہو..
مبشر لقمان کا کہنا تھا کہ فوج کے بارے میں ایک لاء کی ترمیم ہوئی ہے کہ جو بھی فوج پر تنقدی کرے گا یا غلط بات کرے گا. اس میں یہ ہے کہ آج کے بعد جو بھی کرے گا یعنی لا بننے کے بعد وہ اس کے اندر آئے گا . لیکن یہ واضح نہیں ہے کہ کیا ڈی ایچ اے میں اگر پانی نہیںآتا تو کیا یہ تنقید بھی اس قانون کے خلاف ہے اسی طرح دیگر شعبوں میں جس میں فوج کا تعلق بنتا ہے کیا ، اس پر تنقید یا شکایت بھی اس میں شامل ہے .
اس کےعلاوہ ان کا کہنا تھا کہ روسی وزیر خارجہ پاکستان کے دورے پر آئے تھے انہوں نے پاکستان کےساتھ دفاع اور تجارت میں تعاون پر اتفاق کیا ہے، اسی طرح پاکستان ایس 300 مل رہے ہیں. یہ میزائل ایک ملٹیپل میزائل سسٹم ہے . اس سے پاکستان امریکی پابندیوں سے بھی بچ گیا اور بھارت کو اس پر بہت تکلیف ہے پاکستان نے ایس 400 کی بجائے ایس 300 لیے ہیں یہ ٹیکنالوجی وہی ہے لیکن اس پر پابندی نہیں ہے
پردے کے بارے میں جو وزیرا عظم نے کہا کہ خواتین کا ایسا لباس جسے مردوں شہہ ملے یہ ریپ کی وجہ بن رہے ہیں . اس ان کا کہنا تھا کہ یہ ضرور ہے کہ مردوں کو نگاہ نیچی رکھنا چاہیے . ایک نظر معاف ہے دوسری نہیں . ان کا کہنا تھا کہ کوئی کپڑے جتنے بھی پہنے اس کا یہ مطلب نہیں ہے کہ اس سے کسی کے ریپ کا جواز بخشا جا سکے .
اس طرح مبشر لقمان کا ایران کے بارے میں کہنا تھا کہ امریکا ان پر سے پابندیاں اٹھا رہا ہے .یہ دیکھیں کہ دوائیاں نہیں جارہی ہیں . انسانی حقوق کا بھی تقاضا ہے امریکا اگر پابندیاں اٹھا رہا ہے تو ظاہری بات ہے دیگر ممالک بھی اٹھائیں گے . اس میں اچھی بات یہ ہے کہ ایران سے پاکستان کو سستی گیس ملے گی . اسی طرح سستا تیل ملنے کی بھی امید ہے .
مبشر لقمان کا کہنا تھا کہ میرا پاگل نہیں ہے . بلکہ کافی سیانی خاتون ہیں . پاگل وہ ہوتا ہے جو اپنا نقصان کرے لیکن اس نے کھبی ایک روپیہ بھی ضائع نہیں کیا . وہ خبروں میں رہنا جانتی ہیں . کتنے سالوں سے فلم اور گانا اور پلے نہ ہونے کے با وجود وہ نیوز میں ہیں یہ تو اس کی قابلیت ہے .
باغی ٹی وی کی رپورٹ کے مطابق چینی سٹا مافیا اور جے ڈی ڈبلیو کیس میں بڑی پیش رفت سامنے آئی ہے،نوسرکاری اورنجی بینکوں نے جہانگیرترین اوران کے خاندان کے 36 اکاؤنٹس منجمد کردیے ہیں. نجی ٹی وی نے دعویٰ کیا ہے کہ جہانگیر ترین کے چار امریکی ڈالرز،دو برطانوی پاؤنڈز اور 30 پاکستانی کرنسی کے اکاؤنٹس منجمد کیے گئے ہیں ،اکاؤنٹس ایف آئی اے لاہورکی درخواست پر منجمد کیے گئے، علی ترین کے 21، جہانگیر ترین کے 14 اکاؤنٹس اور ان کی اہلیہ کا ایک اکاؤنٹ منجمد کیا گیا،نجی ٹی وی کے مطابق ان اکاؤنٹس میں کروڑوں روپے کی رقم موجود ہے،
دوسری جانب نیب راولپنڈی کی طرف سے شوگر اسکینڈل کی تحقیقات میں اہم پیشرفت ہوئی ہے
نیب راولپنڈی نے نوازشریف کے دست راست جاوید کیانی کوطلب کر لیا،جاوید کیانی پاکستان شوگر ملز ایسوسی ایشن کے وائس چیئرمین ہیں،جاوید کیانی حدیبیہ پیپر ملز کیس میں بھی شریک ملزم رہ چکے ہیں، وزارت صنعت و پیداوار کے سابق افسر خضر حیات کو بھی طلب کیا گیا ہے،خضر حیات کو 14اپریل کو نیب راولپنڈی میں طلب کیا گیا ہے، نوٹس میں کہا گیا ہے کہ صنعت و پیداوار کے اکاؤنٹنٹ مزمل پاشا 13 اپریل کو پیش ہوں،
پسما کے چیئرمین سکندر پاشا کو بھی دوبارہ اگلے ہفتے طلب کر لیا گیا ،تمام شخصیات جے آئی ٹی کے سامنے پیش ہوں گی،سوالنامہ بھجوا دیا گیا، سوالنامے میں کہا گیا کہ 2017میں شوگر کی قیمتوں کا تعین کن بنیادوں پر کیا گیا قیمتوں کے تعین کا اختیار کس نے دیا،بین الاقوامی ریٹ کا تعین کیسے ہوا،2017 سے 2019 تک چینی کی سبسڈی کیلیے بھیجے گئے پروپوزل کارکارڈ فراہم کرنے کی بھی ہدایت کی گئی ہے نیب محکمہ خوراک پنجاب کا رکارڈ بھی حاصل کر چکا ہے
سسٹم میں رکاوٹ ہو تو تبدیلی میں وقت لگتا ہے،مدینے کی ریاست میں کیا تھا؟ وزیراعظم نے بتا دیا
باغی ٹی وی کی رپورٹ کے مطابق وزیراعظم عمران خان نے کہا ہے کہ پاکستان کی عدلیہ کا شکر گزار ہوں، جنہوں نے قانون پاس کیا
وزیراعظم عمران خان نے کہا ہے کہ وزیراعلیٰ عثمان بزدار کوخراج تحسین پیش کرتاہوں نیا پاکستا ن منصوبے سے متعلق قانون پاس کرنے میں 2سال لگے،نیاپاکستا ن منصوبے سے متعلق قانون پاس نہ ہوتا تو بینک پیسے نہ دیتے ،آج جہاں ہم پہنچے ہیں اس کے لیے کافی کام ہوا ہے،مورگیج فنانسنگ صفر اعشاریہ دو فیصد تھی، فور کلوژر لاء کئی سالوں سے عدالتوں میں تھا،قانون پاس کرنے پر اپنی عدلیہ کا بھی شکریہ ادا کرتا ہوں،اگر آپ کے پاس پیسے نہیں تو گھر بنا ہی نہیں سکتے،پاکستان میں مکان کے لیے بینکوں سے قرض لینے کا رواج کم ہے ،اسٹیٹس کو تبدیلی میں رکاوٹیں لاتا ہے اسٹیٹس کو کسی بھی نظام کوبدلنے میں بڑی رکاوٹ ہوتی ہے،ہم نے پورے سسٹم کو خراب ہوتے ہوئے دیکھا ،کسی سسٹم میں برائی،کرپشن اور رکاوٹیں آجاتی ہیں تو تبدیلی میں وقت لگتا ہے،ہر ادارے میں آٹو میشن کی مخالفت کی جاتی ہے،آٹو میشن کی صورت میں مشین تو رشوت نہیں لیتی، اداروں میں آٹو میشن کی مخالفت کرپشن کے لیےکی جاتی ہے،نقشے پھنس جاتے تھے ، تعمیرات کےلیے اجازت نہیں ملتی تھی،مارچ میں سب سے زیادہ سیمنٹ کی پیدا وار ہوئی ہے، پوری دنیامیں لوگوں کے پاس گھرخریدنے کیلئے کیش نہیں ہوتا،تعمیراتی شعبہ چل چکا ہے، اس سے جڑی مزید صنعتیں بھی چل پڑی ہیں لوگ کہتے ہیں کدھر ہے مدینے کی ریاست، لوگوں سے کہتا ہوں مدینے کی ریاست میں قانون کی بالادستی تھی، نئے پاکستان کےلیے ماڈل مدینہ کی ریاست ہے،برطانیہ میں کوئی یہ نہیں کہہ سکتا کہ میں قانون سے بالا ہوں،لوگوں کو صرف کورونا سے نہیں، بیروزگاری سے بھی بچانا ہوگا کرائے کی رقم بینکوں کی قسطوں میں ادا کرکے گھرکے مالک بن سکتے ہیں،پاکستان میں آج قانون کی بالادستی کی جنگ چل رہی ہے ،بڑے بڑے سیاسی مافیا ز قانون کی بالادستی کے خلاف مزاحمت کررہے ہیں، کوئی خود کو قانون سے بالاتر نہ سمجھے ،یہ پاکستان میں ایک فیصلہ کن مرحلہ ہے،پنجاب بھر میں ہر شہری کو صحت کارڈ ملے گا،
وزیر اعظم پاکستان کی لاہور آمد پر پولیس نے سخت سکیورٹی انتظامات کئے گئے ہیں ۔ڈی آئی جی آپریشنز ساجد کیانی کا کہنا ہے کہ شہر کے داخلی و خارجی ناکوں پر سکیورٹی ہائی الرٹ کر دی گئی۔وزیراعظم کی لاہورمیں مصروفیات کو مدنظر رکھتے ہوئے افسران بھرپور حفاظتی اقدامات عمل میں لائیں۔ ڈویژنل ایس پیزشہرکے حساس مقامات اور اہم تنصیبات پر سکیورٹی انتظامات خود چیک کریں گے روٹس واہم مقامات پر تعینات جوان الرٹ رہیں، اطراف کی نقل و حرکت پر کڑی نظر رکھیں۔ ڈولفن سکواڈ اور پی آر یو ٹیمیں اہم مقامات کے گرد و نواح موثر پٹرولنگ کریں گے
تحریک لبیک سے معاہدہ، وزیر مذہبی امورنے بڑا اعلان کر دیا
باغی ٹی وی کی رپورٹ کے مطابق وفاقی وزیر مذہبی امور پیر نورالحق قادری نے کہا ہے کہ تحریک لبیک سے متعلق معاہدے کو پارلیمنٹ میں پیش کریں گے،
پیر نورالحق قادری کا کہنا تھا کہ ہم نے ان سے وعدہ کیا تھا یہ معاملہ پارلیمنٹ میں آئے گا،پارلیمنٹ کا جو فیصلہ ہوگا وہ سب کو قبول ہوگا،معاملے پر پارلیمان کی تمام جماعتوں سے بات کریں گےکوشش کررہے ہیں جلد از جلد یہ معاملہ پارلیمنٹ میں آئے،
تحریک لبیک کے ساتھ حکومت نے معاہدہ کیا تھا جس میں کہا گیا تھا کہ اسلام آباد میں ہونے والا احتجاج ملتوی کیا جائے، حکومت فرانس کے سفیر کو ملک بدر کرنے کے حوالہ سے پارلیمان میں ایشو کو اٹھائے گی، حکومت اور تحریک لبیک کے مابین طے ہونے والی ڈیڈ لائن کو چند روز باقی رہ گئے ہیں، اس ضمن میں حکومت نے ڈیڈ لائن ختم ہونے سے قبل ہی اہم اجلاس بلایا تھا، وزیراعظم عمران خان کی زیر صدارت ہونے والے اجلاس میں وزیر مذہبی امور ،وزیر داخلہ اور وزیر خارجہ سمیت دیگر حکام نے شرکت کی تھی، اجلاس میں فیصلہ کیا گیا تھا کہ معاملہ پارلیمنٹ میں ہی لایا جائے گا
تحریک لبیک کے موجودہ سربراہ نے علامہ حکومت کو 20 اپریل تک کی ڈیڈ لائن دے رکھی ہے، ایک معاہدے کے بعد یہ طے پایا تھا کہ حکومت اس حوالہ سے اقدامات اٹھائے گی ،وزیراعظم عمران خان کا معاہدے کے وقت کہنا تھا کہ تحریک لبیک سےمعاہدہ ہوا،ان کےمطالبات کوپارلیمنٹ میں رکھیں گے، فورتھ شیڈول میں شامل تحریک لبیک کےافراد کے نام نکال دیئے جائیں گے،معاہدے کی شقوں کو 20 اپریل 2021 تک پارلیمنٹ میں پیش کردیا جائے گا.معاہدے پر وزیرداخلہ شیخ رشید احمد،وزیر مذہبی امور پیر نورالحق قادری کے دستخط ہیں جبکہ لبیک کی جانب سے ڈاکٹر محمد شفیق امینی کے دستخط ہیں
آئین شکنی غداری ،دین میں کوئی زبردستی نہیں تو قانون میں زبردستی کیسے ہوسکتی ہے ؟جسٹس قاضی فائز عیسیٰ
باغی ٹی وی کی رپورٹ کے مطابق اسلام آباد ہائیکورٹ بار کی دعوت پر جسٹس قاضی فائز عیسی نے سیمینار سے خطاب کرتے ہوئے کہا کہ آئین کو 50 سال ہونے کو ہیں آئین پر عمل نہیں ہو رہا آئین توڑنے پر آرٹیکل 6 کے زمرے میں آ جاتا ہے آئین کی تحفظ کی ضرورت ہے
جسٹس قاضی فائز عیسیٰ نے خطاب کرتے ہوئے مزید کہا ہے کہ قائداعظم نے کہا تھا کہ آئین جمہوری اور اسلامی قوانین پر مبنی ہوگا،آئین ہر شہری کو تحفظ دیتا ہے ،اقلیتوں کو بھی انصاف مہیا کرنا مسلما ن کا فرض ہے، سیکھتا وہی ہے جو ہمیشہ اپنے آپ کو طالب علم تصورکرے،آئین کی 280 دفعات ہیں جن میں سے دو درجن کے قریب دفعات عوامی حقوق کے تحفظ سے متعلق ہیں یہ دو درجن دفعات ہر شہری سمجھ لے جو ان کی زندگی پر اثر انداز ہوتی ہیں، اسلام میں سب برابر ہیں اور عدل وانصاف کا بول بالا ہونا چاہیے،پوری کائنات پر اقتدار اعلی اللہ تعالی کا ہے اور اختیارات کا استعمال ایک مقدس امانت ہے ریاستی طاقت اور اختیار کا استعمال عوام کے منتخب نمائندوں کے ذریعے کیا جائے گا،
جسٹس قاضی فائز عیسیٰ کا کہنا تھا کہ ہم نے آئین پاکستان سیکھا اور نہ ہی آئین کا ترجمہ پڑھا، مجھے نہیں لگتا کہ کسی بھی اسکول میں آئین پاکستان پڑھایا جاتا ہے، امریکی اسکولز میں آئین سکھایا جاتا تھا ،وہاں طلبا کو آئین کا علم ہے، ہمارے پاس اس وقت نصف پاکستان ہے، پاکستان کا آئین ہرشہری کو تحفظ دیتا ہے،اگر ہم آئین شکنی کریں گے تو یہ غداری کے زمرے میں آئے گا،آئین سے غداری کی اگلے جہاں میں بھی سزا ملے گی،اگر آئین کو ہٹا دیں تو وفاق بھی ٹوٹ جاتا ہے اور پاکستانیت بھی ختم ہو جاتی ہے، جب دین میں کوئی زبردستی نہیں تو قانون میں زبردستی کیسے ہوسکتی ہے،آئین کی دفعہ دس کے تحت کسی بھی شخص کو بغیر وجہ بتائے گرفتار نہیں کیا جا سکتا ۔ ایسا کرنے کی صورت میں اسے چوبیس گھنٹوں کے اندر مجسٹریٹ کے سامنے پیش کرنا ضروری ہے مشرقی پاکستان کے سانحے کی وجہ محافظین کا آئین کی پاسداری نہیں کرنا تھا۔ پاکستان کو بچانے اور آگے لے کر جانے کے لئے سب کو آئین اور اپنے حلف کی پاسداری کرنا ہوگی۔ آئین کا تحفظ کرنا ہر پاکستانی پر لازم ہے اس لیے اس کا تحفظ کریں،ہمارے آئین کی بنیاد اس بات پر رکھی گئی کہ پورے عالم پر اختیاراللہ کا ہے، آئین کے درپے شخص وفاق پاکستان کے درپے ہے اور اسکو روکنا ہرپاکستانی پہ فرض اور پاکستان سے وابستگی کا تقاضہ ہے!
ملک کیخلاف بات کرنی ہے تو ملک چھوڑ دیں،آئین کیخلاف بات کر کے پھر ریلیف لینے آ جاتے ہیں؟ لاہور ہائیکورٹ برہم
لاہور ہائیکورٹ میں ایم این اے جاوید لطیف کی مقدمہ کے اخراج کی درخواست پر سماعت ہوئی
جاوید لطیف نے لاہور ہائیکورٹ سے اپنی درخواست واپس لے لی،دوران سماعت لاہور ہائیکورٹ کے چیف جسٹس محمد قاسم خان نے ریمارکس دیتے ہوئے کہا کہ ہماری حب الوطنی ،حب الوطنی ہے یا حب الشخصیت ہے ؟ شخصیات تو آتی جاتی رہتی ہیں گریبان میں جھانکنا ضروری ہے ،اگر ایسی باتیں کرنی ہیں تو ملک چھوڑ کے باہر چلے جائیں خدا کا خوف کریں ایسی باتیں کیوں کرتے ہیں ،اگر یہاں رہنا ہے تو پولیس کے پاس جا کے صفائی پیش کریں ،ملک کے خلاف بات کرنے والوں کو عوام مسل کے رکھ دیں گے ،وکیل نے کہا کہ جاوید لطیف کے خلاف مقدمے میں قانونی تقاضے پورے نہیں کیے گیے چیف جسٹس لاہور ہائیکورٹ محمد قاسم خان نے ریمارکس دیتے ہوئے کہا کہ ملک کے خلاف بات کرنے والوں کو عوام نہیں چھوڑیں گے ،
چیف جسٹس لاہور ہائیکورٹ محمد قاسم خان نے جاوید لطیف کے وکیل سے مکالمہ کرتے ہوئے کہا کہ آپ کے پاس فورم موجود ہیں وہاں جائیں، جو آدمی ملک کے خلاف بات کرے گا اسکے لیے کوئی ریلیف نہیں ہے ،ملک اور آئین کے خلاف باتیں کرتے ہیں پھر ریلیف کے لیے آجاتے ہیں ،
واضح رہے کہ ن لیگی رکن قومی اسمبلی جاوید لطیف کے خلاف بغاوت کے لیے اکسانے کا مقدمہ درج کر لیا گیاجاوید لطیف کے خلاف ریاست سے بغاوت اور سائبر کرائم ایکٹ کا مقدمہ درج کیا گیا ،ن لیگی رہنما جاوید لطیف کے خلاف مقدمہ لاہورتھانہ ٹاؤن شپ میں درج کیا گیا ،مقدمہ ٹاؤن شپ کے رہائشی جمیل سلیم کی مدعیت میں درج کیاگیا،ایف آئی آر میں کہا گیا کہ جاوید لطیف نے اپنے بیان سے عوام میں خوف ہراس پھیلایا،جاوید لطیف نے حکومت اور ریاستی اداروں کے خلاف گفتگوکی ،مقدمہ بغاوت پراُکسانے،دھمکیاں دینے اور ملکی سالمیت کیخلاف بیان دینے پردرج کیا گیا
واضح رہے کہ نجی ٹی وی کے پروگرام میں ن لیگ کے اہم رہنما میاں جاوید لطیف کس طرح نواز شریف کا بیانیہ اورمودی جیسی دھمکیاں دے رہے ہیں میاں جاوید لطیف کہتے ہیں کہ بے نظیر کی ہلاکت پرتوزراری نے پاکستان کھپے کہہ دیا تھا مگراگرمریم نوازکو کچھ ہوا تو پھر پاکستان نہیں کپھے گا میاں جاوید لطیف نے مزید کہاکہ اگرمریم نوازکو اگرکچھ ہوا تو پھرمشرقی پاکستان والی تاریخ دہرائیں گے
