اسلام آباد : شہراقتدارمیں عہدوں کی بندربانٹ ، نااہل اورغیرذمہ دارافسران کواعلی افسران کی کرسیوں پربٹھا کرگوڈ گورننس کا ڈھنڈوراپیٹا جارہا ہے ، اطلاعات کے مطابق اس وقت اسلام آباد میں جس طرح حکمران جماعت عہدوں کی بندربانٹ کررہی ہے اس پربہت زیادہ دکھ اورپریشانی کا اظہارکیا جارہا ہے ، باغی ٹی وی کے مطابق ویسے تو بہت سے کیسزسامنے آئے لیکن تازہ اوراہم ترین واقع سی ڈی اے جیسے ادارے کیطرف سے دہرایا گیا ہے ،
باغی ٹی وی کے مطابق اس وقت وفاقی دارالحکومت کی تعمیروترقی اوروہاں کے لوگوں کوزندگی کی بنیادی سہولیات فراہم کرنے والے ادارے سی ڈی اے میں تاریخ کی سب سے بری ترین اقربا پروری اوربڑی اہم پوسٹوں پرایسے لوگوں کو بٹھا یا جار ہا ہے جونہ صرف ادارے کے لیے بدنامی کا باعث ہیں بلکہ لوگوں کی زندگیوں کے لیے وبال جان بنے ہوئے ہیں اس کی تازہ مثاہ محمد شفیع مروت جو کہ سی ڈی اے میں 19 گریڈ کا افسرہے اور اس کا تعلق انجینئرنگ (سول)کیڈرسے
یہ بڑی پوسٹ پرتعینیات ہونے والا محمد شفیع مروت نہ صرف اس عہدے کے لیے نااہل اورقابل نہیں بلکہ انتہائی کرپٹ اورڈرپوک آفسیر ہے جوبڑے لوگوں کے لیے ڈرکے مارے سب کچھ کرتا ہے مگر حق داران کے ساتھ بڑی بدتمیزی کےساتھ پیش آتا ہے
معتبرذرائع کا کہنا ہےکہ محمد شفیع مروت جو کہ انجنیئرنگ کیڈرسے تعلق رکھتا ہے ، ڈائریکٹرلینڈکے قابل ہی نہیں ہے ، جس پراس کو تعینات کیا ہے،ذرائع کا کہنا ہے کہ یہ ڈائریکٹربلڈنگ کنٹرول تھا توانتہائی بدتمیزاورمغروررویہ کی وجہ سے تمام ماتحت سٹاف اورعوام اس سے بے انتہا تنگ تھے
ذمہ دار ذرائع کا کہنا ہے کہ موصوف جب ڈائریکٹر بلڈنگ کنڑول بنا توکچھ عرصہ کے بعد اپنی کرپشن ،بے ایمانی ،بداخلاقی ، بدتہذیبی اورنااہلی کی وجہ سے نوکری سے برطرف کردیا گیا
ذرائع کا کہنا ہےکہ اس کے بعد اس کوان افراد نے اس کوڈائریکٹرمیونسپل ایڈمنسٹریشن لگایا گیا وہاں پھربھی کچھ عرصہ بعد اپنی کرپشن ، بداخلاقی اورنااہلی کی وجہ سے نوکری سے برطرف کردیا
ذرائع کا یہ بھی کہنا ہے کہ جس پوسٹ پرموصوف کوتعینات کیا گیا یہ پوسٹ ایگزیکٹوکیڈرکی تھی جبکہ محمد شفیع مروت ایک سول انجنیئرکیڈرکا افسرتھا
اسلام آباد سے باغی ٹی وی ذرائع کے مطابق صورت حال کا جائزہ اس بات سے لگایا جاسکتا ہے کہ اس کی پروموشن کے بعد محمد شفیع مروت کو ڈائریکٹرمینٹینینس لگایا گیا وہاں بھی کامیاب نہ ہوسکا اورپھراپنی کرپشن ، بے ایمانی ، بد اخلاقی اوربدتہذیبی کی وجہ سے اس کو سیٹ سے ہٹا دیا گیا
باغی ٹی وی ذرائع کے مطابق اب حال ہی میں محمد شفیع مروت کو ڈائریکٹرلینڈ اینڈ ری ہیلیبٹیشن کے عہدے پرتعینات کیا گیا یہ تعیناتی بحکم چیئرمین سی ڈی اے بمطابق قانون چیپٹر 5.02 لگایا گیا ہے ، جبکہ یہ تعیناتی چیپٹر5.02 عملی طورختم ہوچکا ہے ، جس کا ثبوت ایچ ، آر ڈی ڈائریکٹوریٹ نویٹیفکیشن نمبر(CDA-07-(01)HRD -III/2013/1270 Dated:24-06-2013) اس کا تبادلہ ہی قانوناُ غلط ہے یہ قانون ڈیلٹ یعنی (Repeal) ہوچکا ہے
باغی ٹی وی ذرائع کے مطابق ڈائریکٹرلینڈ کی پوسٹ بھی ایگزیکٹوکیڈرکی ہے ، جس پرمحمد شفیع مروت جس سے ہرکوئی تنگ اورپریشان ہے ،معتبرذرائع کے مطابق ایک وجہ یہ بھی ہے کہ موصوف کوزمینوں کے معاملات کا سرے سے ہی علم نہیں،مقامی لوگوں کا کہنا ہےکہ اس کی بے خبری اورناواقفیت کی وجہ سے وہ نہ صرف پریشان ہیں بلکہ ان کوبہت زیادہ نقصان بھی ہورہا ہے ،یہی وجہ ہے کہ محکمہ لینڈ ری ہیلیبٹیشن بے یارومددگاراوریتیم بن کررہ گیا ہے
اسلام آباد سے اسٹیبلشمنٹ ڈویژن سے تعلق رکھنے والے ذرائع کے مطابق اس سے پہلے جب ایک انجینئرنگ کیڈرکے افسرکوڈائریکٹر لینڈاند ری ہیلیبٹیشن تعینات کیا گیا تو اس افسرنے مجازاتھارٹی کوآگاہ کیا کہ وہ انجیئرنگ کیڈرکے امورکے حامل ہیں جبکہ یہ پوسٹ ایگزیکٹوکیڈرکی ہے
باغی ٹی وی کے مطابق یہ ہونہارافسرجس کی شہرت بھی اچھی تھی ان کا نام محمد توقیرنوازبتایا جاتا ہےنے حوالہ نمبرCDA/DL & R/General /2019/20 Dated:01-03-2019 ہے میں کہا گیا کہ وہ چونکہ اس کیڈرکے آدمی نہیں ہیں لٰہذاوہ چاہتے ہیں کہ موصوف کا تبادلہ واپس پہلے والی پوسٹ پرکردیا جائے ،اس ہونہارکی قابلیت کے باوجود متعلقہ شعبہ کے متعلق امورسے واقف نہ ہونے کی وجہ سے معذوری کا اظہارکردیا جس کا ثبوت واضح ہے
ذرائع کے مطابق محمد شفیع مروت کا اپنا ہی نظام ہے اوریہ شخص اپنی مرضی سے دفترآتا ہے ،ذمہ دارذرائع کا کہنا ہے کہ محمد شفیع مروت 12 بجے دوپہرکے بعد دفترآتا ہے اورایک آدھا گھنٹہ رکنے کے بعد واپسی کی راہ اختیارکرتا ہے اورساتھ ہی اپنا موبائل فون بند کردیتا ہےسائلین رسوا ہوتے رہتے ہیں لیکن اسے کوئی پرواہ نہیں
یہ بھی معلوم ہوا ہے کہ عدالتوں سے متعلقہ امورکے سلسلے میں جب عدالت طلب کیا جاتا ہے تو جانے کی زحمت گوارا نہیں کرتا ،ذرائع کا کہنا ہے کہ افسران بالا نے عدالت نہ جانے کی وجہ سے اسے جانے کے لیے کہا ہے لیکن اس کے سرپرجوں تک نہیں رینگتی
ان حالات سے تنگ آکراسلام آباد کے باسیوں اورسائیلین نے ذمہ داران سے اس افسرکا فوری تبادلہ کرنے اوراس کے خلاف تحقیقات کا مطالبہ کیا ہے ،سائیلن کہتے ہیں کہ اس کرپٹ افسرسے جان چھڑا کرعوام کو ریلیف دیا جائے
