Category: اہم خبریں

وبا کے کامیاب طریقہ علاج کی طرف پیشرفت، مبشر لقمان کے اہم انکشافات

باغی ٹی وی کی رپورٹ کے مطابق سینئرصحافی و اینکر پرسن مبشر لقمان نے کہا ہے کہ کرونا پاکستان میں تیزی سے پھیل رہا ہے اس وبا پر قابو پانے کے لئے وفاقی حکومت کو جو علاج موجود ہے اس کے لئے جلد فیصلہ کرنا ہو گا، پلازمہ تھراپی کی پاکستان میں تجویز دی گئی ہے

مبشر لقمان کا کہنا تھا کہ کرونا وائرس دنیا کے لئے چیلنج بن چکا ہے، اس وبا نے دنیا کے 2 سو سے زائد ممالک کو اپنی لپیٹ میں لے لیا ہے ،مشکل یہ ہے کہ نئی وبا کے حوالہ سے تحقیق کر کے ہمیں معلومات حاصل کرنی ہیں،تا کہ اس کا علاج سامنے آئے، ساتھ ہی اس وبا کا ڈاکٹر علاج بھی کر رہے ہیں تو سوال یہ ہے جب ابھی تک اس کی کوئی ویکسین یا علاج سامنے نہیں آیا تو کیسے علاج کر رہے ہیں،کن ادویات کو دیا جا رہا ہے اور کون کونسا طریقہ علاج استعمال کیا جا رہا ہے، اس وبا کے علاج کے لئے ویکسین کی تیاری کا عمل شروع کر دیا ہے لیکن اس کے لئے بہت مرحلے ہیں، پہلے ویکسین تیار ہو گی پھر جانوروں پر اسکا ٹیسٹ ہو گا،جانوروں پر کامیاب ہو گی تو پھر انسانوں پر تجربہ کیا جائے گا اور اگر وہ کامیاب ہو گئی تو پھر اس کو مینو فیکچر کرنا پڑتا ہے تا کہ عام لوگوں تک سب تک پہنچائی جا سکے.

مبشر لقمان کا مزید کہنا تھا کہ اس وقت جو بھی مریض سامنے آ رہے ہیں وہ بہت بڑا چیلنج ہیں کہ انکا علاج کیسے کیا جائے ، پندرہ لاکھ سے زیادہ مریض ہیں، 3 لاکھ سے زیادہ مریض صحتیاب بھی ہو چکے ہیں،کونسا علاج ہے جس سے وہ مریض صحتیاب ہوئے اور پاکستان میں وہ علاج کیسے ممکن ہے؟ فی الحال جو علاج کیا جا رہا ہے اس میں مختلف ادویات کو استعمال کیا جا رہا ہے کئی سو سال پہلے پرانا طریقہ بھی آزمایا گیا جو کافی مؤثر رہا، جنوبی فرانس سے تعلق رکھنے والے ڈاکٹر نے ملیریا کے علاج کے لئے استعمال ہونے والی دوا کا استعمال کیا اور اس دوا کا استعمال ملیریا کے لئے 1945 سے ہو رہا ہے،حاملہ خواتین اوربچے بھی اس دوا کا استعمال کر سکتے ہیں، ایک تحقیق کے مطابق 36 میں سے 20 مریضوں کو یہ دوا استعمال کروائی گئی اور کلو روکوئین استعمال کرنے والے 6 دن میں صحتیاب ہو گئے. ان میں سے کرونا غایب ہو گیا، صرف فرانس میں نہیں بلکہ چائنہ اور آسٹریلیا میں بھی اس دوا کا استعمال کیا گیا جس کا فائدہ ہوا

مبشر لقمان کا مزید کہنا تھا کہ امریکی صدر ڈونلڈ ٹرمپ نے بھی کہا تھا کہ ادارے نے اس دوا کے استعمال کی منظوری دی ہے تا ہم بعد میں ادارے نے اس کی تردید کر دی لیکن پھر بھی امریکہ نے انڈیا کو اس دوا کے لئے بڑا آرڈر دیا ہے،امریکہ نے مودی کو دھمکی لگائی کہ دوائی سپلائی کی جائے انکار کی صورت میں جوابی کاروائی کا سامنا کرنا پڑے گا جس کے بعد مودی نے فوری پابندی ختم کر دی،برطانیہ میں بھی اس دوا کو امپورٹ ، ایکسپورٹ کی لسٹ میں شامل کیا گیا ہے، 2002 میں اس دوا کو سانس کی بیماری کے لئے استعمال کیا گیا تھا کیونکہ اس بیماری کرونا میں سانس کا بھی مسئلہ رہتا ہے، اسلئے اس دوا کو مؤثر سمجھا جا رہا ہے.

مبشر لقمان کا مزید کہنا تھا کہ یہ واحد دوا نہیں جو استعمال کی جا رہی ہے بلکہ اور بھی دوائیں استعمال کی جا رہی ہیں، جاپان میں فلو کے لئے استعمال ہونے والی دوا کو چائنہ میں آزمایا گیا ان میں 14 دن بعد وبا ختم ہوئی،حالانکہ عام طور پردیگر دوائیوں سے اس بیماری کو ختم ہونے میں 11 دن لگتے ہیں، اس کے علاوہ اس دوا کے استعمال سے 91 فیصد مریضوں کے پھیپھڑوں میں بھی بہتری آئی ہے، دیگر ادویات سے بہتری کی شرح 62 فیصد ہوتی ہے،

ایبولا لئے تیار ہونے والی دوا اس وبا کی روک تھام کے لئے اہم ترین دوا کے طور پر سامنے آئی ہے، چائنہ امریکہ ایشیا کے مختلف ممالک میں ٹرائل ہو رہے ہیں جو جلد سامنے آئیں گے، ابتدائی علامات والے مریضوں میں یہ دوائیاں مؤثر ہو سکتی ہیں لیکن یہ کرونا وائرس کا مکمل علاج نہیں،200 سے زائد مریضوں کو ان دواؤن سے صحتیابی نہیں ہوئی یہ بات بھی سامنے ہے،عالمی ادارہ صحت نے بھی ان دواؤں کو ٹرائل والی فہرست میں شامل کیا ہے کیونکہ ان سے کچھ نہ کچھ نتائج مل تو رہے ہیں،کچھ مریضوں کا علاج اینٹی باڈیز تھراپی سے بھی کیا گیا،چائنہ نے کچھ مریضوں کا علاج صحتیاب ہونے والے مریضوں کے بلڈ پلازمہ سے کیا، پلازمہ کا استعمال پہلے بھی کیا جا چکا ہے 1918 میں آنے والی بیماری کے مریضوں کا علاج پلازمہ سے کیا گیا تھا اس بیماری سے انسان کے خون میں کچھ ایسی اینٹی باڈیز بن جاتی ہیں جو بیماری کو روکتی ہیں، امریکن یونیورسٹی کے ماہرین نے کہا ہے کہ اس علاج کے لئے مزید کسی تحقیق کی ضرورت نہیں اس کا فائدہ ہو گا،اس سے چند ہفتوں میں اپنا یا جا سکتا ہے، اس بیماری سے صحتیاب ہونے والے مریضوں کو خون کا عطیہ دینا ہوتا ہے جس سے پلازمہ بنایا جاتا ہے،انتہائی بیمار مریضوں میں اس کا استعمال کیا جاتا ہے،پلازمہ میں ایسی اینٹی باڈیز ہوتی ہیں جو بیماری کے خلاف مزاحمت کر کے مریض کو صحتیاب کرتی ہیں، اینٹی باڈیز مریض کے جسم میں کئی ماہ تک رہتی ہیں جس سے اس کے دوبارہ بیمار ہونے کا بھی خدشہ نہیں ہوتا.پلازمہ کو بطور ویکسین استعمال کیا جاتا ہے

سعودی شاہی خاندان میں بغاوت:گورنرہاوسز،شاہی محل فوج کے حوالے،13شہزادےگرفتار،حرمین شریفین کواسی وجہ سےبندکیا : مبشرلقمان

سعودی ولی عہد کے خلاف بغاوت کے الزام میں شاہی خاندان کے 20 مزید افراد گرفتار

سعودی عرب میں بغاوت ، کون ہوگا اگلا بادشاہ؟ سینئر اینکر پرسن مبشر لقمان نےبتائی اندر کی بات

امریکی جیل میں قید ڈاکٹر عافیہ صدیقی کی رہائی ممکن، کیسے؟ سینئر صحافی و اینکر پرسن مبشر لقمان نے بتا دیا

خلیل الرحمان قمر vs ماروی سرمد | مبشر لقمان بھی میدان میں آگئے۔

ٹک ٹاک گرلز کے نئے دھماکے، عمران خان کی ساکھ کو شدید نقصان، مبشر لقمان نے کیے اہم انکشافات

مبشر لقمان کا مزید کہنا تھا کہ چاینہ کے ہسپتال میں ڈاکٹروں نے 20 جنوری سے 25 مارچ تک 26 سے 73 سال تک کے 5 مریضوں میں پلازمہ کا استعمال کیا ،پلازمہ مریضوں کے ہسپتال میں داخل ہونے کے 10 دن بعد دیا گیا، پلازمہ کے استعمال کے بعد پانچ میں سے چار مریضوں کا درجہ حرارت 3 دن بعد معمول پر آ‌گیا، 12 دن کے اندر سانس کی تکلیف بھی ختم ہو گئی،اسکے بعد اس کا دیگر مریضوں میں بھی استعمال کیا گیا، امریکہ کی ریاست نیویارک میں بھی سنگین قسم کے مریضوں میں پلازمہ کا استعمال کیا جا رہا ہے،اور اسے کورل یزن پلازمہ تھراپی کا نام دیا گیا ہے،اور یہی طریقہ علاج پاکستان میں بھی تجویز کیا جا رہا ہے، ڈاکٹر طاہر شمسی نے پاکستان میں بھی تجویز دی ہے کہ پاکستان میں بھی اس طرح مریضوں کا علاج کیا جا سکتا ہے، پاکستان میں کرونا کے پہلے صحتیاب مریض یحییٰ جعفری نے اسکے لئے خون کا عطیہ دیا ہے،پاکستان میں اسوقت جو صحتیاب ہیں ان کا پلازمہ لیا جا سکتا ہے اسکے لئے صحتیاب مریض ہر دو ہفتے بعد پلازمہ کے لئے خون عطیہ کر سکتے ہیں،مریض کا 25 کلو سے کم وزن بھی ہو ٔپھر بھی اس کے خون سے ایک پلازمہ لیا جا سکتا ہے جو دو مریضوں کے علاج کے لئے کافی ہوتا ہے

مبشر لقمان کا مزید کہنا تھا کہ پلازمہ کے لئے حکومتی اجازت ضروری ہوتی ہے، حکومتی اجازت کے بغیر اس کا استعمال نہیں کیا جا سکتا،وبا کا طبی ماہرین کے مطابق جراثیم زندہ نہیں ہے اسلئے اسے مارا نہیں جا سکتا بلکہ اسے تحلیل یا تباہ کر کے ہی ختم کیا جاتا ہے، انسان کے جسم میں یہ غیر محسوس انداز میں داخل ہوتا ہے، تحقیقات کے مطابق پلازمہ تھراپی ہی اس کا مؤثر علاج ثابت ہوا ہے، صوبائی حکومتیں وفاق کی جانب دیکھ رہی ہیں لیکن وفاق نے ابھی تک پاکستان نے فیصلہ نہین کیا، اس کے لئے بڑے پیمانے پر وسائل درکار ہوں گے، پہلے ہزار کیس 29 دن میں ، دوسرے ہزار کیس 7 دن میں، تیسرے ہزار کیس 5 دن میں اور چوتھے ہزار کیس تین دن میں سامنے آئے ہیں، پاکستان میں کرونا تیزی سے پھیل رہا ہے اس لئے کرونا پر قابو پانے کے لیے حکومت کو جلد کوئی فیصلہ کرنا ہو گا.

حریم شاہ کی دبئی میں کر رہے ہیں بھارتی پشت پناہی، مبشر لقمان نے کئے اہم انکشاف

حریم شاہ کو کریں گے بے نقاب، کھرا سچ کی ٹیم کا بندہ لڑکی کے گھر پہنچا تو اسکے والد نے کیا کہا؟

مبشر صاحب ،گند میں نہ پڑیں، ایس ایچ او نے حریم شاہ کے خلاف مقدمہ کی درخواست پر ایسا کیوں کہا؟

حریم شاہ مبشر لقمان کے جہاز تک کیسے پہنچی؟ حقائق مبشر لقمان سامنے لے آئے

حریم شاہ کے خلاف کھرا سچ کی تحقیقات میں کس کا نام بار بار سامنے آیا؟ مبشر لقمان کو فیاض الحسن چوہان نے اپروچ کر کے کیا کہا؟

حریم شاہ..اب میرا ٹائم شروع،کروں گا سب سازشیوں کو بے نقاب، مبشر لقمان نے کیا دبنگ اعلان

سعودی عرب میں طوفان ابھی تھما نہیں، فوج کے ذریعے تبدیلی آ سکتی ہے،سعودی ولی عہد کو کن سے ہے خطرہ؟ مبشر لقمان نے بتا دیا

سعودی شاہی خاندان کو بڑا جھٹکا،بادشاہ اورولی عہد جزیرہ میں روپوش، مبشر لقمان نے کیے اہم انکشافات

کراچی :شعبدہ بازی نہیں ، عمل سے زندگی بنتی ہے ، جنت بھی جہنّم بھی، وزیراعلیٰ سندھ کے کورونا وائرس سے متعلق اہم فیصلے ،حقیقی خادم اعلیٰ‌،باغی ٹی وی کے مطابق سندھ کے وزیراعلیٰ سید مراد علی شاہ نے واقعی خادم اعلیٰ بن کردکھایا اورکوئی شعبدہ بازی نہیں کی ،

باغی ٹی وی کے مطابق جب سے پاکستان میں کرونا وائرس کی آہٹ محسوس کی جانے لگی تھی اس دن سے لیکرآج تک سید مراد علی شاہ لوگوں کے دلوں کی مراد بن کرسامنے آئے ہیں، ان کی دن رات کی خدمات کا باغی ٹی وی نے ایک خاکہ اپنے قارئین کے لیے پیش کیا ہے ،سید مراد علی شاہ کس حد تک متحرک ہیں‌،ملاحظہ فرمائیں‌

(27 فروری)

کورونا وائرس ٹاسک فورس تشکیل دینا
روزانہ کی بنیاد پر اجلاس و بریفنگ لینا
کمشنر آفس کراچی میں کنٹرول روم/ہیلپ لائن قائم کرنا
پہلے اجلاس کے بعد تعلیمی ادارے دو دن کیلیے بند کرانا
یونین کونسل کی سطح پر ڈیٹا تشکیل کروانا
ماہرین و ڈاکٹرز سے پریس کانفرنس کے ذریعے گائیڈ لائن پر عملدرآمد کیلئے آگاہی دلوانا

(29 فروری)

وزیراعلیٰ سندھ کا 50 ملین روپے سے 25 وینٹی لیٹرز کی خریداری کا فیصلہ
وینٹی لیٹرز کی خریداری کا کام انڈس اسپتال کو تفویض کیا گیا
ایران سے آئے زائرین کے بچوں کو میل جول سے منع کرنا اور اسکولوں کیلئے ایڈوائزری جاری کروانے کا فیصلہ
ہدایات:
محکمہ صحت کو ہدایت کی کہ وہ کراچی میں کام کرنے والے مختلف اسپتالوں / صحت کے اداروں میں دستیاب کورونا وائرس کی جانچ کی سہولیات کی ایک تفصیلی فہرست مرتب کریں تاکہ ان سے جلد ٹیسٹ کیلئے رابطہ کیا جاسکے۔
ڈائریکٹر ائیرپورٹ سروس کو ہدایت کہ پاکستانیوں کی تازہ ترین فہرست فراہم کریں جو ایران گئے ہیں یا واپس نہیں آئے
کمشنر کراچی کو ہدایت کہ وہ ایرانی قونصل خانے کے ساتھ رابطہ کریں تاکہ اُن سے ویزے حاصل کرنے والوں کی صحیح فہرست حاصل کی جاسکے جو انہوں نے پاکستانیوں کو ایران کیلئے جاری کیے

چیف سکریٹری سندھ کو ہدایت کہ وہ بلوچستان حکومت کے ساتھ رابطہ کریں اور تفتان بارڈر پر ایران جانے والے زائرین کی جانچ کرنے اور پھر اپنے اپنے صوبوں کو واپس بھیجنے کی درخواست کریں ۔
(یکم مارچ)

13 مارچ تک تمام تعلیمی ادارے بند رکھنے کا فیصلہ
ہدایات:
حفاظتی انتظامات کے پیش نظر تمام کوچنگ سینٹرز /ٹیوشن سینٹرز بھی 13 مارچ تک بند رکھے جائیں۔
تمام ایجنسیز بشمول ایف آئی اے اور محکمہ صحت کو ہدایت کی کہ وہ تفتان سرحد پر کام کرنے والے متعلقہ افسران کے ساتھ قریبی رابطہ رکھیں تاکہ ان سے روزانہ کی بنیاد پر آنے والے مسافروں کا ڈیٹا شیئر کیا جاسکے۔
وزیراعلیٰ سندھ نے محکمہ صحت کو ہدایت کی کہ وہ ڈپٹی کشمنرز کے ساتھ تفصیلات/ ڈیٹا شیئر کریں تاکہ وہ نہ صرف یہ کہ اپ ڈیٹ رہ سکیں بلکہ زائرین اور ان کے خاندان کے اراکین کے ساتھ ان کے پتوں پر ضروری رہنمائی بھی فراہم کرسکیں۔
وزیراعلیٰ سندھ نے کمشنر کراچی کو ہدایت کی کہ وہ ایئرپورٹ اتھارٹیز سے فراہم کردہ ڈیٹا نادرا کے ساتھ ان کے پتے ٹیلی کریں تاکہ چند مسنگ زائرین تک مزید کارروائی کیلئے رسائی ہوسکے۔

(6 مارچ)

کورونا وائرس کا پہلا مریض مکمل طور پر صحتیاب، ہفتہ کی شام تک اسپتال سے ڈسچارج کردیا گیا

(7 مارچ)

ایران سے بذریعہ تفتان بارڈر 300 زائرین کا ایک ٹولے کیلیے سکھر میں انتظامات
ہدایات:
وزیراعلیٰ سندھ نے کمشنر کو ہدایت کی کہ وہ ان کیلئے بہترین رہائشی انتظامات کریں اور ان کو تین وقت کا بہترین کھانا مہیا کریں جو بھی وہ چاہیں پھل اور دیگر اشیاء انھیں فراہم کریں جس میں ٹیم بھی شامل ہو۔
وزیراعلیٰ سندھ نے ڈی ایچ او سکھر اور انکی خصوصی ٹیم کو آنے والے زائرین کی جانچ کیلئے بھی ہدایت کی جو انکے نمونے باقاعدگی سے لیں اور انہیں آغا خان لیب میں ٹیسٹ کیلئے بھیجیں۔
وزیراعلیٰ سندھ نے ایئرپورٹ حکام کو ہدایت کی کہ وہ ایئرپورٹ پر اٹلی اورکوریا سے آنے والے مسافروں کی جانچ کریں اور محکمہ صحت کے ساتھ اپنی رپورٹیں شیئر کریں۔

(8 مارچ)

سندھ میں کورونا وائرس کے ایک اور کیس کی تشخیص ہوچکی ہے اور اب مثبت کیسوں کی تعداد 4 ہوگئی ہے
سکھرقرنطینہ مرکز کیلئے 30 ملین روپے کی منظوری، ضرورت پڑنے پر مزید فنڈز فراہم کرنے کی یقین دہانی
ہدایات:
جیکب آباد انسٹی ٹیوٹ آف میڈیکل سائنسز (جے آئی ایم ایس) میں 27 بیڈز پر مشتمل آئیسولیشن وارڈز قائم کرنا
وزیر اعلیٰ سندھ نے کمشنر کو ایک کنٹرول روم قائم کرنے کی ہدایت کی جہاں ریونیو ، میونسپل کارپوریشن ، سیپکو ،بلڈنگز ، صحت عامہ اور محکمہ صحت کے نمائندوں کی موجودگی کو یقینی بنایا جائے۔
آئی جی سندھ مشتاق مہر نے بتایا کہ انہوں نے قرنطینہ سینٹرمیں 216 پولیس اہلکار ڈیوٹی پر تعینات کیے ہیں۔
کمشنر سکھر کو ہدایت کی کہ سکھر سینٹر میں8 ایمبولینس رکھی جائیں۔ اسٹینڈ بائی جنریٹر ہونا ضروری ہے۔

(9 مارچ)

تمام سرکاری اور نجی اسپتال کو مریضوں کا ریکارڈ شیئر کرنے کی ہدایت جواُن کے پاس نمونیاکی علامت/علاج کے لیےآتے ہیں تاکہ ان کی کورونا وائرس پر مشتمل مزید طبی تحقیقات کی جاسکے۔
ہدایات:
وفاقی حکومت سے ہر بین الاقوامی مسافر کو ہیلتھ کارڈ / سفری اعلامیہ جاری کرنے کی ہدایت

(10 مارچ)

کراچی ائیرپورٹ پرقرنطینہ اسکریننگ کے انتظامات کو فول پروف بنانے کا فیصلہ
کراچی ایئرپورٹ پر امیگریشن کاؤنٹرز پر ہیلتھ ایجوکیشن اور اسکریننگ ڈیسک قائم کرنے کا فیصلہ
وزیر اعلیٰ سندھ کی ہدایت پر ، نجی اسپتالوں نے 691 مریضوں کا ڈیٹا شیئر کیا اور ان میں سے کسی کی بھی تشخیص مثبت نہیں آئی

پی ایس ایل منسوخ کرنے کا فیصلہ

پی ایس ایل میچز 12 مارچ سے کروانے کا اعلان
آج سے دو دن کے میچز تک شائقین کیلئے ایک ایڈوائزری جاری کرنے کا فیصلہ
ہدایات:
وزیر بلدیات سید ناصر شاہ اور کمشنر کراچی افتخار شہلوانی کو پی سی بی حکام کے ساتھ اجلاس منعقد کرنے اور تمام احتیاطی تدابیر پر تبادلہ خیال کرنے کی ہدایت

(11 مارچ)

تفتان بارڈر میں تعینات اسکریننگ نظام کی غفلت سے ایک بچہ میں وائرس پر اظہار تشویش
سکھر میں تفتان سے آئے 850 زائرین کے نمونے کراچی لانے کیلئے ایک جہاز کے بندوبست کرنے کا فیصلہ
میڈیا کو عوامی آگاہی کے پیغام نشر کرنے کی اپیل کی کہ اگر ان میں نمونیا ، انفلوئنزا وغیرہ کی علامات ہیں تو وہ پی ایس ایل کے میچز دیکھنے اسٹیڈیم نہ جائیں ۔
تعلیمی اداروں کو کھولنے یا انہیں بند رکھنے کے معاملے پر کل (جمعرات) کو مزید غور کرنے کا فیصلہ
ہدایات:
محکمہ تعلیم اور صحت کے محکموں کو ہدایت کی کہ وہ تعلیمی اداروں اور والدین کے لئے ایک ایڈوائزری تیار کریں نیز سفری تاریخ رکھنے والے افراد کے بچےمخصوص دورانیے یا طبی تحقیقات کی تکمیل تک اداروں سے دور رہنے چاہئیں ۔

(12 مارچ)

وزیراعلیٰ سندھ کی جانب سے سندھ کو تنہا فیصلے لینے و دیگر معاملات پر وفاقی حکومت سے شکوہ
وفاقی حکومت سے مطالبہ کیا کہ وہ کمیونٹی کی شمولیت کے لئے ماس میڈیا آگاہی مہم شروع کریں
ٹاسک فورس کا اجلاس:
چیف سکریٹری کو ایئرپورٹ پر کم از کم 8 ڈیٹا انٹری آپریٹرز کی تعیناتی کی ہدایت
کمشنر کراچی کو بلوچستان کے علاقے تفتان سے آنے والے تمام زائرین کی جانچ کی ہدایت
محکمہ صحت کو ہدایت کی کہ وہ اس مقصد کے لئے ٹیسٹنگ کٹس کا بندوبست کریں۔

پالیسی فیصلہ

جمعرات (آج) کے علاوہ نیشنل اسٹیڈیم میں ہونے والے پی ایس ایل کے تمام میچز بغیر شائقین کے کرنے کا فیصلہ
کمشنر افتخار شہلوانی کو ہدایت کی کہ وہ اس فیصلہ کے بارے میں پی سی بی حکام کو آگاہ کریں۔ کمشنر نے اپنے موبائل فون پر پی سی بی حکام کو آگاہ کیا اور انہوں نے بھی اس فیصلے کا خیرمقدم کیا۔

سندھ کابینہ کا متفقہ فیصلہ

تعلیمی اداروں کو 30 مئی 2020 تک بند رکھنے کا فیصلہ
کابینہ نے شادیوں ، سماجی اور مذہبی اجتماعات سمیت ہر قسم کے اجتماع کی حوصلہ شکنی کرنے کی بھی تجویز
چیف سکریٹری کے ذریعے کمشنرز کو ہدایت کی کہ وہ مذہبی اسکالرز اور اقلیتوں کے رہنماؤں سے ملاقاتیں کریں اور اس پر بات کریں کہ موجودہ صورت حال میں مذہبی اجتماع کی کس طرح حوصلہ شکنی کی جاسکتی ہے۔

(13 مارچ)
اس تاریخ کا ڈیٹا نہیں مل سکا۔ یا پھر ہینڈآؤٹ جاری نہیں کیا گیا؟

(14 مارچ)

تمام اولیاء کرام کے مزارات و عرس تقریبات کی سرگرمیاں معطل ، شادی ہالز ، اور سینما ہالز بند کرنے کا فیصلہ کیا گیا
تدریسی عمل، مدارس ، تربیت گاہوں ، کلبوں میں شادی، عوامی اجتماعات تین ہفتوں تک یعنی 5 اپریل تک معطل کرنے کا فیصلہ
شادی کی تقریبات کو اپنے گھروں تک محدود رکھنے کا فیصلہ
چیف سیکریٹری کو ہدایت کی کہ وہ اس طرح کے اجتماعات پر پابندی عائد کرنے کا نوٹیفکیشن جاری کریں
زائرین کے نمونے کراچی لانے کیلئے وزیراعلیٰ سندھ نے اپنا ہیلی کاپٹر سکھر روانہ کیا
ورلڈ ہیلتھ آرگنائزیشن سمیت آغا خان اور انڈس اسپتال کے ماہرین کو سکھر بھیج کر سہولیات کا معائنہ کروانے کا فیصلہ
10 ملین ڈالرز کے ورلڈ بینک کے پروجیکٹ ’’ سندھ ریزلینس ‘‘ کو ’’ کورونا وائرس سپورٹ پروگرام ‘‘ میں تبدیل کرنے پر اتفاق
تمام مجوزہ رقم و ینٹی لیٹرز ، آکسیجن سلنڈرز ، بیڈ اور دیگر آلات کی خریداری کیلئے مختص کرنے کا فیصلہ
25 ملین ڈالرز مزید ورلڈ بینک کی جانب سے سندھ میں کورونا وائرس پر قابو پانے کیلئے مختص
ہدایات:
صوبائی ڈیزاسٹر مینجمنٹ اتھارٹی کو ہدایت کی کہ خاندانوں کاتعلقہ وائز ڈیٹا تیار کریں تاکہ کسی بھی ہنگامی یا لاک ڈاؤن کی صورت میں لوگوں کی مدد کی جاسکے
تمام مطلوبہ آلات سمیت ڈاکٹرز اور پیرا میڈیکل اسٹاف سے لیس 35 فیلڈ ہسپتال تیار کرنے کی ہدایت
پی ڈی ایم اے پر زور دیا کہ وہ قرنطینہ مراکز میں خوراک ، پانی اور دیگر اشیاء کا انتظام کریں۔
حال ہی میں تعمیر شدہ اسپتالوں کی عمارتوں میں ہر ضلعی ہیڈ کوارٹر میں قرنطینہ کے مراکز قائم کرنے کا فیصلہ
وزیرمحنت کو ہدایت کی کہ وہ حال ہی میں کوٹری ، نوری آباد ، حیدرآباد ، شہید بینظیر آباد میں تعمیر شدہ لیبر اپارٹمنٹس میں آئیسولیشن سینٹر کا قیام عمل میں لائیں ۔

وزیراعلیٰ سندھ کا آئیسولیشن سینٹر کا دورہ:

وزیر اعلیٰ سندھ سید مراد علی شاہ شہر کے نواح میں واقع ایک اسپتال گئے جہاں انہوں نے ایک نئے قائم شدہ قرنطینہ مرکز کا دورہ کیا۔ انہوں نے تمام بستروں کا جائزہ لیا اور انڈس اسپتال کے توسط سے نئی خریدی گئی فیکلئلیٹ سوف آکسیجن ، وینٹیلیٹر ، بستر اور دیگر سہولیات کا جائزہ لیا ۔
انڈس اسپتال کے پروفیسر ڈاکٹر باری نے وزیراعلیٰ سندھ کو انتظامات اور وہاں تعینات میڈیکل اور پیرا میڈیکل اسٹاف کے بارے میں بتایا۔ انہوں نے ہر ایک ضلعی ہیڈ کوارٹر میں اس طرح کی سہولیات / آئیسولیشن کے مراکز تیار کرنے کی ہدایت کی ۔

علمائے کرام کے ساتھ ملاقاتیں کرنے کی ہدایات:

وزیر اعلیٰ سندھ کی ہدایت پر وزیر اطلاعات سید ناصر شاہ نے وزیراعلیٰ ہاؤس میں مختلف مکاتب فکر اور فرقوں کے علماء سے الگ الگ ملاقاتیں کیں
علمائے کرام نے وزیراعلیٰ سندھ کے اقدامات کی تعریف کی اور انہیں اپنی حمایت کا یقین دلایا۔

(15 مارچ)

تشویشناک مریضوں کو گمبٹ انسٹی ٹیوٹ آف میڈیکل سائنسز منتقل کرنے کا فیصلہ

وزیراعلیٰ سندھ کا دورہ

وزیر اعلیٰ سندھ نے ایک لیبارٹری کا دورہ کیا جہاں کورونا وائرس ٹیسٹ کئے جا رہے تھے انہوں نے ٹیسٹنگ کے عمل کا مشاہدہ کیا اور کہا کہ انہیں اضافی کٹس مہیا کی جائیں۔

پہلے سے کام کرنے والی لیب کی استعداد کار کو بڑھانے کے لئے ضروری مشینری کی فراہمی کا حکم

جناح اسپتال کے ایک نئے قائم کردہ آئیسولیشن وارڈ کا بھی دورہ

وینٹی لیٹرز کی کمی کی شکایت پر وزیراعلیٰ سندھ نے فون پر چیف سکریٹری کو ہدایت کی کہ وہ جناح اسپتال کو وینٹی لیٹرز فراہم کریں ۔

عوامی آگاہی کیلئے جاری کردہ وڈیو پیغام

کھانسی، بخار، جسمانی درد یا سانس لینے میں دقت ہونے پر 02199204452، 02199206565 یا 03160111712 پر کورونا وائرس کنٹرول روم پر رابطہ کرنے کریں

نئے قرنطینہ مراکز

کمشنر کراچی کو ہدایت کہ وہ کراچی میں محکمہ لیبر کے فلیٹوں کو قرنطینہ مراکز میں تبدیل کریں
وزیراعلیٰ سندھ نے اس مقصد کے لئے 150 ملین روپے جاری کیے۔
انڈس اسپتال کو نئے وینٹی لیٹرز اور دیگر ضروری سازوسامان فراہم کرنے کی ہدایت کی۔

(16 مارچ)

وزیر اعلیٰ سندھ کا صوبے کے عوام پر زور کہ وہ سماجی اجتماع اور لوگوں سے ملنے سے گریز کریں، رضاکارانہ تنہائی کو اپنائیں جوکہ کورونا وائرس پر قابو پانے کا واحد حل ہے۔
کمشنر کراچی کی رپورٹ کے بعد ریسٹورنٹس اور ہوٹلز کو رات 9 بجے بند کرنے کی تجویز پر غور/عوام کو تنبیہ
عوامی اجتماعات ، شاپنگ مالز پر عوام کے ہجوم پر تشویش کا اظہار
لاک ڈاؤن کی صورت میں کریانہ ،سپر اسٹورز، سبزی، مرغی و مٹن کی دکانیں بند نہ کرنے کا فیصلہ

کمشنر کراچی اور آئی جی پولیس کو ہدایت کی کہ سینیٹائزر ، ڈیٹول اور ہینڈ واش ذخیرہ کرنے والے گوداموں پر چھاپے مارے جائیں اور انکےخلاف سخت کارروائی کی جائے۔
وزیراعلیٰ سندھ نے ویڈیو لنک کے ذریعے وزیر اعظم عمران خان سے کورونا وائرس کے مثبت رپورٹس شیئر کیے۔
سندھ اسمبلی کی مختلف سیاسی جماعتوں کے پارلیمنٹیرین سے اجلاس منعقد کیا اور انھیں اٹھائے گئے اقدامات پر اعتماد میں لیا۔

(17 مارچ)

صوبہ میں کورونا وائرس کے پیش نظر تمام سرکاری دفاتر(ماسوائے لازمی سروسز) جمعرات سے بند کرنے کا فیصلہ
کل سے 15 دن کے لیے تمام شاپنگ مالز ، سی ویو ، ریسٹورنٹس اور الیکٹرانک مارکیٹ ، پبلک پارکس بند کرنے کا فیصلہ
تمام اسپتالوں کی او پی ڈیز 15 دنوں کے لیے بند کرنے کا فیصلہ
ڈرائیونگ لائسنس برانچ کو بھی بند کرنے کا فیصلہ
بڑے ہوٹلز میں ریسٹورنٹس سروس بند اور آرڈرز پر کھانا گھروں کو بھیجنے کی ہدایت
انٹر سٹی بس سروس بھی پرسوں سے بند کرنے کا فیصلہ
وزیراعلیٰ سندھ کا 3 ارب روپے سے کورونا وائرس فنڈ قائم کرنے کا فیصلہ
فنڈ کی آڈٹ کیلئے پانچ رکنی کمیٹی قائم کرنے کا فیصلہ جس میں تین سرکاری اور دو نجی حکام شامل کرنے کا فیصلہ
سکھر قرنطینہ مرکز میں ہیلتھ اور پولیس سمیت دیگر عملہ کی حوصلہ افزائی، انعام مقرر
سکھر زائرین کے گھروں میں ایک ماہ کا راشن بجھوانے کا فیصلہ
ضلعی انتظامیہ کو ہدایت کہ وہ نئے تعمیر ہونے والے اسپتالوں ، آر ایچ سی، ٹی ایچ کیو اسپتالوں کی بطور آئسولیشن مراکز ڈکلیئر کریں
محکمہ صحت کو بھی ہدایت کی کہ وہ نیشنل انسٹیٹیوٹ آف ہیلتھ اسلام آباد میں تربیت کے لیے اپنے 3 لیب ٹیکنیشن بھیجیں ۔

سکھر لیبر کالونی کے ایک بلاک کو ایک بڑے ہسپتال میں تبدیل کرنے کا فیصلہ
محکمہ صحت اور محکمہ داخلہ کے افسران کو زائرین سے متعلق ذمہ داری تفویض کی
ایڈیشنل چیف سکریٹری داخلہ ڈاکٹر عثمان چاچڑ کو ایئرپورٹ حکام ، امیگریشن ، وفاقی حکومت اور دیگر صوبوں کے ساتھ رابطے کی ذمہ داری دی
سکریٹری آبپاشی ڈاکٹر سعید منگنیجو کو سکھر میں آئسولیشن سنٹر کی دیکھ بھال کرنے اور مریضوں کو منتقل کرنے اور دوائیوں کی فراہمی وغیرہ کے لئے ڈویژن کے مختلف اسپتالوں کے مابین رابطہ کا کام سونپا۔
ایڈیشنل سکریٹری صحت فیاض عباسی کو ایک اسپتال سے دوسرے اسپتال میں مریضوں کی نقل و حرکت کے لئے کوآرڈینیشن کرنے کا کام سونپا گیا ۔
صابن کی تقسیم:
چیف سکریٹری کو ہدایت کی کہ وہ دیہی علاقوں کی یونین کونسلوں کو 10 لاکھ صابن مہیا کریں
چیف سکریٹری پر زور دیا کہ وہ صابن کمپنیوں سے بات کریں اور صابن سبسڈی پر حاصل کریں
اسپتالوں کو فنکشنل بنانا:
چیف سکریٹری کو ہدایت کی کہ وہ تمام ضلعی ہیڈ کوارٹر ز اور تعلقہ ہیڈ کوارٹرز میں نئے تعمیر ہونے والے اسپتالوں کو فعال بنانے کے لیے تمام تر ضروری اقدامات کریں ۔

(18 مارچ)

ایکسپو سینٹر میں آئسولیشن مرکز کا قیام
وزیر اعلیٰ سندھ کی ہدایت پر کمشنر کراچی نے وفاقی حکومت سے ایکسپو سنٹر میں قرنطینہ سنٹر اور فیلڈ ہسپتال کے قیام کے لئے بات کی ہے۔ وفاقی حکومت نے اصولی طور پر اتفاق کیا ہے اور اس حوالے سے کچھ رسمی کاروائیاں زیر التوا ہیں جو شام کے آخر تک مکمل ہوجائیں گی۔
وزیراعلیٰ سندھ نے کمشنر کو ہدایت کی کہ وہ ایکسپو قرنطینہ سینٹر کیلئے بستروں اور دیگر ضروری سازوسامان کے لئے تمام تر انتظامات کریں۔
وزیراعلیٰ سندھ اور وزیراعلیٰ خیبر پختونخواہ کے درمیان ٹیلی فونک رابطہ
دونوں وزراء اعلیٰ نے باہمی مشورے سے طے کیا کہ کے پی کے سے سندھ آنے والی اور سندھ سے کے پی کے جانے والی مسافربسیں کل سے روک دی جائیں ۔

(19 مارچ)

COVID-19 خطرے پر قابو پانے کیلیے7.21 ارب روپے بشمول 6.9 ارب روپے محکمہ صحت کو اور باقی رقم کمشنر سکھر کو ریلیز کردئیے گئے
محکمہ صحت کو ادویات، سازوسامان، جنریٹرز، ڈائٹ چارجز، سینیٹائزرس، کٹس اور swabs کی خریداری کیلئے محکمہ صحت کو 6.9 ارب روپے جاری کیے ہیں۔
کمشنر سکھر کو 16.7 ملین روپے اور 15.1 ملین روپے جاری کردیئے تاکہ وہ لیبر کالونی میں قرنطینہ مرکز کی تیاری، سازو سامان کی خریداری، گاڑیوں کی خرید اری، خوراک کا معاوضہ اور زائرین کی مناسب دیکھ بھال پر خرچ کریں جوکہ تفتان سے یہاں دو مراحل میں پہنچے ہیں۔
محکمہ صحت نے وزیراعلیٰ سندھ کی ہدایت پر ٹیسٹنگ گنجائش بڑھا دی
انڈس اسپتال نے اپنی گنجائش 200 سے 800 تک بڑھا دی
ضیاءالدین نے 50 ٹیسٹ، ایس آئی یو ٹی نے 100، اوجھا نے 100 اور آغا خان نے 200 ٹیسٹ ایک دن تک بڑھا دی
ایس آئی یو ٹی میں ایک 23 بستروں کا قرنطینہ مرکز بنایا گیا ۔

(22 مارچ)

وزیراعلیٰ سندھ نے صحت سے متعلق اجلاس کیا جس میں لاک ڈاؤن کی جانب اشارا دیا

مخیر حضرات کو سرکاری فنڈ میں عطیہ دینے کی اپیل کی

کیسکو ، سیپکو ، اور کے الیکٹرک کو ہدایات دی ہیں کہ جن لوگوں کا بل 4000 روپے تک ہے اُن سے مہینہ کا بل نہ لیں۔

سیاسی جماعتوں کے قائدین سے ملاقات بھی کی انھیں اپنے فیصلوں میں مکمل تعاون کی یقین دہانی کروائی

صحت کی سہولیات کو بہتر بنانے اور ڈیلی ویجز پر کام کرنے والے مزدورو ں کی مالی معاونت کے لیے کورونا ایمرجنسی فنڈ قائم کیا
وزیراعلیٰ سندھ نے اپنے خصوصی ویڈیو پیغام بھی جاری کیا
’’سندھ حکومت کورونا ایمرجنسی فنڈ‘‘ اکائونٹ نمبر 03015594456100 سندھ بینک میں زیادہ سے زیادہ عطیات جمع کرانے کی درخواست کی

(23 مارچ)

وزیر اعلیٰ سندھ کی زیر صدارت ٹاسک فورس کے 26 ویں اجلاس
مقامی ٹرانسمیشن کو روکنے کے لئے لاک ڈاؤن کا سخت فیصلہ کیا گیا

اسپتالوں میں کورونا وائرس کے نمونوں کی ٹیسٹ کی مجموعی گنجائش 1200 یومیہ
وزیراعلیٰ سندھ نے آئی جی پولیس کو لاک ڈاؤن کو مزید سخت کرنے کی ہدایت کی۔
25 مارچ سے صوبائی حکومت کے ریٹائرڈ ملازمین کو پنشن دینے کیلیے محکمہ خزانہ کو ہدایت
ایل پی آر کی ان کیشمنٹ، گریجویٹی اور کیمیو ٹیشن ادائیگیاں روک دی۔

88 سالہ ریٹائرڈ شخص نے کورونا وائرس فنڈ کے لیے 1 ملین روپے کا چیک وزیراعلیٰ دیا۔
وزیراعلیٰ سندھ نے وفاق کو ایک خط لکھ کر صوبے کی ماہانہ کٹوتیاں نہ کرنے کی درخواست کی۔

(24 مارچ)

لیبر کالونی سکھر کے زائرین کو ایس او پی پر عمل کرنے کا پابند کیاگیا
محکمہ صحت نے کورونا کیس میپنگ کا آغاز کیا
انڈس اسپتال کی 18 موبائل کلینک گاڑیاں نمونے لینے کے لیے فراہم کی
تمام دکانیں بشمول کریانے کی دکانیں رات8 بجے سے صبح 8 بجے تک بند رہنے کی ہدایت
میڈیکل اسٹور کھلے رہنے،تمام بڑی صنعتیں بند اور بینکوں کی کچھ برانچز کھولنے کی ہدایت
100 مشینیں خریدنے کے لیے بورڈ کو خریداری کرنے کے احکامات دے دیئے؛
یومیہ اجرت اور دیگر مستحق افراد کی دیکھ بھال کے لئے مالی امداد / راشن فراہم کرنے کا فیصلہ
وزیر توانائی امتیاز شیخ کی سربراہی میں چار رکنی کمیٹی تشکیل
وزیراعلیٰ سندھ نے ڈویژنل انتظامیہ کو341 ملین روپے جاری کردیئے

(25 مارچ)

وینٹیلیٹر ، پی پی ایز ، ریپڈ کٹ اینٹیجن ٹیسٹ مشینیں ، ٹیسٹنگ کٹس ، آر ٹی لیمپ ٹیسٹنگ مشینیں اور آر ٹی لیمپ کٹس اور پورٹیبل ایکس رے مشینیں خریدنے کی منظوری دی
صحت کی 7 سہولیات کی جانچ کی مشینیں صوبے کی اسپتالوں کو مہیا کی گئیں
ملیر کے 100 زائرین کے نمونے ٹیسٹ کیلیے بھیجنے کی ہدایت
2366 نرسوں کو آفر آرڈر جبکہ 1000 ڈاکٹروں اور 500 لیب ٹیکنیشنوں کو بھرتی کرنے کی ہدایت
چینی حکومت نے سندھ حکومت کو پانچ لاکھ فیس ماسک عطیہ کیے
وزیراعلیٰ سندھ کا سیلانی ہیڈ آفس کا دورہ ، راشن پیکنگ سسٹم کا معائنہ

(28 مارچ)

سندھ بھر میں تمام آلات و سہولیات سے آراستہ 14 سی سی یو قائم کرنے کا فیصلہ
تمام دکانیں سمیت کاروباری سرگرمیاں شام 5 بجے سے بند کرنے کا فیصلہ

(30 مارچ)

وزیراعلیٰ سندھ نے عوام سے سماجی دوری کو اختیارنے کرنے کا پیغام دیا

نماز جمعہ کے دوران مساجد کے پیش اماموں اور دیگر کے خلاف درج تمام ایف آئی آرز واپس لینے کی ہدایت

تمام جماعتوں سے مکمل تفصیلی غور و خوض کے بعد اجتماعات کو محدود کرنے کا فیصلہ

(31 مارچ)

وفاق کے ماتحت نادرا اور پی ڈی ایم اے سے مطلوبہ ڈیٹا لینے کی ہدایت
(یکم اپریل)

وزیراعلیٰ سندھ کی جانب سے کورونا کے مقامی منتقلی کے کیسز کے اضافہ پر شدید تشویش کا اظہار
وزیراعلیٰ سندھ نےوفاق کی جانب سے فلائٹ آپریشن شروع کرنے کیلیے ایس او پی تیار کرنے کی تجویز
وفاق کی جانب سے صوبے میں سامان کی آمدورفت پر پابندی عائد کرنے کے تاثر کو وزیراعلیٰ سندھ نے رد کردیا
وزیراعلیٰ سندھ نے 14 اپریل تک لاک ڈاؤن جاری رکھنے کی تجویز کی حمایت

(3 اپریل)

وزیراعلیٰ سندھ کی جانب سے 18 دنوں کے دوران کیسز میں 87 فیصد اضافہ پرتشویش کا اظہار
وزیراعلیٰ سندھ نے وفاق کو اجتماعی کاوشوں کے ساتھ کام کرنے کی تجویز پیش کی
ماہرین کے اعتراض پر وزیراعلیٰ سندھ نے وفاقی ٹیسٹنگ کٹس کو غیر تسلی بخش قرار دے دیا
تھیلیسیمیا مریضوں کو خون کی فراہمی کیلئے محکمہ صحت کے رینجنل بلڈ بینک کو ضروری ہدایات
تمام ضلعی اسپتالوں کےاضافی وینٹی لیٹرز اور دیگر سازوسامان کو ٹریٹری کیئر ہسپتالوں کے دینے کی ہدایت
رائے ونڈ سے تبلیغی جماعت کے بیشتر افراد میں کورونا وائرس کی مثبت رپورٹ پر ضروری ہدایات

(4 اپریل)

ممتاز صنعتکار اور برآمدکنندگان سے وزیراعلیٰ ہاؤس میں اہم ملاقات
صنعتی برآمدگی کو انکے ایکسپورٹ آرڈر کے پیش نظر سہولت پر اتفاق
لاک ڈاؤن کو فوری طور پر واپس نہیں لیا جاسکتا ہے لیکن 14 اپریل کے بعد اس میں نرمی لائی جاسکتی ہے۔
مزدور کالونیاں رکھنے والی فیکٹریز/صنعتوں کو جزوی کھولنے یا کام کرنے کی اجازت پر اتفاق
چھوٹے تاجروں نے ملازمین کی تنخواہوں کیلیے وزیراعلیٰ سندھ سے قرض کی استدعا
وزیراعلیٰ سندھ سے 14 اپریل سے لاک ڈاؤن میں توسیع نہ کرنے کی درخواست

(5 اپریل)

کورونا وائرس ایمرجنسی فنڈ سے فیلڈ اسپتال ایکسپو سینٹر کیلیے 2 کروڑ 85 لاکھ روپے استعمال کیے گئے
ایس او پی تیار کرنے کیلئے ماہرین اور قانون نافذ کرنے والے اداروں پر مشتمل ایک کمیٹی تشکیل
14 کے اپریل کے بعد لاک ڈاؤن میں نرمی کی صورت میں فیکٹریوں کو چلانے کے لئے ایک ایس او پی پر کام کیا جائے۔

(6 اپریل)

ہر ضلعی ہیڈکوارٹر میں آئسولیشن سینٹرز یقینی بنانے کی وزیراعلیٰ سندھ کی ہدایت
سٹی اسپتال میں آئسولیشن اور کراچی کے 6 اسپتالوں میں آئی سی یو قائم کرنے کا فیصلہ
حیدرآباد ، سکھر ، گمبٹ ، خیرپور اور شہید بینظیر آباد میں آئسولیشن کی سہولت قائم کرنے کا فیصلہ
لیاقت یونیورسٹی حیدرآباد، چانڈکا میڈیکل کالج لاڑکانہ، غلام محمد مہر میڈیکل کالج اسپتال سکھر میں آئسولیشن مرکز اور آئی سی یو قائم کرنے کا فیصلہ
خریداری: وزیراعلیٰ سندھ کو بتایا گیا کہ خریداری کمیٹی نے 200 تھرمل گن ،وائٹل سائن 50 مانیٹر ، 1000 ملی لیٹر کے 10000 سینیٹائزر ، 200 سرنج پمپ ،17 بی آئی پی اے پی سسٹم ، ریسوچن ٹیبلیٹ کے 300 پیکٹ ، آکسیجن سلنڈرز ، ریگولیٹرز ،ٹائویک سوٹ ،سینیٹائزرز کے لئے پمپ ، بائیو ہیزر بیگ ، تشخیصی نظام کے ساتھ پی سی آر کٹس ،ایکسٹریکشن کٹس ، وی ٹی ایم ، سی آر سسٹمز ، سکشن مشینیں خریدنے کی منظوری دی۔
وزیر اعلیٰ سندھ نے کہا کہ یہ متعلقہ ڈاکٹروں کی جانب سے مطلوبہ مٹیریل جس کی منظوری ماہرین پر مشتمل خریداری کمیٹی نے دی ۔ ان کی ادائیگی ایمرجنسی فنڈ کمیٹی کے ذریعہ ہوگی جس میں چیف سکریٹری ، فیصل ایدھی ، مشتاق چھاپرا ، ڈاکٹر باری اور سیکرٹری خزانہ شامل ہیں ۔
بی پی اپریٹس ، اسٹیتھوسکوپس ، 3 ایم سرجیکل ماسٹس ، وینٹیلیٹر ، مانیٹر ، موبائل ایکس رے اور ای سی جی مشینیں ، پی سی آر مشینیں ، آئی سی یو بیڈ ، انکینیٹرز ، پی سی آر مشینیں اور پوائنٹ آف کیئر مالیکیولر تشخیصی نظام خریدنے کا بھی فیصلہ کیا گیا۔

(7 اپریل)

نجی اسپتالوں کے مالکان اور چیف ایگزیکٹو افسران کا وزیر اعلیٰ سندھ سے 14 اپریل کے بعد لاک ڈاؤن میں توسیع کی اپیل

(8 اپریل)

چین کے 9 رکنی طبی ماہرین کے وفد کی وزیراعلیٰ سندھ سے ملاقات
وزیراعلیٰ سندھ کا وفاقی حکومت کو دیگر ممالک سے آنے والے کو قریبی ہوٹل میں آئسولیشن میں رکھنے کی تجویز
وزیراعلیٰ سندھ نے وفاقی حکومت کو پوسٹ لاک ڈاؤن کے عرصے کیلئے ایس او پی جاری کرنے کی بھی تجویز کی
شب برات کے موقع پر وزیراعلیٰ سندھ کاعوام کو اپنے گھروں میں رہتے ہوئے ملک و قوم اور وبا کے خاتمہ کیلیے دعائیں کرنے کی اپیل بھی مراد علی شاہ نے کی

اسلام آباد:کرونا کےسامنےدنیا ڈھیرہوگئی،لاک ڈاؤن سےملکی معیشت کو بہت نقصان ہوا،اثرات بہت دیرتک رہیں گے،اللہ ہماری مدد فرمائےم،اطلاعات کےمطابق وزیراعظم عمران خان نے کہا ہے کہ لاک ڈاؤن کے اثرات پوری دنیا پر پڑ رہے ہیں، اس سے ملکی معیشت کو بھی بہت نقصان ہوا، اثرات بہت دیر تک رہیں گے۔

نجی ٹیلی وژن کیساتھ گفتگو کرتے ہوئے وزیراعظم کا کہنا تھا کہ کورونا وائرس کی صورتحال کے پیش نظر امریکا نے 2200 اور جاپان نے ایک ہزار ارب ڈالر کا پیکج جبکہ پاکستان نے 8 ارب ڈالرکا پیکج دیا ہے۔ ہم نے ہسپتالوں پر جتنا خرچ کرنا چاہیے تھا، اتنا نہیں کیا۔

عمران خان کا کہنا تھا کہ 14 روز میں 144 ارب روپے ایک کروڑ 20 لاکھ افراد میں تقسیم کرنے ہیں۔ پیسے کی تقسیم میں کوئی سفارش کوئی سیاسی وابستگی نہیں چلتی۔ ہم سب سے مستحق لوگوں کو پہلے دے رہے ہیں۔ان کا کہنا تھا کہ ہماری طاقت نوجوان آبادی ہے۔ کورونا کے 5 فیصد مریضوں کو ہسپتال جانے کی ضرورت ہوتی ہے۔ جتنی احتیاط کی جائے گی، کورونا وائرس کم پھیلے گا۔ اس وبا کے خلاف جنگ کا ساری قوم کے ساتھ مل کر ہی مقابلہ ہو سکتا ہے۔

وزیراعظم نے افسوس کا اظہار کرتے ہوئے کہا کہ بدقسمتی سے صحت کے شعبے پر کوئی توجہ نہیں دی گئی۔ کیا جو ملک ائٹم بم بنا سکتا ہے کہ وہ وینٹی لیٹر نہیں بنا سکتا؟ ہمارے ملک میں کٹس یا ماسک بنانا کوئی مشکل نہیں تھا لیکن ہمیں ہر چیز باہر سے منگوانے کی عادت پڑی ہوئی ہے۔ان کا کہنا تھا کہجب بھی ملک پر کوئی آفت آئی پاکستانیوں نے بڑھ کر مدد کی۔ میں نے 2005ء کے زلزلے اور جب سیلاب آیا، اس میں کام کیا تھا۔ فنڈز اس لئے اکٹھا کیا جا رہا ہے کہ مشکل وقت میں لوگوں کی مدد کر سکیں۔

انہوں نے عوام سے درخواست کرتے ہوئے کہا کہ ایک دم اتنے کیس بڑھ جائیں تو امیر ترین ملک بھی سنبھال نہیں سکتے۔ لوگ اگر احتیاط کریں گے تو ہم اس وبا سے نکل جائیں گے۔ جو محدود، وہ محفوظ ہیں۔ جتنی احتیاط کریں گے، کورونا کم پھیلے گا۔ کوئی نہیں کہہ سکتا 2 سے 6 مہینے کے بعد کیا ہوگا۔

کرونا سے نمٹنے کیلیے ناکافی اقدامات، چیف جسٹس نے لیا پہلا از خود نوٹس

باغی ٹی وی کی رپورٹ کے مطابق چیف جسٹس آف پاکستان نے کورونا وائرس سے نمٹنے کیلئے ناکافی سہولت پرازخود نوٹس لے لیا ہے

چیف جسٹس گلزار احمد نے کہا ہے کہ وباسے نمٹنے کیلئے کیا اقدامات اٹھائے گئے؟ اسپتالوں میں کیا سہولیات ہیں؟،کورونا وائرس سے متعلق ازخود نوٹس کی سماعت 13 اپریل کو ہوگی،چیف جسٹس کی سربراہی میں 5رکنی لارجر بینچ سماعت کرے گا،اٹارنی جنرل، سیکریٹری صحت اور وزارت داخلہ کو نوٹسز جاری کر دیئے گئے،چاروں صوبائی ایڈووکیٹ جنرلز اور چیف سیکریٹریز کو بھی نوٹس جاری کر دیئے گئے.

میٹنگ میٹنگ ہو رہی ہے، کام نہیں ، ہسپتالوں کی اوپی ڈیز بند، مجھے اہلیہ کو چیک کروانے کیلئے کیا کرنا پڑا؟ چیف جسٹس برہم

ڈاکٹر ظفر مرزا کی کیا اہلیت، قابلیت ہے؟ عوام کو خدا کے رحم و کرم پر چھوڑ دیا گیا ، چیف جسٹس

قیدیوں کی رہائی کیخلاف درخواست پر سپریم کورٹ کا فیصلہ آ گیا، بڑا حکم دے دیا

لاک ڈاؤن کی خلاف ورزی پر کتنے عرصے کیلئے جانا پڑے گا جیل؟

کرونا وائرس، پارلیمنٹ کا مشترکہ اجلاس بلانے کا مطالبہ، رکن اسمبلی کا بیٹا بھی ووہان میں پھنسا ہوا ہے، قومی اسمبلی میں انکشاف

کرونا وائرس سے کس ملک کے فوج کے جنرل کی ہوئی موت؟

ٹرمپ کی بتائی گئی دوائی سے کرونا کا پہلا مریض صحتیاب، ٹرمپ نے کیا بڑا اعلان

کرونا کیخلاف منصوبہ بندی، پاکستان میں فیصلے کون کررہا ہے

واضبح رہے کہ قیدیوں کی رہائی کے حوالہ سے کیس کی سماعت کے دوران سپریم کورٹ کے چیف جسٹس گلزار احمد نے کہا تھا کہ حکومت کو آٹے اور چینی کا مسئلہ بنا ہوا ہے،حکومت خود اپنے لیے مسائل کھڑے کر رہی ہے،کورونا سے لڑنے کیلئے ہنگامی قانون سازی کی ضرورت ہے،عدالت نے تفتان، چمن اورطور خم کے مقام پر فوری قرنطینہ بنانے کا حکم دیتے ہوئے کہا کہ یہ وبا بورڈز اور ان داخلی راستوں سے آئی،حکومت ان داخلی راستوں پر قرنطینہ سنٹر بنانے میں ناکام رہی، ان قرنطینہ سنٹرز پر ہزار لوگوں کی گنجائش رکھی جائے،انفرادی رہائش واٹر سپلائی اور صاف ٹوائلٹس بھی فراہم کیے جائیں،قرنطینہ سنٹرز میں ایمرجنسی میڈیکل سینٹرز بنائے جائیں قرنطینہ لوگوں کیلئے انسانی حقوق اور خوراک کی فراہمی یقینی بنائی جائے،

عدالت نے حکومت کو ایک ماہ میں بورڈز پر قرنطینہ سینٹرز بنانے اور مکمل فعال کرنے کا حکم دیتے ہوئے کہا کہ ایک ماہ میں حکومت عدالت میں پیش رفت رپورٹ جمع کرائے،اگر عدالتی حکم پر عمل نہ کیا گیا تو توہین عدالت کی کاروائی کی جائے گی،

 

پیسہ حقداروں تک پہنچنا چاہئے، حکومت نے یہ کام نہ کیا تو توہین عدالت لگے گی، سپریم کورٹ

پنجاب میں لاک ڈاؤن میں توسیع ہو گی یا نہیں؟ کیا تجویز سامنے آ گئی

باغی ٹی وی کی رپورٹ کے مطابق کرونا وائرس کے مریضوں میں اضافے کے باعث پنجاب حکومت نے لاک ڈاؤن میں توسیع کی سفارش کی ہے

پنجاب حکومت نے کرونا وائرس کے حوالہ سے بنائی گئی قومی رابطہ کمیٹی کو لاک ڈاؤں میں ایک ہفتے کی توسیع کی سفارش کی ہے ، وفاقی حکومت کی جانب سے منظوری کے بعد لاک ڈاؤن میں توسیع کا اعلان کیا جائے گا.

پنجاب حکومت مزید ایک ہفتے کے لئے لاک‌ ڈاؤن چاہتی ہے،، پنجاب میں جزوی لاک ڈاؤن کی مدت 14 اپریل کو ختم ہو رہی ہے ، اگر لاک ڈاؤن کی مدت میں اضافہ ہوا تو پنجاب میں لاک ڈاؤن 21 اپریل تک جاری رہے گا، حتمی فیصلہ وفاقی حکومت کی جانب سے بنائی گئی رابطہ کمیٹی کرے گی.

دوسری جانب سندھ کے صوبائی وزیر اطلاعات ناصر حسین شاہ کا کہنا ہے کہ وزیراعظم نے 14اپریل تک لاک ڈاوَن کو مزید سخت کرنے کی ہدایت کی ہے.لاک ڈاوَن پر سختی سے عمل کرائیں گے،ہم تو پہلے دن سے کہہ رہے ہیں کہ لاک ڈاوَن پر سختی سے عمل کیا جائے ،پاکستان میں اپریل کے آخر تک کیسز کی تعداد میں اضافے کا خدشہ ہے،ہر ہفتے تیزی سے کورونا وائرس کے کیسز میں اضافہ ہورہا ہے،احساس پروگرام میں زیادہ تر ڈیٹا بے نظیر انکم سپورٹ پروگرام کا ہے،کاروباری اداروں کا بھی ہم نے خیال رکھنا ہے،لاک ڈاوَن بڑھایا جاسکتا ہے اور اس پر عمل بھی ہوگا،

طبی عملے کو یقین دہانی کرواتے ہیں کہ انکے ساتھ ہیں، وزیراعظم کی پشاور میں گفتگو

باغی ٹی وی کی رپورٹ کے مطابق وزیراعظم عمران خان نے پشاور میں میڈیکل کمپلیکس کا دورہ کیا ہے اور مریضوں سے علاج معالجے کے حوالہ سے آگاہی لی

وزیراعظم عمران خان سرکاری دورے پر آج پشاور پہنچے تو گورنر شاہ فرمان اور وزیراعلیٰ محمود خان نے استقبال کیا، اس موقع پر کورونا وائرس سے حفاظتی اقدامات کے پیش نظر مصافحہ نہیں کیا گیا۔ شہریار آفریدی اور وفاقی وزیر اسد عمر بھی وزیراعظم کے ہمراہ تھے۔

وزیراعظم عمران خان پشاور میڈیکل کمپلیکس پہنچے جہاں ان کو پشاور سمیت صوبے بھر میں کورونا مریضوں کے علاج معالجے کی سہولیات سے متعلق بریفنگ دی گئی اور طبی عملے کے تحفظ سمیت احتیاطی تدابیر سے بھی آگاہ کیا گیا۔

پشاور میڈیکل کمپلیکس میں بریفنگ کے دوران وزیراعظم کو ہسپتالوں میں کورونا وبا کیلئے کئے گئے حکومتی اقدامات سے متعلق تفصیلی طور پر آگاہ کیا گیا، شہروں میں لاک ڈاون کے اثرات اور عوام کو درپیش مسائل پر بھی بریفنگ دی گئی۔ وزیراعظم نے اشیائے ضروریہ کی فراہمی ہر صورت ممکن بنانے کی ہدایت کی۔

اس موقع پر وزیراعظم عمران خان کا کہنا تھا کہ زندگی میں رسک لینا بہت اہم ہے، میں نے اپنی 20 سالہ عالمی کرکٹ کی تاریخ میں دیکھا ہے کہ جو رسک نہیں لیتے وہ کامیاب نہیں ہوتے، چانس لینے والا ہی کامیاب ہوتا ہے،مشاورت چل رہی ہے،لاک ڈاؤن میں نرمی کا فیصلہ 14اپریل کوکریں گے 14 اپریل کوفیصلہ کریں گے کون سے شعبے کھولنے ہیں۔ طبی عملے کو یقین دہانی کرواتا ہوں کہ ہم ان کے ساتھ ہیں،پااکستان میں مریضوں میں اضافہ ہونے سے طبی عملے پر پریشر بڑھ سکتا ہے، ہماری ساری توجہ مریضوں، طبی عملے اور غریب افراد پر ہے،پاکستان کی تاریخ میں سب سے بڑا احساس پروگرام شروع کیا ہے جو اس سے قبل کسی بھی حکومت نے شروع نہیں کیا تھا، ایک کروڑ 20 خاندان کو ہم 12 ہزار روپے دیں گے،